天天海南雞飯 (新城市廣場三期)

營業中

休息中

新城市廣埸3樓，個間天天海南雞，食個海南雞飯毫無雞味，又唔鲜，垃圾一般，仲要茶芥及加一，四个字形容，不知所謂，我剛食过才有感而發，叫啲股東及大廚自己試食，甘都攞得出比客食，仲要貴，超失望！

成日聽人講終於有機會試啦，由於好肚餓嘅關係，兩個人都嗌左四個餸😂😂一煲飯再加杯嘢飲😌等我為大家介紹吓啦😆正宗海南雞🐥冇理由黎到唔叫呢個既😏賣相幾吸引份量夠大，雞肉唔算好滑但個皮爽口🐣醬油好味👍🏽油飯🍚油香陣陣😌粒粒分明，係偏硬身既😋辣子粟米🌽🌽粟米好甜，椒鹽味重，唔辣，係配料辣🌶好味👍🏽👍🏽椰汁班蘭炸魚塊🐟好有趣既一個菜式，炸魚塊鬆脆，掂椰汁班蘭醬😌甜甜地，有淡淡既椰香味🥥🥥黑磨豉牛筋牛腩🐮🐮佢都係十大招牌菜之一🤩見人人都叫，就試試佢啦，一黎到個煲係熱住既，個汁都係甜甜地😊份量都算多，牛腩唔算淋，但有牛味，牛筋有2種，有種勁淋，另一種就有咬口😌豆花奶茶🥤超重豆味，溝埋一齊好似飲緊豆奶咁，唔錯😆整體來講都算好既，環境舒適，職員態度良好，食物有特色😌我係一個唔錯既選擇😊

沙田新城市廣場商舖和食肆雲集，行一整天都行不完。今天和朋友逛完後，來到第三期的「天天海南雞」食飯，「天天海南雞」有幾間分店，食物質素頗高。遠遠就見到大大的招牌和寬闊的入口，未夠7點，坐位已有9成滿，捧場客很多呢！「正宗海南雞」$199「天天海南雞」和「正宗海南雞」都是這裡的招牌菜，今晚先試「正宗海南雞」。專用的碟子盛著海南雞和三款不同的醬料，薄薄的白色雞皮爽口有彈性，完全沒有肥脂肪，雞肉較為結實，有嚼口，雞味濃。有一大片雞胸肉切成翅膀形狀作裝飾，一樣咁好食。「黑松露墨魚蝦多士」$1094大件蝦多士，上面灑滿椰絲和木魚絲，裡面有黑松露醬。一口咬落，又脆又香，口感豐富。「海鮮喇沙水晶粉」$159非常豐富的海鮮窩，有豆卜、青口、魷魚、鮮蝦，還有Q彈的水晶粉，微微的辣適合更多人口味。「桂花糕」$49軟綿綿的桂花糕飄著桂花香味，附上一碟新加坡咖央醬，很有特色。

$199 的海南雞，雞肉粗嚡，皮下肥膏多，沒有連飯上，何以貫名米芝蓮，比泰式海南雞飯差不止一倍，連骨上，肉骨比例50:50，去年初曾來幫襯，質素簡直大跌，價錢大升，真的生意難做，何悲！

今日我要介紹呢間新加坡過江龍，佢嘅野食真係幾正宗，令人食得開心又想再去多次旅行！佢既套餐其實係最抵，不過我特別想試佢新野，所以就簡散叫。🙈🙈首先，古法肉骨茶，呢個湯底肉味濃郁，肉骨煮得軟腍入味，滋補又開胃，飲完一碗肉骨茶暖身又滋潤！🍲🥹然後就係呢度嘅主打天天海南燒雞，真係古法正宗！雞肉鮮嫩多汁，外皮烤得金黃酥脆，加埋店家獨家秘製嘅醬汁，帶嚟一份香嫩無比又多汁嘅燒雞，每一口都係享受！🍗😄接下嚟係豆腐蝦仁煲，入面材料真係幾豐富！豆腐鮮嫩，而且蝦仁彈牙，湯汁濃郁鮮美，滲入咗每一樣食材，令到層次更豐富，配飯食一流！🥘☺️最後，我地叫左雞油飯，夠兩個人食用，飯粒分明，每粒都帶有濃郁嘅雞油香氣。🍚😄

今日同朋友喺新城市行街行到肚餓又見到想試好耐嘅天天海南雞飯唔洗等位就二話不說入左去啦！因為乜都想試但胃部空間有限所以我地就嗌左個新加坡米芝蓮二人餐share 個餐包括蝦皮素肉鬆凍豆腐/海南沙律(2選1)、斑斕汁椰香鱈魚/黑松露墨魚蝦多士(2選1)、鳳梨涼瓜干貝燉龍骨兩盅、天天海南雞/正宗海南雞(2選1)、參巴辣椒炒通菜/海南雜菜煲(2選1)、雞油飯一煲、50年代系列飲品兩杯，特價$499!蝦皮素肉鬆凍豆腐呢道餸真係可以喺呢個大熱天時解暑！凍豆腐好滑加上面頭嘅蝦皮同肉鬆呢兩總口感令佢更有層次味道都唔錯balance得好好，絕對唔係只靠醬汁帶起個味道黑松露墨魚蝦多士呢道頭盤有4大件，黑松露醬上面仲有啲椰菜絲同木魚絲，令佢食落口感豐富得黎一啲都唔油膩好fresh 最驚喜係真係有隻蝦喺墨魚滑上面，口感彈牙，多士好酥脆！鳳梨涼瓜干貝燉龍骨呢個湯飲落都算足料同清，飲完冇口渴嘅感覺，整體而言都唔錯天天海南雞店員講解話天天海南雞係無骨嘅食落滑啲嘅，而正宗海南雞就係有骨但雞味重啲嘅。我地最後揀左天天海南雞，的確雞味真係差啲，但勝在真係滑、雞皮爽彈、本身嘅醬汁同好成功地補足翻雞本身差嘅味道海南雜菜煲上菜嘅

平時夜收工好多時候都會去附近新城市廣場食飯，而設於三期嘅新加坡嘅天天海南雞我都幾鍾意去，一般揀個套餐都係大約$500/2位，商場黎講又無話特別貴。未食過嘅朋友都不妨試試。餐廳與四季芬芳（即中環蛇王芬）合作推出蛇羮套餐，雖然天氣轉熱，但商場冷氣夠大，食完個身都唔會太熱。套餐包括招牌花膠太史蛇羮(2份)、天天海南雞(中份)、雞油飯(1-2人)、海南雜菜煲，及四季養生飲品(2支)：花膠太史蛇羮: 蛇肉份量偏多，採用數款不同蛇肉，除粗幼不一外，蛇嘅肉質都唔一樣，因此食落口感非常豐富，有啲蛇肉軟嫩，亦有結實爽滑，但就真係每一啖都食到蛇肉，湯羮質感夠稠密，幾好食。天天海南雞(中份): 採用新加坡文昌雞，雞肉一個字：「滑」，肉質非常絲滑，加埋秘製雞油嘅濃郁雞香，原味食都覺得正。另外仲有配三色醬：薑蓉、酸辣醬及黑醬油，各有特色，幾惹味。雞油飯(1-2人): 招牌雞油飯亦唔係普通嘅黃薑飯，而係加入雞油製嘅飯，飯粒充滿雞油香，油而不膩，飯粒顆顆分明，非常好食，戒澱粉都要食嘅必點食品。海南雜菜煲: 湯底清甜，雜菜包括娃娃菜、菜芯、雞髀菇、粉絲、紅蘿蔔片等等。除養生飲品外叫左支天天啤酒，甜口，果香味較重。

今日同朋友喺沙田新城市行街 見到一間大排長龍嘅餐廳 一睇點知係米芝蓮餐廳嘅天天海南雞飯 我哋就諗住入去試一試 食完實在覺得大部份食物都係水準以上 一試難忘青檸汁蒸鱸魚大大條嘅鱸魚配上刺激味蕾嘅青檸汁 一上菜已經令人胃口大開 鱸魚口感嫩滑 味道清甜熱騰騰嘅蒸氣加上別出心裁嘅裝飾 令到成道菜式更加昇華雞油飯雞油飯香而不油膩 米飯粒粒分明 食落飯香充滿口腔古法肉骨茶豆腐卜 腐皮 豬肋骨 浸泡喺古法肉骨茶入邊 配上淡淡的胡椒香味 食落齒頰留香火焰沙嗲串串看似平凡無奇嘅沙嗲串燒其實別出心裁 一碟簡單嘅串燒已經有齊豬肉牛肉雞肉 而醬料更加配上新穎嘅花生醬 食落熱辣辣香噴噴 充滿驚喜超級水果茶一杯飯後水果茶實在係解膩良方 由唔同水果調製而成嘅水果茶充滿淡淡的小清新 酸酸甜甜 飲落口腔舒暢

成日經過新城市都想試吓呢間新加坡餐廳藍色嘅裝修好吸引，座位好闊落古法肉骨茶 $159份量又多又抵食，而且好入味，但係唔係味精，肉骨都有四條兩個人share啱啱好辣子粟米🌽有啲似大排檔嘅粟米，粟米一開四之後咬落去好方便，有微微嘅辣味，非常開胃斑斕汁椰香鱈魚🐟炸咗嘅鱈魚粒好脆口，估唔到點班蘭汁係咁夾，仲有好重椰香味！脆口小食👍🏼最後仲叫咗薏米水，中和返油膩感，薏米水唔會太甜！每張枱都有自己嘅茶壺，呢樣嘢都幾方便，不過提提大家會收茶錢😉

食物質素高，但職員人品差，3歲小朋友要收茶錢食一餐飯過嚟4次，叫你走，最後一次係黑晒面咁走過嚟：「你哋過晒用餐時間，講明你哋得一個鐘，好多人排緊隊等入嚟，唔該你哋要走啦」成餐飯唔平，全部未計加一、茶錢。重點是職員的態度，目露凶光，黑口黑面，不友善。感覺出錢買氣受去到最後被趕走感覺不良好奉勸各位如果想坐係到慢慢傾偈千祈千祈千祈唔好㨂呢到會被人目露凶光，更會用不友善語氣，趕你哋走，唔好阻佢揾食。有好多人係出面，呢度擺明要賺錢，要吹水唔該出去就係食物幾好味都好，都要注重一下服務態度。對客人不禮貌，不尊重令人極為討厭已經唔會想再來亦不會推介朋友來

今日見到腳 近近地就食天天。真心講價錢唔係平，但味道係好一般。燒雞唔脆皮，海南雞d汁 一Patpat 。真係唔洗刻意試。個蔬菜煲清清地，粉絲都唔多條。最正係個茶煲蓋跌左落地，換都無換就 蓋番俾我。叫佢換，佢左執又執又係執番同一個煲蓋俾我，同佢再講，佢又換一個煲，果個跌落地既蓋都係俾左其他客。未齊野又催賣單，依左45分鐘就催，其他客成枱野又催，有d野食都未到齊就催交枱，垃圾到不能。無下次。成間野整體只覺得係差服務同衛生囉！

同阿媽去一田買完野，佢一見到個招牌就話想食海南雞。結果當然唔只雞，阿媽叫左個新加坡米芝蓮2人餐，好多野食！蝦皮素肉鬆凍豆腐，豆腐凍凍嘅質感同埋素肉鬆香口嘅味道好夾，加埋少少醬油，味道幾好。其次係黑松露墨魚蝦多士，多士好香脆，餡料充滿黑松露同墨魚蝦味，一口咬落去，酥脆之餘又有豐富嘅口感，好味！鳳梨涼瓜乾貝燉排骨，排骨燉湯清澈又濃味，加埋鳳梨同涼瓜乾貝就更加豐富。一碗湯一啖飯，好屋企feel。海南雞係必叫架啦，去哂骨啖啖肉，有3種醬汁，配好香嘅油飯，個餐包埋好抵！個餐仲包括雜菜煲，同兩個飲品。奶茶同酸柑桔蜜都ok，最緊要滿足之餘又坐得舒服。

海南雞平時都食唔少啦，天天都算熟客咯。今日想試下距其他菜。今次去的是位於沙田新城市廣場呢間，裝修格局都相當舒適，系距地一貫風格。客人都好多，稍等幾分鐘店員安排入座。事關食過曬距地啲雞，所以今次就叫左小炒牛肉，肉骨茶。甜品當然唔少得炸龜苓膏同埋豆花啦。肉骨茶，相當足料，湯都幾好飲。同之前食開噶有少少唔同，藥材味唔算濃，啱曬怕藥味的朋友。排骨都煲到夠綿夠入味。小炒黃牛肉又真系有啲驚喜，相當大份，而且夠鑊氣。牛肉鮮嫩，小辣，勁開胃。搭埋距地雞油飯，真系飯都食多兩碗。鴛鴦花菜，一樣相當有水準。椰奶龜苓膏，個人相當鐘意噶甜品，但今次略微甜了一D。豆花系第一次試，真系同普通豆腐花唔同，更似燉豆奶，豆香濃鬱而清甜，好正。

天天海南雞係一間過江龍，獲得米芝蓮推介的星加坡海南雞店。聽說這家食店在星加坡起家自小販檔。我一直都想試這家餐廳。最近朋友升職，我地就揀咗這家餐廳慶祝食飯。======環境=======餐廳以藍色及黑色背景為主。裝飾時尚，很有格調。枱與枱之間都算隔得疏，而大部份的餐枱上都有一盞吊燈。很適合作為同朋友食飯傾偈的地方。========食物=======⚜️正宗海南雞$199雞很滑，皮很薄。雞汁好很好味，聽說雞汁是餐廳秘製的。⚜️油雞飯 $39油飯的每一粒米粒粒分明。而且雞有深透了，每一粒米。說真，單吃這碗飯已經很滿足。⚜️海鮮喇沙水晶粉 $159這道菜的賣相很吸引。食物用了砂煲載着，煲下有微火一邊加熱食物，keep住食嘅時候都夠熱。材料很新鮮，有魷魚、青口、蝦和豆腐卜。我尤其喜愛這道菜的水晶粉。水晶粉的形狀扁長，質感很滑，而且吸收喇沙湯㡳的精華。⚜️參巴辣椒炒通菜 $89通菜看起來似乎煮法很簡單，但很好吃。菜很新鮮，而且炒得很惹味。⚜️新加坡原味豆腐花 $22豆腐花的豆味很重，而且很清甜。吃完後覺得很清涼。很適合夏天熱辣辣的天氣下吃。======飲品=======⚜️金牌咖啡 $26金牌咖啡香滑，而且不

係沙田行完街搵野食，見到呢間乾淨企理就入黎食。店員推介我地食2人餐，就試一試佢! 呢個2人餐都幾抵食，一開始上左個湯，係鳳梨涼瓜乾貝燉龍骨，成個感覺係好足料! 唔似味精湯，幾好。蝦皮素肉鬆凍豆腐有驚喜! 唔似一般涼拌咁死咸，個豆腐咁食又好滑! 黑松露墨魚蝦多士果然係人氣之選，多士係外脆內軟，入面包住黑松露墨魚，好香口，面上有少少醬汁，令到冇咁單調。重頭戲一定係天天海南雞，份量比想像中多好多，雞件好滑，本身有個茨係面，仲有3個醬可以點，有薑蓉，有黑豉油，個人最鐘意中間個款，辣辣地，食落似冬陰公味! 配埋雞油飯食真係一流! 跟餐仲有個菜，叫左炒通菜，又係大大份，好抵食! 野飲叫左美祿恐龍，好好飲，好濃郁!