奇香冰室 (已易手) 新餐廳

裝修後第二次黎，記得上次黎食燴牛意，個蕃茄意粉係好好食，但d牛肉就完全唔掂，所以今次叫個三寶燴意，係蛋絲+火腿絲+雞絲，果然就好好多，雖然d雞絲都唔慌會係靚貨色，但係點都好過上次食果d牛肉先，蕃茄意粉依然香濃到爆，d意粉亦都熟到軟硬適中。22蚊都唔算貴，食到好飽，呢度個老細明哥都仲係咁好人，最衰真係唔就腳，如果唔係一定經常黎幫襯。