孖寶車仔麵

營業中

休息中

住新界嘅朋友相信對葵廣都一定唔陌生，可以話係大家兒時嘅回憶：因為啲嘢食又平又抵又大份又好味🥰🥰🥰裏面仲有好多店舖可以行😍😍😍對於學生時期冇乜錢嘅我哋來講簡直係天堂🤑🤑🤑今日就同男朋友行吓葵廣，行完覺得肚餓，就去地下果層掃街搵嘢食！想食車仔麵就嚟咗呢一間孖寶車仔麵度食啦！😎😎一如以往呢度超多人超熱鬧！今次同男朋友各人嗌咗一個三餸麵再加一杯嘢飲，買單都淨係$100 🤑🤑🤑直頭抵食到爛！佢嘅三餸麵每人$46熱飲免費，凍飲加兩蚊！都吸引咗唔少打工仔嚟食！又平又抵！佢仲有菜甫俾大家撈麵嚟食，車仔麵配菜甫絕對唔可以缺少🥳🥳🥳我就叫咗腩汁油面，蘿蔔，腩肉，雞中翼三隻餸🥰佢啲蘿蔔好入味10分抵叫！🤪🤪腩肉就略嫌少咗啲，但雞中翼又係整得好入味，配埋腩汁底嘅油面簡直一流🥰大家仲可以叫佢腩汁另上🥰男朋友就叫咗粗麵，沙嗲牛肉，豬頸肉，菜肉雲吞🥳🥳沙嗲牛肉佢啲汁多到可以撈晒成碗面🥰豬頸肉正常發揮，煎過先放上碟幾好食！😋😋菜肉雲吞就真係不得了🥰🥰肉唔會好少，撈埋沙嗲牛肉嘅汁食真係一流😋😋

葵涌廣場有一間屹立多年嘅車仔麵店 長期都勁多人 每次經過都好想試 但係因為葵芳太多美食次次都食飽咗 冇機會 今次終於有機會試啦 車仔麵啲餸選擇多 而且連個湯都有好多選擇 揀咗秘製汁同埋特製辣汁 揀咗以下幾款午餐肉 生菜 包心蟹籵丸 蘿蔔配烏冬 呢幾樣野都非常之入味同埋好食 烏冬爽口彈牙 午餐肉係煎過 非常之香口另外一碗揀咗秘製汁多腩汁 秘製汁係出邊食唔到嘅咁好味 魚肉春卷 生菜 蘿蔔 牛腩配出前一丁 個面吸啲汁真係不得了 凍奶茶 估唔到一間車仔麵嘅奶茶都咁出色 我覺得好味過出邊大部份茶餐廳 非常之香濃嘅奶味同埋茶味

葵涌廣場地下好多嘢食，平時朝早都成日幫襯孖寶買早餐，呢日收工屋企冇飯食，就嚟試埋佢地嘅晚市。孖寶車仔麵有幾個堂食舖位，七點左右嚟到，已經接近坐滿，好多人！價錢都幾抵！三餸車仔麵連熱飲$46，加餸每款$8；秘製汁/腩汁/清湯/蔥花都係免費；沙嗲汁/辣汁+$2。車仔麵麵底仲可以轉飯/腸粉，除咗車仔麵仲有其他小食，都幾多選擇！🌪四餸車仔一丁 $57好多款餸都想食，結果揀咗四餸😂麵底轉埋出前一丁👏🏻我叫咗五香肉丁/魚肉春卷/牛柏葉/金菇+出前一丁公仔麵+秘製汁。大大碗好豐富👍🏻牛栢葉爽脆彈牙；五香肉丁份量好多，一啲都唔孤寒；魚肉春卷少少脆皮，食落啖啖肉；金菇一大撮，好似食極都有咁😂出前一丁嘅軟硬到煮得啱啱好！麵質保持爽口彈牙！枱面仲有菜脯同辣菜脯可以調味😋🌪滷水雞翼 $20超抵食喎！廿蚊五隻！雞翼好入味，滷水甜甜地唔會太鹹，雞翼肉質嫩滑🤤🌪熱檸水 (跟餐免費)好多時都飲到啲苦澀熱檸水好掃興，呢到嘅熱檸水冇苦澀味！我鐘意呀！

唔想掃街想坐低食，孖寶車仔麵會係一個好選擇～三餸車仔麵套餐$46仲要送熱飲，凍飲就要加$3。我揀咗爆漿肉丸、蘿蔔、雞翼同埋豬頸肉米粉，仲要加咗沙嗲汁添，沙嗲汁香濃美味，蘿蔔鬆化無根，滷水雞翼同埋豬頸肉都相當入味。朋友另一碗揀咗蘿蔔、豬油渣、豬皮同埋豬紅沙嗲汁烏冬，豬油渣非常香脆～之後我哋仲加咗$10魚蛋，有八粒，唔辣嘅，個醬汁又係好濃勁好味😋簡直想每一粒魚蛋都要响d汁入面游水。整體來講，孖寶車仔麵會喺葵廣想坐低食嘅一個唔錯嘅選擇。

每次講起葵廣，大家都會聯想起掃街，但今次不是向大家推介小食，而是車仔麵。朋友本身住在葵芳附近，他大力推薦這間孖寶車仔麵～當日接近三點來到，但堂食和外賣也要等，感覺很受歡迎😋——————————🔸滷水雞翼 一上菜，已經被賣相吸引著，滷水汁充分滲入雞翼中，好像滷咗一段時間，而且隻隻都很大隻👍🏼果然雞翼非常入味，這裏的滷水汁是我喜歡的甜度😍好食到想再encore幾隻呀！🔹車仔麵我們叫了三餸麵套餐，我選了豬大腸、五香豬頸肉和咖喱魷魚，配河粉和秘製汁。但上菜後發現少了咖喱魷魚🙈變成回鍋肉🤧不過這三款我都覺得很高水準，特別是豬大腸，洗得很乾淨，裏面沒有太多肥膏，還有煮得很有軟腍入味，越嚼越香😋😋而秘製汁是咖喱色，飲起來會有點辣，做車仔麵的湯底的確很惹味～～朋友則選了牛腩、滷水豆腐和魚肉春卷，配手打麵和腩汁。他特別喜歡這裏的滷水豆腐，因為豆腐吸收了滷水汁的甜味，裏面不再是白色，而一咬滷水汁隨之爆開，好好食😋牛腩煮得幾軟腍，不需要太大力咬👍🏼魚肉春卷有兩大條，食起嚟真的有魚肉味，正呀😋😋手工麵相對特別啲，有點似烏冬的質感，這樣就不怕索晒湯底😊

今日約咗朋友去葵廣買野，咁就順便喺嗰度食埋晚餐，見到呢間車仔麵都幾多人食咁就試下佢。$46三餸包熱飲，凍飲加$3，另外嗌左個小食share。先黎一碗生菜魚肉湯，好有懷舊風味，魚湯鮮甜唔腥，最正係夠晒熱，比起出面小食店大碗好多，魚肉好足料。油麵爽口煙韌配埋秘製汁有啲咖喱既味道，夠晒濃郁美味，perfect match。咖喱魷魚另外用一個碗分開上，呢個做法可以令到啲味更濃郁，外面啲車仔麵放埋一齊，浸完湯啲魷魚都冇晒味。牛雜雖然要加$4 ，但係物有所值，牛膀牛肺牛肚仲有腸，全部煮得好入味，比起專賣牛雜嘅舖頭都唔失色。豬頸肉肉質軟嫩，配上秘製汁香濃可口又入味，必食之選，另外豬大腸唔腥之餘口感柔韌。雞翼啲肉好易咬開，普通正常水準。凍檸茶走甜都幾澀，唔錯。店舖裝修普通不過勝在有好多特色掛牌，好有懷舊風，食物質素亦高，任何時候都好岩食。

夜晚嚟到葵廣實在諗唔到食咩好，掃街又怕小數怕長計，始終都係要有啲澱粉質落肚先至瞓得着，行到最底層搵到有一間車仔麵一於就醫下肚啦😂😂😂😂😂😂😂車仔麵係人都食過所以重點都係點樣配搭可以食得出最好味，經過我本人嘅分析想達到最龍尾嘅狀態首先就要叫多啲有味嘅嘢食。就例如咖喱魷魚，神奇地呢一度嘅咖喱魷魚就並唔係咖喱同魷魚咁簡單，可能醃製夠晒耐所以魷魚本身會滲透少少汁液而裏面亦都包含咗咖喱係入面，係入味嘅另外當然要叫一啲有腩汁餸嘅嘢食例如牛肚同埋牛腩，以前喺銅鑼灣某個地方食過咖喱牛腩，所以呢兩個汁絕對係冇衝突，林尾再叫多個招牌嘅魚肉春卷。啖啖肉之餘又可以令到成個湯底充滿咗咖喱味同埋腩汁，實在夠晒味道🤞🏾🤞🏾🤞🏾，唔健康都係咁話一定要飲埋啲湯先係完成一碗夠晒正宗嘅車仔麵😂😂😂

車仔麵絕對係香港嘅一個特色，不過而家多咗好大嘅自由度比食客揀選自己最鍾意嘅配搭。即使係車仔麵店都可以有着一個好大嘅分別，由昔日嘅藞䕢麵到而家越嚟越講究呢一個進展真係令人拭目以待葵廣呢兩個字相信已經係香港人心目中成為左一個夜市般嘅廣場，裏面實在有太多嘢食可以揀，不過今次決定要食返最有香港味道嘅嘢食。呢間孖寶車仔麵裏面大部份食材都係大家有接觸過，而我今次就揀選左車仔麵嘅靈魂就係右面，二餸菜方面就要左豬皮同牛腩，兩者都同面息息相關。只呢一度嘅油面既有少少蛋香味另外亦保持口感飽滿，就唔會因為索得湯太多而發漲。另外豬皮當然就係要大大片又要爽口，即使吸左湯嘅靈魂但依然保持獨有嘅風味，最後牛腩唔可以少得腩汁嘅幫助，同時又可以增強湯底唔太單一。表面真係好簡單，但我女所包圍嘅正正就係原始嘅味道

今日唔想掃街就去食良心車仔麵！心大心細最後揀左滷水雞髀！有手工麵當然要試下！老闆仲推介佢地嘅秘製醬汁～隻雞髀手掌咁大隻！！仲好貼心提供膠手套比我哋食雞髀～滷得好好味，又唔會太咸！雞肉又滑又嫩！至於手工麵好煙韌，配埋個汁又真係好好惹味！咁大碗麵有雞髀都只係$36好抵食！

收工後沿經葵芳地鐵站諗起好耐無食過車仔麵於是就去左葵廣地下果層基本我諗都出哂名💛有愛既車仔麵.去到大家記得寫紙仔量體溫做足要求先入去廢事攪著店家.一坐低由於已經9:30pm關係好多餸都已經sold out本人特別推介佢地既1. 蘿蔔2. 魚肉春卷3. 豬頸肉4. 豬大腸 (肥既，但鐘意既會鐘意）5. 魚蛋（陳皮魚蛋黎架！）6. 豬紅.由於以上列出既都差唔多無哂我就嗌左1. 金菇2. 豬紅3. 花枝丸油麵底加孖寶秘製辣汁(有小辣選擇。相當體貼）佢既沙嗲汁都差架🤤熱飲唔洗+$, 多謝$46蚊雞食飽飽.說時遲那時快速度上麵油麵質感岩岩好唔會太林金菇就金菇😹豬紅夠滑係花枝丸食得出雪味🤔湯底就唔洗講啦秘製辣汁super!.黎開既朋友都知道尼度係免費任加菜莆有辣有唔辣任君選擇佢d 菜莆真心無得輸高納就高納死就死la阻止唔到我喪落既興奮.any肥大家記得店家準時收晚市10點唔想累街坊食完彭彭聲逃跑大滿足🤩

又係葵廣，今次食嘅係車仔麵，去嘅時間比較早，不過都同大家分享下食評！車仔麵就是傳統香港的地道食品，位於葵涌廣場，加上街坊的裝修，感覺相當有氣氛！今次點了一款經典的車仔麵和碗仔翅。皇牌滷水湯麵 ($46)醬汁選擇了秘製汁，麵類則選擇了幼麵。一碗車仔麵，有齊辣魚蛋、雞翼尖、蘿蔔、滷水蛋、瑞士雞翼、鳳爪等配料。魚肉碗仔翅 ($23)棕色的碗仔翅又是一款經典小吃，粉絲、老抽和生抽和煮至濃稠的湯底，冬菇絲和雞肉絲和魚肉，使碗仔翅的口感更為充實。以多款食材、 再加上熱湯、各式醬汁，就是一碗招牌麵，，想吃什麼任君選擇，兩碗車仔麵，飽肚又味美，另外還有碗仔翅和咖啡，就是經典的一餐。車仔麵和碗仔翅都是地道菜式，多款食物加起來都非常特別，加上環境不錯，一於跟大家分享！

行開去葵涌廣場 打開openrice見佢排第一就諗住試下啦 個舖位好奇怪 要行去對面舖先有得堂食 我就本身外賣嘅畀錢嗰個阿姐好冇禮貌呼呼喝喝叫咗62蚊 車仔麵嚟講都唔平 外賣分湯加少辣成個湯裏面其實係食唔到有辣椒味 但係就出奇地勁辣 當晚食完之後成個胃好似比火燒咁 而家隔咗兩日個胃同食道都係好唔舒服 好似灼傷咗一樣嘅感覺 食完第二日痾咗三次 味道係ok嘅 但係為咗成本落辣椒精 可一不可再再者其實佢價錢都唔係平 葵芳廣場有好多選擇 唔建議大家去食 以免傷身

孖寶喺葵涌廣場屹立不倒咁多年, 每次去親都人山人海, 又好似再租多咗間舖仔做堂食咁，愈來愈旺！諗過食雞肶腸粉, 不過老公已落筆自劃緊車仔麵，都好! 好掛住惹味醬汁.. 車仔面3餸麵餐$46包熱飲響咁旺既場食都好抵食下！我食車仔麵好多時都叫豬大腸(平時在家少食嘛), 牛腩同魚旦... 今日叫多個五香豬頸肉.. 加埋油面係絕配, 叫左少辣一上枱見到佢一大羹醬汁就興奮, 撈盡佢, 一食啖油面軟硬剛好, 即食多幾啖超惹味.. 明知自己食辣又熱就加錢改凍飲.. 爽!! 幾粒陳皮魚蛋好味又彈牙, 係用陳皮魚旦, 好有feel... 豬腸見到佢一圈圈肥圈夠肥美香口, 牛腩正常在湯浸完食, 一定無得輸.. 五香豬頸肉入晒味, 岩我, 不過多少少肉就更happy老公叫加多$10要左牛雜(其他餸多數$8), 我梗偷佢一片肺食下, 入味唔咸夠淋... 魚片頭爽口, 都係食埋香口肥豬腸同牛腩啦... 佢加左D辣菜圃, 原來都好過癮, 爽爽脆脆又夠左辣, 食完一口又加多一匙, 清晒全碗原來都夠晒飽..一路食一路有人坐, 葵廣係食小食好地方, 主餐時間行過都要幫襯一下孖寶, 車仔面確係香港飲食文化特色之一...

今晚到了葵涌廣場逛街，見到這間食店有很多人幫襯，所以我們決定在這裡食晚餐。車仔麵有一個三餸套餐($46)，可選三個餸，還包一杯熱飲。配料有很多選擇，我點了麻吉燒、魚肉春卷和生菜。麻吉燒咬落去好煙韌，很有口感，很少車仔麵店有得揀麻吉燒。魚肉春卷大大件，味道吸引。腩汁湯底味道調較得剛剛好，不會太咸。我揀了粗麵，麵條份量十足，軟硬度適中。孖寶招牌麵($46)配料多，有陳皮魚蛋、滷水雞翼、蘿蔔、豬皮、豬大腸和豬紅。招牌麵淋上沙嗲味的醬汁，味道相當吸引。除了車仔麵外，食店還有好多選擇，我們還點了一碗碗仔翅($20)，味道和口感都不錯。

葵涌廣場，一直都係美食雲集嘅商場上至頂層，下至底層都有五花八門嘅小店今次就介紹下位於地下嘅「孖寶車仔麵」吾止堂食經常爆滿，連等外賣嘅人都好多🙈.主打嘅車仔麵，三餸套餐連埋熱飲 $46另外加餸，每款$8免費湯底有清湯，秘製汁同腩汁沙爹汁同孖寶辣汁要加$2.【五餸麵套餐 $64】個人比較花心🤣高達52款餸，真係想樣樣都食哂但無奈胃就只有一個只好揀其中最想食嘅五款😈蘿蔔，雞中翼，芝士腸，滷水蛋同香煎午餐肉當中，最推薦蘿蔔，芝士腸同午餐肉蘿蔔煮得夠腍夠入味香煎後嘅午餐肉，真係好邪惡！又香又脆，仲係厚切添😋金妹牌芝士腸，相信我都吾洗多講啦😎加上孖寶辣汁為湯底，香辣又惹味🥳.【三餸麵套餐 $46】豬皮，菜肉雲吞，辣魚蛋配腩汁豬皮口感爽彈，吸上腩汁，正呀😘最中意嘅係辣魚蛋選用陳皮魚蛋果種結實彈牙又富陳皮香嘅口感，真係不得了呀！.【凍檸檬 $3】套餐附送熱飲，凍飲則補差價茶底香濃吾苦澀，加上檸檬酸香，飲落透心涼