奇香冰室 (已易手) 新餐廳

年多沒有來過，早段時間打算來這裡但適逢裝修，拖拖拉拉下是日才來幫襯。裝修後是沒有了當年的老風味，但沒法子，光顧裝修及以光猛企理為先的食客總是主流，為了增加客源及繼續作戰江湖，是難以在新舊間雙存，但是趟光顧，可幸出品、味道、明哥明嫂親切的奉客態度仍舊未變。

造訪冰室，點可能唔嚟呢度?對上一次嚟已經係年多前嘅事。今次再嚟，一望個招牌...咦，大装修過嚟bor...再踏入店內，新簇簇咁，似茶餐廳多過似舊式冰室，風味盡失...以前嚟都係貪佢哋有懷舊feel啫，家陣乜都冇晒嘞...燴意粉依舊係普通水準，無甚特別。雞絲仲有一朕雪味添，青豆及紅蘿蔔粒又只得"小貓三幾粒"...未食過呢類"懷舊"式意粉嘅朋友仔可能會覺得幾過癮。對我嚟講，傳統風味已失....冇必要再嚟la...

見這間平平無奇既古式ice 室有咁多個笑哈哈　一定有佢既特別之處　岩岩又係呢頭上堂　所以決定試一試當然叫個個都推介既三po燴意粉　好普通　真係一般價錢ok na

係附近讀書既我居然從來唔知道有呢間冰室既存在…直到某一日有個朋友介紹先知道…我不嬲都剩係食麵，叫咗個牛肉公仔麵。一食之下，覺得之前食過所謂既牛麵就真係好難食！個麵好正！又彈牙又爽口！唔明佢可以煮到咁好食！咁好食就梗係叫多樣嘢，西多士。得咗好耐，終於上枱嘞，一望，先知道點解要等咁耐！原來佢將整塊麵包放落油炸！(好似台北士林夜市果D棺材板咁樣！)好正！味道同棺材板差唔多！(不過就真係油咗D)可惜唔係住係附近，如果唔係又係一間日日都會幫襯既冰室！

加班練歌, 之前來這裡食個快餐.裝修之後, 感覺有點怪怪的, 好像燈光顏色不太對勁, 又或者係習慣了從前的環境. 幸好味道同明哥係沒有改變的.三寶燴意粉: 8分, 來這裡, 當然係不作他選地食燴意粉要了火腿絲, 雞絲, 同蛋絲三合一的三寶燴意粉, 個意粉汁依舊係無敵的茄醬加鮮茄, 每一條意粉都吸收了醬汁, 味道係濃得來又唔會太酸. 加上三絲, 簡單但精彩.這種風味, 唔係一朝一夕而來的, 係未可推翻的年輪, 難以用斧頭一劈叫畫面飛散. 回憶永遠是難得的.

今日得閒同媽媽去試下唔食得牛, 叫左個雞絲燴意同火腿奄列我之前工人姐姐煮茄汁意粉都係差唔多一樣炒到條條意粉都係茄汁不過係甜既唔知係咪我今次黎唔同啦我覺得佢d意粉係酸喎都好濃味但雞絲都幾少奄列媽媽就覺得生有蛋汁好好食咁o岩lunchtime周圍都好多人今次冇咁誇張檯檯都食燴意啦我諗佢都係勝利道比較平既野食唔係真係咁特別囉我覺得但一試無妨

因為工作關係，好多時都會黎勝利道，以前幫襯開勝利小廚，不過自從試過呢度d牛肉燴意加蛋，唔知點解好多時都會掛住，因為d蛋汁加埋佢d茄意真係好正，牛肉就普通，加一杯凍飲$38，算ok啦!

看過很多人講這間燴意粉好味, 我和友人決定去一試. 可惜.... 平平無奇, 我又食不出茄汁特別好味... 難道我這天的味覺出了問題?

一直好想試下呢度gei燴牛意,上一次黎到佢裝修緊,今次係早上十一點幾黎到,唔係好多人,個個人客一入到去都係叫早餐A,可能係我同朋友太早去到啦。朋友黎食過一次,但佢已經無咩記憶,我因為睇過食評的關係,所以特意叫燴意粉。但應承左自己以後都唔可以食牛,就叫左個三寶燴意,朋友就食煎蛋燴意。我自己覺得d茄汁真係幾得意,係甜甜的,不是十分甜,因為仍然有鮮蕃茄的關係,所以都有蕃茄味。但可能個人喜歡酸的蕃茄,所以不是太欣賞,但絶對不可以稱為難食。雖然裝修過,但我覺得咁gei舖係買少見少。

這店,是一個舊朋友帶我去食,很久沒見他了..聞說最近重新裝修,味道反而差了,於是決定再試..或者我剛巧吃不到差了的東西,我點了來吃的會腿意倒沒太大問題,,信我,我不是這店老闆,所以不是維護,茄汁味都是和以前一樣,甜甜地!好奇怪,其實茄汁意只是很平凡不過的食物,但這店做出來的是一種好特別的風味!是湊巧嗎?為什麼這條勝利道的食店都給人批評得這麼勁??是真的差了?還是我來吃前改善了?還是我的口味真的和其他人有大分別?都係信自己條脷!

今年鋪面裝修過晒, d檯椅同卡位都換過既, 仲光猛左好多添, 不過d佈局就同似前差唔多, 舊酒新瓶, 老板明哥同以前一樣, 口Up Up, 叫d客唔好追o拉, o黎緊喇...連收錢都話煩....d出品就10年如1日, 過質素就.........(畀d心機o拉....唉)

新裝修左咁耐先有機會去食，叫在碟蛋牛意，意粉碎得好緊要，味道冇以前咁好食，唯一無變既係工作效率仍然好慢，趕時間千期咪去。

幾個月前行過呢頭見倒拉o左閘，以為執o左笠，仲諗住無機會再食佢地既香濃蕃茄繪牛意，好彩原來只係裝修，不過都開返一排今日先有時間去食，其實裝修與否對我黎講都無乜特別，最緊要係即時叫我最愛既繪牛意，雖然依然好好食，但唔知係咪錯覺，蕃茄味好似無以前咁香濃，而且d牛肉都好難趙下，但又未至於要比喊面，如果講味道都算係不錯的。

話說有一天，明哥放假休息，剩下明嫂一人，在樓面獨擔大旗，可憐一個人只有一雙手，真是忙得喘不過氣來。可惜客人永遠是對的，他們並沒有體諒到明嫂的辛勞；而對於客人任何麻煩的要求，明嫂亦只好默默承受。就在明哥放假的這一日，發生了以下個案：個案1：麻煩客人：「牛肉香腸燴意粉加蛋反蛋……(10秒鐘後)，呀…走青豆丫明嫂。……(再10秒鐘後)走茄tim丫。」個案2：麻煩客人：「牛肉燴通加蛋加牛肉。」明嫂奇怪了：「蛋牛燴通又加牛肉！？即是兩份牛肉咯喎。」麻煩客人笑了：「係呀係呀，走茄tim啦！」個案3：一檯麻煩客人：「兩個牛肉湯意一個加腸一個加餐肉(好似講得好清楚咁)，一個牛肉燴意一個牛肉燴通加腸加火腿…(麻煩開始了)…走汁。」明嫂：「(省略)…牛肉燴通加腸加火腿走汁。」一檯麻煩客人：(開始唔好老脾)「唔係！！牛肉燴意加腸，牛肉燴通加火腿。走汁呀。」明嫂：「邊個走汁？」一檯麻煩客人：(更不耐煩)「燴通果個走汁。講得咁清楚都聽唔倒牙？(一分鐘後) 呀…加蛋丫，走蛋黃。」明嫂：「邊個加蛋？」一檯麻煩客人：「兩個燴…呀唔好唔好，4個都加啦，4個都加啦，走蛋黃，加單蛋得咯喎，唔使雙蛋…。」(煩得不得了)各位朋

我睇左好多奇香冰室既食評,我見到大多數都係好既評語,而我本身都好鍾意幫襯個D舊款冰室,尋日終於都試過了。奇香比我想像中光猛同乾淨,我諗住試下個個好馳名既燴牛意,不過因為我比較鍾意食通粉多D,我同阿叔講要燴牛通,點知阿叔俾左個湯牛通我,佢話我無講個"燴"字喎,跟住仲話我唔識食梗係要食意粉嘛...我突然間有點無奈我覺得呢D係個人喜好嘛...而且佢明明都有燴牛通既...食就好食不過原來個阿叔係撞聾...下次大家叫野食要大聲D,唔係來錯左又話你唔識食...