天天海南雞飯 (新城市廣場三期)

營業中

休息中

👨🏻‍🍳食物：天天海南雞： 唔好以為海南雞一定好肥膩， 主打新加坡米芝蓮的海南雞，做法同香港食到的海南雞好唔同。顏色偏白， 鷄皮好似水晶皮，去晒脂肪， 食埋鷄皮都無罪惡感！ 嫩滑的鷄肉可點秘製辣醬同好厚身的頭抽， 點多D都唔會咸，不過唔食辣既朋友就唔好點太多辣醬喇！龍蝦湯炸鷄油鍋巴：龍蝦湯用爐分開上，材料新鮮， 先將龍蝦， 帶子， 蝦肉放入，最後放海南雞油飯炸的鍋巴， 沾滿濃濃的龍蝦湯， －定要襯熱食! 新加坡古法肉骨茶： 同馬拉做法完全唔同， 無藥材味， 係濃郁胡椒豬肚湯， 奶白色的湯配上四大條排骨加上吸味的豆卜，腐竹。用石爐暖住， 慢慢嘆。 豆花恐龍美祿，豆花奶茶： 大大杯， 啖啖滑豆花，唔會太甜， 飲唔曬仲可以拎走慢慢飲。桂花糕配多班蘭醬：口感似白糖糕，馬拉糕用蒸籠原個上就見得多， 白糖糕都係第一次見。 配上好杰身的班蘭醬， 熱食可以溶左個班蘭醬， 不過涷食都唔會唔好食！ 冷， 熱， 點醬， 唔點醬都有唔同風味。🏙環境：位於沙田新城市中心第三期（一田上面）非常方便、 雖然係open area但其實分間得唔錯，唔會俾行街的人影響。藍色主調好sharp，有心思的裝修， 坐位舒適。💰價

點了海南雞飯同菜，根本睇到個樣都係吾人想影相，一全份$199不過就得半份，嗌埋白飯，根本都吾飽。最後點樣埋個通菜，不過通常菜就有咸🐟仔，炒得有功夫，味道係幾好味，最後拿返d分，不過雞飯完全不合格。除咗reception全部侍應死氣沉沉，質素已經吾係星加坡水準咁都幾難維持

講真嘅，飲飲食食呢家野，真係要親口嘗嘗先知有幾好食。今次，我就帶您一齊去沙田新城市中心嘅天天海南雞飯，一試南洋風情嘅美食。我同朋友揀咗個"龍鳳配二人餐"，首先上枱嘅就係兩碗花膠太史蛇羹。太史蛇滑溜溜嘅口感配上濃厚嘅花膠湯底，真係食得出心機。有人話我過譽？唔係嘅，你自己試咗就知道。 再來就係主角－天天海南雞。呢隻雞雖然係中size，但肉質緊實，配上特製醬料，每一口都充滿咗雞肉嘅鮮香。另外，海南雜菜煲新鮮得來又有湯底嘅濃郁，真係足夠你一路食到飽。 講到雞油飯，天天海南雞飯佢哋嘅飯真係唔得了，飯粒飽滿又唔會太油，每一粒飯都充滿咗雞油香味，單食已經好夠味。飲品方面，我哋揀咗桃膠菊花桂花雪梨茶同竹蔗茅根馬蹄薏米水，兩款飲品都清甜解渴，特別係炎炎夏日，喝一口就覺得清涼。  最後，餐廳仲送上咗兩份豆腐花。呢個豆腐花，真係滑嫩得來又唔失味道，配上微甜嘅糖水，完美結束了一頓豐富嘅午餐。總括嚟講，天天海南雞飯真係一間值得一試嘅餐廳，無論係環境，服務，定係食物，都給人一種滿意嘅感覺。如果你下次去沙田新城市中心，一定要去天天海南雞飯試試看！

自上次同朋友聚會食完《天天海南雞》，一直都好想Encore食多次，全因為見到餐牌菜式唔少，好易揀到想食既野。位置方面，由於係沙田新城市，當然方便。先唔講雞住，由於我有朋友極力推薦豆花特飲，特別係豆花金牌咖啡，所以我要叫杯特飲先。而我既選擇係，🔸豆花恐龍美祿～飲落係好有趣既口感，呢杯野會令我記得《天天海南雞》🔸正宗燒雞（大份）真係好大份，睇落份量同招牌雙拼雞差唔多。食落香口又唔會太過鹹，點3款醬都好夾，最鐘意係點黃色薑蓉醬。🔸雞油飯，叫小窩細份，2個人分已經好足夠。雞油味道好均勻，唔會過硬，送到黎既時候，米飯保持有溫度。🔸南洋醬汁醃花甲睇呢個「仙氣逼人」既畫面就知呢道菜好有排場！花甲辣辣地又鹹香，惹味非常，底下鋪墊辣涼拌青瓜，粒粒青瓜爽脆。可以將少少蔥夾埋一齊食。上次食海南雜菜煲，今次食🔸鴛鴦菜花，整體醬汁濃厚，配有白飯魚仔。菜既選擇唔少👍🏻🔸香茅串金錢蝦餅，蝦餅圓又大粒，啖啖肉。醬汁辣辣地，一大碟，每啖蝦餅都沾滿醬汁。下次再黎想食桂花糕配斑斕醬，睇落好特別～同埋，椰香咖啡唔係好多地方有，有機會晏就黎會叫杯飲下。

新加坡米之蓮好出名既天天海南雞飯，正宗口味，不仿一試！位置方便，係沙田新城市行完街之後，就順便去試下！環境舒適，枱與枱之間有好多空位，坐等舒服。新加坡米之蓮二人餐($499)🍽️花膠太史蛇羹🐍蛇羹好足料，大大碗，而入面有切成幼絲的雞肉、冬菇、木耳、冬筍和花膠絲，令口感更細膩，湯底亦非常非常香濃又新鮮。天天海南雞🐣海南雞肉質滑嫩又夠淋，無骨既雞肉，食落去啖啖肉，無肥膏，仲有雞香味！另外，再配上3種醬汁，有黑醬油、辣醬、薑蓉，令味道升華。雞油飯🍚雞油飯粒粒分明，軟硬適中，食落唔會好油膩，味道香雞油味！而且，雞油飯用石鍋盛載，仲有木蓋，賣相古色古香，石鍋亦可以令油飯一直保溫，所以食唔停！海南雜菜煲🥬雜菜煲超級足料，大大煲，入面有蝦乾、娃娃菜、粉絲、菇、雞腎、蝦乾，味道鮮味又香雞湯味。而煲底一直用左蠟燭來加熱，食落去暖暖哋，係健康之選！四季養生飲品🥤養生飲品有四個選擇，而我揀左桃膠菊花桂花雪梨茶、黑糖三棗桂圓薑母茶。用左賣相好靚既膠樽裝，雪梨茶唔算好甜，又清熱解喝；薑母茶好飲，甜甜地又補血，好啱養生既女士飲！整體來講，環境舒適，服務態度良好，食物好味，算大份，可以黎試下新加坡米之蓮餐廳！🌟推薦指

星洲菜式來至星加坡的天天海南雞店當然有一定的吸引力，所以捧場客亦不少。今天適逢節日，等位的食客很多，只好帶外賣回家與家人分享吧！～蝦皮素肉鬆凍豆腐這冷盤清新容易入口，豆腐軟滑，惹味蝦皮素肉鬆份量不少。～黑松露墨魚蝦多士黑松露味突出，墨魚蝦多士炸得恰到好處，吃時仍脆口。多士面上的木魚絲和菜絲可解炸物的熱氣，不錯！～黑磨豉牛筋牛腩味道不會過濃，牛筋炆得淋滑，牛腩卻有點韌，但整體味道討人。～天天海南雞（加大份）白白海南雞配上爽口清新的青瓜，配搭得宜。海南雞皮爽脆，肉質有咬口，絕不肥膩。沾上附上的醬汁，味道層次又多了。但個人感覺在星加坡吃的海南雞味道和質感更勝一籌。～雞油飯 3-4 人惹味雞油飯不感肥膩，飯是粒粒分明，令人吃個不停。～海南雜菜煲材料豐富，計有雜菌和菜蔬，再加上吸收了湯的精華的粉絲，非常討人。

呢間米芝蓮海南雞一直都好有興趣，最近見到佢有個晚市二人套餐$499非常抵食！就邀請咗朋友一齊探店😗呢個套餐包括左蛇羹！鍾意食蛇嘅就啱晒😌仲要包埋養生飲品，仲可以有四款選擇添👍🏻環境坐得算係非常舒服～每枱都會有一壺茶可以慢慢飲慢慢傾👍🏻桃膠菊花桂花雪梨茶～感覺非常清熱潤喉而且加了桃膠，口感極佳！黑糖三棗桂圓薑母茶～呢個組合對女士非常有益，絕對係不二之選！口味亦都順喉香甜🤗樽裝即開即飲，乾淨衛生！花膠太史蛇羹～蛇羹有三種配料！本身已經夠哂足料 ，啖啖蛇肉同花膠，加埋配料更覺豐富！而檸檬絲更可以提升蛇羹嘅香味～好滿意👍🏻海南雜菜煲～多種唔同嘅菜類同菌類令到湯底非常清甜！而且可以食到多種菜類嘅口感，雜菜煲的確係一個唔錯嘅選擇🤗天天海南雞（中）～雞嘅份量算係非常多，而且夠晒滑溜😋本身已經有醬汁淋咗喺面，旁邊亦有三款醬汁可以再添加，可以講係一雞多味！雞油飯～呢個油雞飯並唔似坊間咁油多到令立立，感覺較為健康，口味上依然可以帶着雞油香，可以講係廚師既神技🤤

本人身為海南雞飯愛好者同沙田友，竟然第一次食天天海南雞，假日經常要等位嘅餐廳，難得今日唔使返工，又見到冇人排隊即刻入去食餐廳屬於半開放式，但都算多座位，一行二人，侍應安排我哋坐圓枱，非常寬敞。今日揀咗幾樣嘢食梗係要揀招牌菜天天海南雞 (中 $189)中size 份量都非常多👍🏻肉嫩，無骨，配上三色醬，黑醬油、薑蓉及辣椒醬😋😋南洋醬汁醃花甲($99)令人驚喜嘅一道菜色醬汁非常惹味，就算本人唔食辣都覺得好好味食完花甲後仲有青瓜喺底下可以中和下花甲嘅辣同行朋友都讚不絕口仲有特別煙燻效果🤪非常打卡able辣子粟米 🌽 雖然個名叫辣子粟米，但食落一啲都唔辣非常香口，令人忍唔住食完一舊又一舊 50年代咖啡蒜香豬肋骨($129)見到咁特別用咖啡做餸，即刻忍唔住試吓又係非常香口嘅一道餸菜雖然唔係好重咖啡味，但豬肉一啲肉腥味都冇，椒鹽味極香豆花美祿恐龍🦖($35)本人極愛美祿，見到即刻毫不猶豫咁叫左一杯🥃美祿加豆腐花好好味美祿味勁濃就算啲冰融左都唔會令到杯嘢飲淡咗，值得推薦

經過門面見到隻霸氣雞睇下係食咩原來係咪新加坡芝蓮餐廳，又剛好晚餐就雞.....咁腳走去試下芥蘭馬蹄拌海蜇頭三樣配料做前菜好爽口加埋濃郁芝麻油香果然好夾，海蜇頭好大塊 平時只會食到一條條 迷迭香火焰黑金叉燒果然非一般燒店或餐廳食嘅叉燒，送餐有一股牌燻嘅香味， 做法類似五花腩 有四至五層肉但頂層及中間一啲肥膏都冇最底層連住豬軟骨，果然有驚喜， 唔怕吸收過多脂肪香茅串金錢蝦餅每件好大塊及好厚生起碼有一節手指公厚度， 外皮鬆脆薄，蝦味夠口感唔會好死實要食梗係食正宗海南雞 呢款係有骨嘅但唔多骨入口香滑嫩 加埋本身醬汁好惹味都不需另點三款醬料 最尾食埋甜品😋豆腐花(超推)唔食完全係想像唔到同平時嘅豆腐花不一樣，食落口感似日式奶凍布甸，不太甜雖然好飽 但真係好好食最尾整杯食晒

食雞梗係要食有品牌的，有米芝蓮推介更有保障。每次經過都有很多人，可見海南雞很受歡迎。今日終於可以一試，門口大大的招牌， 天花上佈滿閃亮的藍色雞🐔字，門外寫住星加坡米芝蓮推介，令人回味嘅又點止海南雞飯咁簡單的招牌。餐廳是開放式，特別寬闊通爽，坐低就即刻有人奉上熱茶，餐牌印得美輪美奐，令人食慾大增。今日見到有個龍鳳配二人套餐非常吸引，有兩碗太史蛇羹，一碟海南雞，一個雜菜煲，一大碗油飯，還有兩支養生飲品，黑糖桂圓薑母三棗茶 ，真是很豐富，價錢只是499元，加上20元茶錢💰。坐在路邊的卡座，看著來來往往的人，旁邊座位的人吃得正開心，肚子也在打鼓。套餐很快就送到， 一大碟海南雞皮薄肉嫩，配上泰式的酸辣汁和薑蓉，馬上就動筷開吃，跟住有兩碗 太史蛇羹，配上薄脆，生菜絲，菊花檸檬葉，一大碗油飯，一大煲雜菜，無論幾肚餓幾大食都足夠應付。我們秋風掃落葉般吃完套餐，開始享受兩支養生飲品黑糖桂圓三棗薑母茶，濃郁的香味，不太甜，很好喝。這一餐豐富又健康，下次試下第間分店線。

獲得米芝蓮推薦牆壁上天天海南雞店老闆符慧蓮。1987年，符慧蓮的哥哥在麥士威熟食中心開了個雞飯攤，喜歡烹飪的她跟著哥哥學煮雞飯，兩年後哥哥退休，她接手經營。由於一個人忙不過來，符慧蓮把當時當卡車司機的丈夫黎志清拉過來幫忙。兩人苦心經營下，天天逐漸做出口碑，成了今天知名的美食攤位。 2009年，夫婦倆的女兒黎美筠接手成為第二代掌門人，不但增設分店、設立中央廚房，還讓天天走上品牌形象路線，擺脫以往小攤位經營的方式。資料來源米芝蓮網頁。今日海南雞售罄，所以叫左燒雞大份$189，水果茶$42，海南水果沙律$98，菠蘿海鮮雞油炒飯$149燒雞皮脆卜卜份量多味道少少鹽肉質正常水果茶好多生果，仲有百香果醬清甜海南水果沙律😋面頭灑左類似話梅粉番石榴可以減肥，預防癌症好處多👍菠蘿海鮮雞油炒飯好多蟹籽米飯粒粒分明有帶子，瓜粒桌上有紅茶，用鐵茶壺職員說是伯爵茶，紅茶底，果味同佛手柑香味偏淡甜品係新加坡豆腐花$19口感似布丁甜度屬於少甜

很久沒和媽媽逛街，餓了想找吃的，沙田市中心餐廳林立，選擇困難的我和媽媽都不知看了多少家，最後決定要試一下米芝蓮推介的海南雞！❤️ 正宗海南雞🐔 $199 ＋ 油雞飯🍚 $39皮滑肉嫩，香濃入味，多多都吃得下！名符其實！油飯份量很多，也很香！😋❤️ 羅望子鮮蝦柚子沙律🥗 $79醬汁味道酸甜開胃，蝦爽口彈牙🦐，柚子清新爽甜，既健康又好吃的開胃菜。❤️ 脆皮豆腐配新加坡辣椒汁🌶️ $59脆皮鬆化，內裡非常軟滑， 直接吃豆味清香，加了醬汁增添惹味。

嚟呢度當然一定要食米芝蓮推介嘅海南雞飯，我哋叫咗天天海南雞（中份）$189。天天海南雞夠滑身，而且醬汁幾好味，另外有啲雞味。可以點薑蓉、辣醬及豉油。忠臣份量兩個人食相當足夠。當然唔少得加埋雞油飯（細)$39。細嘅雞油飯都有四至五小碗左右，兩個人食食到飽飽。雞油飯唔會太油膩，而且有雞油香。用一個鍋裝住可以保持飯嘅熱度。另外，叫咗小食香茅串金錢蝦餅$89。一份有3塊蝦餅，然後用香茅串住蝦餅。蝦肉新鮮，而且幾彈牙，炸到金黃香脆。見到鵝肝黑椒花膠$189 ，花膠份量都幾多，而且煮得夠腍，係用上鵝肝醬。鵝肝醬味唔太突出。花膠夠晒滋補。另外呢度收茶位$10/位。

有日放工後突然好想食海南雞飯，成日經過這間餐廳也想起上次與好姊妹聚餐時也在這裏，覺得它的菜式不錯，於是今天帶屋企人來再一嘗其他款式因為係晚市時間，所以都持續有人在等位，但幸好餐廳環境好大，所以等咗一陣就有位，同埋坐得幾舒服🥳一打開餐牌就見到必叫的海南雞🐓也有特色飲品是其他餐廳甚少有的👍正宗海南雞拼燒雞$299兩款雞等味道各有特色，再配以醬油、薑蓉、和辣椒醬，令味道添上更多變化本身雞肉淋上特製甜味醬汁，雞肉細嫩鮮滑，皮薄沒脂肪，令到食唔停😋燒雞皮脆夠香，味道十足炸子雞，雞味濃郁之餘，入口卻不會油膩雞油飯$39（1-2人份）份量好足夠👍並且調味剛剛好，配海南雞很合適，食左好多😋金不換和牛碎生菜包$139，配生菜食又得、蝦片食又得👍肉碎炒得好香口，好開胃😁配埋飲品豆花恐龍美祿$35，整體不會太甜剛剛好，仲可以甜品及美祿一齊享受很滿足🥳仲有好多餸菜未食，下次約朋友再食過😊

經常都會經過新城市廣場，喺新一期方向成日有一隻好大嘅招牌超人雞😂今日終於都同媽咪兩個去試吓啦。七點未到已經座無虛席，即刻信心大增叫咗二人餐，食物非常豐富蝦皮素肉鬆凍豆腐凍豆腐口感非常滑溜，肉鬆小小咸味令成個菜式唔太單調，係一個非常開胃嘅前菜黑松露墨魚蝦多士墨魚蝦多士有驚喜，平日間中都會食到蝦多士，但係唔係所有蝦多士都會食到蝦喺入面。呢款蝦多士非常足料加上上面嘅黑松露份量好多，味道一流😋鳳梨涼瓜干貝燉龍骨平日比較少吃到鳳梨煲嘅湯🤓原來同涼瓜都非常夾，有老火湯嘅氣候海南雞主菜海南雞雞味十足，肉質夠滑唔鞋☺️餐廳會有幾種醬料任君選擇配搭雞油飯超滿足難怪次次經過都人滿為患🤣想食正宗海南雞可以揀呢間啦