妹記大排檔

營業中

休息中

本人一直都很喜歡吃本地菜，自然也喜歡大排檔，我點了炸豬手、牛柳粒、炒通菜之類，這些都是必點的菜，炸豬手的皮的脆，點上餐廳提供的醬，簡直是perfect。雖然牛柳粒的份量不多，但加上炸薯仔感覺很好，很值得推薦！！！

難得一家人出嚟食飯 今日仲有堂細妹喺度家姐臨結婚前一晚 係附近酒店嘅呢一間 我建議嘅 因為臨時決定但係有位唔使book就係呢一間 又近😂 同埋之前食過尖沙咀嗰一間覺得幾好食✨之前食過尖沙咀嗰間咕嚕肉都幾好食 今日再encore但係奇怪上次食嗰隻係啖啖肉、無骨！裏面啲豬肉好鬆軟嘅～但係今次食嘅呢一間 竟然係好多骨嘅 個名好似仲唔同咗🙁（🌟呢間係尖沙咀 食 、睇圖片就見到唔一樣）✨呢個人哋話係招牌 但係食落去某啲位有啲硬 有啲位就好脆嘅！✨呢個係我爸揀嘅～味道正正常常 而且份量好大 最後食唔晒嘅✨而我阿媽就揀呢個涼瓜雞 因為佢想試吓～我覺得個味道可以 不過啲雞呢實在太細啦 同埋好多雞骨 😞無奈因為聽日做姊妹 唔可以食太飽～如果唔係會喺附近食韓燒總括來講我覺得呢間咁冇好食 建議可以去尖沙咀個間食😜

成班人食野 都係食大排檔圍埋一齊最有feel叫左5個餸加啤酒 六個人除開百零蚊 都算幾抵同埋啲位都坐得幾寬鬆 最鍾意佢個蠔餅 炸得外皮好香脆而內軟 而且都幾足料個牛肉粒都幾推薦 好有穫氣 肉質又好嫩

Restaurant Review📋Food🍽Deep Fried Dough Sticks Stuffed with Mashed Cuttlefish鬼馬油炸鬼- Cruchy outside and Springly inside- Quite strong Cuttlefish Flavor- Not too oily- Perfect match with the sweet and sour sauceDiced Beef🐄Tenderloin and Potatoes🥔in Black Pepper Sauce黑椒薯仔牛柳粒- A Strong Wok-hay Dish- Both the Beef🐄Tenderloin and Potatoes🥔were crunchy outside- Beef🐄was Tender inside with strong Beef and Black Pepper FlavorBaby Pak-Choy🥬Tomatoes🍅with Salty and Preserved Eggs🥚in Broth金銀蛋蕃茄白菜仔- The broth

妹記大排檔 Mui Kee Cookfood Stall+港式+中菜館+ 大牌檔🏠環境:+ 雖然又室外變成室內 但係都保持到大排檔嘅精髓 會有啤酒妹 粗魯嘅侍應 就少咗傳統大排檔嘅污糟+ 少少似cafe 咁‼️ 椒鹽鮮魷 $88好食指數：⭐️打卡指數：⭐️⭐️⭐️大份指數：⭐️⭐️⭐️抵食指數：⭐️⭐️⭐️✅ 睇一間大排檔好唔好食一定要睇椒鹽鮮魷 呢度啲椒鹽鮮魷好差 炸漿用厚過塊肉 主要食到炸漿味 食唔到魷魚味 好失望✅ 下次一定唔會再叫呢個‼️ 黑椒薯仔安格斯牛柳粒 $138好食指數：⭐️⭐️⭐️⭐️打卡指數：⭐️⭐️⭐️大份指數：⭐️⭐️抵食指數：⭐️⭐️✅ 係有少少貴 炒牛柳粒到130幾蚊✅ 不過係用心之作 薯仔好食 有煎封過 少少似薯角咁 非常入味✅ 牛柳粒 正常水準📍旺角通菜街1A-1L威達Deli 2商業大廈2樓B舖Room B, 2/F, Witty Commerical Building,1A-1J Tung Choi Street, Mong Kok⏰星期一至日11:30 - 15:0017:30 - 00:00☎️ 電話號碼 28336228📩喜歡我的文章，可以關注我及讚好以作鼓勵

最近,跟朋友到旺角妹記大排檔一聚。此大排檔的環境跟外面的大排檔不一樣,是在室內的,而且坐位都很舒服。平日的下班時間,都很多人,所以前一天都致電去留位。4個人叫了5道菜。(1)南乳鹽酥骨這排骨炸得很香,配上南乳醬,味道很配。(2)椒鹽豆腐外面炸得不太脆,個人覺得味道偏淡,但如果吃得比較清的人,可以試試這道菜。(3)蠔仔粥百幾蚊有這很大碗的粥,這個粥蠔仔都大大粒的,很香,但粥的質感有點兒像米飯。這個味道都不錯,可以3-4個人分享。(4)通菜炒得很有鑊氣,但太油。(5)雞煲這個雞煲大多都是骨,沒有肉得,且過油。但當中加入了木耳,都幾好吃。

約了朋友在旺角聚聚，很久沒見面了，約了在旺角女人街妹記這間以前經常要等位，今日還有很多空枱，無法，禁聚令只能4人一枱地方乾淨，大排檔格局，墻上挂滿食物名稱牌由於朋友未到，叫了一支啤酒和一碟妹記小炒皇等他。上枱是冰凍啤酒碗，拿碗喝真爽！妹記小炒皇是有腰果.尤魚，韭菜花，銀魚仔，竟然有叉燒粒，炒得過了火，韭菜花吃起來不爽脆，腰果淋身，號稱妹記小炒皇失色不少。朋友到了，他最喜歡吃炸豬手，另點了一碟蒜蓉豆苗蒜蓉豆苗正常水準,炸豬手賣相非常吸引，豬皮炸到脆脆的，裏面的肉不太鹹和乾身，加上泰式醬汁，酸酸甜甜，可以減少豬手又滯感，骨頭已切開，吃起上嚟啖啖肉。價錢相對來説比外面大排檔貴少少，但坐得舒服，又有冷氣，間中可試試

疫情持續左成八個月，依家都仲未見到盡頭，雖然有限聚令，但都冇阻香港人出街食飯嘅慾望😏因為真係唔係人人都煮得一枱好餸。三個人食大排檔，其實都唔係叫到好多野，由其是當中有兩位女性 黎得呢度，點會唔飲啤酒，拎住佢隻戰鬥碗,凍冰冰咁好揸手。小食叫左炸墨魚咀，皮蛋同口水雞。個人唔太like 墨魚咀炸粉太厚，口水雞唔入味。主菜係黑椒牛柳粒＆鬼馬油炸鬼味道都係正規中矩， 牛柳粒有d韌，鬼馬油炸鬼冇咩味，要靠個汁 。除左食飯氣氛好之外，都唔會特登再黎喇。

原隻脆皮豬手 $208豬手好大碟🍖，四個人食都覺得有啲多。豬皮炸得鬆脆，豬手偏鹹，不過幾中意佢有好多筋肉位，啖啖骨膠原😋。————————————————————煎蠔餅 $68炸得非常酥脆，而且夠乾身唔會油淋淋，可惜蠔肉偏細粒，份量亦唔多🤭。————————————————————金沙鮮魷 $88好明顯無印乾水就攞去炸🤐，炸粉同鮮魷完全分離，鹹蛋黃味亦唔濃。————————————————————安格斯牛柳粒 $128牛柳粒有啲韌，黑椒味幾香😋，醬汁酸酸甜甜咁幾得意，但同薯仔牛柳粒最夾既都係蜜汁😆。————————————————————金銀蛋浸白菜仔 $68穩穩陣陣，不過不失，如果呢個都唔好食既話都幾大鑊😂😂。

本來覺得炒飯冇乜特別冇影相..食完最後檢討係最正的............推介：：咖喱菠蘿海鮮炒飯，炸九肚魚都幾多人來食.....好彩訂左位準時報到.....唔係有排等哈爾賓啤酒-碗上來既時侯係凍👍🏻nice...天氣好熱...凍啤用戰鬥碗飲起來都好feel豬都幾好食.....鐘意佢皮脆炸九肚魚.......好食一般個味幾好食..有火喉..不過有沙...食起來唔夠𣈱快蠔仔粥—味幾好食..都鮮....不過都係有沙蠔餅一般

限聚令稍為放寬。好多人亦把機會搵吓好耐冇見嘅朋友，出嚟傾吓偈，食飯。當然我都唔會錯過呢個機會啦。今晚約咗三五知己一齊食飯。因為大家今日都要返工所以就去一個就腳的地方，仲有因為天氣非常熱，有冷氣又可以吹下水嘅地方。所以就揀咗位於香港旺角銀城廣場的——妹記妹記大排檔。今晚4個人就叫左7樣餸。無叫飯的我們，份量岩岩好。其中我覺得最好味嘅係：脆皮炸大腸，唔會太油膩，入口鬆化；椒鹽鮮魷就當然無得輸，陣陣椒鹽香味外脆內軟；黃金虾球，出面大多都只係做一隻隻嘅虾，但呢度可以叫虾球，連埋濃郁嘅黃金做法，唔使剝殼。一大啖，非常滿足。安格斯牛粒，牛柳粒入口即溶，加上非常入味嘅黑椒薯仔，小篇每次都叫。同埋今晚冇叫到飯所以就叫咗呢度其中一個最出名嘅菜式，原隻炸豬手！仲有入得嚟嘅一定要叫返幾支啤酒啦。一班人，入得港式中菜館，食嘢飲下啤酒，咁就都過了一個快樂的晚上！

老字號大排檔，名字依舊是大排檔現實上左舖，上左樓好長時間豉椒炒聖子肉厚，大隻！老左少少，夠熟啦。豬手無得頂，大隻又鬆脆物超所值！每件都有脆，有肉，豐富骨膠原金沙鮮魷失望的！金沙分離，稀稀的鮮魷好薄好少肉雜菜煲，不過不失！冬菇蒸雞好一般般！整體食物ok的！豬手更是出色當晚，我地入座時，隔離枱的青年已食晒野他們製造非常十分之多噪音！在兩枱間大聲叫喊。兩席共約14人，影響非常🤦🏼‍♀️我地完全傾唔到計。⭕️全店職員戴上口罩 ⭕️進店前量度體溫

前排未有限聚令之前難得同成班朋友聚左次餐一大班人就要搶食唔知係大家太餓定Ｄ野食太好食呢椒鹽鮮魷一層薄薄的炸粉油炸至金黃色陣陣蒜末和紅椒粒香味鮮魷爽滑彈牙惹味椒鹽豆腐外皮香脆可口入面豆腐熱騰騰地滑溜溜黑椒薯仔牛柳粒香港大牌檔招牌菜蜜糖薯仔炒得甜脆牛柳粒黑椒惹味，入口帶微咬口黃金蝦海鮮類較貴，蝦比較少也是正常人多必須手快有手慢冇整隻蝦包著極多咸蛋黃膽固醇直線上升香煎蠔餅港式做法香脆可口，入口鬆化蠔仔肥嘟嘟好新鮮金銀蛋鮮茄浸白菜仔平衡返咁多肉類的肥膩份量尚算適中最後必叫既戰鬥碗唔知點解咁出名叫啤酒就有

疫情持續好多本來要排隊嘅食肆都冇咩生意妹記大排檔都唔例外黑椒薯仔牛柳粒 $128薯仔好惹味 軟硬啱啱好送飯食一流💕牛柳粒就冇咩特別 正常水準不過我覺得都係深水埗萬發嘅黑椒薯仔牛柳粒最好食！燒乳鴿 $68都係不過不失乳鴿多汁 不過皮炸得唔夠香可能對佢期望太高haha西蘭花炒帶子 $88要讚下帶子幾鮮甜但整道菜味道偏淡 靠附送嘅一碟蠔油吊味不過剛好中和左另外兩道比較濃味嘅餸所以我地都幾鍾意☺️ .總括黎講 哩間餐廳食物唔算好突出埋單total $305 大排檔黎講都算有啲貴但店員服務好好 好有禮貌 唔洗排隊嘅話可以黎過下口癮但要排隊嘅話就不了

唉，今次食妹記有啲失望，只可以話地方算乾淨，有氣氛，以前食妹記樣樣都好好食，唔知係咪出咗名啦，依家真係好一般，份量還好啦，唔係難食，係以前好好食依家有對比，希望可以做返好啲啦