太平館餐廳

營業中

休息中

只去過一次，那時和同事都想試試這家老牌子的餐廳。很久了，記憶有點模糊，只記得懷舊的裝潢，和很甜的瑞士雞翼。記憶中沒有太大感覺，那應該是不過不失吧。*價錢反而是記得，因為我覺得那個午餐很貴!

原打算去farewell中環哈迪斯點知去到大排長龍重要買剩早餐決定轉去後面街的太平館試下1860年老字號的太平館出名的當然係佢地的瑞士汁雞翼同炒河啦但我地今次轉下口味叫左個乳鴿餐同會蟹肉通粉兩分食會蟹肉通粉賣相麻麻食落口重要好多殼要收$110加一下次都係試過其他好過聽講太平館乳鴿係新界有個農場供應所以特別新鮮但食落就唔係好特別個唔夠脆肉就少少鞋反而跟餐的鮮蝦沙律味道唔錯另外跟餐重有個焗海鮮飯算不錯環境ok 但都幾嘈下合家歡多D 如果情侶腳就要搵過第二間啦大部份WAITER都笑面迎人係其中一個粗聲粗氣黑口黑面重要埋單時就咁劈張單係度嬲得滯埋一個仙貼士都唔俾囉

又係一間由細食到大嘅餐廳...琴日同女友及佢爸媽去呢間新店試吓..下午茶時間，心諗幫襯咗呢度咁多年都未試過响度食tea..見佢個二人tea set幾特別--- 可以選四或六款嘢，有熱食亦有甜品，就叫兩款熱食(瑞士雞翼及烚鹹牛脷意粉)加兩款甜嘢(西多及紅豆雪糕)...嚟到點可以唔叫埋瑞汁牛河呢?...水準overall普普通通，始終老店差極都有個譜嘅。瑞汁依然係黑掹掹，甜甜哋，配上極多極新鮮嘅青豆角及牛肉，有極佳嘅化學作用。其他鋪頭如天樂真係只得其型而不得其粹...食得幾愜意...

闊別差不多一年, 今天再度去太平館, 全因天雨關係, 今次想一嚐招牌貨, 伙計說傳統的比瑞士汁牛河更好吃, 好信他一次!!如舊的叫了一客燴牛脷, 煮法雖清淡但是肉質美味而且香滑, 為本人每次必叫之食品, 一客四片略為貴了一點~~~雖叫了另一客牛脷飯, 但是以茄汁伴的牛脷, 碟頭雖大, 很夠飽肚, 都總不及燴牛脷的香滑美味干炒牛河真的很大碟, 這是西式的煮法, 豉油黑得很呢, 黑得有點像海南雞飯的豉油汁~ 河粉炒得不太油, 又不會斷到碎濕濕, 而且咸甜味道恰到好處, 牛肉又多, 牛肉有咬口之餘又不un的, 肉味夠濃, 真的好好味~~service都是一貫太平館阿叔的態度, 但是這一客干炒牛河真的藉得一試~~

呢間高檔路線既港式扒房果然係走「高檔路線」：侍應A：俾個menu 人啦。侍應B：睇死佢都係叫下午茶餐啦，使乜俾。哼，我就問你攞 menu（事關個下午茶menu 揀唔落手）...然後叫下午茶餐。Serve 我o個個係侍應B，而一路o係旁邊暗笑o個個係侍應A。之後，o係我一路食緊呢個無味之餘仲梳打牛到唔梳打牛既葡汁焗牛肉（薄片）飯既時候，侍應B 同侍應A o係我隔離繼續佢地既「世界盃口水戰」...佢地講野既大聲同detail 程度基本上令到我呢個無睇尋晚場波既「波癡」（即鍾意睇波又唔多睇得明波既球賽觀眾乙名）都知道場波既來龍去脈。加多句：個葡汁焗牛肉飯上面o個pat 到底係yoghurt 加椰絲，抑或cream 加椰絲，抑或係pat 好水既芝士？

選了太平館為吳小姐補祝生日。一共七位中小學同學，嘻嘻哈哈啖天說地一整晚，十分盡興。中環太平館環境唔錯，沒有其他分點般壓迫。點了很多指定菜式，食評如下:瑞士雞翼令人頗失望，雞全翼十分細隻，不夠肥美。瑞士乳鴿的乳鴿只得肥膏，一啲肉都食唔到。焗豬脾原來唔係原隻豬脾上，而係將豬脾切成薄片，伴以雜菜上碟。豬脾薄片頗為「鞋口」；雞肉蛋炒飯炒得好濕，個人認為不值一試。煎倉魚煎得不夠乾身，食落濕濕哋，跑馬地「益新」嬴足九條街；焗蟹蓋用料簡單，只有蟹肉、雞蛋和麵粉。蟹肉十分足料，但略嚴過份清淡，不值$140蚊/隻。成晚做得好的，只有燒乳鴿和梳乎理。燒乳鴿皮香肉嫩，鴿味香濃，抵讚！梳乎理十分巨形，七個女仔分，每人都分到好多。梳乎理皮做得十分香脆，內裡保持濕潤，帶着濃濃蛋香，食過咁多梳乎理，都係太平館最好味。吳小姐當晚可能太開心，離開時竟然漏低咗個手提。當我哋行緊去FINDS飲嘢途中，太平館就打黎問我哋有冇漏咗手提。我係呢度代吳小姐多謝太平館。

星期六，跟男友報完名，行o左落中環睇下有乜食，行過見到太平館做緊下午茶promo，一看$58任選四款，選擇都幾多。便跟男友入去，有位上了年紀o既大叔招呼我，佢好好禮貌，仲會介紹一好味o既款式如迷你西多同鹹牛意粉，跟住我們另多要瑞士雞翼意粉和雪糕紅豆新地。西多炸多好香，雖然迷你，但至少有10件，面頭仲有糖霜，糖漿和牛油另上，多士炸得好香，細細塊，好得意；再來鹹牛湯意粉，牛浸湯後冇一次食咁鹹，意粉冇乜特別，雞翼男友說個汁好怪，甜唔甜，鹹唔鹹咁，個人覺得最差好個新地，紅豆烚得唔夠腍，好硬，雪糕太凍，中間有粒粒冰碎，食到牙都震埋。四款食物全都以小碗形式上，唔夠可以選$78吃六款。

最愛太平館的瑞士汁和梳乎理, 今日去午飯,4位女士叫了3個餐,瑞士汁雞翼跟飯,葡國雞飯, 和瑞士汁肉片炒河.知道個梳乎理要排隊,所以1點己叫定一份.餐湯係牛尾湯,好"傑","傑"到湯面"king"佐一片"皮"係到,唔凍唔熱,好難渴.至愛嘅瑞士汁雞翼跟飯和瑞士汁肉片炒河都好正,d汁送白飯都好好味.個葡國雞飯就麻麻地.有4件雞加3件薯仔,d汁好油好"傑"但冇味.最激氣係冇得吃梳乎理,1:40pm個哥哥仔行過來,無理頭話"兩點鐘上得唔得",我們一頭霧水問佢上嘜嘢, 跟住佢好唔耐煩話"你個梳乎理由依家開始計要40分鐘才上得".我話我1點己經落了order,點解仲要等40分鐘.佢話因為我地未食完飯,所以未整,跟住佢後面另一位waiter又話好多order,未到你個梳乎理,都唔知邊句真.所以最後都後cancel咗.到叫餐飲,2杯熱檸水,1杯熱檸茶.熱檸水好快到,杯熱檸茶就催了4次,埋完單才到.比佢地激死.(2個waiters招呼8-10個客,4張檯)雖然d瑞士汁和梳乎理真係好味,但我會去其他太平館啦.尖沙咀那間不錯.

成日聽人講話swiss 雞翼好正, 今次終於有機會去食啦, $108八隻......都幾貴喎, 不過都要一試!! 另外叫左一客葡國雞, 奶茶一杯八隻雞翼兩個人食好似真係太多啦, 皆因個d雞全翼真係好大隻, 又好肥美下......瑞士汁好均勻咁係雞翼上面, 啖啖肉, 好正好好味!! 不過刀义都好難食得到, 真係要落手食先搞得掂, 正!! 一人四隻飽到暈......焗葡國雞$98一上枱就覺得好恐怖, 因為係超級多油, 係油浸雞個隻, 直情係feel到係一堆油入面撈d雞同薯仔出黎, 真係睇到都唔開胃, 食落又無咩味道, 雞又焗過時好鞋又好油, 真係好唔掂.........奶茶係要自己沖, 雖然茶好靚同埋好過癮, 但自己落奶同糖去調, 點都唔會有師傅整得咁好......anyway, 雞翼係好好食的

20051024 3pm早上同男友在家吃了小吃，不餓，一直到下晝2點幾3點出街先上食tea，星期日中環無咩地方開，太平館不失為好選擇。星期日無咩人，正~ tea set 有好多選擇，揀o左呢兩個-* 腿蛋治- $28 一份烘底腿蛋治，又係水準以上，蛋味夠濃又夠滑。* 吉列豬扒沙律- $38，一般啦。餐飲要o左即磨熱啡(x2)，水準以上。埋單唔記得幾銀，好似total $70 幾。

We 5 gals went to this restaurant to celebrate 2 gals' birthday on July 31 night. When we booked the table, we have already told the restaurant that the dinner is for someone birthday. We asked them to arrange a better seat but then we have been assigned to sit at the bottom floor, corner place. There is water drops from air cond there. Really Bad...We have ordered Swiss Chicken Wings...they are nice but expensive. The waiter hasn't reminded us the promotion of Compass Visa at the beginning...we

早幾日同個老友嚟咗呢度食晏，叫咗兩個Set。份量好夠。我叫咗個椒絲牛肉意粉，而我老友就揀瑞士汁牛河，兩樣嘢都煮得幾好食。呢間太平館可能比較新，所以坐得舒股服過銅鑼灣嗰間。

﹝因為我極之喜歡吃連皮牛尾，所以呢篇食評，個人感覺絕對行先，不吃牛尾的，唔會知我講咩。﹞太座放工在中環買野，一齊去食晚飯。因為佢已經行左成兩個鐘，唔想行咁遠。所以原本諗住去Soho的一間食肆試下，結果都無去，近近地來了士丹利街的呢度。以前都幫襯過這裡，不過就多數去佐敦，其他地方好少去。呢度裝修新淨，感覺雅致，環境遠比想像中好。來時八時許，人客不多，我們沒有訂位，但都立即有位，仲要係卡位，當然比堂座好坐好多。但坐到八點半左右，已經好多人入座，好在我地早十五分鐘到。而坐到後期多人時，可能個樓底應聲，幾熱鬧又嘈的，無少人時咁好情調。其實來太平館，食來食去都係果幾味，唔係雞翼就係倉魚，再唔係牛尾或牛河，最後梗要來多個疏乎厘，差不多是指定動作，同咩對象來都係咁叫。是晚我們叫了砵酒焗牛尾及黑椒牛柳的套餐，還加上贈送的六隻瑞士雞翼﹝詳情見文後的「題外話」﹞。套餐包的甜品，只是一件小果撻，所以再加個疏乎厘。頭盤是湯或沙律，我們都要了沙律，是港式做法的薯仔什果沙律，大pat調製過的酸甜沙律醬在面。老實講，可能由細食到大，食開有感情，覺得一點也不比鬼佬的橄欖油、紅酒醋差。係架，親切感，係大晒的；我吃的是砵

今日同Ball ball 食lunch，終於見到太陽ar 伯！2:30pm 去到，我地叫左瑞士雞翼跟飯，瑞士汁干炒牛河，有餐飲，跟個soup or 雜菜沙律。we have a soup and a 雜菜沙律，salad 好味，個sauce 好特別。瑞士雞翼飯，瑞士汁干炒牛河碟頭好大，There are four chicken wings in the set lunch with rice and the sauce is good! 瑞士汁干炒牛河麻麻。點知3pm 佢地有下午茶，每樣平一半，我地都坐定食緊la..OH MY GOD！

呢度個疏乎里好似麻麻地.......其他就同其他分店差唔多~~~燕窩雞蓉湯...好好味~~~不過d waiters可唔可以唔好長期監視住我呀...好唔自然~~