天龍咖喱

營業中

休息中

今次黎試一路都好想試既天龍咖喱，平時中午同晚飯時間去都人頭湧湧，好難得今日排左15分鐘左右就入到喇，一入門囗職員已經好有禮貌好有笑容開門俾我地，坐低左問佢有咩推介，因為太遲去，今日既蝦已經賣哂，不過職員好詳細咁介紹每一份餐點，呢度雖然主食咖喱，但亦都有非咖喱系列，唔食得辣既都啱食，鍾意食辣既朋友亦可以叫佢地加辣啲，最後我同朋友嗌左咖喱吉列魚柳飯，咖喱牛仔骨飯，香酥雞同花枝丸，唔使10分鐘我地嗌既野食已經上齊哂，咖喱汁另上既，鍾意一次過淋落去食又得，鍾意一啖咖喱一啖飯又得，主角炸魚柳大得誇張，真係大過塊面架，仲炸得好鬆脆好滑添，食完塊魚柳啲飯仲有剩，而朋友嗌既牛仔骨整得好香囗好入味，重囗味既朋友感到非常滿意，小食花枝丸同香酥雞更加整到卜卜脆，加埋個甜酸醬真係好食到想一直encore呀，餐飲方面我地點左紅豆冰，紅豆唔單止多，仲好淋好好飲，推薦大家一定要試

咖哩吉列豬扒飯：真材實料，好大塊好厚肉的嘅豬扒，食落真係啖啖肉，而且用麵包糠炸到非常脆口，粉層啱啱好，最怕太過厚粉，咬一啖就飽晒，呢塊豬扒好有滿足夠，唔配咖喱就咁食都好好味。金牌牛魔王咖喱大四囍飯：好多配料嘅咖哩牛，有牛腩、牛筋、牛脷、牛肉等，味道好濃，少少辣，配飯同薄餅都好食。不過，份量真係幾大，如果細食嘅，兩個人分都好夠食。小食薄餅：睇落好普通，但係真係好好食，送到餐枱嘅時候就聞到好香，食落非常鬆軟，建議就咁試下純薄餅嘅味道，之後再點咖喱食，可以食倒唔同層次，真係食過返尋味咁。香蘇雞：外脆內軟，肉質都唔錯，味到偏淡少少，可能食完濃味嘅咖喱先，影響味覺，但口感幾好。椰子冰、咸檸碧：食完咖喱飲椰子冰好清新，咸檸碧就比較普通。不過呢餐飯好滿足，耐唔耐食餐咖喱好滿足。

今日心血來潮好想食咖哩🍛日式咖哩磚已經滿足唔到我了😩即刻搵下元朗有咩好西$62咖哩牛腩牛筋飯🍛牛腩牛筋炆得軟稔，份量多👍🏻加埋各種配料爆香過😋咖哩香而不辣🤤充足嘅咖哩汁撈哂成個飯食都綽綽有餘😋$59厚切牛脷煎太陽蛋配薯條👅牛舌有三大塊😍😍😍勁厚！！煎香過嘅牛脷外脆內軟，油分唔會多👍🏻聞落有陣陣牛香🤤咬落啖啖肉🤤沾上流心太陽蛋食，成件事好邪惡🤤🤤🤤小食叫咗兩款🥰$78孜然羊架🐑羊架大大隻🤤咬落油脂感滿分🤤羊羶味濃🤤$42天龍雞皮卷🐣爆汁雞皮卷香脆多汁🤤外皮脆薄☺️令人不禁一件接一件放入口🤤沾埋咖哩汁食又係另一種享受👍🏻$10紅豆冰🫘椰奶同紅豆蓉絕配🤤$13傷檸樂🥤原來傷檸係指咸檸檬+新鮮檸檬🍋新鮮檸檬味重☺️食完炸物飲番杯的確唔錯👍🏻午餐同下午茶份量都相當之多，性價比高👍🏻

今晚同朋友喺元朗食晚飯，唔知食乜好，見到一間好似專賣咖哩飯店就走入去試下😃😃見到入面裝修唔錯，入面亦都有唔少食客，有少少信心保證😍餐廳選擇亦好多，原來除咗有咖哩食，仲有非咖哩系列，可以同唔食辣既朋友過黎試下😀😀我地兩個人叫咗金牌咖喱牛魔王牛四喜飯、咖喱牛仔骨飯、油菜、香酥雞和傷檸樂。金牌咖喱牛魔王牛四喜飯- 大大碟，好正又抵食！有四款牛，包括牛舌、牛筋、牛肉和牛腩，除咗白飯仲有兩塊熱騰騰既油酥餅，好好味！好想再encore!咖喱牛仔骨飯- 咖哩汁係另上既，方便我地隨心意落份量，咖哩汁內有好多洋蔥🧅，同普遍港式茶餐廳的咖哩唔同，我鐘意呢度既多啲😄😄牛仔骨都煎得好入味，正！油菜香酥雞傷檸樂天龍咖喱 (元朗)元朗合益路17-53號合益中心地下23號舖

元朗。街角天龍咖哩呢排喺元朗返工就周圍去睇吓有咩好嘢食，打工仔都係搵貼地親民好美食，行過見到有間餐廳主打咖喱收工真係好肚餓想食返碗飯🥺咖哩半筋半腩飯$62撲鼻咖喱香，食落濃郁卻不油膩，辣味緩緩滲出，伴帶孜然、茴香的餘韻在口中。崩沙腩半筋半肉，軟綿鬆化，一咬即開，肉汁脂香兼備，配咖喱好惹味小食嗰度叫咗一個特級花枝丸，花枝丸炸到金黃香脆，灑上椒鹽十分滋味📍天龍咖哩元朗合益路17-53號合益中心地下23號舖

呢間元朗小店係一間我幾鍾意嘅餐廳 首先佢地個門面非常吸晴🤩 好年輕 好清新嘅感覺 雖然地方唔算大 但座位都算闊落 店員都好親切 食物質素亦非常有誠意 由於係屋企附近 閒時唔想煮都會去幫襯下 每次都好滿足咁走🫶🏻👍🏻 🥘天龍咖喱 顧名思義咖喱係必食😋 佢地嘅蔥油系列都非常出色🥳 炸野小食都冇得輸😚 飲品方面 味道都好夠甜夠濃 絕唔hea 底😌😎呢排做返運動💪🏻 Happy Friday 一於食得豐富少少😛💁🏻‍♀️咖哩牛腩牛筋飯 $62 最鍾意食咖喱就係搵有冇薯仔🥔😂 唔知有冇人同我一樣🙋🏻‍♀️ 佢地薯仔似係煎過 係唔會一夾就散 軟硬度啱啱好 而咖哩汁真心好香好惹味 佢地係跟足印巴傳統做法 用洋蔥 蕃茄 利用蔬菜嘅甜味製成 所以會見到佢哋嘅咖喱入邊除咗汁 仲有好多蔬菜粒粒 撈飯食真係好好味 食得辣嘅朋友絕對要加辣🌶️ 因為佢本身唔算好辣 牛筋係我鍾意食嘅口感 比較腍滑 牛腩就一啲啲位置 有啲位置特別腍 有啲就有少少咬口 但整體都係炆得好入味 口感都控制得唔錯🫶🏻💁🏻‍♀️惹爆蔥油豬扒茄子煎太陽蛋飯 $53一上枱 真心少少嘩咗 好香🤤 太陽蛋bling bling 咁🤩 仲有啲豉油汁滴滴下 好治

好正既咖哩飯呀😀😀😀好耐無食過咖哩，朋友介紹我黎元朗合益路呢間天龍咖哩試下😆😆話平靚正！款式仲好多😎😎呢間餐廳好特別，有裝修有設計，唔係普通茶記😎門口有一大塊牌寫住：「人生就像吃咖哩，偶爾辛辣一陣子，不會辛苦一輩子」，好有意思，我望住呢塊牌都反思咗一陣🥹🥹真係有少少百感交集🥹我同朋友兩個人叫咗兩個飯、兩客小食和兩杯飲品，分別係蔥爆蔥油豬扒茄子煎太陽蛋飯、咖喱牛仔骨飯、特級花枝丸、芋頭魚肉餅、西洋菜蜜和凍檸樂。蔥爆蔥油豬扒茄子煎太陽蛋飯- 好好味呀☺️☺️豬扒鬆脆可口，配埋茄子同太陽蛋好豐富😍😍😍咖喱牛仔骨飯- 嘩！牛仔骨大大件☺️☺️☺️呢度啲咖哩有少少巴東口味，唔同港式咖哩，好特別，我都幾鐘意😍😍😍😍特級花枝丸- 呢客花枝丸有四粒，好抵食，每粒都大大粒，配埋甜酸醬，好味到好想再encore 😝😝😝芋頭魚肉餅- 平時喺餐廳好少見呢道小食，難得見到，梗係要試下啦😎 正呀，煎到好脆，鐘意食脆卜卜野食既朋友仔一定要試😎😎😎西洋菜蜜凍檸樂見到隔離枱食緊金牌咖喱牛魔王牛四喜飯，超級吸引😎😎😎我已經bookmark 定要再黎食呀😍😍😍😍天龍咖喱 (元朗)元朗合益路17-53號合益中心地下23號舖

想食吓curry, 元朗都食得到。小店裝修簡單平實, 主打咖喱美食, 也有唔辣嘅食物選擇。天龍雞皮卷脆脆雞皮包著肉汁豐富嘅雞肉, 勝在唔會有油膩感。孜然羊架羊架煎得幾香口, 羊肉嫩滑多汁, 孜然香味令羊架又唔會太膻。金牌牛魔王咖哩牛大四喜飯附油酥餅兩塊大大盆咖喱夠曬份量, 牛舌厚切爽口, 牛腩腍滑, 牛筋軟腍含豐富膠質, 牛肉嫩滑, 加上惹味香濃咖喱, 送白飯和油酥餅真係好合適。惹爆蔥油豬扒茄子煎太陽蛋飯勁大塊豬扒鋪滿飯面, 肉質幾嫩滑, 加上香滑太陽蛋蛋黃和蔥油油香, 令飯粒沾上色彩。飲品是椰子冰和傷檸樂, 鹹檸檬加上新鮮檸檬配以冰凍可樂, 清新怡神。天龍咖喱元朗合益路17-53號合益中心地下23號舖#元朗美食 #港式印度菜 #咖喱 #美食打卡 #羊架 #hkfoodie #foodporn #hkfoodblog #foodies #foodiehk #instafood #hkfoodporn #foodblogger #yuenlong

今日又去元朗食好出名嘅天龍咖哩，2:30去到都要等位就知質素有保證。咖喱生煎肉餅飯 見到好多人食生煎肉餅飯就叫黎試下。生煎肉餅有四塊，啖啖肉。咖喱有好多洋蔥同薯仔，一啲都唔辣，想食辣啲可以加辣。金牌牛魔王咖喱牛大四喜飯 另一半就叫咗牛魔王咖喱牛大四喜飯，呢個飯份量十足，有飯加兩塊酥餅，男仔食一定夠飽。咖喱有一大塊牛脷、滑牛、牛腩同牛筋，好好送飯。酥炸花枝丸花枝丸有四粒，即炸熱辣辣，點埋泰式辣醬好惹味。

💡咖喱牛腩牛筋飯咖喱味濃，份量十足，新鮮牛腩，牛筋煮到啱啱好。💡生煎香草羊架飯如果你係鍾意食羊架嘅人，你一定會鍾意食呢個羊架飯，煎到啱啱好。唔係細細舊冇肉食果d👍🏻👍🏻💡天龍雞皮卷10分出眾嘅小食，刺激味蕾，有新鮮食法嘅感覺。💡時令油菜嫩口嘅菜，能夠解油膩感💡紅豆冰紅豆冰有小小嘅椰汁味配埋一齊可口💡凍檸茶新鮮檸檬配搭茶膽，冇乜苦澀味(5🌟為滿分）環境：🌟🌟🌟🌟🌟打卡：🌟🌟🌟🌟🌟味道：🌟🌟🌟🌟🌟價錢：🌟🌟🌟🌟🌟再訪：🌟🌟🌟🌟🌟

今日無嘢做，同朋友落去元朗逛吓，睇吓有咩嘢食！點知見到有間食咖哩嘅舖頭，門口寫住，「人生就像吃咖喱，偶爾辛辣一陣子，不會辛苦一輩子。」，嘩！有意思！有意思😆！咁就吸引左我入去喇！🤣我哋叫咗兩個飯、兩個小食同兩杯飲品，幾大食🤣。咖喱吉列豬扒飯 $58吉列豬扒鬆脆可口，仲要好大件，配搭嘅咖喱好特別，同港式咖喱唔同，有好多洋蔥粒同蕃茄粒，味道好鍾意，又唔會好辣。生煎香草羊架飯 $97店主好細心，唔食辣都仲有得選擇，唔知點解我硬係覺得有咖喱食嘅地方，就覺得佢個羊架都唔會差得去邊，所以膽粗粗，就叫咗個試吓，佢有3件好大嘅羊架，完全冇騷味，味道剛剛好，非常juice，超好食😋！天龍雞皮卷 $42見個名咁得意，就叫嚟試吓，平時唔係太食雞皮，因為要留返quota係呢啲時候食🤣，講返個雞皮卷，真心正！外面雞皮脆，包住雞肉，雞肉仲要多汁，唔係乾噌噌架👍。香酥雞 $38脆卜卜、熱辣辣，同friend傾偈點可以無佢。😂紅豆冰 $25紅豆冰，最重要係咩？緊係多豆啦！多豆得嚟又唔會死甜，讚！傷檸樂 $25傷檸樂係咸檸檬+新鮮檸檬配可樂，啱晒鍾意兩溝嘅我，good!📍店舖資料：天龍咖喱地址：元朗合益路17-53號合

呢間間舖頭開咁耐我就幫襯咗咁耐，一直水準都幾好，選擇亦都好多，通常叫外賣，都估唔到啲餸嘅份量同現場食一模一樣或者好似仲多咗添！！餸多咖喱味重整體嚟講都好好食。但今次叫左外賣自取就真係吾會再有下次。。。第一次叫左個咖哩牛筋飯同繼續叫食開嘅咖喱牛筋腩飯，返到屋企一打開發現牛筋飯得一條仔牛筋，其餘都係薯仔。。。再打開埋牛筋腩飯，全部都係牛肉碎碎濕濕。。。發生咩事？？？而家你唔係二十幾三十蚊，係六十幾蚊。。。但你俾啲咁嘅嘢真係接受唔到真係唔會再食。。。

放假最中意黎元朗國搵好野食 , 今次上網見到呢間咖哩勁出名 , 中意咖哩既我即卡約埋朋友黎食 , 估唔到真係抵食又高質 , 店鋪細細地但都坐得好舒服 , 待應服務態度好好 , 值得 encore💛咖哩厚切牛俐飯咖哩辣度可以自己揀 , 怕辣一樣可以照揀咖哩 , 咖哩同飯都大大碗 , 入面有滿滿既洋蔥粒同薯仔粒 , 岩哂咖哩控🧡咖哩撈烏冬 (厚切牛俐)牛俐好出色 , 超厚肉 , 軟腍而有咬口 , 烏冬彈牙💛天龍雞皮卷冇令人失望 , 雞皮卷炸得好酥脆 , 內裡肉汁豐富完全冇油膩感 , 配埋甜酸醬好惹味🧡香芋魚肉餅一碟有四塊而已好厚肉 , 抵食 , 芋頭同魚肉味道好足 , 有齊兩種享受💛紅豆冰 & 凍奶茶紅豆冰跟餐只加十蚊 , 當然要嗌 , 椰香汁夠重 , 紅豆量多又夠淋 , 配咖哩食大滿足

天龍咖喱，係一間喺元朗嘅餐廳。餐廳環境好熱鬧，吸引咗好多人嚟食。佢哋以咖喱菜式出名，而且價錢都好平實，吸引唔少食客。同其他地方比起嚟，天龍咖喱嘅價格真係好抵食。除咗價錢吸引力，餐廳嘅菜式都好好味。1️⃣ 金牌牛魔王咖喱牛大四囍飯 仲有兩塊薄餅：$112咖喱牛肉味道濃郁，肉質鮮嫩多汁，有牛腩牛筋牛脷等等，配上香濃的咖喱醬汁，非常美味。飯同薄餅份量十足，價格相對合理。2️⃣ 咖喱羊架飯：$105咖喱羊架肉質鮮嫩，燒得好香，咖喱湯汁醇厚香濃，配上飯食非常適合。份量十足，物超所值。3️⃣ 香煎豬扒：$25豬扒煎得香脆多汁，肉質鮮嫩，口感極佳。價格便宜，是一道不錯的小吃選擇。4️⃣ 香芋魚肉卷：$38魚肉卷外皮炸得酥脆，內裡包著香氣四溢的芋頭和魚肉，口感豐富。價格適中，味道不錯。5️⃣ 蔬菜蝦卷：$38蝦卷內含新鮮蔬菜和彈牙的蝦肉，炸得金黃香脆，口感極佳。價格合理，是一道不錯的素食選擇。6️⃣ 椰子冰：$25椰子冰清涼爽口，椰香濃郁。7️⃣ 鹹檸碧：$25鹹檸碧係一款清新的飲品，檸檬味道鮮明，稍帶鹹味，非常開胃。

今日約住元朗女仔朋友食飯當然要就下女仔啦咁我就山長水遠入元朗食啦～元朗出名多野食但山長水遠唔食返d好野邊對得住自己🤭聽聞有間主打巴基斯坦風味咖喱咁特別梗要會一會佢啦🤭咁多款真係好難揀最後揀左《咖喱魚柳飯》因為炸一條好食既炸魚考功夫上粉油溫時間決一不可睇下廚房炸功如何🤭一上枱塊魚好大件以為叫錯左炸魚薯條😂再切開試一口非常唔錯粉夠薄又夠貼又夠脆👍🏻值得一讚～而朋友就點《咖喱牛脷飯》厚厚牛脷又夠冧👍🏻朋友都讚～而巴基斯坦咖喱十分特別加左好多洋蔥粒帶起個味令咖喱多份洋蔥嘅甜味仲有大蒜吊味十分回味～另外點了兩個小食《香芋魚肉餅》《蔬菜蝦卷》都好好味～值得一試～食得咖喱點可以唔飲野😂作為一間香港餐廳點可以冇奶茶同咖啡🤭朋友想飲咖啡發現佢有即磨諗都唔洗諗即點😂😂咁我鍾意飲奶茶就叫凍奶茶～凍奶茶比好多茶記好飲起碼唔會好似飲涼茶先～絕對合格～不過另外發現隔離枱點了《蔥油豬扒太陽蛋飯》非常吸引估唔到咖喱以外飯餐一樣出色～下次再入元朗一定要再戰🤭