天天海南雞飯 (新城市廣場三期)

營業中

休息中

服務態度差，且冇經驗！以前覺得好好食，只係等得耐，今次堅食到嬲！3大1手抱2歲b 入座，冇人serve 要自己搵highchair，算4人枱，墊吉bb枱位置，只係怕bb搞枱上熱野淥親，但傳菜係起bb面前上菜，執走一碟又放下一碟. 驚死佢唔夠手長自己攞野食咁...鐵板安格斯牛上菜後竟然係凍，仲要鐵板連網仲凍過d牛柳，同第1個侍應講話要問下人，同第2個侍應講竟然話係運送過程凍咗，你一係換第樣，心諗唔通係星加坡運來？？我話凍嘅牛我唔要，佢就黑面攞走 ，唔會話反映下俾廚房知做漏d咩...不求甚解！！就食完執枱時係咁跨過bb頭上執碟，如果餸汁滴到我個b真係會爆佢！！埋單當然唔係平，真心唔會想再食呢間！！ 影衰星加坡天天呢個名！

唔知點解一個海南雞飯要等咁耐，明明啲飯唔係即叫即煮㗎，雞都係斬嘅啫，總之要唔係好肚餓兼好有耐性先好去食，btw，好食過佢嘅海南雞飯多的是，唔知佢憑咩話自己好好食。

星期五同家人去沙田行街，經過天天海南雞飯家人話有興趣，當時6點半襯人流未算太多我地就入左去食。我地當晚叫左：📍 海南雞中份 ，每一舊雞都好滑，再點埋醬料，真係好夾，食唔停口 ，無失望。📍 雞油飯，食海南雞當然要叫埋雞油飯先係絕配，好香雞油味，本身我最驚就係食到啲好硬既飯，依個軟硬適中。 📍 牛肉骨茶火鍋，依個最驚喜係個湯，香濃得黎有小小甜，係我喜歡既味道，牛方面係牛腩牛筋部位，一啲都唔韌，湯料仲有豆卜、冬菇、雞蛋、芽菜、牛丸同米粉，好豐富。 📍 美祿豆腐花，最後我口痕想食甜品，就叫左依個試下，口感係豆腐花與奶凍之間，再加上美祿粉一齊食，都幾好味，比港式豆腐花特別一啲。 整體餐飯不錯，我地食完走既時候，出面好多人等緊位，所以想食要早小小去先得。

D待應勁無禮貌，態度又差，上菜勁慢，樣樣都要追，又漏單，唔怪之得間間排長龍佢拍烏蠅!食物份量少又貴，完全唔值呢個價錢。叫佢追單，佢走左去同同事傾計 ; 係部機度禁禁五分鐘以上，原來係幫隔離枱落單。叫佢埋單，佢又唔知走左去邊，兩三個字後返黎，拎住部刷卡機，然後吩咐同事收餐牌，幾號幾號枱要清潔，叫廚房又唔知做咩做咩，叫個客拎住張卡等佢五六分鐘，唔知想點。差到不得了!完全唔係做野。入去坐低九個字以上食物先到，再浪費九個字等佢做野，不知所謂！千祈唔好幫襯，浪費時間，浪費金錢！

叫左個海南雞飯，雞唔算多，飯煲得好好👍🏻仲有個蝦麵，等左超耐！朋友食完個雞飯，麵都未到😒但味道好ok嘅，麵比相像中多！下午茶價錢都可以一試🙃不過！佢地喺個公開位拎餐具…好直觀嘅係，佢地帶住對手套做野，看似衛生。但對手套帶一日，做咩都帶住，然後拎住個匙羹🥄 唔係個柄！放入你碗麵度🙃真係要心臟好強大先接受到😌當然你可以講，間間都係咁㗎啦，只係見唔到姐！我都明嘅🙃 都不過，好彩嘅係，佢地執碗同做其他嘢係分兩班人，如果唔係真係happy lu🤭

第一次來這間天天海南雞飯，我一向都不寫食評，但都忍唔住要講吓，本來碟雞飯送到嚟，開住個電話睇吓劇，忙裏偷閑。唔覺意食咗幾嚿生雞，之後發覺，我就同職員講聲話啲雞好生，佢話呢個位係雞髀肉係咁，你唔鍾意咪換過俾你😨展露嫌麻煩嘅表情。就即刻攞返碟飯入廚房，咁樣嘅態度，真係食得唔高興，唔會有下一次，又唔係特別好食！唔怪得知香港人唔鍾意留香港食嘢！之後攞返入廚房，隔成20分鐘唔吹都冇反應，要趕住返工，點知將舊生雞肉換咗舊肥肉俾我。呢間餐廳真係得，我索性成盒掉咗。

今天到沙田新城市廣場三期的天天海南雞飯用餐，整體體驗不錯。海南雞飯是招牌菜，雞肉嫩滑多汁，皮爽口不膩。配上香噴噴的雞油飯，滋味十足。蒜蓉通菜口感爽脆，蒜香濃郁，為餐點增添清新感。椒鹽脆炸豆腐外酥內嫩，調味恰到好處，是不錯的小食選擇。整體而言，食物品質穩定，價格合理。餐廳位置方便，環境整潔舒適。

十年無寫過食評，但今次真係好失望本人好鍾意食海南雞飯，但求其一間茶餐廳嘅海南雞飯都好食過佢。油飯又唔得，湯又凍，雞又未熟。。。真係對唔住$99呢個價錢，仲要加一，無下次

我一向都食開圓方分店，今次就試吓食沙田分店。第一，叫左個雙併，海南雞無問題，但係個燒雞就好柴，完全燒過火，唔得👎🏻。第二，火焰叉燒無火焰，圓方分店會係你面前燒比你睇，有儀式感又有氛圍感，但係沙田分店係零，放低就算。第三，我老媽子問佢用唔用得point dollar, 侍應居然答唔知就算，而唔係搵經理幫我問，完全唔幫客人解決問題。然後叫人收野都係，要叫起碼兩次先過黎收，好唔掂😣。

今日又同亞妹落樓下開飯吹水。見天天海南雞無咩客，又換左新菜單就試試。🩷（小份）海南雞 🩷配3️⃣款醬汁，特別喜歡辣醬，微辣好惹味雞皮薄 肉口感結實 ，入口又嫩滑 ，青瓜鋪底，清新解膩，不愧為招牌菜🩷雞油飯一窩🩷顏色均勻，雞湯味濃郁，又不油膩，足夠3人份量，略嫌飯唔夠熱，但配海南雞味道一流🩷酥炸椒鹽豆腐🩷賣相一流，但口感鬆脆，全塊都是空氣感鬆散，而且豆腐味欠奉🩷蕃茄波菜炒雞蛋🩷份量夠大，似家常菜味道，送飯一流，波菜比較少，多點層次更豐富👍🩷咖央饅頭🩷賣相精緻，饅頭中間切左三刀黎炸，令到脆部分增加，但變左鬆軟部分少，只係食到脆，內脆外軟口感欠奉 ，咖央唔夠香，沒有驚喜🩷椰奶炸龜苓膏🩷餐廳甜品款式好多，點了這個比較有特色，擺盤靚靚外皮炸脆 裏龜苓膏軟軟，咬落似煎年糕，帶着微苦龜苓膏味，沾少少椰奶，甜苦平衡，又熱氣又清熱🥰🤣👍推介新菜單食物種類好多元化亦吸引，絕對可以一試🩷後話：呢間餐廳D侍應圍內溝通都幾搞笑，燙金T經理對客人態度🆗️，但對同事態度就👎 新人唔識既咪教下人囉，一邊食飯 聽到佢講野串同事，根本係蝦新人啦🤣🤢睇番呢間野D食評服務態度差已經係平常事，經理級都咁無禮貌 ，點令到D細既有禮貌

We ordered a set meal- snake soup/ chicken- the vegetable was tasteless. All the dishes were quite blend too. We sat down at 8pm waited for 20min for the food which was acceptable but our bill came at 9pm and the waiter asked us to pay up. I asked why we have to pay so early since we have not even finished our meal. The waiter replied that they close at 10pm. I told the waitress that the veg had no taste and her reply was the restaurant was busy😵‍💫😵‍💫. I would not recommend anyone to this restau

星期六旺嘅時間都冇乜人食呢間嘢！我見唔使等位就入咗去，D職員係我一入到去就串人，真係呢間服務態度係最差嘅一間！！未食嘢已經一肚火！真係完全明點解呢間咁少人食，反而附近果D就打曬蛇餅⋯

諗住係出面見到咁多人食，以為好好食。就唔駛排隊去去，坐低點了兩個小菜，只寫了一個菜，要碗白飯都等十分鐘，仲係唔熱，牛肉又炒過熟，D野又難食。服務員係度吹水，D態度又差，無下次。

$89 一份午餐，餐牌寫有湯，結果冇！返到屋企才發現配白飯！我要的是燒雞飯套餐，難道米芝連餐廳的雞飯係配白飯的嗎？打電話去餐廳係冇人接電話！今時今日咁嘅服務，唔會再幫襯😡😡

服務態度差，落漏單 仲要趕客。見呢間平時幾多人食滿心歡喜去試下叫左個海南雞、油雞同埋牛筋腩煲海南雞同埋油飯到左個飯食到一半，吹咗一次單個飯就黎食晒嘅時候就問另一位侍應問食物黎齊未 個待應話齊晒問我本來叫左乜野我話唔需要過左3分鍾仲要趕客 隊張單黎叫我埋單叫加茶既時候待應嘴面都好差黎左既海南雞質素唔差但係雞係有骨、有雞翼、雞翼尖味道唔錯但200蚊叫一碟有骨既海南雞就唔合理就算食物係米芝蓮 咁既服務態度都係唔會有下次