姚姚酸菜魚 (港威商場)

營業中

休息中

好耐無食酸菜魚啦😋黎到海港城又點可以唔食～姚姚酸菜魚既辣度麻度酸度都有得揀 全面升級2人份量都勁足料 好多魚肉🐟鱸魚好鮮而且接近無骨 用黎配白飯一流❤️連酸菜都好好食.另外點左麻辣香鍋 配料全部自己揀我揀左土豆🥔 蓮藕片 千葉豆腐 萵筍 寬粉用辣椒🌶️同香料炒香再上碟 非常惹味土豆同蓮藕都帶點爽脆 少辣既辣度剛好寬粉好煙韌彈牙 千葉豆腐吸晒麻辣汁食👍🏻不得不讚店家既酸菜魚同麻辣香鍋都係有火爐仔熱住 同朋友傾耐左計都唔怕會凍晒😋

今晚喺海港城行行吓街，突然之間好想食酸菜魚，一於就去試吓呢間打爆IG卡嘅姚姚酸菜魚😇 一眼望落去全部都係Tiffany Blue嘅主題色，啱晒想打卡嘅女仔。⭐️姚姚酸菜魚（$288 S): 啱啱一上菜嘅時候整體十分吸引，三個細食既女仔都夠食🥰 不過坦白講，魚片偏腥，湯底酸中帶甜，廚師應該有調整香港人嘅口味。⭐️紅糖糍粑（$68/6）：香脆可口，正常發揮⭐️大盤花菜（$98）：豆瓣醬炒花菜以及豬肉，味道普通⭐️鉢鉢雜錦（$88）：呢樣菜式有少許失望，紅油有油膩味，而份量亦相對比較少此餐廳地點相對比較方便，亦都可以使用商場嘅美食卷（300-100），但食物質素比較普通，如果正價嘅話可能就唔會考慮☺️ 相信如果係酸菜魚愛好者坊間有好多好食嘅小館可以介紹！味道：🌼🌼服務：🌼🌼🌼環境：🌼🌼🌼🌼抵食：🌼

今日去左海港城食野，宜派好多人都講緊宜間酸菜魚，藍白色做主題，小編夜晚排隊排左成個鐘，提提大家‼️籌號過左2個號碼既話，就要從新排過隊。紅油口水雞見到甘紅甘多油，其實係錯覺，真正係唔太辣，個汁有d結結地，隻雞係滑既仲好入味。姚姚酸菜魚拼水煮魚 （$308）加左$38 寛薯粉條宜個酸菜魚好大碗，唔係講笑，2人必飽，酸菜魚係必叫，佢d魚片又厚又大塊👍🏻同埋真係好嫩滑，而且係無骨的，岩曬大人同小朋友，佢既湯底好好飲，唔係話好酸，但有好多酸菜，佢既薯粉好QQ好有煙煙韌韌既感覺，值得加購。而水煮魚，都係個句，唔好見佢好紅甘就以為好辣，我反而覺得酸菜魚仲辣過水煮魚，但都好好食，係我食過甘多間酸菜魚舖頭黎講，性價比好高既店。

呢幾年酸菜魚好出名姚姚開咗之後好快就超人氣 想嚟呢間試好耐!!!超打卡able嘅Tiffany Blue色😍酸菜魚拼蕃茄魚 2人份 $308有巴沙/鱸魚兩種魚 魚質厚實鮮甜!!! 好正🤤特別要讚蕃茄湯!!! 湯頭酸酸甜甜 超濃蕃茄味!!!揀咗豆腐配料 口感好特別 好似豆腐味魚蛋紅豆烏龍冰粉 $38呢個飽極都要嗌一碗!!!烏龍好香好出味 冰粉口感滑嘟嘟 好涼爽～紅糖糍粑 糍粑煙煙韌韌 口感好QQ!!!香濃嘅紅糖漿 有陣焦香😋沙棘原汁 $40呢個食得酸嘅人可以挑戰!!!唔知沙棘係咩 但味道有啲似濃縮柑橘果汁茉莉香燈 $40大大一杯 茉莉同燈係絕配!!! 清新解渴📍姚姚酸菜魚尖沙咀廣東道3-27號海港城港威商場2樓2307號舖@yaoyaohongkong#姚姚酸菜魚 #yaoyaohongkong #酸菜魚 #紅糖糍粑 #尖沙咀美食

打卡人氣餐廳--姚姚酸菜魚🤩成日經過見到粉藍色餐廳，好多人排隊，以為係Tiffany ？咁你就錯啦，估唔到係食酸菜魚。我哋好醒咁趁12點lunch之前就入座，好快出面就開始排隊🤣lunch原來有午市套餐㗎，有酸菜魚同麻辣香鍋，我哋一人揀一款share食，完美😌佢嘅酸菜魚唔會太酸，湯都幾鮮，魚片好嫩，冇骨，可以放心食，我先食魚，之後用湯撈飯食，好滋味。麻辣香鍋好有驚喜，我哋要咗牛舌，小辣，首先勁大份，入面有牛舌、花菜、蓮藕等，好豐富。佢嘅辣係香辣型，每樣野都非常入味，越食越過癮，勁惹味。另外叫咗份甜品--紅糖糍粑。呢度勁好，可以揀黃豆粉同糖嘅份量，想甜啲又得，香啲又得。糍粑好煙韌，越咬越香，不過食完真係好食。套餐仲可以優惠價加特飲，兩杯都好正呀，鮮奶紅茶凍好好飲，桃膠椰奶啲桃膠多到😍大家記得試吓啦。

天氣忽然凍咗，除咗會想打邊爐，仲想食酸菜魚，今晚就去咗尖沙咀分店食。已經嚟過好幾次，不過都係第一次坐入房，都幾舒服。呢度有智能送餐機。本身想食酸菜魚，但見到蕃茄魚 又想食。《 姚姚蕃茄魚 💲288 》番茄魚 - 味道唔會太酸，加埋蕃茄肉夠開胃～入面仲有索晒味嘅粉絲～魚肉夠多又滑，份量夠3-4人share! 《 麻醬雞絲粉皮 💲68 》（免芝麻）粉皮爽身，麻醬夠多、都幾濃，另有雞絲及青瓜絲舖面，幾開胃~《 香港頭條(油條) 💲38/份 》比一般油炸鬼香脆鬆軟，又唔油膩，即叫即炸夠新鮮，放涼咗都保持到口感～《 上湯菜心 💲58 》放有黃金皮蛋粒及蒜粒，高湯香濃，菜心新鮮無渣～《 彩虹烏龍冰粉 💲68 》冰粉本身帶甜，質感滑溜～上面放有提子乾、酒釀、紅豆、西米、花生碎、黑芝麻及椰奶7款配料，七彩繽紛好吸引，而且口感味道同樣豐富，酒釀味道最為突出。《 青島啤酒 💲28罐 》

同老公去尖沙咀買嘢，最後行到港威商場，見到一食店門前企滿人等位，細望之下原來是內地著名酸菜魚品牌「姚姚酸菜魚」進軍香港，老公之前跟朋友上過內地食，品質同味道都超正，而家香港有分店，老公即刻話要回味下！機械人送餐，請讓路！姚姚酸菜魚均為二人份量，一大鍋上檯份量十足，鍋下有小火熱住，保持熱度，餐廳選用新鮮鱸魚起肉，魚肉片片晶瑩雪白，鮮味嫩滑，並用經過90天醃製的水東新酸菜，集麻、辣、香、酸於一身，口感酸爽，美味可口！麻辣香鍋：麻辣香鍋是一道麻辣菜，以麻、辣、鮮、香、油、混搭為特點，口味多樣化，經過顧客自主選菜之後由廚師加工炒成。在多款食材中揀咗午餐肉、香酥豬扒、雞翼、土豆、炸豆皮，所有食材炸至金黃色，再加入香鍋料、辣椒、香料等炒勻。因為揀咗小辣，所以味道微辣且香，醇厚温和。食材炒得入味香口，尤其香酥豬扒口感豐富，脂香味濃。沙棘原汁：沙棘是一種富含維生素C的野果子，由於其樹上長滿了尖刺，一般很少直接吃，都是榨成沙棘汁飲用，味帶酸。

係尖沙咀行大商場，首選會揀海港城，幾個商場連成，店舖也特別多。行下時經過大排長龍既餐廳 "姚姚酸菜魚"，見到價錢合理就入去試吓啦！店內以清新既Tiffany Blue為主色調，裝潢簡約有質感，地方都幾闊落，潔淨舒適。入座用QR  code落單，而且出餐用機械人代替相對安全。餐牌有好多選擇，包括姚姚首創雙拼酸菜魚、麻辣香鍋、四川小菜、麻辣小食、冰粉等，川菜地道特色美食。姚姚蕃茄魚  二人份    $288雖然餐廳招牌菜係酸菜魚，但會有辣椒，唔係好食得辣嘅我，就揀咗呢款蕃茄魚，依個二人份量個鍋超大，餐廳係用上有身份証嘅鱸魚，食得安心又健康，而魚肉既份量都好多，鱸魚肉質鮮嫩結實，湯底係用咗新鮮蕃茄熬出，飲起嚟好清甜，鮮味十足。另外加咗嫩牛肉 $50，肉味濃郁，又嫩又滑，火鍋必備。黃金脆炸小酥肉    $78每塊酥肉炸得非常脆口，味道甘香，面層攦上辣椒粉，帶少少四川微辣風味，鬆脆小食很惹味。姚姚脆奶    $58  外皮香脆可口，咬一啖軟綿綿嘅口感，牛奶味非常濃厚，滑滑的，好似食緊布甸一樣，太美味。茉莉香橙     $38透明杯可清楚看到片片柳橙，清甜潤喉，橙味香濃，口感清爽，消膩解渴。低糖紫

以前間中都會返深圳食下野🥩🥘🍲唱下K🎙️眨吓眼已經三年冇返去💃🏻突然心心念酸菜魚嘅味道🐟麻麻辣辣🌶️一於約女食神🧚🏻‍♀️開餐🍽️依間姚姚酸菜魚好似新開冇幾耐🧚🏻‍♀️女食神準時到達已經心心眼要食麻辣鍋🍲望見隔籬枱已經流口水🤤麻辣香鍋🍲裏面有嫩牛肉🥩千葉豆腐🧈萵筍🥒豬頸肉🍖寬薯粉條🍜用火興住個鍋🔥越食越辣🌶️越食越香😋每種食材都非常入味👍🏻我覺得千葉豆腐非常滑🫶🏻牛肉配上麻辣鍋底真係冇得輸😘椒麻皮蛋🥚其實我真係好想問點解皮蛋可以整到變橙色🧡非常吸睛👀皮蛋本身味道唔算太濃烈，但係加上麻辣汁🌶️放入口咬落去爆發出嚟嗰種震撼，絕對流口水💦麻麻辣辣口水雞🐔麻辣汁已經完全滲透雞肉裏面🧚🏻‍♀️女食神非常欣賞雞皮，我就要食雞胸protein🤣所以我哋唔會爭嘢食🥰雞肉超滑彩虹烏龍冰粉🥙依個真的不能不吃😱食完一餐重口味嘅晚餐🫦最尾食依個甜品做結尾簡直係Perfect🙌🏻黑芝麻花生🥜再加上提子乾🍇撈埋烏龍冰粉，一口清涼感覺完全將剛才既刺激平靜落嚟沙棘原汁🍹老闆娘送咗兩杯沙棘原汁🍹俾我哋試吓😋沙棘係一種北方水果🍊香港未曾見過，上網睇過非常有益健康💪🏻甜度類似橙汁，連女食神🧚🏻‍♀️戒左糖都飲咗大半杯，解辣效果一流👍🏻非常足

前幾日摷野先發現4張今日到期餐飲券😌去到已經人山人海，6點黎到排左大半小時才有檯，用餐時間為90分鐘。2個人又想食呢野、又想食果樣，最後叫了酸菜魚拼水煮牛加薯粉、麻辣豬手、大盆花菜同藍妹，加左薯粉都飽，淨返一半豬手、花菜打包。剛剛用到2張券、浪費左2張。見大部份人堂食/外賣埋單也是手揸一疊餐飲券，反而其他可用餐飲券既餐廳又吾多人。

六點半拎飛，八點五十分先入到去嘢食唔差，最差係人等位期間，見到佢地不斷將5位放入3，4人台度，冇俾3，4人入有幾台，我六點半去拎位時，佢地已經坐喺度，到8點嘅時候，我問個戴眼鏡男職員，點解佢地過晒90分鐘用餐時間都唔趕佢走佢夠膽死話我睇佢地未食完，未叫埋單，我唔可以叫人走咁你喺門口咁大隻字寫住90分鐘用餐時間用意係咩呢？到我食嘅時候，未上齊嘢，同一個男職員就擺低張單叫我埋單，咁你又咩意思呢？一肚氣，唔會有下次，呢間餐廳有咁嘅員工，我真係恭喜你

最近都聽得多姚姚酸菜魚呢間新起之秀，平時都見到好多人推薦佢有幾好食，今次就黎試試佢既真面目！！😍店家主打酸菜魚同埋小龍蝦、水煮牛肉等，款式多之餘，質素亦都十分上乘，😙今次係夜晚8點半去到，已經大排長龍，推薦想食既朋友可以提早黎到或者book定位啦～～ ☺️ 姚姚酸菜魚拼避風塘大蝦（$308）🐟🦐店家提供好人性化既選擇，酸度、辣度、麻度，更加可以雙拼，一上檯真係好大盤！！😍酸菜魚魚骨去得非常乾淨，入口嫩滑唔腥，酸菜用既係經過90日醃製既水東新酸菜，入口脆爽有口感，非常惹味，湯底亦都非常濃味，推薦配飯或著嗌多個薯粉搭配！！🥳避風塘大蝦用大量既炸蒜同埋辣椒炒得非常惹味，蝦肉鮮甜，搭配埋外層酥脆既薯條做底，口感豐富無比，停唔到口！ 🤩 千葉豆腐（$38）豆腐嫩滑Q彈，擺喺酸菜魚入面吸收下啲湯底，味道更加有層次！ 🤤 紅糖糯米糍粑（$68）非常推薦呢個糯米糍粑！糍粑炸完外層非常酥脆，內層既糯米口感Q彈，搭配埋黃豆粉同埋黑糖既甜，好好食！ 😍 麻醬雞絲粉皮（$68）🐔粉皮口感清爽，滑溜溜咁，冰冰爽爽好啱做開胃前菜！ 😝 多多桃膠椰奶（$48）🥥椰奶香甜冰爽，底下仲有桃膠、紅豆等唔同既配料，同出面既台

終於等到啦~ 和朋友上次食完佢地既酸菜魚，覺得好好味，今次就試埋其他啦，麻辣香鍋真係幾惹味刺激的，甜品冰粉心係必食，解辣靠佢。麻辣香鍋 $48+$214麻辣鍋底可自選麻、辣、油程度，我們來個正常的少麻少辣吧，味道可接受，不會邊吃邊抹汗，亦不會麻辣至失去味覺。 鍋底至少自選5款配料，按配料收費，我們揀選魷魚鬚，芝士豆腐，鮮秀珍菇，炸豆皮及蓮藕片，炸豆皮最出色，盡吸麻辣精華，魷魚鬚唔韌幾入味。 鍋內配有大量辣椒同香料，食到最後我地係個辣椒彩池度揾返啲配料出黎，有得食又有得玩。 宮爆蝦球 $188我地保守派都係揀返少辣，其實唔算辣，酸酸地辣辣地好易入口，蝦碌大大件爽口彈牙，配料有大蔥同茄子，茄子內軟外皮香脆。 彩虹烏龍冰粉 $68冰粉解辣一流，有花生、提子乾，酒釀，西米，芝麻及椰奶、黑芝麻、紅豆等配料，五彩繽紛望見開心，食完舒服晒。 沙棘原汁（凍）$38點選了比較少見的沙棘原汁，外貌呈黃橙色，味道似橙汁，酸酸甜甜。

11月9日中午時間點了2份商務餐，用餐時間未到60分鐘，服務員黑口黑面收枱，請我們交枱，去到收銀，更離譜，我明明連單同信用卡交比收銀員，過了1-2分鐘，突然講話我未比信用卡，叫比錢。我請收銀找經理睇CCTV，收銀只不停話，如果有擔心，叫我打去卡中心取消張卡，最後，我用另一張卡先比錢，收銀處理付款，又發現地下有一張信用卡，問係邊個，我反問佢，唔通係我掉入佢收銀範圍？你跌我張卡，道歉都無句，仲惡人先告狀。最後經理出場，先肯道歉。大家如果同重要人物去食飯，千萬唔去比錢受氣！我以後都唔會再去幫襯！

酸菜魚總是百吃不厭，相隔一段時間無食，呢晚就約咗好友嚟到呢間姚姚酸菜魚，之前每次經過總會見到有人等位，足以證明佢嘅酸菜魚和其他川菜菜品總有吸引力▶️姚姚酸菜魚 (2人份) 添加寬薯粉條 - 湯底集麻、辣、香，酸於一身，嚴選正宗水東芥菜，經24天發酵期而製成嘅酸菜咬落啖啖爽脆，魚片就用上鱸魚，食落非常滑溜，絲毫魚骨都無，而份量都好豐富，好似食極都有。我就添加咗寬薯粉條，食落爽滑彈牙，索晒酸菜魚湯，非常惹味▶️麻辣香鍋 - 揉合火鍋、川式乾鍋於一鍋，我哋就加咗脆皮肥腸、豬腩肉、金針菇、炸豆皮、萵筍片，食落麻辣味香濃▶️沙棘原汁 - 味道似橙汁，其果實具有豐富的營養價值，不妨一試