奇香冰室 (已易手) 新餐廳

自從讀完中學之後, 都好耐無黎過勝利道. 記得以前有幾間玩具模型舖, 我和同學仔經常黎運吉--齋睇唔買!! 前幾日有事出旺角, 就順便黎行下, 已經唔見哂果幾間野, 變成一條寵物街! 但果間無乜人幫襯嘅機舖, 仍然係無人幫襯, 竟然仲係度! 我真係諗唔明.... 突然醒起十年前剛返港時, 某雜誌中黃子華曾推介過奇香, 當時專程黎食, 繪牛意真係幾好味, 茄汁唔會多, 牛肉大大塊, 食飽後碟上唔會有多餘的茨汁! 今次入黎, 好似光猛左, 無以前咁暗! 依舊座位逼夾, 依舊牆身的玻璃矇矇地, 依舊牆上只得意粉的菜單, 依舊無電視睇或音樂聽, 你只會聽到"殊~雪~"聲....原來係其他食客享受意粉時的共鳴! 就好似對意粉及廚師的一種敬意!依舊係食繪牛意, 茄汁濃度味道同十年前一樣好味, 但"大大塊牛肉"已變成"雜濕濕牛肉", 無計啦, 物價高漲嘛!

啤預先上openrice尋找中央圖書館附近吃早餐的好地方讓我充滿體力去自修室溫習聽啤介紹，此餐廳早餐有炒意粉吃一向愛吃燴意粉這早晨滿心期待向勝利道出發店子面績很小客人都擠在狹小空間歎早餐早餐只有兩款：A餐：　火腿通粉＋火腿三文治＋熱飲B餐：　火腿煎雙蛋＋多士＋熱飲感覺上Ｂ餐不太抵但為了要點牛肉燴意粉，我們便點了較輕量的Ｂ餐牛肉燴意粉：尚算可以，未見出色Ｂ餐：　正常後來忍不住點了午餐肉麵加炸菜炸菜丁點味也沒有本以為一個＄１７的午餐肉麵，加炸菜最多加三至五元付款時方發現要加７元太'拿利'了更不值是這７元是獻了給沒味的炸菜或者這就是勝利道的特色吧

同事推介勝利道一間吃意粉的茶餐廳,我們於是拉隊食lunch.原來此店馳名燴意粉,馬上點個三寶燴意試試$23. 三寶是指蛋,腿和雞絲.賣相一般,以份量來說確實是少了點,也貴了點. 茄汁不多但比較"杰",味道剛剛好,不會過酸. 配料方面,蛋絲最多,火腿都有點,雞絲則很少...這一餐令人有點失望,除了個茄汁做得比較好外其他都只屬一般. $23一碟意粉再加$10飲品,埋單都要過$30; 但份量卻比一般茶餐廳的set lunch少很多...沒有特別,試過就算.

見雜誌介紹, 10大茶餐廳之一, 一試之下果然唔錯, 茄牛意有茄味有牛味夠乾身夠足料, 正! $23一碟, 係貴左少少, 不過咁好食都抵番。 後來貪玩叫多一個$6鮮油餐包, 一心以為會熱辣辣, 點知係凍冰冰至真, 都係怪自己無問清楚就order 星期六中午時份, 其實都幾多人幫襯, 但係大家都好有秩序咁响門口等位, 食完野嘅又會好識做咁快手埋單走人唔會霸住張檯。 老闆仲同幾個熟客閒話家常, 感覺都幾warm喎~

因為食家們都大力推介,所以我就去試食了地方唔係難找,係喺寵物街,即係勝利道,入到去叫左一碟好評如潮既茄牛會意,首先,其實我唔係太滿意個份量,因為真係太少了,不過我好滿意個味道,因為真係幾好食,點好食?佢個茄汁係比較乾身同比較杰的,其他茶餐廳都係把茄汁溝到好希,所以奇香冰室既會意粉好有茄汁味,而且唔會好酸,而係帶一點甜,入口起嚟就好香口!其實用料唔算講究,係好普通既什菜粒,牛肉都只係一些肉片,不過煮得好食用最簡單既材料做到好味既食物,佢地做到了!

星期日的晚上到這裡晚飯，想試一試這裡的港式經典－－炒意粉，點了牛肉燴意（$23）以及一瓶汽水（$7）。分量不多，只是平平的鋪滿一碟，整碟只有幾片牛肉，番茄、青豆都欠奉，意粉的韌度根一般茶餐廳沒大分別，口感較淋，的確每條意粉都沾上了茄醬，但味道很好很特別便說不上，只是普普通通地在鑊將茄膏、肉和意粉兜亂。汽水賣$7，不是罐裝，而是細瓶裝，192毫升那種。這種質素的意粉，茄膏和意粉再加肉類，沒有甚麼秘方，自己在家製作並不困難，甚至可做得比這裡的更好吃，店鋪的位置並不方便，其實用不著刻意到這裡。可取的是，這裡的服務效率很高，坐下來點了東西，即時端來汽水，不足三分鐘後端來意粉，我用五分鐘把意粉吃完，由我進店到離開，花了不到十分鐘。

放工同女友食飯﹐她聞說這小店好評如潮﹐便來一試。坐低看看餐牌﹐發現只有多士﹐湯意同會意﹐咁就要左個馳名嘅會牛意同雞絲意啦。意粉唔大碟﹐剛剛好啦。茄汁味係好濃﹐食得出係茄汁加鮮茄煮嘅。意粉遠硬適中(相對於大部分茶餐廳﹐當然不能跟意大利菜餐廳比較)﹐口感不錯。我和她很快便吃完。。。原因之一是真係得好少牛肉同雞肉 (比各位網友所影的好像更少。。。)。青豆﹐雖然唔係D咩重要材料﹐但也實在太少了吧(成碟得六粒)。額外再叫了架央多﹐也是一般啦﹐勝在唔係太多地方有得食。並唔係”嫌尖“﹐但特登來吃確是有點失望。可能始終都只係會牛意啦﹐跟樓下街坊茶餐廳相差不太遠。走時經過勝利小廚﹐有D想再食。。。哈哈

前文蘭香食評中,說到想起奇香冰室的茄牛意,相隔兩天,就來此吃個早餐.今年未來過,百物騰貴之下,奇香亦已加價,一碟茄牛會盛惠$23.早上明哥不在,照舊要個茄牛會加蛋.平日的早上九點多,店內依然人頭湧湧,但就只得小弟晨早流流吃會意粉那麼"另類".吃過沒有十年都有八年,水準一樣,牛肉沒有點比化學物洗滌過,茄汁同鮮茄一起炒出來的味道,酸甜適中,鑊氣十足.面頭的太陽雙蛋,見到都醒神.港式意粉,口感係淋一點,不要期望什麼Al dente.只是這一天的茄牛意,其中一隻蛋黃爆開,美中不足.

上星期中午之後前來嘗一嘗特別推介的茄汁炒意粉...首先我說的是"炒"不是"燴"..當天點了三絲意粉加底加牛...一杯熱奶荼..因我在lunch之後才光顧..所以意粉很快便煮好了..整體上看上去像自己家中炒的差不多...材料一般..意粉太淋..沒有咬ロ...汁不多有點乾身..茄汁味不夠酸及濃..只可以說是一般吧!!奶荼不夠滑及濃...看來要改善下啦!!最後結賬時聽到店主說要差不多退休了...我心想也許真的差不多了^^

又係朋友既好介紹,今次係食燴意粉!話有好多名人嚟食過,但係佢又講唔出係邊個!我食既係燴火腿意,味道ok啦,其實佢係比較乾身既意粉,同一般茶餐廳或者意粉屋嗰種有d分別!佢地既意粉有點偏甜,加埋d什菜粒仲更加覺!食完之後,又覺得唔算好特別,不過又唔係話好好食!

最近周圍搵食,頻密左!今次搵到嚟呢度,試一試佢地既茄汁意,因為見有好多人讚!我食左個茄牛意,佢既意粉係"地門"茄汁嗰種味,都幾好食吖!意粉唔會太林又會唔會太硬,俾啲茄汁煮到入哂味,好好食!牛肉係一般既肉片,仲有什菜粒,同一般茶餐廳既味道有分別!味道算唔錯!

午餐是在此店吃!我食既係一碟火腿雞絲意粉加一杯凍檸茶,味道方面,火腿雞絲意粉都唔錯,雖然簡單,但係意粉幾索茄汁味,唔係茄汁還茄汁,意粉還意粉,所以食起上嚟口感幾好!凍檸茶都ok!

來勝利道是因為小妹想養小狗!芝娃娃係我既dream pet!睇左好耐都無隻合眼緣!於是到這間餐廳食吓野!食既係一碟腿牛會意加凍檸茶,下午四點,都很多人,看來會很好吃!食完既感覺係,都唔差,似罐頭茄汁煮既味,不過不失啦!

朋友介紹先知呢間野好食,名人如毓民都嚟幫襯!咁我梗係唔執輸..選擇唔係好多,一間小小冰室!我叫左碟茄牛意,味道唔錯,不過有點似罐頭開的茄汁味,意粉軟滑,大抵這是他過人之處吧!因為好多時意粉會硬左,呢度唔會!都會再嚟食既!

裝修後第二次黎，記得上次黎食燴牛意，個蕃茄意粉係好好食，但d牛肉就完全唔掂，所以今次叫個三寶燴意，係蛋絲+火腿絲+雞絲，果然就好好多，雖然d雞絲都唔慌會係靚貨色，但係點都好過上次食果d牛肉先，蕃茄意粉依然香濃到爆，d意粉亦都熟到軟硬適中。22蚊都唔算貴，食到好飽，呢度個老細明哥都仲係咁好人，最衰真係唔就腳，如果唔係一定經常黎幫襯。