天鴻燒鵝飯店

營業中

休息中

看到大家一致好評，住在元朗的我怎可能不去試試看，星期六１２點多跑到去，不算太多人，一坐下阿姐就來招呼，點了個燒鵝飯＋例湯（小）〔有人大推介當然要喝！〕當日例湯是花生雞腳湯，好有花生味，我喝了後有點嚇到，我媽雖然沒有煲過呢種湯，不過煲得咁好喝倒是第一次喝到，燒鵝飯的鵝皮沒太油的感覺，（皮下的油不多）反而有一陣油香味，鵝裡面的調味料吃起來完全不太鹹，配著飯吃，好有滿足感！那天吃到一粒飯都沒剩下：Ｐ下次一定試等鵝飯，當天已經看到有３人在點（嚇到）一定會再去ＸＤ

今天是最後的勞動日,本想去食綿綿冰,無意中比我遇到聞名的燒鵝店,於是變節店外已貼有燒鵝肶的"煽"稿,於是就叫個鵝肶瀨啦。店員可能見我非熟客,立即告訴我是$58。我眼都突咗突,嘩,咁貴嘅!我平時絶少叫鵝肶食,唔知市價。再問普通嗰d呢? 燒鵝是$28。掙扎了數秒,1餐1/2餐,對自己好d,至多日後慳d。ok啦!鵝肶,酸梅醬與瀨粉分開上,鵝肶都幾大隻,先試1口,肉好嫩,又腍,又滑,又有肉味,蘸埋少少酸梅醬(非"杰"身嗰隻),真喺好掂,比媲中環x記不過碗瀨粉就普通咗d,蔥花都無粒,勝在1d都唔油-環境好似大排檔燒味店-服務就好細心,店員在中斷提供了油紙給我包住鵝肶最後嗰節,方便d食

在雜誌還沒有介紹前已想嘗試這裡的燒鵝,但經過幾次仍未到營業時間,今個週日終於見到其燈火通明地營業,馬上跑過來啦!店舖位於又新街一條橫街裡,舖面面積不大裝潢簡單,就如一般街坊飯店格局,門外除一位不斷在斬燒鵝的師傅外,還有很多膠凳給客人等位(等外賣?!),以小店來說這方面尚算服務貼心。回家打開盒子,燒鵝香味撲鼻而來,雖然經過大半小時車程,外皮仍然香脆,平時不吃外皮的我們也忍不住要連皮吃,油香四溢好味好味!鵝肉不韌也算入味,不用再沾燒鵝汁或酸梅醬也很好吃,相信堂食的話,美味程度會倍升!!大人滿意燒鵝水準,但更滿意放在盒底的鹵水鵝掌!平時在燒臘店買燒鵝,會斬些鵝頸之類東西,這裡卻是鹵水鵝掌,很有heart!根據大人評語,鹵水味道很好,鵝掌煮得軟硬適中,極有水準!下次要問問可否單買鹵水鵝掌....外賣燒鵝的話,燒鵝汁會用紙杯另上,又是另一個貼心服務位!

星期六收工,一個人冇野做就plan左入元朗食燒鵝飯其實我唔係好鐘意元朗單是落輕鐵,已經夠受了...........永遠比d師奶阿叔同冇教養ke細路,踩到鞋頭花晒元朗,真係十年如一日,d人好似未開發......去果陣,剛好下雨心想,不如走喇,d人用傘唔會睇人,比人插死都唔知咩事但想起燒鵝ke香味..好!!就忍下你地班暴民!!!一如所料,短短十分鐘路程,比人用傘子插左唔少次有小朋友仲用把傘不停篤我背脊身後的大人就得把聲......怪不得,有d咁ke父母,孩子自然有樣學樣搵左一陣,一來我唔熟路,二來因為店面唔算好大同埋店在橫街去到天鴻,得幾個男人...一坐下,想也不用想一碗燒鵝飯丫~要個細湯!!先講鵝飯....鵝皮脆,一口吃下,鵝油四溢.....那股香味...真係好難忘記!!藉住那啖鵝味...扒起飯拌食...一流!!雖然28蚊一碗飯,但絕對係值得!!一碗飯,足有4~5分之一ke鵝...鋪滿碗面一樣!!比起果d乜乜海鮮酒家好上唔知多少倍!!建議唔好點梅醬食點了,反而有畫蛇添足ke感覺!!原本要湯係因為我唔鐘意飲凍飲先叫碗湯幫助解去鵝的油膩感點知,原來呢個湯先係寶物沉歸底我去果日係冬瓜豬展湯..

中午外賣一碗义燒瀨粉回家吃, 需然第一次幫親,但以前聽過很多元朗地胆話這裏燒鵝好正, 今次一個人吃只能吃义燒,燒鵝留待中秋買回姐姐家中多些人一起分亨吧.义燒幾好食,要瘦既,是梅頭肉幾淋,瀨粉就差些少,比較碎和淋,湯底就似監水,無乜味, 可能义燒飯會好些,食瀨粉都是太興最好味!

天鴻近期好似人氣多左, 可能雜誌有介紹平日如果收工遲左, 八點半先到的話SORRY, 十有九無燒鵝飯食所以, 我基本上都係星期六中午來食, 仲要係十二點前來到, 一定有新鮮熱辣既燒鵝食最近原料不斷上漲, 燒鵝飯既價錢新年後已經加左兩次由原來既25蚊, 加到而家既28蚊但都係物有所值的起碼燒鵝飯大大碗, 燒鵝堆到成個碗都係同埋, 兩三次幫襯之中, 總有一次係有脾的雖然, 我個人並唔喜歡食脾(無論雞脾/鵝脾/鴨脾)但我見價錢牌, 一隻燒鵝脾$50, 無理由唔食架經濟少少可以食燒鴨飯, 但份量相當會比較少(試過你就會知)所以, 都係食返我至愛既燒鵝飯最有保障

幾年前,聽一個住呢度附近中學舊同學話,呢間鋪燒鵝非常好味,但因為我近年口味轉淡,所以甚少食燒味。但因為太耐冇食過燒味,而且我年邁母親鍾意食雞,所以就帶佢老人家去試下。但係今次我兩母子都冇試燒鵝,我為老媽子叫【豉油雞飯+凍好立克$23】,而我自己就叫【燒肉切雞飯+凍奶茶$25】,阿姐幫我落單時,因阿姐聽唔清楚,繼而我要多次向阿姐,確認我自己係要【燒肉切雞飯】。但之後我果碗飯,最終都係俾錯我【燒肉豉油雞飯】。算啦! 心諗可能唔關阿姐事,可能係師傅睇題單呢...照食!我見兩大碗飯雖然用膠碗裝,但係同碟頭裝份量一樣,飯淋有鮮甜豉油,飯面鋪上新鮮時菜,菜上面鋪上份量唔少燒味。【燒肉】係【燒腩肉】,皮脆肉唔肥又唔太鹹,【豉油雞】皮薄肉厚,食落口充斥滿香蜜糖味,豉油又係唔太鹹。我老媽子猛讚好味道,成七十五有多咁大年紀,成大碗飯連肉都食哂...勁!我見隔離幾客,大多都叫【燒鵝飯】食,照之前食評話齋,客人叫【燒鵝飯】,竟然有燒鵝脾,廿零蚊有燒鵝脾食真抵。我下次一定要再幫襯,一試呢度馳名【燒鵝】。補充:『呢度一隻燒鵝$188元』,比深井最少$230元一隻抵好多~

一碟燒鴨飯$18但一碟燒鵝飯要$25雖然係貴左少少, 但試過伙就知道個分別有幾大而且唔知係咪我好彩, 兩三次幫襯, 總有一次有脾食如果你自己點一隻脾, 好似都要$35, 啡茶水準一般, 無乜驚喜反而例湯水準超班你見佢食飯+3元有一碗細既大碗要八蚊, 就知道佢地幾有信心因為次次都係去食燒鵝飯, 其他燒味反而無食過俾唔到意見天鴻係恆香後面, 泛后甜品隔離橫街, 好易搵

琴晚買外賣,終於買左天鴻既雞鵝飯.之前兩晚都想買,不過成9點先落樓,人地d燒味都賣哂咁滯,得返d鴨.照舊多薑蔥蓉. d燒鵝保持到水準,皮脆肉多汁,不過D雞差左D,好難咬,太瘦!

我好鍾意食燒鵝，只要有朋友話邊度d燒鵝好食，幾遠幾唔方便我都會去試。最近搬了入元朗，因以前很少入黎，又冇聽朋友提過元朗有好食燒鵝，所以好認真咁周圍搵周圍食。希望可以搵到好地方，唔洗下下長途跋涉出市區先食得到。又搵又食兩個幾月，終於有一間叫天鴻既小店值得我同朋友分享，尤其當我看完上面位朋友寫d野，我更加覺得需要作出少少更正，我職業唔係寫食評，只係鍾意食野，尤其係燒鵝。呢間天鴻店面很細，並沒有閣仔，店內只能放下4至5張細檯，很多時候店外都會大排筵席似的。這店主打燒味，附有少量廚房小炒，我個人覺得最好食係燒鵝(可能因為我特別鍾意食)，皮燒得很脆，鵝肉新鮮入味，不比我的至愛”鏞記”遜色，但價錢就便宜了一半。其他好味的還要數叉燒和雞，叉燒好好味，d雞有好濃既雞味，總然之兩樣都好好食。睇唔出間店又細又唔起眼，仲要縮埋晌內街，d燒味做得都幾認真播。如果鍾意食燒鵝既朋友，一定要試。

呢間野竟然係我一個住荃灣0既朋友介紹,佢次次黎元朗搵我都一個人去呢間食野,佢好鍾意食乳豬飯,所以佢黎襯元朗第一時間搵我飲茶,都係去呢間離我屋企較遠0既餐廳坐。我個人覺得呢度閣樓幾好坐,但好多時都冇卡位,可能都係樓上座位較少關係。食及飲品係阿姐女侍應,由樓下不停撐樓梯上閣樓俾客,覺得佢地都好辛苦下,因為好多餐廳有閣樓0既話,大多數都有食物升降機。食物方面種類好多好齊,一般茶餐廳中西式都有,另燒臘係呢間野專科亦好食,碟頭飯同炒粉麵都係廿六蚊左右,加餐飲都係幾蚊到,飲品夠大杯都唔錯可以接受。現在呢間餐廳裝修緊,以我所知都裝修左近一個月多,我睇佢鋪面都係呢輪裝修好,之後我又一定會再去幫襯~