太和殿海鮮火鍋 (已結業)

小妹子雖然是九龍人，但偶爾還是會去新界走一趟行下行下又到晚飯時間，我説茶記叫我小菜，但男友主動要求要食中菜，上Openrice 搵搵，看見太和殿在我們的射程範圍以內,就試試吧竹庶馬蹄水$48~天時暑熱31度，當然要消下暑，味道清甜、甜味適中👍👍👍咕嚕脆肉$98～這是我的最愛，店員介紹是用新鮮肉，更juice又有肉味，果然有heart 皮脆肉嫩，酸酸甜甜好開胃，又好餸飯雜菌鮮竹煮勝瓜$88～上湯浸勝瓜好入味雜菌也吸收上湯精華白飯$12～扺食又飽肚今晚的有菜有肉非常豐富，下次有機會再去元朗的話，要試埋太和殿的火煱

今日同朋友嚟到元朗，想清清地食啲小菜，嚟到太和殿呢一度，雖然佢個名係叫做海鮮火鍋但原來都有小菜架！入到來，環境樓底非常高，真係有啲似「殿」堂級嘅餐廳。首先叫咗個松子海王炒蛋白、欖菜肉碎蒸茄子同雜菌鮮竹蒸勝瓜。全部菜都唔太熱氣，適合我呢啲上火嘅人。經過師傅精心烹調，不出15分鐘，第一道菜終於出現！香噴噴的欖菜配上去咗皮嘅茄子，仲有啲肉碎作伴碟，令普普。通通嘅茄子，頓時成為冠冕堂皇嘅一道美食。咬落去嘅時候覺得茄子嘅硬度非常適中，欖菜鹹鹹地，送飯真係一流。松子海王炒蛋白賣相非常討人喜歡，白色嘅蛋白配上橙色嘅蟹子，加上啡色的松子，仲有兩條綠色嘅芥蘭，整道菜變得非常醒神。蛋白炒得滑身，松子脆口可人，食落去感覺好健康。至於雜菌鮮竹蒸勝瓜，有點似上湯煮時蔬嘅感覺，包羅萬有，鮮竹嘅份量亦都好多，物超所值。整道菜啱晒對健康有追求嘅人。老闆都好好人，叫我地下次定位可以搵佢呢。

因我特別愛打邊爐，常常到區內找尋一下隱世美食。之前都經過這店，是次有機會品嘗，皆因朋友生日。這店全新裝修，以火鍋店來說，格調十份高級，座位舒適。我很愛是這兒的住家湯水火鍋湯底，因為真材實料，無味精又足料，今次又點了蟲草花雞湯，清甜鮮香，湯水無味精，要享愛嚐湯又嚐足料湯料的樂趣，慢慢嘆最享受。嘆罷最好係就加湯打邊爐，因為開到冷氣好勁，一邊享愛美食，一邊嘆冷氣好爽。至於美食，可以用好新鮮來形容。本地牛肉，牛味濃，嫩滑無渣，又香又豐膄。花膠是店員的推介，雖不是極之選，但膠質十足，軟腍好吃，但花膠本身無味，要多吸湯汁才好吃，滋補養顏。還有驚喜美食，韮菜餃，份量十足，內餡多肉多韮菜，欲罷不能的美食。蘿蔔還是我的心頭好，灼得爽，好甜有咬口；灼得夠腍身，入口即化，吸收湯汁，一絶。基評分: **味道(基基基基)**外貌*(基基基基基)*抵食(基基基基)**服務(基基基基)**最後基言:整體味道不錯，其他如丸類、肉類，都好新鮮，蟹籽墨魚滑是我吃過最好吃的，有墨魚鮮，彈牙加上粒粒蟹籽口感，要讚。

今日同朋友去南生圍行下，順便影下相，不過夜晚就出返去元朗食。行咗咁耐，大家都覺得好攰，又肚餓，所以行咗一陣，就已經好快決定食呢間火鍋店。雖然，餐廳係一間火鍋專門店，但朋友睇完餐牌之後，竟然比小食吸引住！但又驚兩樣都食會太多，所以，最後就打算棄火鍋，保小食！其中有兩樣小食係我最鐘意嘅！石鍋海鮮彩虹滑豆腐呢幾日落雨，天氣比較凍，食石鍋就啱哂，熱辣辣，可以暖下個胃，石鍋又可以長期保持食物熱度，慢慢食，傾下計都得。一望個石鍋，就見到四、五粒大蝦，大蝦好新鮮，大大粒，又彈牙；仲有爽口嘅魷魚。只所以叫彩虹，係因為呢碟菜用咗三色椒做伴菜，包彩鮮豔；而白白嘅豆腐都好滑嫩，吸哂醬汁味，夠哂濃郁。梅羔醬燒骨梅羔醬係餐廳特制嘅醬汁，酸酸甜甜，好開胃，燒骨表面燒到微脆，肉質結實，配合酸甜嘅醬汁，感覺唔會好熱氣，份量亦好多，叫泥送飯啱啱好。好似其他中式餐廳一樣，餐廳會提供茶水，叫咗一壺普洱，可以消下濟。

餐廳雖然比較遠，不過地方好大，裝修亦都好靚，坐位舒適。好想食重口味野，所以就叫左個沙嗲湯底，味道濃烈， 有辣味亦都有麻味。原來叫沙嗲湯底送即炸響鈴，響鈴好脆，亦都好大舊，放佢入沙嗲湯入邊2秒，就已經吸晒沙嗲湯嘅精華。 牛坑腩而家打邊爐新食法唔係食肥牛，係反而食牛坑腩。牛坑腩煮嘅時間比較長，但係會吸晒湯底嘅精華同味道。煮煮下就變咗沙嗲牛坑腩，牛坑腩充滿沙嗲嘅味道，但仲有佢自己本身嘅牛味，食落去仲有牛腩嘅油脂， 十分肥美，好食！紅薯粉紅薯粉吸收左沙嗲湯嘅味道，但口感依然彈牙。

雖然住喺屯門，但出去荃灣同出去元朗嘅分別唔大，所以好少專登去元朗。咁啱堂妹住喺元朗，所以隔唔時都會去搵吓佢。由於見親面都雞啄唔斷，所以一定要搵間食肆係可以畀我哋坐返咁上下時間。堂妹提議不如去打邊爐，貪佢烚下烚下好襟食，於是就去咗一間類似中式飯店嘅地方試試。 入到去環境都幾舒服，有卡位亦有大枱，細細哋一間飯店都間咗兩間獨立房，幾適合一班親戚朋友聚餐。 原來舖頭唔單止有得打邊爐，小菜選擇都好多，如果有啲朋友唔鍾意打邊爐，可以齋叫小菜都得，不過目測店內嘅客人基本清一式都係食火鍋。最過癮嘅係無諗過一間火鍋店竟然會有埋新鮮刺身食，選擇仲要唔少，真係中日合壁。 揀食前都要先揀湯底，因為我哋兩個都嗜辣，所以揀咗個沙爹鍋。沙爹湯底一上，用匙羹攪下，比較杰身，似係真材實料。呷返一啖，一個字「正!」，沙爹味夠晒濃，仲有花生醬味，唔會好似坊間溝淡晒嘅嘅沙爹鍋，係非一般嘅沙爹鍋，佢成功令我期待之後將配料掉落去烚嘅一刻。 既然一心諗著嚟打邊爐，緊係嗌返碟牛肉。牛肉選擇五花八門，安格斯肥牛係必有的選擇，另外都有平時較常見嘅頸脊，所以我哋就決定揀頸咀($298)試下。一上枱，我哋都俾佢嘅碟頭嚇親，份量一啲都唔欺場。

今日係食左個高級火鍋。整左我鍾意既蒜粒辣椒蔥醬油。打邊爐一定不能少既醬料。叫左個響鈴。間野既野食份量都唔錯，響鈴已經有好多個。響鈴浸係個沙爹湯底入邊，三秒鐘，索曬汁，口感依然爽脆，唔會油。加埋醬料，辣辣地好開胃。打邊爐唔可以少左丸。叫左四寶丸。4種顏色，12粒。一睇就知係手打丸。火鍋好唔好食，除左湯底，手打丸都係一個衡量標準。手打丸全部都新鮮，有彈性。四個丸都食到唔同肉既味道，味道夠，鮮甜。加埋醬料更惹味。仲叫左個豬爽肉。肉質又真係爽喎。豬肉好彈牙，最重要新鮮。餐廳食材都新鮮，可以再戰。

因為上次同屋企人打完邊爐好正，因此對打邊爐充滿興趣，然而一般火鍋酒家質素比較參次，由其係任食火鍋，想要食到咁上雨質素就免。早排住元朗既同事話發現左間新式火鍋專門店，菜式新穎，裝修又型格。今日放假，陪朋友去容鳳書健康院做產前檢查，順便一齊打邊爐。由健康院行過去好近，門口有個大魚缸，鍾意食海鮮既客人可以即揀即劏，非常貼心。門面光潔企理，大大既落地玻璃，令室內感覺都非常開揚，裝修以黑為主，猶如置身酒店內既酒家。藥膳醉雞鍋，湯底非常足料，水滾後傳出陣陣藥材味，我地叫左半邊雞，但隻雞都頗大隻，而且啖啖肉咁，多個人都夠食。雞肉夠晒嫩滑，就算滾左成個鐘頭先食，都絕不鞋口。除左火鍋配料，餐牌仲有多款小菜小食選擇。椒鹽九肚魚，好香椒鹽味，咸度剛好，九肚魚炸得夠晒火喉，外層爽脆又乾身，內裡係原條滑滑既九肚魚，用黎做下酒菜簡直一流。手打蟹子墨魚滑，賣相成個雪葩球咁，配埋蟹子既點綴，非常吸晴。墨魚味香濃，入口爽口鮮甜，唔講都食得出係手打鮮製，推薦！師父刀工好好，片片都厚薄均勻，而且肉質鮮嫩，牛味香濃，估唔到味道同口感都更勝一般肥牛。肉以碎冰墊底，保持新鮮度。肉比平時更滑更嫩，唔小心滾耐左都唔會變韌，而且肉質鮮

早兩個月天氣還涼快時，我間中都會跟家人到酒樓光顧任吃任飲的火鍋，老一輩總是覺得任飲任食必定抵食夾大件。早前跟媽媽提議，試吃一點高質素的火鍋店，讓她感受一下不是任吃才是好。最近發現元朗有間飯店，晚飯有小菜及火煱選擇，見其裝潢不俗，就在此店落腳。翻開餐牌，可見選擇不少，琳琅滿目，食物種類由最普遍的火鍋配料，到各款新鮮海鮮，應有盡有。要說火鍋配料怎能缺少牛肉，餐牌上有不同部位的牛肉選擇。開初我們想叫牛白肉，見其名字刁鑽，還是跟職員查詢一下是什麼部位較好。男職員指出牛心肉是接近橫膈膜的軟骨位，整塊呈脂肪般的白色，但提示口感不是人人喜愛，後來職員再主動逐款肉推介一下，指若想要肉味較濃又不韌的話，頸咀位置是不錯的選擇。湯底方面雖有不同特色湯底，但我們選了普遍的沙爹湯底($88)。沒想到這沙爹湯底一點都不普通，沙爹味十分濃郁，乏著淡淡的花生醬香味，十分惹味！頸咀牛肉($298)很快送上，肉片圍圈擺放，色澤新鮮，肉身脂肪不算多，但勝在均勻，切片亦偏大片，賣相不俗。灼了幾下一放入口，沒有雪花肥牛中脂肪的滑溜，但卻肉味香濃，較有咬口，適合不愛肥膩的朋友。難得有如此濃郁的沙爹湯底，媽媽說一定要點些麵食伴來吃

入到鋪頭，職員熱情招待我同朋友，職員建議我哋坐卡位，卡位座寬敞舒適。😌一坐低，職員就向我哋提議一些火鍋食材，又提供火鍋調味料，例如蔥、蒜、辣椒粒、薑、芫茜同沙茶醬，十分齊備👍。我哋點咗薯粉，平時打邊爐都會揀烏冬，所以今次試下食薯粉，薯粉煙靭彈牙，同沙嗲湯底好夾👅。我同朋友揀咗潮州沙嗲鍋湯底，沙嗲味道濃郁😋，香氣撲鼻，推介俾鐘意食沙嗲嘅朋友👅。我哋點咗即炸響鈴卷，香脆可口，將響鈴卷放落湯底浸幾下，沙嗲湯味滲入響鈴卷，外軟內脆，有口感層次😍。美國安格斯肥牛脂肪分佈比例平均，色澤新鮮，輕灼幾下就可以食，肉質鮮嫩。👅平時少食羊肉，因為怕羊肉有羶味，但係呢碟蒙古羊肉片不但冇羶味，而且鮮嫩可口，令人回味無窮。除咗肉食，我哋仲點咗白蘿蔔，白蘿蔔係打邊爐必食嘅食材，白蘿蔔要煮得淋需要較長時間，所以職員提議我哋盡早放落鍋度煮，感覺貼心誠懇🙆。當白蘿蔔煮得好淋同埋吸收咗沙嗲湯嘅精華，雖然只係平凡嘅食材，但係真係好好味👅。海鮮方面，我哋點咗新鮮魷魚，魷魚已經預先花紋，等魷魚灼熟後靚啲😍，魷魚很彈牙爽口。碟底放咗啲唐生菜，魷魚係高膽固醇食物，不宜食太多，食啲生菜，有助降低膽固醇，食店上碟設計用心。呢間火鍋店

同事話租約就到期，想轉轉居住環境，試下住村屋，想我陪佢去錦田睇睇。趁住有幾日連假，我地順道黎個元朗一日遊。係錦田市中心食完午餐就做左正經事先，點知原來錦田都好大，睇左5、6個盤已經4點幾。我地係市集兜左個圈就搭西鐵落元朗搵食。估唔到元朗晚市係咁熱鬧，沿路見多間餐廳已經有人門外排隊等位，我地又唔熟路，唯有WhatsApp問下住元朗既朋友有咩推介。最後我地決定信朋友，去烚烚下。間火鍋店雖然位置較入，但跟地圖行都好易搵到，好彩店面頗大，所以唔洗等位。裝修開揚有格調，坐位闊落，係新式既火鍋店，應該係想吸納年輕客人。餐牌有多款湯底選擇，有好多都好特別，不過我鍾情清湯底，揀左莞茜馬蹄皮蛋鍋。極上手切本地牛頸脊，師傅刀功唔錯，片片都厚薄適中，好似機切咁一致。排得靚靚咁上碟，牛頸脊又夠鮮嫩，有時唔覺意烚耐左都唔會老。即炸響鈴卷，大大隻，食得出唔係出面買果d，烚完入口又唔油，索埋湯汁，正！白蘿蔔，望到都知新鮮，而且爽甜冇渣，鍾意食淋既烚耐d，索晒湯汁食又另一番風味。貴花蚌，份量十足，隻隻都肥嘟嘟，鮮甜爽口，好好味。自家炸魚皮，魚皮夠香夠脆，就咁食都好滋味，我鍾意烚2秒左右先食，有湯汁得黎又保留少許脆味，

今日收工，入左元朗學結他，約埋個結他友一齊打邊爐，佢住呢度附近，話呢間OK喎。間店都夠寛濶，冷氣好夠，最好打邊爐慢慢嘆，叫左個滋補虫草花雞湯，女人要補下，飲下湯水，食下雞，真材實料，無味精。個D魚皮好鬼脆，好好食，如果浸下湯重好，爽口彈牙啊！重有D韭菜餃，好多餡，好大隻，入面有好多豬肉同韭菜，唔會好多味精，好住家，好食！墨魚蟹子滑，好有墨魚味呀，好彈好鮮，好食！還有我愛的花膠，本身無咩味，D膠都不是上級的，但係吸左湯，灼腍啲，會好有膠質，好軟腍滑，好多膠原咁，都OK好味。嚮鈴必叫，因為索湯，本身豆味好濃，好正。蘿白灼到腍到呢，好甜好甜，一定要食，又下火還有這蝶小吃，唔記得叫咩啦，炸魚來啊，香香脆脆好食。無叫貴野海鮮啊，牛都無，好家常咁，不錯的一餐打邊爐，多謝元朗同學仔請客！

之前係萬芳等位既時候發現有間幾新淨既火鍋店未見過琴日就扭朋友陪我去食一次價錢算是中上，廷期待食物是怎樣的先點了個湯底，因為朋友不吃蕃茄我又唔食胡椒.............等最後唯有揀了最普通的沙嗲湯幾香幾濃的頌有工具俾怕太油的我"不"走一般的配料都有齊\不過右下角的要試啊辣椒油聞落去好香，唔會話好辣，幾好味打邊爐不得不點牛啊近來好中意食安格斯不過每間都唔一樣呢間的牛很多!!!望到D雪花唔洗我講都睇到好食加上少少炸蒜同蔥很不錯而窕打邊爐都好中意叫響鈴浸完湯之後個種腐竹味真係令人把持唔住呢度既響鈴新鮮即炸，而且幾大碌如果想點甜酸醬可以問店員拎，包你話正好想食D海鮮類，但朋友覺得珊瑚蚌會腥甘就點了鮮魷一上枱既時候真係幾懷疑係米拎左了刺身望落去好晶瑩剔透甘唔洗灼好耐都食得，好爽口好新鮮肉類愛好者的我頌叫埋羊肉食一片片圓形薄片，厚的不知道好唔好食呢羊味幾濃，唔係好蘇，朋友都食到不過放耐左會有點蘇，所以要趁早吃而家無論打邊爐定屋企都會揀薯粉又健康又煙un又易入味份量都幾多，不過都快熟嫁

舊同事新居入伙，我地幾個專程入元朗上門拜訪，順便食餐入伙飯。參觀完同事新居，傾足3粒鐘，眨下眼已到晚飯時間。由於同事新居空間有限，而且廚房係小型開放式，所以一致決定落街搵食。新居入伙咁喜慶，打邊爐就最好意頭，滾滾佢，寓意風山水起財源滾滾。適逢周末，好多食肆都人山人海，同事提議去太和殿，因為位置較入，而且算新，所以唔洗等位即可入座。餐廳裝修開揚舒適，係新派火鍋專門店，門口有大魚缸讓客人挑選海鮮，即叫即劏，非常新鮮。有蔥、蒜、辣椒粒、薑、莞茜、沙茶醬供客人自助調味。金抱什菌花膠豆乳窩，以腐皮做既福袋包住豐富既什菌，經豆乳湯底滾滾滾，腐皮會溶入湯中，加埋足料花膠，嘩！睇見都開心啦。脆鯇非常新鮮，完全冇魚腥味，切得厚薄適中，落鍋滾兩滾就食得，入口鮮甜爽口，我一個人都食左四分三碟喇。大家都唔食牛，所以叫左黑豚肉片，砌得靚靚咁上碟，肉質鮮嫩，滾耐左都唔會鞋口。另外仲叫左豬雜類，豬粉腸、豬腰同豬潤，唔係度度都有得食，而且食材處理得好乾淨，正！椰絲香芒卷，外層煙韌彈牙，椰絲好香，入口啖啖芒果肉，抵食又有水準。個湯底非常足料，花膠份量十足，最後緊係要飲返幾碗補補佢啦。

夜晚入到元朗，由於太多餐廳的關係，真係花多眼亂啊。係朋友嘅介紹下，我嚟到一間門口好似日式餐廳嘅火鍋店我同朋友係老闆嘅介紹下，叫咗一個花膠雜菇湯底，由於最近做緊優惠，選擇左呢個湯底嘅人都會有一盤雜菜附送，睇返餐牌，原來就咁叫一個集材鍋都已經要好貴了。今次真係抵到爛呀。火鍋湯底一嚟到，我就已經聞到有花膠入面嘅集菇發出嘅香味，煲左唔夠5分鐘就差唔多滾，以類似日本福袋嘅形式包住入面嘅菇菌，十分有創意嘅款式啊。同行嘅朋友由於太肚餓啦，係火鍋嚟到之前就已經帶咗好多嘅火鍋配料，係火鍋配料方面，呢間餐廳都有佢自己獨特嘅創意，例如係餃子料理方面，他們會自己創作一些料理的名稱，三款不同的餃子有一個名叫餃餃震，十分有趣，哈哈。仲叫咗啲魚滑，我係屋企打邊爐都未試過放魚滑，好得意亦充滿魚味！而且好大份！有排慢慢食仲叫咗肥牛，肥牛嘅肉質呈鮮紅，新鮮之餘仲好乾淨，唔會有血水滲出黎，同埋好有牛肉味！