妹記大排檔

營業中

休息中

限聚令稍為放寬。好多人亦把機會搵吓好耐冇見嘅朋友，出嚟傾吓偈，食飯。當然我都唔會錯過呢個機會啦。今晚約咗三五知己一齊食飯。因為大家今日都要返工所以就去一個就腳的地方，仲有因為天氣非常熱，有冷氣又可以吹下水嘅地方。所以就揀咗位於香港旺角銀城廣場的——妹記妹記大排檔。今晚4個人就叫左7樣餸。無叫飯的我們，份量岩岩好。其中我覺得最好味嘅係：脆皮炸大腸，唔會太油膩，入口鬆化；椒鹽鮮魷就當然無得輸，陣陣椒鹽香味外脆內軟；黃金虾球，出面大多都只係做一隻隻嘅虾，但呢度可以叫虾球，連埋濃郁嘅黃金做法，唔使剝殼。一大啖，非常滿足。安格斯牛粒，牛柳粒入口即溶，加上非常入味嘅黑椒薯仔，小篇每次都叫。同埋今晚冇叫到飯所以就叫咗呢度其中一個最出名嘅菜式，原隻炸豬手！仲有入得嚟嘅一定要叫返幾支啤酒啦。一班人，入得港式中菜館，食嘢飲下啤酒，咁就都過了一個快樂的晚上！