太和殿海鮮火鍋 (已結業)

星期一夾住係兩個公眾假期中間，今日返工都無咩心機做野，同同事吹水，其中一個住元朗嘅同事話尋晚試左間火鍋有花膠食，而且價錢一啲都唔貴，即刻問下個地址，一於今晚收工去試下先。坐低睇下個揀個咩湯底先，其實食火鍋湯底係非常重要的，揀錯左成餐火鍋就GG了。我係為左花膠而黎嘅，當然係揀「金抱什菌花膠豆乳鍋」啦火鍋配料仲有好多選擇仲有燉湯添，不過今晚食火鍋唔飲湯了。落完單之後，侍應好快就遞上調味架可惜我倆都不是醬料怪，一碟豉油簡簡單單就可以了。湯底來了，好似有個禮物袋袋住咁，旁邊仲有花膠點綴一下隨湯底附送菜籃一個，內裡有粟米、蕃茄、金菇、白菜仔、冬菇等等，分量十足。今日嘅主角——花膠，好大塊呀，而且有4-5塊，呢個湯底包咁多野都係$128，抵到爆同事推介--沖繩花豚肉，豚味重，少少肥，果然無介紹錯。手打蟹子墨魚滑墨魚滑淥一淥，一啖放入口，鮮甜爽口最後，當然唔少得火鍋必備配料，炸響鈴啦，通常我都係最後先食，因為佢可以吸晒成晚火鍋嘅精華，一次過回味今晚食過嘅味道兩個人食飽飽埋單都係$430左右，相當抵食。質素絕非一般任飲任食火鍋可比，多謝同事推介。

天氣變幻無常，時冷時熱，但吃火鍋就不用分天氣，火鍋很多時我們都會去集團式任食那種，食得多有時都會覺得悶，所以見元朗開了間太和殿而且食評又不錯，於是決定來試試⋯湯底款式很多選擇，也有其特色～精選牛肉價錢和等級⋯牛頸脊需要預早訂才能吃到啊⋯醬油架⋯湯底我們點了金抱休菌花膠豆乳鍋$128單是賣相已經很有驚喜，腐皮包著各種菇菌、蘿蔔等蔬菜⋯跟湯底會配一個什菜盤，內有多種蔬菜，單是綠葉蔬菜也有四五種了我們原本點鹿兒島豚肉($148)的，但原來落錯單，侍應落了沖繩花豚肉($168)，最失策是沒有對單，而且是結帳時才發現，難怪跟之前看過的食評照片不一樣，大家記住下單後要對單啊﹗手打蟹子墨魚滑$88手打墨魚滑口感很彈牙啊﹗即炸響鈴卷$68炸得非常乾身香脆，一點都不油～豆乳湯底味道略淡，如果可以加重豆乳味道更佳⋯跟湯底的花膠大大隻，而且有四條之多，可以大啖大啖品嚐整體火鍋配料新鮮，價錢中上，留意每位茶芥醬料$18

假期前夕，到處覓食。到朋友元朗新居參觀完，二人出動覓食。想找一個舒適安靜的地方用餐，但到處也要等位。友人提起之前多次駕車時經過此店，看似光潔明亮，可惜路旁大多泊了汽車維修公司的車輛，每次也沒有機會停下車子進來用餐。正好今天我們是乘小巴出來，不用找地方泊車。到了門外:心想: 店內明亮   門外有魚缸  莫非價格高昂?  先到OPENRICE看一看食評，沒有人上傳餐牌，只有食物相片。我們正在門外猶豫，店員出來招待，讓我們先看一下餐牌，價格不是太貴，就進去。晚飯有小菜和火鍋提供，我們選擇了火鍋。先選湯底，對三個湯底也興趣，504金抱什菌花膠豆乳鍋，賣相很好，看了食評很多人選這個鍋，感覺清新健康; 507杏汁百合豬肺鍋，感覺很滋潤美顏; 508藥膳醉雞鍋，感覺很滋補養生，$148有半隻雞，半隻藥膳酒香雞件要$88的。店員過來介紹湯底，原來504金抱什菌花膠豆乳鍋正做優惠，這款湯底送一個蔬菜籃。原來如此，那我們當然要來一份。很美，奶白色的豆乳湯。腐皮溶化後，裏面的材料全都跑出來，很多菇菌。原來底部還有一個隔網，以防黏底。還有三塊厚厚的花膠。送的蔬菜籃也有驚喜，有粟米、蕃茄、冬菇、金菇、雞脾菇、秀

前幾日D朋友話搞飯局，話入元朗食　太和殿喎～原本見咁遠，都唔係好想去。但佢地又講到點正點正，咪試下囉。去到元朗有ＦＤ帶路，地鐵出唔使十分鐘就到，地點ok啦～見門口咁大個魚缸，食海鮮實冇死啦，點知班fd話前兩日燒完野食，要食清Ｄ喎～fxxx好喇，入正題經理介紹兩個鍋，一個白玉藏珍鍋一個金抱什菌花膠豆乳鍋見前者好多人試過，今次試下後者個鍋一黎到好靚仔，成個福袋咁，沙鍋咁大個腐竹包住哂Ｄ花膠同什菌，賣相１００分。花膠好似手掌咁大，又滑又彈牙，女仕至愛緊接落黎梗係食肥牛啦，原本想食牛頸脊，可惜遲左一步，已經賣哂唯有叫左個極品雪花手切肥牛，正正常常，不過不失啦之後再追加個金錢展，呢個先正，牛味重Ｄ，又切得薄，加少少筋，比普通肥牛多Ｄ咬口另外班ＦＤ知我鐘意食餃，突登叫左個　三色餃餃震有雲吞韮菜餃同黑松露餃，個韮菜餃真係世界級，不過鐘意重口味韮菜先好試脆肉鲩我就唔識分喇，我覺得應該係靚野，因為我平時唔食魚，今次都食左兩舊其他手打丸，靚野同粗野真係食得出分別。蝦丸食到蝦粒，牛丸Ｄ牛肉味濃郁，有驚喜整體黎講全部用料鮮同靚，對食物有要求嘅人絕對要一試。

繼上兩次公司請食飯之後，原本諗住等公司再請食打邊爐先過黎再試下太和殿既但真係天氣轉涼，忍唔住同幾個朋友黎試左先我依照上次個經理咁講訂左間房坐，好舒服一班朋友有傾有講食得好開心當日係平日經理講番VIP房低消平D$2000，個經理認得我仲同我講如果真係食唔夠差小小唔緊要服務一流體貼講番今次食左咩先，我地7個人，叫左條加拿大象拔蚌超爽脆鮮甜$1088抵食（如果4個人其實可以叫條細D，$888）當日飛機運到香港既愛爾蘭鮑魚，我地叫左1隻做刺身，新鮮生猛，味道爽脆，不過我自己較喜歡灼黎食湯底，我地選擇左個好特別既湯鍋叫做金抱什菌花膠豆乳鍋簡直驚喜造型好靚湯頭味道，食得出用心冇味精材料健康另外經理知道我地鍾意食牛，所以就問我地食開邊類型我就答佢平時食開牛頸脊囉！原來佢講左一輪解釋比我聽，我地去一般既火鍋店食既其實係急凍牛小排，所以淥幾耐都唔會鞋而真正既本地牛肉，其實唔係咁多火鍋店可以拎到貨，而佢地就正正係兩類貨源都有，跟住佢介紹左我地食全港每日只屠宰18隻左右既騸牯牛比我地食，而仲要係每隻牛只起到兩隻手掌大既牛肉比我地試，佢話係叫做挽手既部位牛味濃有油香，我地一試完都話未試過咁既牛肉，真係同我地以

公司開年飯又再次選中呢間太和殿今次菜式都比較特別同埋有創意，完全唔係普通酒樓既菜式值得嘉許我自己個人好欣賞（金湯海鮮石榴球）應該係類似潮州名菜石榴雞演變出黎個蛋白皮幼滑，用料新鮮夠味我相信係元朗區好難食到有咁既質素中菜其他菜式都好好味唔作多介紹直接睇相片啦！好期待下次公司黎再食下火鍋因為見當晚都好多人食火鍋目測見到d牛肉同海鮮都好正今次食左開年飯，老闆已經講明爆數會再黎食火鍋睇過張海鮮紙，并唔係市場流傳既好貴劏人咁款因為見到廳面有枱客人食加拿大象拔蚌原條，都係$888我個人就覺得好抵囉！其他活魚都係有做特價，所以都幾平期待下一次火鍋

今晚冇人 陪食晚飯， 一條友 無無聊聊走咗去屋企 附近間太和殿， 見佢新開張， 裝修都幾靚 四四方方有光猛， 其實呢間太和殿主打係食打邊爐嘅不過我一個人冇理由自己喺度打邊爐咁孤寂㗎，於是就 嗌咗兩碟小炒食下， 如果好味下次先再嗌多幾個朋友嚟再試下去嗰邊爐火鍋質素 欖菜肉鬆炒豆角$88 雖然看似很平凡，但係見佢都炒得幾乾身而且豆角都還算很鮮嫩，不錯 一字骨$98 呢碟啱曬我呀，份量夠曬少 一個人食剛剛好， 酸酸甜甜嘅 味道令人很醒胃， 嗌多碗白飯 剛剛好。

今年稀有既冬天日子，終於可以趁凍打邊爐但仲有小小熱，住係元朗既同事話屋企附近有間火鍋唔錯。門口招牌光鮮，大大隻字寫住“太和殿”，感覺應該有保證，入到去原來坐位唔太多，但每一檯唔會太迫，望真d，原來有2間VIP房，估計用黎招呼老闆熟客。講返正題，湯底叫左個豆乳湯底，一塊大腐皮包住雜菌，重點係有花膠，4個人黎食，每人都可以食兩大舊。配料方面，原本打算叫牛頸脊，靚野果然好快賣晒，伙計話下次可以打電話預留，最後叫左本地手切肥牛，牛肉味相當濃，有質素！！跟住叫左即炸響鈴，魚皮同埋四寶丸，當中手打牛丸比較出色，另外三色餃都唔錯，有我最鐘意既黑松露水餃！！唔知點解脆鯇魚腩係今餐之最，魚油味好出，有驚喜。總結，雖然價錢比起其他任食略高，但性價比較高，而且元朗少有提供高質手切肥牛，去到元朗可以多一個選擇。

來到元朗找朋友，晚上走進這間菜館，環境亁淨舒服。想著不要吃得太飽，簡簡單單2個小菜，之後再到附近喝糖水。 點了一碟欖菜肉碎四季豆 (HKD88)四季豆脆綠，口感爽；欖菜份量剛好，不會過咸，再配上肉碎口感，簡單又惹味！ 另一碟點了梅子一字排 (HKD98)每條一字排都很晶瑩，肉質滿嫩，易咬亦沒有痴牙，梅子味道微酸微甜，味道均勻，最合我胃口，可以吃一大碗飯！ 整體不錯，2道菜用料新鮮，味道適中，最怕太濃味。 

同事話屋企附近開左間新野當然要去試試啦，反正天氣凍凍地十下十下就岩晒可能我地平日去，都唔洗點等位，地方雖然唔係好大 但都勝在夠乾淨企理一入去服務員就拎好配料俾我地調配鼓油，都係大路野辣椒,蔥,蒜頭不過要讚下個乾蒜，超級香 我地揀左<金抱什菌花膠豆乳鍋>真係好驚喜 估唔到佢用一塊大腐皮包住所有湯料有賣相又足料，入面有什菌花膠等等，什菌好滑好好食，花膠又夠淋 豆乳味雖然唔太突出，但就更加可以襯托其他食物鮮味呢個價錢淨食花膠都抵，不過腐皮要快手食 比較快散打邊爐唔少得牛，本身想食牛頸脊，但原來要預早一日訂咁我地就叫左肥牛，都好好食，好有牛味同好滑另外仲嗢左手切金錢展都好有牛味而我最推介係金錢展 ，好食！同平時街食個D冇得比另外都有叫手打墨魚丸同墨魚滑一樣都係自家炸 唔似出面買個D墨魚滑極力推介好彈牙有鮮味打邊爐必食整體黎講，佢都係中上之選，下次一定要黎試埋佢其他湯底價錢又唔貴，地方又乾淨，今之朋友真係冇介紹錯

今晚公司阿sir請食飯，去左元朗呢間叫太和殿海鮮火鍋既餐廳，由於早到關於自己係第一個到，一入店入面見到好多客人打邊爐，心諗又打邊爐，咁就諗定有咩好食啦！見到好多客人叫一款鍋叫白玉藏珍鍋，見到有冬瓜花膠之類啦！好正咁啦！跟住睇到張海鮮餐紙推介一款叫騸牯挽手牛肉，好似好正咁，亦都係好多人叫既好啦！終於老闆到齊啦！點知老闆問都唔問就叫起菜，原來老闆一早已經訂好菜單，食晚飯（等我仲叻得濟以為打邊爐）老闆話原來呢間太和殿既大廚係佢以前住中環既時候已經成日幫襯，個大廚係灣仔做開高級潮州菜，手勢一流聽老闆講到好正咁，食過睇下係唔係上湯焗龍蝦龍蝦好新鮮爽口彈牙，味道唔太咸，剛剛好果皮蒸花金古2斤幾重好小見到咁大條既花金古，上枱時候都有d擔心唔夠 熟，但又真係剛剛好，高手魚嫩滑帶甘香，一絕由於太好味關係有幾款餸都唔記得影不過，最重要個款就好彩有影到呢個叫做盤滿砵滿呢個餸裡面有好多炆好左既海味（大瑤柱甫，蠔豉，花膠，鵝掌，北菇，豬手）廚師應該係將所有材料用鮑汁炆扣而成味道好好，我地個個都搶住食成晚食飽後大家除左吹水外，講番d餃掂唔掂，大部分人都係贊多過彈既，係有個餃叫潮州春菜煲差d,因為一般呢個餸d春菜都

一連聖誕假期後，日日唔係Pizza就係炸雞，食到人都癲。放工Whatsapp問下fd放工去邊度食好，佢答我入元朗個邊打邊爐喎，咁照去啦唯有叫個清Ｄ個湯底去到見佢地已經坐晒係度等緊我，叫左個奶白色湯底埋位坐底，一試個湯，好清好好飲原來係用什菌花膠豆乳整，一黎我就飲左兩碗，花膠勁林，D菌好鮮，正！之後叫左我最鐘意既豚肉，睇個樣都知係靚既，油脂分布均勻，我地仲想Encore多牒，豚肉勁重肉味都好好食我鐘意食餃叫左牒三色餃，好食，韭菜餃勁Juice勁多料勁香！我地再就叫左Ｄ丸食，Ｄ丸勁彈牙，首推蝦丸，超爽口，正！朋友都鐘意食魚，佢就叫左個脆鯇骨腩，佢話勁鮮，勁爽口，話下次要試埋其他海鮮，我食完都覺得唔錯。其他響零，魚皮都好好食，埋單都係２百幾蚊，幾抵食！

啱啱同班Friend打完麻雀諗住搵啲嘢食醫下肚， 諗緊食咩嘅時候，朋友就話凍冰冰梗係打邊爐啦，所以就去左佢屋企附近嘅太和殿十下十下開頭入去以為同一般火煱店差唔多得D 普通湯底簡，點知睇下個餐牌，原來都幾多選擇喎打邊爐又點少得肥牛呢， 落完個湯底即刻落番啲肥牛先, d肥牛嘅雪花分佈十分平均 ，唔會話有啲肥肉痴喺一邊金錢展都好正，不過太細片食得吾夠過癮，如果大塊d會好d另外一定要推薦畀大家嘅係脆鲩骨腩，又鮮又彈牙，食落去d肉吾會散，口感一流，出面應該都幾難食到咁高質嘅骨腩最後我哋嗌咗兩渣飲品，竹蔗水同埋菊花茶，就咁睇個樽兩渣都好足料，味道都ok嘅, 吾飲氣水想飲得健康d，呢兩種唔錯嘅選擇下次想打邊爐，咁呢間都會係我下次嘅選擇

話說今日天氣凍凍地, 我同班好友就諗住打邊爐, 我地就去左位於元朗太和殿海鮮火鍋小菜館試下。先講一講環境, 呢間火鍋餐廳有落地大玻璃既門口, 裏面環境寬敞, 裝修簇新, 天花既燈飾簡約中帶點華麗既感覺, 另外有幾間VIP 房間。今晚我地叫左由經理推介既金抱什菌花膠豆乳鍋, 呢個鍋既特色係中間用左腐皮造外層, 整成好似褔袋咁包住花膠同什菌。呢個鍋湯底雖然唔濃, 但勝在什菌口感爽滑, 另外亦帶出菌類既鮮味。另外經理推介極品雪花手切肥牛同手打鮮牛丸比我地打邊爐, 食落下牛肉味好濃郁, 肉質亦相當嫩滑, 其他朋友都覺得呢間火鍋既牛肉水準相當不俗。令我地喜出望外既有潮州魚片頭同即炸響鈴, 可能係即炸既關係, 魚片頭炸同炸響鈴爽脆可口。最後咁多位朋友都覺得呢間火鍋餐廳既火鍋配料都幾新鮮。今餐人頭消費都300蚊左右, 絕對係物有所值。如果大家想同一班朋友打邊爐相信係唔錯既選擇。

聖誕去左朋友屋企玩，天氣咁凍當然想打邊爐但係又唔想煩，廢事搞咁多係屋企打邊爐，於是朋友介紹落左樓下附近打邊爐。打邊爐湯底最重要，估唔到呢到都有唔同特別湯底，我地15 16最後叫左個金抱花膠什菌豆乳鍋，經理話呢個係豆漿湯底，而且見到餐牌個圖都幾得意，有個好大腐皮包住d菌，清清淡淡都唔錯。首先我地叫左個本地手切雪花肥牛，睇下d脂肪紋理分佈都好足夠，食落口牛肉口味濃，幾香口。 打邊爐呢碟牛肉真係膽拖，必叫!跟住又叫左個手打蝦丸，幾有蝦鮮味，但略嫌實左小小，可能打得未夠起膠，不過味道overall都唔錯。叫左個脆鯇魚骨腩，呢個最有驚喜！好爽口，好有口感，唔腥，最緊要控制到個火喉，涮一陣就好食！最後真係要講番d湯料，d菌索哂個湯底d豆漿花膠精華味道！正！好香！總結呢到打邊爐都幾舒服乾淨，樓底算高，又有卡位，如果人多又可以book房有個小空間比大間gathering! like!