天龍咖喱

營業中

休息中

見咁多好評，就去食個晚餐試下。單拖一個，有張近門口四人枱坐咗兩個人，負責收銀嘅男士（可能係老闆）招呼我坐埋去。叫咗個咖喱牛脷飯加凍奶茶，坐隔離嘅兩個人無耐食完埋單走咗，換咗對情侶坐低，坐吓坐吓個女人不斷向我迫過來，我望咗眼，然後個女人話滴水要換位，我先見到個女人果邊張長櫈放咗塊抺枱布吸水間舖得幾張枱，食飯時間根本無位調，我唯有坐歪d，個女人就猛話呢個位成日都係咁，似乎係熟客，知道間舖成日都唔整（但難得竟然咁都繼續幫襯）。無耐我個飯嚟到，諗住費事迫住，嗱嗱臨食完就走，食食吓隔離對情侶個男人就話有水滴落條頸，然後，我食咗一半嘅咖喱就有水滴咗落去，彈到d咖喱成枱都係，完全係睇到都唔開胃 — 大佬，你間舖d冷氣水周圍都滴，係咪叫d客要開遮食飯呀？你叫開遮都仲好喎，家陣d廢水兜頭滴落d嘢食度，叫人點食？！我即時推開碟嘢放棄食，我同個侍應講d冷氣水滴咗落去，個侍應話換過俾我，我話唔使喇，你哋整好個冷氣好過，然後對情侶就再同收銀個男人講要換位，話「你哋呢度越滴越嚴重，頭先先滴落我哋條頸，又滴咗落呢個小姐條餸度呀！你哋都唔整嘅！」可想而知，呢個問題存在咗幾耐。但最估唔到嘅係，個男人竟然只係話：「呀，係

有朋友介紹元朗有間港式咖哩做得幾出色，今日收工就同個fd馬上起程，去到門口見到有幾個人等緊，好在係等外賣，岩岩好有張台，店員主動安排就座👍🏻今次叫左咖喱炸魚柳&生煎肉餅飯同埋咖喱牛腩牛筋配薄餅，飲零系可樂同紅豆冰，餐廳可以額外加辣。一上餐就已經聞到好香既咖哩味，可以清楚見到用左大量洋蔥粒煮出泥，肉餅煎到金黃酥脆，入口滋味好豐富，仲食到肉汁味👍🏻 另外牛腩牛筋煮得好淋，牛腩肉質鮮嫩，牛筋好軟熟👍🏻薄餅真係必試，咖喱香辣濃郁加上熱騰騰既薄餅係絕配，薄餅唔會太厚身或韌，又有dd恰到好處嘅燶，好香口又唔太油👍🏻一邊食到濃烈嘅咖哩一邊飲埋紅豆冰，涼爽又開胃！總括而言，呢到既咖喱真係好好食，而且仲有其他配搭，例如魚柳雞扒等。仲有唔辣嘅美食（我朋友唔食辣😂)推薦比鐘意食咖哩嘅朋友，絕對唔會失望！

隔左一排冇再食過呢間咖哩，真係令人會有點回味所以我又再來吃多一次；這間店唔算太大，但係人來人往的幸好我們就早早到達,唔係唔知就要等到幾耐先可以食到飯啦黎得天龍咖哩，又點可能唔叫咖哩架今次我就點左咖哩牛腩牛筋飯 $62配餐飲可樂 +$3 ,凍奶茶 都是+$3這一碗咖哩仍然是滿滿的蔬菜粒外，但係主要的食材牛腩牛筋仍然是不少的唷!!今次忘了說少辣，但係它仍可以不太辣的，我可以整碟飯吃光光的，我還把那個咖哩打包了，另外加購了這家的牛舌做了晚餐另外這個是小屁孩要的蔥油雞扒茄子太陽蛋飯 $53  跟上次他吃的也是一樣，當然味道仍然是一樣的好吃；我最喜歡它家的蔥油，撈飯吃就是最好吃的茄子有三大塊的，也有一大塊的雞扒連同太陽蛋真的很惹味的再來一次吃這店，吃了不同的咖哩菜式；這個咖哩真係很令人滿足，即使吃光光了這個咖哩，仍可以打包回家呢是日分享:天龍咖哩元朗合益路17-53號合益中心地下23號舖就這樣完結啦，下次再見啦!(拜~)

🍛🐮元朗高質性價比高咖喱小店🌯🤤咖喱牛腩牛筋配特選咖喱薄餅，濃郁嘅咖喱香氣彌漫，佢哋嘅咖喱係果一種充滿洋蔥同薯仔粒嘅咖喱所以非常濃郁，牛腩牛筋更煮得軟嫩入味，牛筋入口即溶！🥘👅 最值得一讚嘅係佢哋嘅咖喱薄餅，非常香脆而且帶有一種淡淡的牛油配搭咖喱食層次感非常好🥰咖喱吉列魚柳飯亦係一個非常唔錯嘅選擇,超大條嘅吉列魚柳性價比極高,魚柳表皮炸得非常香脆而且裏面魚肉嫩滑口感簡直一流，裏面嘅魚肉亦都非常足料唔會係剩係得薄薄嘅䊢，係超級抵食嘅一個選擇😋🐟小食方面，就試咗佢哋嘅孜然羊架，羊架10分香口，而且啖啖肉唔會燒到乾爭爭牛肉薯餅炸得金黃酥脆，裏面係薯蓉混合牛肉蓉軟糯嘅口感配上脆脆吉列嘅表面超級邪惡😈🍖

記得以前嘅元朗有好多專食咖哩舖頭，依家好多舗都執哂，好彩依家有依間小店係專食咖喱，價錢實惠之餘，亦有好多選擇🤣🤣🤣🍗天龍雞皮卷用雞皮卷住啲雞肉再拎去煎，雞皮好香脆，而雞肉亦嫩滑多汁，真正嘅外脆內軟👏🏻👏🏻🐟香芋魚肉餅依款小食出面少啲機會食到，煎得好香脆嘅魚肉餅包住綿滑嘅芋頭，成個口感係軟淋得嚟又帶啲魚肉嘅鮮味，推薦👍🏻👍🏻👍🏻🥘咖喱香煎青衣柳飯 咖哩有大量薯仔同洋蔥一齊煮成，所以個texture一啲都唔稀，有啲洋蔥粒同薯仔粒可以食下。而青衣柳份量都幾多，肉質偏結實，但一啲都唔乾，加埋咖哩更加惹味😛😛😛🐮金牌牛魔王咖喱牛大四囍飯 配 油酥餅2件有齊牛腩、牛筋、牛脷、滑牛肉嘅四大囍飯份量超大份，牛腩同牛筋炆到好淋身，而牛脷好大塊好易咬開，亦有多片嘅滑牛肉，2個人share 都OK。個人比較鍾意油酥餅加咖哩一齊食，熱辣辣嘅油酥餅配埋薯仔粒同洋蔥粒，冇得輸✌🏻✌🏻✌🏻🥤柚子梳打 話梅可樂依度嘅特飲好夠味，飲到最後都唔會變哂水，唔怪得之吸引咁多區內街坊嚟食🙌🏻🙌🏻🙌🏻

天龍咖喱🍛咖喱羊架飯 🐑 $92羊架飯足足有三大隻羊架，超級抵食！加上羊味非常濃郁，我同同行朋友都食到津津有味！💓💓咖喱三黃雞飯🐔 $68 呢度嘅咖喱好獨特，個人覺得佢更加似甜咖喱，係由大量嘅洋蔥蕃茄整成，真正真材實料，食完你就會做咗佢哋嘅回頭客🤣🤣🤣如果好似我咁唔想食飯，可以加$23轉三塊薄餅！咖喱飯周圍都有得食，薄餅唔係周圍有！價錢又唔貴，梗係要試吓啦✅✅✅香煎牛仔骨（2件）🐮$42牛味非常濃郁，個人覺得$42兩件都幾抵，算係市面上比較好食嘅牛仔骨🥰香酥雞 🐔$38即叫即炸，非常香脆，感覺有啲似鹽酥雞，不過係冇咁鹹嘅版本～凍檸樂（跟餐加配）+ $8凍檸茶 （跟餐加配）+ $3

📍 天龍咖喱(元朗) 再次支持小店~對佢嘅咖喱念念不忘，辣度又可以自己調教，讚👍每次黎到都食不同，果然有新鮮👏🏻🔸咖喱牛筋牛腩飯正常辣度既咖喱偏甜，適合🈴️老少咸宜👍牛筋牛腩，仍然保持爽口，牛味濃，一咬落去牛筋充滿豐富嘅膠原蛋白，而且低脂肪，入口即溶，好有軟糯感。牛腩夠哂淋身又唔嚡口，軟嫩牛腩，非常入味，正👍🔸咖喱生煎肉餅飯呢個係特辣咖喱，好岩用黎撈飯🍚辣味由喉嚨慢慢滲岀黎，好鐘意呢種感覺～肉餅煎得香口又脆身，份量來講都幾大塊，咖喱加肉餅感覺好和諧，整體確係不錯👍🔸蔬菜蝦卷新鮮蝦肉及豐富蔬菜🥬油炸後皮簿酥脆，完全保留蝦卷既美味口感😍🔸雞皮餃子係餐牌上，睇到個名，感覺好新穎，脆脆既雞皮沾上一點雞油，入面包住餃子，賣相好飽滿，口感唔會太油膩，剛剛好👍飲品🥤🔸熱西洋菜蜜🔸椰子冰粒粒椰果，用新鮮椰子，鮮榨椰汁，好鮮甜，冇渣，口感好細嫩👍

第三次去，今次食咗炸魚柳咖哩飯、蔥油三黃雞飯、牛肉薯餅、雞皮卷（第一次去嘅時候食過，今次翻兜），飲品照舊都係 話梅可樂 同埋 傷檸樂（今次要zero) ✔️終於食埋嗰塊好大嘅炸魚柳，上兩次去都望住隔離檯食，今次記得自己叫返份嚟試，真係好大好大好大塊✔️炸魚柳唔單只大，仲好脆口，外脆內軟，口感一流✔️炸魚柳嘅魚都飽滿，一梳梳嘅魚肉，完全唔係薄薄得返炸漿嗰種，而係真係好有份量✔️咖哩仍然非常好味，濃郁又多料，咸香又惹味✔️今次唔係淨係食咖哩，“我朋友唔食辣”系列都有好多嘢想食，今次先試一款，下次會再去試埋其他！✔️今次食蔥油三黃雞 ，雞有雞味，好嫰好滑✔️蔥配豉油汁竟然俾我當咖哩汁咁撈飯食，正到同啲咖哩汁撈飯有得fight✔️牛肉薯餅又係驚喜，以為食完咁多飯再食會食唔落或者好“漏”，點知完全唔會囉，軟糯清甜嘅內餡配上脆脆嘅吉列，唔駛點沙律醬都已經超好味，點埋沙律醬又有另一風味，多少少層次✔️雞皮卷仍舊出色，話梅可樂 和 傷檸樂 （即咸檸 加 鮮檸）仍然是所有食物嘅最佳配搭

呢日同囡囡👧🏻上完興趣班好肚餓，囡囡話好想食薄餅🫓，就見到有間叫天龍咖哩嘅餐廳，就肯定有薄餅食啦🤩💡👍🏻Go Go Go!呢度除咗咖喱之外，都有完全唔辣嘅食物。但原來佢嘅咖喱全部都係分開上😳！太好啦！可以滿足大人想食咖喱嘅慾望🤤，又可以分比BB食👍🏻👍🏻 Good Good 😊!咖喱🥘：🍛金牌牛魔王咖喱牛大四喜飯 +🫓油酥餅2塊（$112）｛鐘意食牛嘅點呢個，咩都有🤗，咖喱唔太辣，好多人都食到。🫓點咖喱食最正👍🏻｝追加+厚切牛脷 （$15）🥩咖喱羊架飯 +辣🌶️（$99）｛我好鐘意食羊架😋有3大塊😍好正👍🏻👍🏻，老闆推介加辣咖喱😳真係正啲喎！Yummy!}特飲：🍸🧉椰子冰 （$22）{我的童年回憶😊｝🍹柚子疏打 （$22）小食：🍗天龍雞皮卷 （$42）｛我覺得就好似去咗骨嘅炸雞脾，皮好脆，啖啖肉｝🥓香煎牛仔骨 （$42）｛好食😋｝食物大大件，好抵食🤗

元朗其實都好多小店 好嘢食 今次就試咗呢間天龍咖喱🍛主打港式 &印度咖喱我係下午茶時段嚟嘅 晏晝費事食太飽所以揀咗一個下午茶餐同埋一個咖喱飯餐🌮🥘try try 💓見佢哋餐牌都有好多唔同嘅選擇唔食辣嘅又有 雞牛羊魚素食樣樣齊🥘🥢厚切牛脷煎太陽蛋🍳配薯條 $59牛脷大件又厚身٩(*´︶`*)۶҉ 口感一流 而且牛味好香 好嫩滑 再加d 咖喱一齊食👍🏻🍛薯條好脆口 下午茶餐食少少就啱晒👍🏻咖喱牛筋飯$59 +太陽蛋 $6 +薄餅🫓$9大大碟咖喱🍛唔算好辣 配菜有薯仔同埋洋蔥 🧅仲有主菜牛腩好滑而且全部都好冧好入味💞加埋隻滑捋捋嘅太陽蛋🍳🍳 完全係白飯殺手 🥷仲加配咗個薄餅🫓點埋一齊食香脆又入味🍽️總結呢間咖喱主打ge小店 選擇好多價錢又唔貴我見仲有好多唔同嘅小食🤡不過今次太飽，所以就冇叫到啦下次一定要試吓佢哋嘅雞肉餃子同埋雞皮卷先得💓

📍元朗天龍咖喱鍾意食咖喱既我黎到元朗決定試試呢間天龍咖喱，位置唔算遠，大棠路輕鐵站行6分鐘左右就到👍🏻好好彩唔使等位就食到，因為餐廳keep 住有客人排隊，一坐低老闆就好熱情咁介紹餐牌嘅內容，最後我哋order咗咖喱雞扒飯同埋蔥油三黃雞飯。✌️佢哋嘅咖喱特別之處就係唔係剩係得咖喱汁，入邊有洋蔥碎搭配薯仔，令到個咖喱汁有唔同嘅層次感，豐富嘅口感咖喱配搭酥餅同埋白飯係一流💦而蔥油三黃雞快有屋企住家飯嘅感覺，蔥油味濃厚得來又唔會搶咗雞肉本身嘅味道，食物分量充足之餘，肉類嘅火候都控制得好好，雞肉唔會覺得鞋👍🏻至於小食方面，叫咗個蔬菜蝦卷同埋咖喱酥餅，蝦卷食落去口感非常彈牙，而且好好有濃郁嘅蝦味，而酥餅配埋咖喱汁，可以話係貼近地道中東食物嘅水準另外佢餐牌上面仲有素食嘅咖喱選擇，健身人士同埋素食主義者都可以黎試吓，重點係性價比極高，人均消費70至100推介唔食得辣嘅人都可以試吓，因為佢嘅咖喱（小辣）唔係話好辣，我會用好惹味來形容，如果兩個人過嚟食飯嘅話，建議一個配搭飯一個配酥餅😝溫馨提示鍾意Tyson Yoshi嘅一定要入嚟聽住歌食咖喱🥰🍛

有日睇片個陣咁岩見到有youtuber介紹呢間元朗咖喱咁近 當然要去試下佢餐廳鋪面唔算大 但裝修都新淨 坐得都舒服✨咖喱牛仔骨飯牛仔骨有成三大塊 煎到好香 但一啲唔韌 唔會好難咬咖喱同平時食既港式咖喱唔同 入面有好多洋蔥同蕃茄食落甜甜地 但又有咖喱香料既辛辣味 好送飯👍🏻✨咖喱厚切牛脷飯厚切牛脷都有三大舊 舊舊都勁厚勁大塊 牛脷都係煮得好稔 一咬就爛 但又好香牛味✨牛肉薯餅即叫即炸 上檯熱辣辣 咬落外脆內軟 薯蓉超滑✨天龍雞皮卷雞皮餃子食得多 雞皮卷第一次食雞皮好香脆 但又唔油雞肉又好結實 雙重口感配埋泰式甜辣醬食 唔錯👍🏻價錢唔算貴 而且每樣份量都唔少 性價比都幾高下次黎一定要試下佢其他野食🤭

【元朗區】【天龍咖喱】今次同道歉哥入到嚟元朗食嘢，因為我聽講呢間啲咖喱唔錯，睇過其他 foodie 朋友仔寫過都話佢幾好。不過我自己本身唔係太食得辣，所以先至搵埋道歉哥嚟幫手試。間嘢唔算難搵，其實喺大家熟悉嘅又新街一直行到尾就係。去到就梗係叫咖喱嚟食，諗諗吓都係要咗 $112 嘅「金牌牛魔王咖喱牛大四囍飯」，佢有牛腩、牛筋、滑牛同一整塊牛脷喺咖喱入面，加埋啲薯仔，好味。小食我要份 $68 嘅「孜然羊架」，嘩，燒得勁好食，我幾推薦呢個。飲品方面我就加 $10 飲「話梅可樂」，可樂裡面加咗話梅味幾得意。而道歉哥就食 $68 嘅「咖喱三黃雞飯」，首先一上碟就見到係勁大份嘅，差唔多放咗成半隻雞，勁誇張。而本身咖喱同雞都係絕配，加埋薯仔成件事都唔錯。道歉哥要 $42 嘅「天龍雞皮卷」做小食同加 $5 飲「可樂」，所謂雞皮卷即係雞腿捲，好味。夾埋 $305 唔過份，我差啲唔記得講我嗰份餐除咗跟「白飯」，仲有跟兩塊「油酥餅」，點咖喱食真係好滋味，不枉我咁遠入嚟試佢。。。（地址：元朗合益路17-53號合益中心地下23號舖）@curryten_

. 元朗名物咖哩小店 | 雞皮卷出色過咖哩📍#天龍咖喱🍖天龍雞皮卷 $42一心黎食咖哩🤭點知食到咁好食嘅小食用雞皮包住滑嫩嘅雞肉、雞皮炸到脆卜卜😍鎖到肉汁😋點泰式辣醬好夾嚟啦💯好好食啊🍛金牌牛魔王咖哩牛大四囍飯 $112🐮牛大四囍包括牛脷、牛肉片、牛腩同牛筋😈配一大碗飯同2片印度薄餅👳🏽牛脷有一大塊😲整體4樣都炆得幾淋👍🏻咖哩就唔多夠汁、直接用薄餅沾咖哩都唔夠味🤔無咖哩應有嘅香、辣、椰汁味😌同埋偏多油、咖哩好一般🥤傷檸樂 +$13新鮮檸檬青檸🥹冰底加可樂就是正！——————————————-總結 : 初頭聽落好多負評話好一般姐、所以本住試伏嘅心態去食😂點知有小驚喜🤭間中食下都可以😼比較多人食係煎肉餅飯同雞扒飯😲12點煎肉餅飯已經話賣哂。。。好奇係咪好食既呢👻下次再戰——————————————-📍 天龍咖喱🏠 元朗合益路17-53號合益中心地下23號舖📆星期一至日 : 11:00-22:00#hkfoodstep#hkfoodstep元朗##hkfoodstep港式#元朗美食#咖哩 #hkfood #hkfoodie #hkcouple

#fatxyuenlong ‼️不 同 咖 喱 配 搭‼️•① ［ 咖 喱 吉 列 魚 柳 // 厚 切 牛 脷 ］｜咖喱是屬於冇咁結身的質地，入面放咗好多洋蔥٩(〃._.〃)ว吉列魚柳 超級大件，外層亦都炸得好脆牛脷 不會過韌，一咬就咬得斷。｜𓋪 8/10·② ［ 香 煎 牛 仔 骨 // 雞 皮 餃 子 ］｜「 香 煎 牛 仔 骨 」黑椒味重，不過略嫌有點油膩。「 雞 皮 餃 子 」很特別，入面啖啖肉。｜𓋪7/10•③ ［ 紅 豆 冰 // 椰 子 冰 ］| 兩杯椰子味都好濃，奶味偏重。｜𓋪7/10·天龍咖喱 (元朗)元朗合益路17-53號合益中心地下23號舖