姚姚酸菜魚 (港威商場)

營業中

休息中

平時經過呢間大名鼎鼎嘅姚姚酸菜魚，通常都會見到好多人等位，今日專登8:30左右先去到，終於唔使點等就有位啦！👉🏻姚姚酸菜魚拼番茄魚（少辣加酸加寬薯粉條）又想食酸菜魚又想食蕃茄魚，點算呢？細路仔先做選擇，大人緊係兩樣都要！係呢度最好就可以揀雙拼，仲可以因應我地嘅喜好調整！一上枱真係超巨型，鍋底仲有小蠟燭一路加熱，超級細心，食到最後都仲暖！兩邊都有好多魚肉，仲有魚頭添，我諗應該有成條魚咁多！鱸魚肉好薄，但又唔會散，師傅刀工好勁！我地最鍾意酸菜魚果邊有巨量嘅酸菜，加埋我哋另加嘅寬薯粉條，煙煙韌韌，食得好滿足！蕃茄魚嗰邊啲粉絲索晒蕃茄味，好醒嘅配搭！每邊可以裝到五碗，真係幾個人開心share都得！👉🏻傳統擔擔拌麵呢碗擔擔麵唔止睇落擺盤靚，仲有好香花生味，少辣，d面質仲好彈牙！👉🏻涼拌萵筍絲蒜味好香，炒得好均勻，啖啖都有蒜味，健康好選擇！👉🏻彩虹烏龍冰粉呢個冰粉有心思！冰粉底預先切咗一嚿嚿，分起上嚟好方便！酒釀嘅味道特別出，撈埋提子乾、紅豆、大西米、芝麻同花生等等一齊食，每啖都會有唔同嘅味道！甜甜地非常解辣！仲可以分到成四碗咁多，好抵食！

講到酸菜魚 我真係超級fans熱愛程度係加入埋酸菜魚關注組🤭食咗香港多間酸菜魚 我敢講最好食嘅真係非佢莫屬 姚姚酸菜魚🐟我同老公都太鐘意食 所以兩個人都叫咗好多野食🤭1️⃣姚姚酸菜魚 (3-4人份) $474我揀少辣 仲加左龍口粉絲 千葉豆腐佢嘅湯底好香濃 酸味同辣味互相配合少辣唔會好辣 係好香辣嘅味道🤤之前點過寬粉 相比之下我更愛粉絲 因為更入味 又唔會太飽 千葉豆腐係好似魚蛋嘅口感 入面仲有芝士至於入面嘅魚份量好多 而且係冇骨👍🏻我嘅熱愛程度係會飲埋d湯 我覺得好好飲🤤2️⃣香港頭條(油條) $38超大條油條🤣 好香脆但唔會好油我會點酸菜魚嘅湯底食 咁樣食非常好食大家都可以試吓3️⃣姚姚脆奶 $58我對所有炸物都冇抵抗力😋一見到即刻點 外脆內軟鮮奶甜甜地 好好食4️⃣紅糖糯米糍粑 $68一直係我最喜愛的甜品每次食酸菜魚我都會點但好多時其他餐廳會好硬姚姚酸菜魚依款就外脆內軟 而且一份有好多條😋5️⃣黃金脆炸小酥肉 $78被佢樣貌吸引 我太鐘意食炸物果然好好食😋 好香脆 又唔會好油6️⃣多多桃膠鮮奶眾所皆知 桃膠對女人好🤭所以我立即點依款飲品 甜甜地 又可以食到桃膠 好飲🥰7️⃣鮮奶紅茶凍入面有紅茶凍 好好咬🤣配

好耐冇食酸菜魚！把握海港城coupon未過期嘅日子嚟食！餐廳勁好生意，weekday都人頭湧湧！一開始先食醬蘿蔔，味道鹹鹹甜甜，幾開胃！之後就食呢度嘅重點：酸菜魚拼水煮牛肉😍 佢呢度嘅魚用咗萵荀片，魚肉鮮嫩細滑。酸菜魚味道唔係好辣，酸味比較突出，喺我鍾意嘅調味；水煮牛肉味道濃郁，又香又惹味。食到中途都出晒汗，好食！ 酸菜魚同埋水煮牛肉入面都加咗粉皮，連埋湯汁一齊食，我哋食到停唔到口！小菜點左四川回鍋肉，味道香辣，分量十足，抵食。最後再要一碗擔擔麵，大家都飽到抱住肚離開😂

差唔多成年冇食過啦！水準依然！我同朋友行完海港城就去等位，估唔到星期一下晝五點都已經咁多人等位！我建議大家如果想食真係要預早book位先！坐低咗唔夠15分鐘已經差唔多滿晒！食完飯出去已經排咗20個人！證明佢真係好好食！而家入到去就用電話自助落單，所以冇Menu睇。姚姚酸菜魚（二人分） $298 加寬薯粉條 $38可以自由選擇辣度，我哋就揀咗小辣，但係都好辣㗎！份量大唔使講！湯底非常濃郁！超級多魚又滑又新鮮！配埋酸菜真係好正！香辣豬扒串串 $98我見到隔籬枱點，我即刻加單，太吸引啦！豬扒on a stick！又香又惹味！每一啖都食到適量嘅醃料，肥瘦適中！必點！乾煸四季豆 $88炒得好香，好有鑊氣，唔係好辣，我打包咗返屋企第二日食都仲係咁好味！姚姚脆奶 $58好有驚喜，因為佢炸到一啲都唔油膩，入邊嘅奶仲好滑好甜。

每次行海港城都見到姚姚酸菜魚門口超多人排隊，作為鍾意排隊嘅香港人梗係要去湊下熱鬧喇😂 -🐟姚姚酸菜魚拼水煮牛肉 $308平時食酸菜魚都係一窩咁上，第一次見餐廳可以雙拼！佢地嘅魚係由政府認證，確保源頭安全，食落果然新鮮嫩滑～ 而另一邊嘅水煮牛肉嫩滑帶彈性，啖啖肉！必須一讚佢地嘅湯底好入味，面頭舖上炸蒜同底下有蠟燭保溫亦係加分位😝🌶麻辣牛展 $88薄切嘅牛展充滿嚼勁，香辣可口！🥬熗炒手撕蓮白菜 $68白菜份量十足 、口感爽脆，配上糖醋醬令人一啖食完又一啖🤣 有得揀少油喔～🍧紅豆烏龍冰粉 $38冰粉超香烏龍味，加上紅豆、花生、莓乾等配料，又light又滿足😙

1715左右去到, 等5分鐘就入得, ok ge安排最近門口個位, 好明顯係夾硬整多張枱出黎, 坐得唔舒服又窄, 雖然問左俾多張凳我地放野, 但無細凳搞到塞住條路.限時食90分鐘, 5分鐘後手機落左單, 結果同隔離枱一樣等左45分鐘盤魚先黎到, 好明顯係太早未準備好, 但係又檻粗開門, 非常差既體驗.同個area至少有兩枱因為某D野而投訴.問個高級少少既員工吹水話因為即叫即煮, 所以要等耐D, ok我信你, 希望會好食,點知黎到兜野係暖, 唔係熱! 即叫即煮黎到會唔係熱既?嗌左酸菜魚拼水煮魚, 再試埋個味, 魚片一夾就散, 無咬口, 有雪味, 魚皮有少少腥.湯頭底料唔夠, 食落唔夠辣唔夠麻唔夠香, 無鮮味, 死鹹.配菜除左芽菜, 幾條寛粉, 幾塊街市魚片就無喇.完全唔入流, 難食, 真心佩服鱔稿既威力.仲要咁多人排隊, 真係好想出去叫佢地咪入

海港城去年新開咗🔥人氣酸菜魚🐟姚姚酸菜魚🐟晚上8點半後人氣依然爆燈，我哋都要等咗一陣先有位，餐廳用上Tiffany blue同白色做主題，感覺清新、乾淨整潔姚姚酸菜魚拼水煮魚 💰3️⃣0️⃣8️⃣首創有雙拼系列，酸菜魚可拼蕃茄魚、水煮牛同避風塘大蝦我哋一次過可以食哂兩款口味嘅鱸魚，就知道我哋有幾鍾意食🤣 🐟酸菜魚自選另加入粉絲，吸收湯嘅精華，酸菜幾爽口👍，酸味適中，魚肉嫩滑，菜式加上咗炸蒜🧄，味道更香口🐟水煮魚自選少辣少麻，水煮嘅油唔太油膩，魚肉片份量都幾多，鍋內仲有寬粉同芽菜辣子雞軟骨肥腸 💰1️⃣9️⃣8️⃣雞軟骨同肥腸炒得夠乾身，用咗花椒、🌶️辣椒再加孜然粉炒好惹味，再花生加添口感🎈姚姚酸菜魚🎈尖沙咀廣東道3-27號海港城港威商場二樓2307號舖

商場coupon就到期，就搵左呢間可以walk-in 㩒飛的星期五6點3羅飛，結果要等到7點22分先入座上菜速度很慢，都得左半個鐘先來酸菜魚食到一半，就有職員過黎提你就夠90分鐘交枱過多5分鐘，又再提你就夠鐘甜品剛上，又再提你就夠鐘剛剛上齊野，唔洗食就走？見你食得慢，仲有3個職員輪住行埋黎話你過鐘喇跟住就不斷收你張枱d野，仲食緊就企向你面前望住你食食咪有點太過分。食物質素一般，水煮牛唔好食，酸菜魚d魚幾滑以咁既價錢同服務，真係大把選擇環境窄逼，職員不友善不會再來

男朋友好鍾意食酸菜魚 今日就同佢去呢間姚姚酸菜魚到試試 😙成8點去到都仲好多人 真係要試下先得～姚姚酸菜魚拼番茄魚($308)+$38 龍口粉絲我地揀左雙拼～有得食哂2款湯底一邊係酸菜 另一邊係番茄 😋啱晒唔食得辣嘅朋友 尼到大大盤魚肉都好多好足料👍🏼酸菜魚好香又唔太辣 而番茄湯都有好香濃嘅番茄味🍅魚肉都幾滑又冇骨 另外我地加左粉絲 吸哂湯好好食 🤤麻麻辣辣口水雞（$98）口水雞都幾辣 不過又辣得好刺激😆 雞髀肉好嫩滑 而且唔太多肥肉 做小菜就啱啱好😙涼拌萵筍絲（$58）酸辣士豆絲（$58）呢2個小菜都係配酸菜魚必食😝 非常開胃 又清爽～ 涼拌一流！

今曰再訪，試下唔辣的酸菜魚,估唔到午餐同樣地咁多人排隊！姚姚酸菜魚這酸菜魚是走辣的，估唔到同樣地十分可口。上次吃少辣，那小麻微辣的滋味是令人追吃的；但這走辣的同樣可口，魚肉十分滑滑，又有魚味，完全無骨，啖啖魚肉，加上爽口的酸菜，真係幾好吃！涼拌窩筍絲這窩筍絲十分爽口柔軟，滿滿麻油香，味道清爽，是不錯的涼菜。脆炸鮮奶這脆炸鮮奶炸得十分香脆！脆奶炸得唔油膩，炸得外脆內軟，奶酥香甜，好味道。臘味炒飯這臘味炒飯炒得很香口，臘味十分惹味，炒飯帶油香，粒粒分明，飯粒比較軟身，唔會好乾，味道不錯吧。大盆花菜這炒菜超級惹味，即使已經走辣，但炒菜大大碟，口感爽脆，加上肥腩肉片的肉香，令炒菜唔會好寡，送飯一流。這一天的午餐好豐富。

姚姚酸菜魚【超人氣酸菜魚 登陸海港城】係傳說中嘅網紅酸菜魚呀～最近都見到好多人食，就連平日都爆場，今次我終於試到啦!!!睇個menu，已經俾個雙拼鍋吸引住，我揀左姚姚酸菜魚拼水煮牛肉，一個鍋有2樣菜式，好豐富呀😉 呢度係用QR code點餐，點餐時可以選擇辣度、油度、麻度…◎ 姚姚酸菜魚拼水煮牛肉 $308 /2人份超大個鍋，唔止賣相吸引，佢入面都超足料，分量多到有啲嚇親！🐟細嫩嘅魚肉配搭上酸爽嘅酸菜，酸酸辣辣，特別引起食慾🤤 魚肉好嫩滑，而且無魚骨，真係啖啖肉。湯底有煎過嘅魚頭熬製，所以味道特別濃郁，真係會食上癮！值得一讚係除咗可以雙拼，鍋底仲有蠟燭，可以保持個鍋嘅熱度，慢慢食都唔驚佢變凍👍🏽🥩水煮牛比酸菜魚更加麻同辣，牛肉係用左鮮牛肉，睇相都見到啲牛係粉紅色ga😍 牛嘅生熟程度煮得剛剛好，牛肉唔係薄切，有少少厚度，但肉質完全唔會硬，淋得黎仲好有口感。入面嘅寬粉同芽菜都索晒湯底嘅精華，好辣好麻好過癮😜除左主打酸菜魚佢地仲有好多涼菜、小吃。今次叫左3款：◎ 涼拌萵筍絲 $58◎ 藤椒無骨鳳爪 $68◎ 幹煸四季豆 $88涼拌萵筍絲，清清地幾爽口。藤椒無骨鳳爪，鳳爪無骨非常爽口，而且淡

臉盤咁大嘅酸菜魚😍😍喺海港城見到呢間成日排長龍嘅「姚姚酸菜魚」用Tiffany Blue為主色，夠晒Eye Catching。呢度個個都點酸菜魚，成個臉盤咁大盤，勁誇張。仲可以一盤兩隻味，呢個構思幾好喎。我哋都喺選擇咗原味「姚姚酸菜魚」二人份 $278。🥰仲加咗嫩牛肉 $48 同萵筍片 $35，嫩牛肉真喺好嫩滑，萵筍片切得好薄，好爽。除咗嫩牛肉同萵筍片，仲可以加龍口粉絲、脆魔芋絲、巴掌肥牛、鱸魚片、金針菇、午餐肉、千葉豆腐。「宮爆蝦球」$188有少少麻辣味，少少辣，好惹味！香辣豬扒串串 $88金黃香口嘅豬扒，用串燒上枱，方便一支支拎住食。姚姚雞翼 $58好肥美嘅雞翼，唔錯👍🏻👍🏻樣樣都好好味，不過大部分都有少少辣，唔太啱老人家食，其實好想帶屋企人嚟食，但成家得一個人食到辣，可惜啊！唯有自己多啲嚟食😂姚姚酸菜魚 (尖沙咀)尖沙咀廣東道3-27號海港城港威商場二樓2307號舖

🇭🇰 尖沙咀-姚姚酸菜魚尖沙咀真係好多好多好嘢食🥳呢排行開街見到呢間成日門口都排哂隊既酸菜魚 就入咗去試下☺️佢門口仲有標示佢地既魚係有身分證既魚🤣⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗👅 姚姚酸菜魚拼蕃茄魚(⭐8/10) $308**另加寬薯粉條$38**今次竟然有得簡雙拼呀！唔食得辣既朋友仔都唔洗擔心啦～～個蕃茄魚唔辣㗎 而且仲酸酸甜甜 好開胃☺️魚肉得極小量魚骨 魚肉滑溜 食得過癮👍🏻而佢地既招牌魚酸菜魚就更正 酸味辣味都好夠😍識食一定係一啖飯+魚+湯😍👍🏻同埋嚟到既時候都嚇親 勁大盤！佢魚肉份量即使係兩人份都爆多～～👅麻辣豬手(⭐8/10) $98呢個麻辣豬手就真係辣啦～食到我妹係咁飲水Haha不過好似我咁鐘意食辣既朋友仔就會好似我咁好鐘意☺️豬手又咁淋 同埋佢切到細細舊好好咬！👅 紅糖糯糍粑(⭐9/10) $58記得記得記要熱食啊～～佢外皮炸到脆卜卜，內裏勁煙韌 軟軟的😍佢仲有得俾我地簡多黑糖 覺得呢個小食必叫啊🥳⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ⍗🎏地址：姚姚酸菜魚 (尖沙咀)尖沙咀

成日都排隊嘅姚姚酸菜魚，終於有幸去食。果然冇令我失望。酸菜魚自由餸菜配搭，唔食得辣嘅你仲有個蕃茄湯底魚。不過最主要都係啲小食。佢哋嘅炸雞，雞軟骨，炸腸，油炸鬼同埋最好食嘅係佢哋嘅糖水.首先講吓啲酸菜魚，酸菜夠酸，湯底叫咗小辣，唔食得辣嘅我呢個配搭就啱啱好。啲魚肉嫩，冇骨，容易入口，都係叫做比較好食嘅.要推介嘅小食實在太多啦，如果兩三個人嘅話就真係唔好嗌咁多，因為對我來講份量都有啲多，不過每一款小食都好好食。小食方面就可能要你哋自己去發掘啦！不過以上講嗰啲小食我都會極力推介。自己試過之後就會知道點解！

今日跟朋友係尖沙咀SHOPPING完，就去左海港城搵食。之前成日經過，都好想試下超勁人氣的姚姚酸菜魚。難得今日晏左成8:30PM 先食飯，唔駛等位，即時諗都唔諗就衝左入去食。整間餐廳使用天藍色為主題色，入到去好有置身於海洋既感覺。同餐廳名稱相互配合。2人都可以坐卡檯，檯與檯之間既距離亦相隔好遠，傾計談心都唔怕尷尬比其他食客聽到。感覺超舒服。一場來到，當然要叫返餐廳為名的酸菜魚食啦。 餐廳除了提供單點整盆酸菜魚外，還可以比客人將酸菜魚搭避風塘大蝦/水煮牛肉/蕃茄魚。辣度、麻度、油既份量要幾多都可以自行決定。我地最終選了二人份量既酸菜魚。送餐時還使用機械車送餐。 姚姚酸菜魚($278) –(2人份)來到超大盆，用陶瓷盆上菜。勁大份，超興奮。盆身係向下斜，方便食客係食魚前打卡。跟隨著蠟燭盆上菜，唔會食食下碟魚凍左，唔好食。酸菜採用水東酸菜，經24天醃製。非常開胃，酸度適中，酸菜味夠濃。並使用油浸過的乾原條細辣椒及加入大量麻子。再加埋新鮮既魚片，非常perfect match 令魚味鮮上加鮮。魚片好滑，唔會過淋好有魚味。另外，我地再加了金針菇、巴掌肥牛及龍口粉絲作配菜。份量都絕不少。姚姚脆奶