孖沙茶餐廳 (已結業)

上環區的上班族，如果食開外賣飯盒的，應該會聽過「孖沙茶餐廳」，我喜歡叫佢做「媽叉」。孖沙茶餐廳卻並非位於孖沙街，而是隔離的禧利街，屬家庭式經營，日間是出名的「蛇竇」，好多Sales屎會路過飲杯奶茶，而我多數在午飯時段來，為免等位，我通常都買外賣回公司吃。孖沙賣的餐最大特色是多油、肥膩、多飯、有鑊氣，所以一定吃得飽，可以稱之為勞工飯。俗稱「三眼仔」的三蛋叉燒（或午餐肉）飯，是這店名物，三隻半生熟太陽蛋，加兩大片餐肉，落大量豉油，夠邪惡吧，又只是29元，去邊度搵呀!有時工作辛苦，是要邪惡一下，補充體力，所以點肥都要間中食一次，食完頓覺很飽滿，好滿足！