奇香冰室 (已易手) 新餐廳

過來吃晚飯，記得睇過食評話幾好，就試試，叫了一個燴雞意加一杯咖啡。意粉加埋d醬，味道唔算濃，香味慢慢地散出來，好有屋企食開的味道。意粉煮得比好多餐廳好，唔會話硬或乾，反而咖啡就唔係好濃，有少少不足。如果想食港式食品，懷舊一下，就一定要試試這裡了。

認識它，只因黃子華。還記得他時常嘆這裡的鴛鴦。知道他們開業超過二十年，還知道這裡是伊健及邵美琪常到的地方。懷舊的水吧、啡色的冷氣機、舊式的磚牆，代表著那年代的繁盛，恍如隔世之感；過去的還是要過去。牛肉燴意粉，必選動作，牛肉是新鮮有味，不似放太多調味料蓋過鮮味，正宗鮮牛，港式意粉，片片蕃茄，入口時已「未聞其味先聞其聲」，雖然它不是與我一起長大的，但那種感覺就像識於微時，就是那種中學時代小賣部或球場賣雞脾那種感覺。伴以熱鮮奶，整個人已經能夠靜下來，它的感覺，就像城市中的綠洲，叫人能夠在繁囂城市中，找片刻的安靜。希望它能保留這種風格，與時代的並進並不看齊，才是它應有價值。

經過漫長的遊覽書中屋後，行到這裡已經九點多了，見明哥仍未收工加上肚空盪盪，二話不說來到坐下。幾樣招牌菜已品嘗過，今次試了三絲燴通粉；仍然是雞絲味道未能熔入，跟三絲湯意所感到的感覺一樣，(可見筆者另文)，而食味跟茄牛燴意亦相距；似乎以燴製所做的菜式只以茄牛燴意為主打！今次的中立面口是比個三絲燴通粉，要分清楚。

已來了第三次，咖央及燴意都試過，今次就來三絲湯意；整體味道比燴意差一點點，但可算清淡，另可能自覺雞絲不太配合，味道偏濃，若走雞絲應較為平衡。

雖然要行15分鐘先由mtr station到勝利道, 但為左奇香, 係絕對值得的.午餐食左, 旦牛燴, 腸牛燴, 芝牛治烘底, 凍華田, 凍朱古力. 11年來依然是同一份的味道！好好食.唯一可惜的是, 明哥太忙, 冇時間傾計。

今日返OU 睇資料，經過勝利道，實在懷念奇香，故就算肚子不餓都入來幫襯杯央走小甜及加央多士。老實說，比起意粉，這兩樣食品就失色一點，個人認為央走小甜過甜而奶茶及咖啡味較，比起大排檔差點；另加央多士夠脆但加央味不夠椰香，但算可以。下次都係等到肚餓來幫襯他們的燴意粉定當！

上次行了整條勝利道都唔見奇香，係我眼大睇過籠還是地址有誤呢?在失望之餘唯有記望下次。而今次多得食友文迪指點迷津，卒之找到，原來個舖面真的唔起眼，很容易錯過！今晚又係返學，六點一刻來到後只得我一個人客，應該為老板娘的阿姐幾親切，以寒冷天氣打開話題使氣氛更融洽。點了茄牛燴意加雙蛋，買相及食味相當好，尤以蛋漿融入意粉內效果更好！食味仍是港式燴意粉，但這正是我經常提到的那句，本土文化。跟老板娘傾開，食物做得好只需用好的食材及用心來烹調，就是這樣簡單的道理，但為什麼仍有那麼多的食肆以利潤為先，食客仿如嚼臘呢？

食得多正宗意大利粉,都要整番個港式會意粉,去平衡一下心理.勝利道"奇香",門面up dup,平常冰室,隱藏著最raw,最住家味的港式會意粉.細細食得多快餐店肉醬意粉,百吃不厭,後來識得去搵,識得去整Pasta,童年最愛味道,已放埋一二邊封塵.直到幾年前,搵到呢間奇香,等於一個成長在late 80,s的大細路,在某角落搵番部任天堂紅白機100 % 操作正常的心情.牛肉無任何添加,唔係上乘牛肉,只係普通牛肉,番茄又係普羅街市貨,加埋青豆,三樣加埋,就係小弟在80年代的味道.自此之後,定期去到坐低,茄牛意加底加蛋.打番舖雲斗羅,唔用上上下下左右左右BA start呢個秘技,好難打爆機的.

很喜歡這小店，所以間唔中都會來食。這裏沒有什麼好選擇，而我最喜歡的是會意粉，夾心多士和熱鴛鴦；差不多每次都會叫來食。今次一去到就見到很多人，明哥已經忙得很，好在等了不久便有人走了，而我們就叫了三寶會意粉、三寶通粉和兩杯熱鴛鴦。本來想再叫夾心多士，但因時間關係，今次就沒有叫了。三寶會意粉- 這裏炒得好入味，蕃茄汁唔會落的得過多，食完就是食完，不會食到尾很多汁在碟底，這是其它地方所不能做到的，也是我最喜歡的。三寶通粉- 辣椒女就每次都會叫這個，她說會意粉太飽肚，吃不完，而通粉就剛剛好。熱鴛鴦- 以前我們喜歡叫奶茶的，但聽朋友說鴛鴦更加好，之後一試便喜歡了，；但他們每次落奶的份量都唔同，有時太多，有時就太少，如可以自已落就最好了。因太多人，我們都等了一段時間才有得食；但如太少時間，就最好下次才來了。因主力只得明哥一個人做，真係唔好要求有什麼服務，最重要是食物一流，價錢又平就可以了！

間茶餐廳應該係叫奇馨，不過D會意粉就真係幾好食，我由細個讀書幫襯到而家結埋婚架啦。不過雖然老版幾好人，但係不能不彈佢地做野真係好.....好........慢，如果客多分分鐘等三四個字都未有野食，去到食野你真係自問要好有耐性先得。

我係好鍾意舊式冰室的,睇左呢度既食評所以今日就尊登去試. 佢雖然係舊,但就唔係我心目中果種舊0既feel,而且比較細,有d失望. 我地叫左一個大家推介的茄牛意,另外一個雞意加腸,還有兩杯凍奶茶添. 我眼見來幫襯的都似乎係街坊或者熟客. 而且大部份人都會叫加蛋加底(連瘦削女性都叫). 我們兩人都認為牛意係優勝過雞意,d牛肉真係好味,茄汁同意粉都好味. 只係d奶茶比較淡,唔夠茶味. 老闆招呼有禮貌.

Friday nite dinner is always a problem for us. Not many choices around in Homantin. After doing some researches, we wanted to try this place.The environment was as usual: no good. All the settings were very traditional. Of course our choice must be 會意粉.1.牛肉會意粉:8分2.雞肉會意粉:7分The sauces are bascially the same between these 2 會意, but 牛肉+ 會意would be a better combination. Anyway, both 會意were in good standard. Remind me of the good old days in childhood that we could enjoy more delicious food.

其實都唔知係咪用懷舊黎形容,叫左腿蛋會意粉,感覺好家庭feel味道一般,似自己整另外,汽水係支裝呢方面幾好

去完太平道幫狗仔買野,過黎呢度開餐~格局幾懷舊,侍應叔叔年紀當然有番咁上下,亦因而相當有"性格",落單唔會主動行埋黎要你大聲叫比佢聽,見其他食客習以為常,相信係街坊居多, 失敬失敬.會牛意其實好普通,你同我都整到,當然懷舊氣氛加上家庭式經營又自然加左分. 事實意粉夠熱夠味唔會過淋, 都食得過,只係份量比想像中細. 雞絲通粉就相對失色, 雞絲係好多但味道偏淡而且有陣雪味, 麻麻地. 都係o個句,行過有位都會再黎食,但特登黎試或者要等就唔駛啦

星期五同學仔帶左我黎呢個食野~~叫左腸仔雞肉會意粉~真係好港式既會意粉,炒得好香好好食~腸仔好特別,應該係wellcome先有得買既小紅腸,同學叫人煎耐d,好好食再叫左份多士,都好好食~不過佢地用既唔係厚多士呢...好香牛油味~食得好開心