姚姚酸菜魚 (港威商場)

營業中

休息中

雖然店名叫姚姚酸菜魚🤣但係發現佢嘅麻辣香鍋都好好食😍勁惹味！淨係睇Menu已經流晒口水哈哈，有晒圖片真係幾吸引，如果我有多幾個胃就好了🤣可以直接掃QR code自己落單～超級方便，最欣賞係可以揀埋使唔使少鹽同少油👍🏻麻辣香鍋（麻辣鍋底）$296香鍋最少要揀五樣餸～選項真係好多，揀到滿滿一鍋自己鍾意嘅料真係好滿足🤪我哋就叫咗重慶酥肉、巴掌肥牛、脆皮肥腸、芝士豆腐同寬薯粉條，份量十分足👍🏻調味剛剛好，個麻辣真係好過癮🤪四川回鍋肉 $88比想像中大份！回鍋肉炒到好香口，食咗一啖停唔到口，肥瘦適中👍🏻熗炒手撕蓮白菜 $68叫個菜中和吓🤣專登揀咗少鹽少油，果然夠清淡👍🏻滿足晒要求紅糖糯米茲粑 $68好期待呢個🤣真係好啱鍾意食煙韌嘢嘅我，黑糖搭配黃粉一流😋

人氣餐廳「姚姚酸菜魚」以Tiffany blue的熊頭魚身為logo，主打川菜，一直都係愛辣人士的必食餐廳。餐廳環境舒適又寬敞，尤其係店員態度非常親切，值得贊揚！麻麻辣辣口水雞雞肉嫩滑，配以自家製的辣椒紅油，讓每一塊雞肉都能充分融合麻辣香味，辣椒和花椒的組合讓人感受到麻辣交織的味覺刺激，面層仲有豐富的白芝麻，非常香口。椒麻皮蛋橙色皮蛋賣相吸引，啫喱口感且非常糖心，伴有麻辣辣蓉，口感層次豐富，勁惹味！彩虹烏龍冰粉所有配料都可以根據自己口味減免，所以我哋選擇走西米、走椰奶令佢個味道更清爽啲，配料豐富，有紅豆、黑芝麻、花生碎、葡萄乾、酒釀糯米、烏龍茶冰粉，擺成似彩虹咁色彩繽紛，烏龍茶冰粉口感好似蒟蒻，冰冰涼涼非常解辣！我系一邊食辣鍋一邊食冰粉，佢同麻辣香鍋系絕配！ 麻辣香鍋麻辣香鍋💰HKD48+至少揀5款大大鍋用暖爐呈上，麻辣鍋底可以根據自己口味揀麻辣力度，裏面有嫩牛肉、萬筍片、蓮藕片、鮮茶樹菇、炸豆皮，非常入味！茉莉香橙橙味突出，伴有青檸，口感非常清新。

今日同朋友聚會 同佢嚟到位於海港城嘅呢間姚姚酸菜魚 餐廳喺內地超級多分店 喺香港依家都食到啦 閒夜晚嚟到都超級多人 需要等位先可以入座用咗Tiffany Blue同埋白色做主調 感覺好清新 同埋吉祥物熊仔超可愛麻辣小龍蝦小辣 份量好大 小龍蝦都有好多隻 兩個人都幾乎食唔晒 小龍蝦非常新鮮 索晒麻辣汁嘅味道 一隻接一隻停唔到口，肉質彈牙爽口 非常惹味姚姚酸菜魚拼避風塘大蝦 放喺個少少蠟燭上面有明火熱住慢慢食都唔驚凍晒 酸菜魚湯底好鮮甜 酸菜同魚肉味配合得天衣無縫 魚肉夠晒嫩滑大蝦經過處理進食好方便 外面脆卜卜入面爽口彈牙，加上蒜香調味 非常惹味 最特別係竟然有薯條做配菜

⭐️麻辣口水雞份量充足，兩個人食啱啱好，舖滿芝麻加上麻辣油，作為開胃菜好適合，雞新鮮嫩滑有雞味very good 😝⭐️麻辣牛腱味道濃郁入味但略為偏咸，質感有咬口唔錯，筋肉分布均勻，分量略為偏少⭐️ 炸奶奶尼個炸得好出色😍奶味很重，外層炸得好鬆脆，咬落去啲奶唔會死實，仲係動L緊，流出嚟仲熱辣辣⭐️ 撈擔擔麵因為係撈唔係湯所以偏乾身，麵質唔算好特別，正常發揮，冇乜花生味。⭐️乾鍋 - 田雞、茶樹菇、紅薯寬粉、豬手乾鍋可以自由選擇唔同嘅材料，好大盆好豐富，而我認為田雞較為驚喜，田雞好入味亦都好新鮮，茶樹菇有種特別嘅味道，份量好多，豬手幾淋，滿滿骨膠原♥️，紅薯寬粉嘅質感好彈牙，配合麻辣嘅配料perfectBtw 見到佢哋有新菜式：蕃茄酸菜魚，下次可以再返試🙈 啱晒啲唔食辣嘅朋友

呢間想食好耐😍餐廳仲係用我最鍾意嘅Tiffany blue ➕Baby blue色系裝修😻姚姚酸菜魚(2人份)$288最鍾意係香港食酸菜魚，因為可以揀唔辣小麻👍🏻啱晒唔太食得辣嘅我，呢個好足料同埋超多魚，足足🈶2條鱸魚，魚片有落生粉，食落非常滑溜麻辣豬手$98呢個麻辣真係非同小可🙈真係好辣🌶️🌶️🌶️不過豬手整得夠腍夠入味，食落香口惹味彩虹烏龍冰粉$68顏色好靚好colourful 🌈 ，有黑芝麻、花生、提子乾、小丸子、紅豆、冰粉等材料，食落唔會過甜，感覺清涼手打檸檬茶$38呢個有新鮮青檸及檸檬🍋，味道好清新，好飲新鮮水果烏龍茶$48有熱情果、青檸及水果粒粒，飲落酸酸甜甜

放工無端端想食川菜😬，上網 check見呢間幾多好評，就決定去試吓😜～🌟麻辣香鍋 $283麻辣香鍋有好多款嘅配料可以任意選擇☺️，身為食肉獸嘅我就揀左幾款葷菜😁，包括魷魚鬚，嫩牛肉，牛舌，脆皮肥腸，牛柏葉，全部都非常入味，夠香辣惹味😍，又足料，怕辣嘅朋友都唔洗擔心，因為辣度可以隨意選擇，而鍾意重口味嘅朋友就可以order加麻😌～🌟黃金脆炸小酥肉 $78份量頗多☺️，件件炸到金黃色，外層香脆可口🥰，但肉塊仍夠 juicy，唔會炸到好乾身😚，加上酥肉外層撒左辣粉，味道更升華👍～🌟麻辣牛展 $88牛展煮得好軟腍，筋軟肉嫩❤️，紋理清晰，麻辣味濃🤤！🌟彩虹烏龍冰粉 $68冰粉超大碗，夠2-3個人食☺️，賣相好靚，啱哂打卡❤️～配料非常豐富，有丸子、紅豆、提子乾花生等等，多重口感😚，加埋香濃嘅烏龍冰粉同椰奶，非常清涼，解辣一流😋！🌟沙棘原汁(冷) $38之前未飲過，飲落酸酸地，好似酸梅湯咁，好開胃😜！

好似好耐冇食過酸菜魚了，咁啱喺尖沙咀等朋友收工，就嚟咗呢間姚姚酸菜魚度食飯，同朋友都係算食得辣，咁啱呢度嘅酸菜魚辣到全面升級，而且姚姚蕃茄魚都返嚟啦😊不過今次我哋先食辣嘅酸菜魚先，勢要食到爆汗😏招牌姚姚酸菜魚(2人份)酸菜魚湯底極道好味，好濃郁，真係好想清晒成個Tong去，魚肉好嫩口，勁滑，份量亦都好多，配菜都唔少，不過啲酸菜真係好酸，再加上辣味真係直程開晒個胃🤩🤩食咁多間酸菜魚嚟講，個人覺得呢間個湯底真係比較濃郁，令到每一件魚肉都足以入味👍🏻👍🏻👍🏻麻辣干鍋本身自己都好鍾意食麻辣干鍋，因為味道好香口，自己都係一個重口味人士，配料係自己選擇，我哋揀咗豬大腸，萵筍，豆乾，豬耳朵，食得呢啲乾鍋，最一定要嗌嘅就係豬大腸同埋萵筍，因為豬大腸縮細麻辣香味，再加上表皮會炒到非常脆，真係一流，至於萵筍爽口，係俾你有時可以清下個口冇咁濃味👍🏻係非常唔錯嘅一個配搭，成個乾鍋炒得都真係好香口，亦都唔會太辣，份量亦都好夠兩個人😃

成日經過海港城都見到姚姚酸菜魚，今日同朋友約定要來吃吃看，佢門口有隻熊頭魚公仔好得意，以粉籃色調設計，環境優美，好多卡位，坐得好舒適，餐廳用QR Code落單十分方便。呢度侍應好熱情，為客人介紹野食非常用心。姚姚酸菜魚 招牌菜，幾乎每枱都會order，大大一盆，用暖爐呈上，可以慢慢食，唔洗驚攤凍，暖住食亦更有滋味。湯底可揀辣、麻、酸、油的程度，我哋揀咗免辣小麻，亦都十分夠味，好欣賞佢嘅鱸魚片，魚肉質厚實鮮嫩，而且無骨，川麻味好開胃。麻辣香鍋，都係可以自由選擇辣、麻、油程度，自由選擇配料，最少五款，份量超級滿足，大大一盆，都係暖爐呈上。鍋底有非常多紅辣椒，香味撲鼻！我哋揀咗小辣，佢麻辣得好開胃，我哋揀咗寬薯粉條、蓮藕片、嫩牛肉、萵筍和炸豆皮，充滿濃郁麻辣香氣，辣味濃郁，香氣四溢，讓人一試難忘。最鐘意寬薯粉條的彈性口感，蓮藕片和萵筍又麻辣中帶著爽甜，嫩牛肉份量勁多，肉質嫩滑軟冧又入味，配菜吸飽麻辣鍋底精華，口感層次豐富，營養豐富且美味又送飯。

有冇朋友仔係麻辣控🌶️呀？咁酸菜魚🐟呢？我個sis好鍾意食麻辣🌶️，好啦好啦～捨命陪君子吧！ .今次來到久仰大名的 姚姚酸菜魚 #姚姚酸菜魚 ，以為食川菜，裝潢係一定傳統中式， 想不到用左年輕的Tiffany Blue為主調，又係打卡嘅時候啦～今次我哋品嚐佢哋嘅正宗人氣～ 酸菜魚 及 #麻辣香鍋 ，姚姚酸菜魚首創雙拼鍋低，另一邊可以水煮牛肉、避風塘大蝦或番茄魚，配合秘製惹味嘅麻辣湯低，集麻、辣、香、酸於一身， 麻辣程度為之瘋狂👅..🐟姚姚酸菜魚拼 🐄水煮牛肉招牌酸菜魚鱸魚，鱸魚片非常多， 仲大大片好嫩滑鮮美 ， 好有口感， 仲追加左萵筍片、金針菇、寬薯粉條；另一邊鍋係水煮牛肉，牛肉肉質軟滑；兩鍋都只係小麻辣🌶️，濃郁嘅湯底及大量嘅酸菜，麻辣風味十足，食到嘴巴發麻，一邊叫停話唔食，但有停止唔到口，食到大叫過癮🥵～..🌶️麻辣香鍋 (麻辣鍋底)我最欣賞呢個小菜，炒得好有驚喜～香鍋可以自己揀配料，我哋揀左魷魚鬚、田雞、蓮藕片、鮮秀珍菇 、豬頸肉，每款配料都炒得好入味又香口。(OMG😱~~人生第一次食左田雞🫠）.🌈彩虹烏龍冰粉飯後甜品係充滿色嘅彩虹烏龍冰粉，絕對係解辣良方 ，裡面有酒釀冰粉、花奶

行過見無乜就直入，唔使等酸菜魚味道好好. 份量好足，可惜如果唔加配料入面只有酸菜，酸菜同酸菜，想食薯粉就記得加拌麵，正常，有花椒，驚食到就記得走左佢口水雞唔夠入味，可以唔叫仲有小酥肉無影相，得個炸粉咁，可以唔叫服務一般，入座係自助點餐，基本上無問題，上餐好快但食到咁上下，其中一個侍應好趕咁收野 （場上仲有其他位，無人等位）問都唔問就收左碗碟，仲未食完枱上既野禮貌都應該問下 除左呢樣野 大致ok的如果一大班人可以先預約

這間連鎖酸菜魚專門店，連續兩年榮獲「中國酸菜魚十大品牌」，人氣旺盛，經常大排長龍，小編跟朋友行街經過，見龍尾長度尚可接受，一於排隊一試。姚姚酸菜魚 $288 (2人份)來到當然要吃這裡的招牌酸菜魚，湯底可按自己喜好自選酸、辣、麻的程度，朋友之前吃過，發現辣度已全面升級，湯底好濃味，不會死咸死酸。鱸魚片份量很多，肥厚嫩滑，細緻無骨，麻香餘韻有力。餐廳更提供蕃茄湯底，照顧不吃辣的朋友，非常貼心。麻辣香鍋 $48麻辣香鍋提供超過十多款配料選擇，想有幾豐富由自己話事，每鍋最少要選5款，每款配料約$50-$60不等，酸辣麻程度同樣可按自己喜好自選自定。小編選了牛舌、魚片頭、萵荀、百頁豆腐及黑木耳，配料炒得好均勻，每件都沾上醬汁，口感豐富，色香味俱全。

（每項5💛為滿分）食物份量💛💛💛💛🤍食物種類💛💛💛🤍🤍性價比💛💛💛💛🤍餐廳環境💛💛💛💛🤍 📍姚姚酸菜魚 (港威商場) (尖沙咀)尖沙咀廣東道3-27號海港城港威商場2樓2307號舖😋麻辣香鍋 (鮮蝦，魷魚鬚，雞軟骨，豬頸肉)$313可以根據個人口味自己選擇配料，麻度同辣度。我就揀咗鮮蝦，魷魚鬚，雞軟骨，豬頸肉，四樣都非常入味！我最鍾意係豬頸肉，肥瘦適中，吸晒辣椒嘅味道非常爽脆！😋姚姚酸菜魚(2人份）$288份量好多食極都仲有🙈酸菜魚採用鱸魚，魚片厚薄均勻，肉質鮮嫩，味道鮮甜，完全冇骨！酸菜係經過 90日醃製酸度岩岩好非常開胃！

尋日喺尖沙咀行街，見到間以粉籃色做主題嘅餐廳，我被咁colorful 嘅顏色吸引咗，原來呢間係食酸菜魚，睇睇餐牌價錢唔算太貴，我地叫咗2款主食。麻辣香鍋，佢已經預設係麻辣湯底，但有得選擇多麻，多辣嘅口味，仲有20多款配菜可以選擇，我地簡咗魷魚鬚，豬排 ， 重慶酥肉 ， 脆皮肥腸 ， 寛薯粉條，上枱果時真係好大鍋，非常足料，佢嘅麻辣味真係好香，d配菜入晒味，食落非常滿足。我地樣樣都想食，見到有自選雙拼，咁就簡咗水煮魚 同避風塘大蝦，上枱時係有火燒住，所以慢慢食都唔會變涷，水煮魚d魚好滑，份量都好多，應該有一條魚嘅份量，入面仲有薯粉同大量芽菜，個水煮魚汁唔算太辣，而避風塘大蝦，非常惹味，佢炸到連d蝦殼都可以食埋，下面仲有大量炸薯條，非常好味，雖然見到好多辣椒，但唔係好辣，第1次食呢款口味嘅辣薯條。

呢間酸菜魚有得揀雙拼唔同味😋份量超多✨.▪️姚姚酸菜魚拼蕃茄魚🐟🌶️•🍅用上新鮮鱸魚 魚質香滑無骨 而且有埋大量粉絲喺入面 份量超多辣湯底有大量辣椒同炸蒜 令湯底十分香濃 辣到會令人食上癮蕃茄味嗰邊超濃郁蕃茄湯 酸酸甜甜 仲有切左粒嘅蕃茄 感覺好健康食完辣嗰邊再食甜嗰邊可以中和個辣味又可以同時食唔同味 好滿足！▪️藤椒無骨鳳爪 ($68)酸酸辣辣嘅涼菜 加上花椒鼓油同麻油食完個咀都好麻辣🤣涼菜黎講份量都好多~▪️酸辣士豆絲 ($58)落左大量醋 又唔算好辣 好酸好開胃回味無窮😋▪️手打檸檬茶 ($38)飲落較甜好清新好似落左蜜糖嘅味道有淡淡嘅茶味 唔苦澀味道同凍檸茶唔同🤣好值得試！▪️多多桃膠椰奶 ($48)用左椰奶+姚膠，底下有埋紅豆粒不過好似飲緊紅豆冰咁🤣呢杯較為普通 但中意紅豆冰嘅要叫呢杯~.✍🏻整體:魚嘅湯底真係回味無窮！兩個人食雙拼真係食唔曬~見佢仲有水煮牛肉同避風塘大蝦都可以拼酸菜魚 真係好多選擇 唔會淨係食魚食到厭😝

尼間想食好耐。成日見人排長龍，都唔得閒去排。今次終於比我食到。佢個名叫「姚姚酸菜魚」必點酸菜魚。我地又加左闊薯粉&中辣。分量好多。魚味十足之餘，酸菜魚酸度全面升級！！又酸又辣，好過癮！另外，我地仲叫左麻辣香鍋：鮮蝦、脆皮肥腸、花菜、蓮藕片&豬頸肉。分量十足，又麻又辣。鮮蝦外殼炒得好乾身，蝦又夠嫩身。肥腸又正又惹味。花菜同蓮藕片唔使講，係麻辣香鍋的絕配。😍配埋杯茉莉香橙🍊，好夾又解渴！ 總括來說，分量多，味道正。唔怪得甘多人排隊。唔食得辣嘅朋友仔，可以食姚姚蕃茄魚。