天天海南雞飯 (Fashion Walk)

營業中

休息中

上星期食左天天海南雞飯，今日來補寫食評吧。係門外睇menu 俾佢個海南雞吸引左，同朋友決定入去試下。嗌左$169(中份）既 size, 我地有3個人，睇下幾大份先。雞既份量唔算話好多，但係隻雞好滑，配埋個辣醬食都幾正👍另外嗌多左個雞油飯，不過我覺得正正常常，冇咩特別。跟住期待嘅主角嚟喇😂😂我friend睇到個Menu有個椰奶炸龜苓膏，話一定要嗌，要試吓伏唔伏😂一食落口，好彩唔難食既😂竟然係出奇地夾🤣椰奶個甜中和咗龜苓膏嘅甘，幾新奇，不過我覺得試一次就夠喇😝

上網見到啲海南雞好正，次次經過都聞到浸肉骨茶味，今日就同朋友去食。天天海南雞 必食雞非常滑之餘，個皮好薄。醬汁做薑汁，平時嘅酸辣汁，同埋中式嘅甜甜地嘅醬汁。仲有粒青檸仔調味，而且仲好大份，叫左個油飯送，好香香茅同雞味。豬肉肉骨茶小火鍋 推介經過都聞到陣味好香，食落去好多材料。原來呢一度係做火鍋底，仲有得嗌配料添。不過本身裏面啲豬肉骨，腐皮，肉丸再加埋芽菜同埋面底都夠食。個湯底小小藥材味唔會太重，而且個豬肉好香好林！ 豆漿海南雜菜煲 推介平時雜菜煲我食得多，今次用豆漿整個底都係第一次！好香嘅豆味同過菜竟然好夾，唔會太奶亦都唔係甜嘅。本身用咗啲蝦米仔爆開，所以都有少少海鮮味。絲粉絲朔晒啲汁好入味！ 石榴紫背天葵山楂蜜飲落去酸酸甜甜，一啲都唔膩。 食完嗰個火鍋仔解下熱啱曬！ 整體嚟講位置都坐得舒服，而且食物質素都唔錯，同埋都幾有特色，將肉骨茶做火鍋底，值得一試！

自從去過新加坡食天天海南雞就一直念念不忘，由知道佢哋係香港開分店就想過來食我最愛的海南雞。餐廳位於銅鑼灣Fashion walk商場地下。餐廳環境闊落，用餐時間係平日晚上七點，餐廳大約八成滿。眼見客人源源不絕，如果想食建議早點訂位。天天海南雞中份 $169招牌的海南雞當然要試試！海南雞肉質鮮嫩，雞味濃郁，食落非常水嫩滑溜。米芝蓮必比登推介當之無愧，必食！砂鍋新加坡黑胡椒羅氏蝦粉絲 $149粉絲索哂濃濃既醬汁，好惹味！羅氏蝦好大隻好彈牙！👍🏻黃金八爪魚 $69粉漿夠薄身，每件八爪魚都掛滿左濃厚既咸蛋黃醬汁，好好食！雞油飯 $23/碗雞油飯充滿雞油香，配埋海南雞一齊食簡單絕配☺️熱年代奶茶$35年代奶茶馥郁芳香，茶味香濃，入口甘香，口感細滑，絕對係我飲過數一數二好飲的奶茶，必飲！❤️整體餐廳無論食物質素，價錢份量，服務態度，質素都好高。天天海南雞飯絕對係一間好值得推介嘅餐廳！

好耐冇出銅鑼灣食晚飯突然醒起呢間係名店坊附近的餐廳因為我本身好鍾意食海南雞所以其實想試好耐開分店開到沙田、Element 都有今晚終於可以試試佢🤗***原條酸菜魚$159***魚肉好滑 魚湯好甜好濃魚味配菜有枝竹同埋粉絲輕微辣味連埋d魚湯食好正***新加坡天天無骨海南雞 $169/中份***加配雞油飯$23/碗呢個一定要點啦又係signature又係我其中一個至鍾意的dish真係無骨海南雞肉好滑👍👍👍***鴛鴦菜花$99***兩款菜mixed 埋一齊炒上面放咗d炸白飯魚仔好香好食***五十年代奶茶$35***好香滑茶味濃好飲餐廳入口就係係呢度Franc franc對面驚喜嘅係呢度有得打邊爐下次再嚟試吓先因為呢度都坐得舒服同朋友一路食一路傾偈坐左好耐都冇被人趕走非常之好service🙂

天天海南雞飯的銅鑼灣分店，提供室內外用餐選擇。室內燈光較暗很有情調；室外街景寬闊，適合聚會，用餐環境舒適。佢哋有勁多款招牌菜，餐牌都好厚一本！天天燒雞（大份）是必點之選，而且CP值好高，賣相好好，雞肉外皮薄脆，色澤誘人，肉質嫩滑且入味，搭配自家製的醬汁，青檸、青瓜片及多款醬料，口感層次豐富。如果可以配上雞油飯，會更滿足，可惜當日雞油飯賣晒，唯有加配白飯。原條酸菜魚非常吸引，賣相出色，用暖爐呈上，熱辣辣很新鮮，魚肉嫩滑高質，與酸菜好夾，微微麻辣，非常開胃。砂鍋新加坡麥皮羅氏蝦砂鍋的風味，保留餸菜熱度，大蝦非常高質，足足半個拳頭咁粗，蝦肉彈牙，口感極佳，大蝦吸收咗麥皮香氣，麥皮勁香口邪惡，口感層次豐富。

最近又想食返東南亞餐廳😗醒起以前都食過天天海南雞～今日一於過黎回味下陣海南雞味先😝😝餐廳有呢個2人餐menu~啱哂我地唔洗諗食咩好添呀～2人餐仲要好豐富，包好多野食🤓🤓真係食到飽住個肚走😏😏💛Package for 2 $488-前菜✏️沙嗲串串x2✏️話梅聖女果一嚟就上左2個前茶先～串燒有豬同埋雞😜😜口感煙燻香脆😛調味適中～💛湯品- 迷你肉骨茶肉骨茶飲落口味濃郁😽湯汁醇厚，肉質鮮嫩，飲落有少少胡椒味😛幾惹味😝😝💛天天海南雞 新加坡天天無骨海南雞（中份）海南雞肉質嫩滑多汁😜😜加上酸甜既醬料，食落有著正宗既海南風味😛😛超值得推薦！💛參巴辣椒炒通菜通菜好有鑊氣😽😽食落唔會好咸，咬落好仲好爽口😜望落既色澤都好靚好鮮色，完全唔會炒到好老😝💛白咖喱香茅豬扒香茅豬扒色香味俱全😙😙豬扒係外脆內嫩🥹🥹浸泡在香濃的白咖喱醬中，帶有微微既辛辣同香茅既清香，配埋雞油飯一齊食。真係令人一啖又一啖呀！🍮 甜品：咖央多士

再戰天天海南雞，成日覺得佢得一個餐牌，好似冇乜食咁，但係今日有啲掛住海南雞，所以再試下。本來想叫二人餐，但係我真係太多嘢食，點解會食唔晒，所以淨係帶咗三樣嘢。森巴辣椒炒通菜: 師傅炒得好香，而且唔算太難，自己好鍾意呢啲一想菜已經聞到鑊氣嘅餸，令我覺得原來天天唔係剩係得海南雞飯嘅。新加坡天天無骨海南雞(中份): 完全保持到佢嘅水準，上次喺圓方食同呢度食都係一樣，都係咁鮮嫩細滑，而且配菜嘅青瓜都好甜，雖然以海南雞來講其實都真係幾貴，但係人哋貴得有道理，而且保持到水準。咖喱牛腩: 唔記得咗度餸係唔係咁樣叫，但係呢一個係我同朋友都覺得幾驚喜幾多道菜，牛腩份量多就唔再講，而且咖喱味好香，唔係港式或者馬來西亞食嘅咖喱，有好多唔同嘅香料味道，但係亦都夠辣味，會想着令人繼續食，而且呢一個送飯一流。總結：隔咗一兩年再食天天海南雞飯，絕對令到我好友驚喜，除咗海南雞之外，其實仲有好多唔同嘅小菜可以食到，每樣都好有鑊氣，而且亦都好大碟。銅鑼灣呢一間舖頭都坐得舒服，而且鍾意佢旺中帶靚，食完嘢再喺附近散吓步，不錯。

上星期二放工我約朋友去銅鑼灣FASHION WALK食「天天海南雞」，之前係沙田都試過喱間餐廳，感覺幾好，見到原來係FASHION WALK喱到既分店，裝修好fancy，同朋友2個坐下傾下計都幾chill，而食物質素都仍然keep到同其他分店一樣好味。燒雞肉質鮮嫩多汁唔會柴，皮脆肉嫩，我平日都比較鐘意會燒雞，相對就咁海南雞會有一種雞皮香味，鐘意燒雞既朋友都可以試下。參巴辣椒炒通菜通菜本身就比較爽脆，搭配左參巴辣椒的香辣味道，有開胃既感覺。火焰石燒魷魚店員先上菜，再做火槍即時點火燒烤，個魷魚外皮脆卜卜，特別係個D觸鬚上面既粒粒，口感好特別，而魷魚本身都仲有D JUICY既。喱間天天海南雞飯個環境比起一般分店有特色好多，野食好味唔貴，冬天仲可以試下坐去出面CHILL 下，相信下次同朋友冬天黎食叫埋其他鍋類野食會更加正。

天天海南雞飯（銅鑼灣）地址：京士頓街9號fashion walk 地下H2 號鋪❤️招牌天天無骨海南雞$169中份海南雞賣相相當唔錯 白白滑滑的雞睇到都非常新鮮美味令人食慾大增 配上四款醬汁有薑蓉 辣汁 豉油汁 同雞汁 海南雞肉汁鮮嫩 ，雞肉嫩滑多汁，皮薄爽滑，滋味十足，絕對係必點推介👍🏻雞油飯$23另外我哋加多一碗雞油飯必須配搭雞油嘅香味,而且飯嘅軟硬度適中，配搭埋海南雞一齊食相當滿足，又夠飽肚❤️迷迭香火焰黑金叉燒叉燒選用優質黑毛豬肥肉較多嘅部份 食落充滿油脂，讓叉燒更好入味 叉燒外層，加上淡淡的迷迭香 外觀同味道都升上另一層次😋❤️酥炸椒鹽蛋豆腐$49一口咬落去 外面炸到香脆裏面保留嫩滑 一啖一粒啱啱好👍🏻是一款不錯嘅小食選擇❤️豆漿海南雜菜煲$109第一次嘗試豆漿雜菜煲，平時係上湯轉用咗豆漿感覺好鮮甜順滑令到普通嘅蔬菜營養滿分，入面仲有蝦乾，令到湯底更加鮮甜，蔬菜仲非常新鮮嫩肉，健康嘅一個餸菜

見都幾多好評咁諗住去試下呢間海南雞飯店。咁緊係叫個無骨海南雞，點知黎到係得表面個層無骨，到我地食晒表面個d 之後先發現底層個d 海南雞係全部都有骨，中晒伏。咁問下侍應點解無骨海南雞會有咁多骨，個侍應答'有骨咪仲好，整到無骨就會少左肉架喇'其他野食味道都還好。另外叫左個火焰石燒豬頸肉 , 迷迭香火焰黑金叉燒。呢兩個會有侍應黎用火槍燒，但個職員似乎新入職唔太識用，開到勁大火 同埋燒既角度差d 燒到我，d 火近到大到有另一位職員黎講開得太大火個隻

天天海南雞，正宗新加坡菜，最近推出招牌2人餐，非常抵食。前菜/小食話梅聖女果：將蕃茄仔去皮，帶淡淡話梅香氣，酸酸甜甜，非常開胃。沙嗲串串*2(雞肉*1,豬肉*1)：配上秘製醬料，十分惹味。新加坡咖喱系列白咖喱香茅豬扒：白咖喱香甜不辣，帶椰香味，配上肉質軟腍既豬扒，撈飯一流。湯品肉骨茶：湯底不會帶太濃藥材味道，卻帶有排骨熬製出來既獨特甜味，喝後很溫暖。天天海南雞新加坡天天無骨海南雞(中份)：海南雞皮薄爽滑，無骨啖啖肉，配上獨有3款醬料，更添滋味。蔬菜炒通菜：我哋唔食辣，店員幫我哋改左用版米炒，味道同樣惹味。主食雞油飯*2碗：用雞油既精華煲出來既飯，唔會太油膩，仲有D雞香味。甜品咖央多士：將半生熟蛋敲碎後，淋在烤得薄脆既多士上，美味盡在不言中。茶英式伯爵茗茶*2：飯後來杯茶，幫助消化。

成日聽朋友講食海南雞嘅話一定要試吓呢間，今日終於有機會嚟試吓啦！餐廳嘅環境格調高級，好似去咗食高級中菜咁！一場嚟到梗係要試吓個海南雞啦，見到仲有個燒雞雙拼，一於兩款試晒！果然名不虛傳，海南雞雞肉超級嫩滑，入口即溶，肥瘦適中，皮下啫喱超正，連平時唔食雞皮嘅我都忍唔住連埋雞皮食晒，一啲都唔會覺得肥。燒雞同樣嫩滑，燒到層皮脆卜卜，外脆內軟，而且十分Juicy，送飯一流，配埋雞油飯，真係絕配，絕對係我食過最好食嘅海南雞飯！下次同朋友講起海南雞飯，一定推薦嚟呢一間！另外我哋嗌咗兩個嘢飲，一杯豆花美祿同埋一杯青檸沙冰，豆花美祿混合咗啲豆腐花，飲落嘅有口感，味道出奇地夾，青檸沙冰適合夏天飲酸酸地開胃得來亦都消暑，飲落幾涼快！

銅鑼灣必食海南雞飯♥️今日去睇完馬德里體育館，所以一定要帶阿仔嚟食新加坡海南雞😬天天海南雞:肉嫩滑多汁,海南風味濃郁,搭配清爽的涼拌配青瓜,口感清新可口。迷失香火焰叉燒: 叉燒皮酥脆,肉質鮮嫩多汁,帶有微微焦香,頗具特色。黑松露酥炸大生蠔: 生蠔新鮮肥美,外層酥脆入口即化,黑松露的香氣與生蠔相得益彰。海鮮炒貴刁: 各類新鮮海鮮入味炒製,貴刁葉帶有淡淡的香茅味,與海鮮形成絕妙搭配。芒果沙冰: 芒果香甜濃郁,沙冰細膩滑順,清涼消暑,是頂級飲品。黑金叉燒即場火炙，非常吸睛，必食之選♥️

今日去咗銅鑼灣嘅天天海南雞嗰度食飯，反而唔係試佢嘅海南雞，係試佢其他新Menu裏面嘅菜式，結果都相當唔錯😝😝原條酸菜魚原本都有呢度菜，不過係金湯同埋魚片，而家改咗用圓條魚，而且魚味濃好多，有酸爽嘅酸菜,魚肉鮮嫩多汁,湯汁濃郁醇厚,回味悠長黑磨豉醬豬軟骨非常之送飯。軟嫩可口嘅豬軟骨配以濃郁嘅黑豆蒜泥醬汁。軟骨入口Q彈有嚼勁,與濃郁嘅醬汁完美融合。黑胡椒炒大蝦粉絲煲呢道肥美嘅大蝦與細滑嘅粉絲一同炒煮,浸泡喺香濃辣郁嘅黑胡椒汁中。蝦肉鮮甜彈牙,粉絲細緻柔滑,兩者完美結合。而且最精華係粉絲吸晒蝦同埋黑椒汁嘅精華，正。

聽講天天海南雞飯轉咗新菜單，一定要嚟試吓啦今日叫咗個馬拉海鮮炒貴刁、天天燒雞、炸蠔餅炒貴刁入邊有好多鮮魷，同埋幾隻爽脆嘅大蝦，貴刁份量好多，炒得入味之餘又好煙靭，飽肚又好食；天天燒雞維持一貫水準，個皮燒得好香脆，都保留住雞肉嘅鮮嫩可口，配埋三款特調嘅醬汁，非常高質；而炸蠔餅蠔仔分量好慷慨，香脆之餘又唔會過分油膩，令人垂涎三尺天天海南雞飯貴為米芝蓮餐廳，連地獄廚神都曾經推薦過，質素當然有保證，銅鑼灣嘅分店地點方便，餐廳環境舒適乾淨，食物性價比高，非常推薦#天天海南雞飯