好時沙嗲

營業中

休息中

小妹妹同事常嚷著要我帶她來這兒, 終於有時間跟她一到, 她就驚喜萬分, 我則失望非常.第一次到這兒, 都是例牌的點了海南雞, 沙嗲, 炒蘿蔔糕及炒貴刁, 是次被安排坐於「偏廳」的小店內, 又說己收拾好枱面, 但轉盤上仍是污穢不堪, 還有數條河粉在上面, 有無搞錯啊!!!!!!海南雞的份量好像越來越少, 不是說件數, 是雞的size細了很多, 肉都不多二兩, 雞油飯變得有色無味, 大失水準……..沙嗲尚算保持水準, 汁料是調得十分不錯的, 雞肉及牛肉尤其美味, 牛肉不un而且肉香四濺, 好味好味!!同枱另一個party又是點了炒貴刁, 兩碟一起上, 雖知份量不會均分, 但是這次的份量差別實在太大了, 他們的比我們的大碟很多很多, 有無搞錯!!! 加上用料不足但油量十足, 貴刁炒得散散碎碎的, 夾都夾不起來, 令人吃很得無癮呢!!炒蘿蔔糕原是本人的最愛, 但是現在又變成一大堆亳無蘿蔔味的粉糰, 以前的蘿蔔絲走到那裡去了? 這堆糯米粉做成的粉, 炒得一pat pat的, 真的不吃也無損失!!Service當然是不好啦, 尤其是環境這樣污漕, 真的不要再來吃了, 叮!!!叮走它!

對上個之食, 係同朋友一齊去, 佢介紹的上次食, 除左那個做野態度超差的長髮高女人之外(下面都有人講), 其他都ok, 老闆都好好人上次食, 海南雞同星洲蟹都好好味. 個蟹好食到停唔到, 明明飽到上腦都唔想停(2006年8月左右)如果我上次有的平分, 有90分(total 100)但今次.....唉, 下次不會再去食(2007年2月)雖然佢送左個雞湯同兩個布甸, 但真的, 那個蟹, 根本就不是我們上次食的那一個, 完全沒有食到停唔到口的感覺(我跟朋友就是因為留戀那個蟹到不得了, 所以先特意個日去食, 好失望)如果想有好d的服務, 可以叫那個短髮的姐姐幫忙, 態度好好多, 那個長髮高身高低眉的女人, 就不要再找她,我都唔明白她為什麼還可以做到現在一共4個人, 個短髮姐姐收平左我地, 4xx只收400但, 也留不住我們的嘴巴了平分....45....都不知道有沒有

近來「海南風」吹得緊，同一星期吃同一間餐廳四次，也真是壯舉！早前試過海南雞同福建蝦湯麵，今次同幾位舊同學來試埋其他。坐到內舖，唔知點解大舖收10點半而內舖就收10點，人齊叫菜都差不多9點半，但內舖仍是7成滿，幾旺場的。四人來點菜方便好多，吃碼可以多吃幾味，蝦膏雜菜沙律、串燒半打、海南雞半隻、海鮮叻沙、炒通菜另加兩碗雞汁飯。人說海南雞煩是海南人發明的，偶想大概是海南人移居南洋所創的，當年海南島為窮鄉僻壤又未有私營餐館，說海南雞發源自海南島難說過去。又試海南雞，維持原判，雞汁飯夠味但雞就好油好肥，只吃飯的話吃得過，否則的話就如某食友所言：「好難食！」。大家談起串燒，味道認真麻麻，還是樓下小販用炭燒的做得好，當然小店主打非串燒，情有可原。而蝦膏沙律，在坐的都以為是上錯，麻味醬料加上青瓜、豆卜、通菜等雜菜做的冷盤，是南洋人稱的沙律，甜而麻味十足，又吃小時候常吃的沙葛，爽甜之極，添了少許感情分。海鮮叻沙海鮮料幾足的，帶子、魚、豆卜、蝦但衰在只得米粉，並未米粉加油麵做的參參，湯底是又杰又濃帶十足椰奶味，亦唔算辣，一貫馬來風味，要趁熱吃放耐了會結埋一綴，其時不吃也罷，一人一碗後剩下少少湯底，已開始結

今次再來,純非自願,在全民公投之下,小弟唯有順應民意,老實講,在尖東一帶,開飯消費要在每人$100樓下,眾人仍然視好時為首選.每一次路過這個近乎廢置的商場,腦海又再回想廿年前的"警察故事".昔日尖東的歌舞昇平之煙花地,今日已成明日黃花.海南雞飯水準直插,今次索性來個肉骨茶算數.反而有更好聲譽.未吃過真正彼邦風味,但見瘦肉大大舊,吃得夠豪邁,尚有其他藥材配料.藥材味濃,還帶點辣.小弟比較大貪,油條得三數件,實在失望.就算一整條,也不用多少本錢吧.再淺嘗其他友人之菜式,海南雞飯仍是老樣子,不贅.喇沙就沒有其他同類店好.總之,好時又是另一間比外間"催谷"過度的食店.水能載舟,亦能覆舟.今日資訊爆棚,真係學麵包兄話齋:有好有唔好!

昨晚同女朋友仔去呢間好時沙嗲食晚飯. 一早驚無位, book左七點鐘, 但去到唔駛講book左位都即刻入得. 叫左四樣野:1. 沙嗲半打-豬牛雞各兩串(雞最好食, 其次係豬, 最後係牛, 食牛既沙嗲串燒, 都係街邊走鬼檔個d最香最好味! 全部上碟都係暖, 要快食)2. 出名既海南雞飯(d雞去骨, ok滑啦, 油飯要趁熱食, expect到唔趁熱食會一舊舊, 醬有三種, 同我係jakarta食既一樣, 豉油同辣椒, 但係呢到既薑蔥似wasabi既綠色一pat, 怪! 個湯最surprise, 唔醎有雞味)3. 辣通菜(唔係好辣, 有d鑊氣)4. 粉絲crab煲(隻crab好大隻, 新鮮, 肉爽! 胡椒汁好味, 但我覺得呢個煲應該可以香d, 有進步既空間) 見網友話呢到o的野唔係好熱, 所以叫野食個陣都有少少strategy. 首先一坐底未比menu就即刻劈頭叫左個satay先! (查實你唔叫佢, 我foresee到佢地係唔會俾menu你, 俾完食具上茶之後完全無視我地...), 到左個satay先叫個海南雞飯, 食到咁上下, 再叫埋個辣通菜同粉絲crab煲. 咁樣就樣樣食落都叫OK熱.最

今年己是我和男友第四年過聖誕,我們24/12到尖咀看燈飾,到八點多開始搵野食,我提意試下好時!! 一到便有位,好開唔洗等,我們看見附近的蟹煲($110)好想食,所以我地都叫左一個,仲叫左炒年糕($40),咖哩菜($35),所有野食都幾大碟,好好味,其中我最鈡意食個蟹好好味好多肉,good不過我男友想食咖哩蟹但我叫錯左呀,下次會醒目了。

本人于２５／１２／２００６惠顧該餐廳，　本人點了海南雞飯，但上了油飯，本人多次禮貌地要求該餐廳一位長髲女侍應更換為椰汁飯，但她並沒有理睬本人，　其後本人要求要一杯茶，那位長髲女侍應又不理睬本人，　但就給了兩杯茶鄰枱的一對夫婦，本人十分氣結，　那位長髲女侍應的服務態度極差，於是本人在結帳的時候向負責人投訴，那位長髲女侍應竟當住負責人及眾多食客面前衝上辱罵本人及叫本人動手打她，那位長髲女侍應的服務態度極差，　該店負責人解釋話因太忙，　所以該位長髲女侍應態度這麼差。　本人真是十分驚訝於尖沙沮區竟有這樣粗暴及無禮的女侍應。

去了食午餐. 入到去聞到有少少焗「叔」既味道, 心已暗叫不妙. 為什麼獲十大排名的餐廳竟會是這樣?老實講, 佢既串燒及星洲炒蘿蔔糕都幾ok, 但絕對唔係非試不可個隻. 但叫了碟串燒蝦雞飯, 明明menu 張相係跟幾件排骨, 但上碟時竟然變左腸仔菠蘿! 更令人為之側目的就係問侍應時佢夠膽話「係咁架啦! 個menu 係錯既」真係食到成肚氣, 又唔係有咩野特別好食, 一定唔會再去.

星期五和朋友到這餐廳食晚飯. 聽朋友說這是一間在openrice 排名颇高的餐廳. 我心想咁多人推介應該也不會太羞吧!但事實不是如此, 那個排骨茶, 太油了. 那些送排骨茶的油炸鬼, 好似炸完又再返炸的感覺.咖喱就更加唔得. 薯仔咬開後同啲咖喱一樣顏色. 你可以話佢煮得好入味, 但我就覺得好似係個煲度煮咗好多年, 啲質地好怪!最好食的就是那碗和朋友分享的白飯了.

一向好喜歡睇呢度的食評去搵好野食的, 昨晚去了好時食,都幾難搵,但心諗要食好野難搵0的有乜所謂呀。去到,友人不想食海南雞,咁我地叫左:肉骨茶,炒芥蘭,咖哩雞,串燒雞。去完馬來西亞後,喜歡左肉骨茶,但真係0係香港搵唔到好味的,見0的人讚呢度的好,就抱住期待的心情試。但食物0係叫左之後一兩分鐘可以上菜,除左芥蘭係熱的,其他都只係暖。肉骨茶只係可以用油膩形容,談不上正宗或好味。咖哩雞,我和友人其實都好餓下,但呢碟菜個味怪怪的,唔知係唔係太入味,所以食物的味道好怪,一0的都唔好味,最後好似冇食過咁。串燒就仲怪,佢係用免治雞肉,但唔似係燒,似係炸的,又唔熱,頂唔順。炒芥蘭係我用黎食飯的菜,我覺得可以囉,但友人不喜歡伴菜的蝦米,但真係好油。其實食完後唔係太飽,但係就因太膩而頂住,介紹友人食呢間,真係對佢唔住

最近運吉之事做唔少，生人霸死地做慣做熟，一人霸了四人檯九個字未被革走，亦有茶水添加，佩服。點幾鐘，OL是不少每檯至少一客海南雞，雞皮散滿碟，甜豉油去貨量最快，女人至愛。唔執輸來一客海南雞，唔食得辣，就叫福建蝦麵。食友姍姍來遲，無計打工仔命就係咁，偷得浮生，談談食也不錯。食友是幾識食的，談起食來主見不少，說起海南雞，去骨的最好，去埋皮就更好，飯麻麻啦，她就是識飲識食。偶是垃圾桶，見什麼吃什麼，校過的青薑蓉、帶八角滷汁味的甜醬油，微酸辣的泰式醬，配埋湯配套唔錯啦，雞汁飯如舊的夠味夠光澤，但就偏腍，口感一般，此品還是十一哥的高半班，吃到尾飯仍舊的光澤十足，吃得過。後來的蝦湯，幾濃幾鮮的，若再熬得杰身一些更好，福建蝦湯麵、印度咖喱，叻沙、幾夠亞洲特色的小店，建議Tea Time來試，唔洗等。

12月1號朋友生日...一個禮拜前已經約定...前一日朋友已經訂位..但奈何去到仲要等...咁無所謂啦反正都未齊人..之後黎齊晒時o岩o岩有位...我地6個人..坐左一陣都未點菜..有個呀姐忍唔住走過黎叫我地點菜..有一個朋友食左飯先過黎..所以實際上剩係5個人食...我地叫左串燒(豬、牛、雞各半打)、咖哩牛腩、唔知咩葉包雞...我地每人叫左個白飯...串燒最好食係雞肉..牛同豬都麻麻..唔叫可也...個咖哩牛腩其實我剩係用過d汁黎撈飯...對於我呢d唔食得辣ge人黎講o岩o岩好..而個唔知咩葉包雞就幾好味..值得一試..d雞幾滑...後尾再加左粉絲蝦煲同小銀魚炒銀芽..個粉絲蝦煲我剩係食左一小撮粉絲..覺得陣味好濃辣辣的..之後我已經唔敢食落去...個炒銀芽最普通...好油膩...最後食埋蛋糕滿載而歸...其實我最唔滿意係d呀姐ge服務...個樣好似好唔gur好不屑咁...加上佢斜對面個舖都係屬好時..搞到我想叫人時d呀姐過晒對面...好無奈...P.S.波波生日快樂!!!!!!!!!!

見到網上有咁多人讚好，所以霧名來試下。差唔多晚上十時左右去到，唔駛等位，一坐低個待應就叫我地快d叫野食，仲話叫我地下次早d，態度勁差。肉骨茶果然唔同，特別好味道。再叫左個海南雞飯、沙嗲串燒雞蝦飯；海南雞比較普通、沙嗲串燒味道唔錯。

以前常常食海南雞飯,水準都ok,雞太少,雞味欠缺。油飯太油,有時勁多,他們的伙計都知,有次我一舉手,伙計就話係唔係好油,立刻換。送的湯好鹹。最近轉到檔碟頭飯專門店食海南雞飯,水準高好多,雞超滑有雞味,有香味,油飯唔油完全我,三款醬好好味,跟一碗老火湯,每天轉款,檔的海南雞飯了食神爭霸戰銀獎,李純恩、紀曉華都話正,而且店外勁多錶位泊車。服務好親切。

看此店在這裡有不少讚賞的食評，因此順路經過時拉了男友入內探過究竟。點了一客海南雞飯，油飯硬得很，害我吃完後胃痛；雞是滑，可是沒甚麼雞味。在我個人而言是不合格的，因此亦引證了流言是不能盡信這句說話。