奇香冰室 (已易手) 新餐廳

我以前係附近返學, 奇香係依一區係超出名的!!! 尤其是牛燴!! 第二度一定食吾到. 另外,我以前本身係吾食牛燴此類野o既...仲好抗拒tim...但我自從食過一次後就愛上佢...好多明星都特地架車來食...我仲係到見過黃子華...哈哈...後來雖然換咗廚, 但個種味道都仲係好過出面很多...

燴意粉唔錯加蛋都幾正$7 2隻不過店舖有小強

已經食過幾次，次次都覺得好味.小女子覺得燴意粉最出色。雞絲好味，朋友話牛肉都好好味。(因為個人不吃牛的)值得一提這裏的腸仔不是一般茶餐廳用的雞肉腸，而是小紅腸。湯通/意都好正，湯底不太咸且鮮甜。還有就是，可以點忌廉溝鮮奶！一支忌廉一支鮮奶送上，夠兩個人分了。好味架！

上次試過呢度香濃既蕃茄繪牛意，今次下午茶食返個茄牛三文治，本來以為係用罐頭咸牛肉，點知原來係類似牛肉庵列果種牛肉碎，效果又唔錯，跟住叫多杯凍利賓納，可惜沖得太濃唔係太好飲，埋單廿三蚊，整體黎講都ok。

從媽咪中學時代已經係老主顧o既餐廳，雖然唔係成日去，但係每隔一排就會好想去食。我間中學喺嗰附近，所以以前成日帶啲同學、老師去食。個個食完都會上癮一樣，又再各自帶自己o既朋友同事去食。以前經營o既係一對老公公、老婆婆，佢地o既手勢無疑真係無人能及。無可否認而家o既質素係唔同以前，但係依然係好好食! 不過有時廚房換咗人，開頭o既味道就真係會差咗啲，但係冇幾耐就會好味番。假如去過覺得名過其實的話，不防俾多次機會佢地，同埋我o既經驗係，如果見到廚房o既人生面口，就望下周圍枱上面o既燴意粉「色水」夠唔夠。如果好紅當當的話，嗰次水準就有保證，如果「淡茅茅」的話，落Order 之際就最好叫佢「加多少少汁」咁就會好好味。個人推薦o既當然都係牛燴或雞燴。但假如嗰日唔想食乾o既嘢，食雞通或者三寶通都係相當不俗。

10/8(四) 6:30pm是日考mid-term,放工後會合男友草草果腹才上堂.由於男友只是"陪食",自己亦不餓,一於到此久仰其名的冰室一試!小小店子,裝潢殘舊,典型茶記格局.要了個三絲燴意粉$21,凍檸茶$9.雞絲,三絲燴意粉即雞絲,蛋絲,腿絲,配料及意粉份量不算多,且味道偏淡;意粉偏乾身,意粉幼身卻不太彈牙,帶微微蕃茄香,屬一般貨色!凍檸茶細細杯,茶味沒甚突出!$30屬中價,食物亦然.一試無妨,特意來吃,可不必了!

奇香的牛肉燴意和雞絲燴意好好食，尤其醬汁更加是只此一家!但如果幾個人叫同一樣的東西，分量好似少一點~不得不提的是，加底只需加一元，抵呀!

食物方面:上一次叫了個腸蛋牛繪意加底.真係好好味.值得一試再試.質素咁多年都無變過.真係抵囋!加底之後就會同出面茶餐廳份量先至一樣.所以加唔加底好決定你在平時出面食幾多而決定.價錢方面:每加一款要加多七蚊.感覺上偏貴.環境方面:舊式冰室.不要期望太諣.但整體上都ok.

每次來開餐，都被牛燴吸引，因為覺得茄汁同牛肉味最夾，有時我會加腸，有時加蛋，十分滋味。比較少吃燴通粉，總覺比較酸。好鍾意飲茶走，但呢度嘅茶走只落少少煉奶，搞到我次次都要補加些少糖，但茶好滑，好味。不可不提，呢度仲有提子汽水。下次看看能不能抵擋牛燴，試試雞湯通粉。

13/5/2006去南Y島之前要去旺紀買D野~所以,就即係想起係上星期係勝利道見過E間冰室,所以,特地來試下啦~我同朋友兩個分別叫左一個牛肉燴意粉同埋一個餐肉燴意粉！牛肉燴意粉~我覺得D牛肉無乜SODA粉"拿"過,幾有牛肉味,但又唔係咁特別...至於D意粉,我覺得好一般啦~這一個燴意粉真係好普通,其實,係屋企都可以整到的...但服務方面~唔知係唔係因為是老店呢???我見到有好多人都同老闆好似好FRIEND咁呀！不過,老闆都OK,幾NICE的....E間野~試過一次已經好足夠~唔會再來LU....

終於試倒呢間既燴牛意，真係好濃番茄味，牛肉都煮得幾好食，不過係覺得牛肉份量小o左d咁姐，見倒隔離幾檯全部都叫燴意粉或燴通粉，其他野好似無乜人食咁，21蚊碟都算ok抵食啦。

在小時，燴意粉其實是街頭巷尾的茶餐廳都做得不錯的基本食物。但時至今日，到處都係麵包舖、老麥及肥佬上校，好的燴意粉先變成了鳳毛麟角。去找老神父有事相求，搞掂後，一個人走在勝利道，由頭行到落尾，有不少食肆，但人也出奇地多。想起這裡的燴意粉，在門口見有位，就拿拿林坐低，叫了碟腿蛋燴意粉加杯鴦走少甜。檯檯都叫燴意粉，而廚房一碟碟的炒，所以都要等一等先有得食。意粉燴得色水對辦，煎雙蛋靚仔的舖在面頭，火腿交叉的舖在蛋旁，賣相絕對不馬虎。意粉軟硬恰好，用茄醬及鮮茄去炒，也是燴意的無敵方程式，夠味道又不太酸。雖然我隨時都少得出這碟意粉，但在出面茶餐廳都食到，是不容易的。這裡的燴意粉，是值得一試。鴛鴦味道不夠，茶味及啡味都稍遜。見佢水吧有一隻隻大隻厚身的新地杯，如果太座來，一定會叫個雪糕新地來嘆下。埋單37蚊，不算平，但有水準。當然是沒有專誠來吃的道理，講到尾都係碟普通的燴意粉而已。題外話：行過街口的熱狗店，竟然是有人排隊，真的配服時下飲食雜誌的影響力。見佢經營左十幾年，都未曾有如此「盛況」，說到尾，是間普通的熱狗店吧了。

呢間老舖可謂「老茶」得極致：門面激舊、舖面激細、家庭式經營，同service 家庭式食物。好多人會從四方八面，慕名而至，一試其蕃茄燴意；觀其色，大嗌「搵笨」：以芝士燴意為例，實情係一塊卡夫車打芝士蓋在用好小蕃茄絲同大量茄醬既炒得碎碎既幼條意粉。但係，奇香就係靠呢樣野起家：鬼叫佢炒炒得好食、味道夾，同埋就算炒得幾碎碎濕濕都可以用一隻叉KO 哂咩？

星期六早上氣第一次來吃腸牛燴意，有好多人仲食緊早餐，我覺得個意粉幾好，不太油，味道較淡，牛肉新鮮但份量較少，意粉煮得好彈牙，腸仔是小紅腸，我一向都唔鍾意食，但我竟然食曬，仲覺得好好食！真係奇蹟！我個人不太喜歡鮮茄的味道，如果可以走鮮茄我會更愛吃。下次想試下早餐。

舖頭不大，但乾淨企理。為穩陣，叫了眾食家都話好o既牛肉意，咖央多同凍鴦，個人覺得咖央多還是深水步維記的好味。意粉好香，好味，加底量也不算多。凍鴦一般啦!見隔籬叫的公仔面好大碗，似有兩個o既份量。建議由窩打老道培正小學對面轉入勝利道會易搵d。