天天海南雞飯 (ELEMENTS圓方)

營業中

休息中

Presentation is unnecessary, Smokey, steamy, meat is less than the garnishes, meat is very fatty, sauce is very starchy. And the price that you pay, you only get 5 pieces of meat!!!

話說係新加坡好出名，日日排晒隊既天天海南雞飯，係香港既第二間分店進駐圓方，星期六lunch諗唔到食咩，就決定去試下佢。除左天天海南雞之外，仲引入左其他榮獲新加坡米之蓮推介既餐廳品牌，係香港地咁租貴，加上飲食市場競爭咁激烈，又點能夠只賣海南雞一款食物呢，作為食客就覺得一間餐廳就可以試晒幾間餐廳既招牌菜，夠晒方便。午市套餐留意返，仲左主食之外，呢個套餐係set死你一定要加錢配埋小食再加錢配餐飲。講真唔算好吸引，椒鹽豆腐、雞油小棠菜、溏心蛋之類，價錢都唔平，但就一定要你加配，其實我只係想食個海南雞飯姐.... 落完單，唔洗十分鐘，好快就上齊菜，碗湯清到好似水，加埋蔥花，味道好淡，感覺似味精雞粉加滾水。雞油飯幾好味，飯煮到粒粒分明，軟硬適中，有雞油香味，唔會太過油膩。雞肉份量都幾多，食落唔肥，無三黃雞果種重油脂感覺，肉質唔算十分滑，但一定唔係鞋烚烚，想食滑既肉質可以試下嗌海南雞脾飯。老實講真係食唔出雞既鮮味，雞肉本身已經淋上醬油，有淡淡既咸味，點埋跟飯既泰式辣汁，辣辣地好送飯。兩款加配既小食味道中規中矩，椒鹽豆腐唔係用炸蒜，係用炸過既燕麥片，又幾特別，不過唔夠熱，無咁香口；雞油小棠菜就無咩特別

自問食嘢不算專業，但知道好味嘅海南雞飯應該係點樣。今日經過見到開咗舖就入去試吓。坐低點左個海南雞腿飯，侍應話星期一至五一定要加錢配小食或者飲品。咁我就點左個熱檸檬茶。雞冇雞味，油飯有油飯味。聽到隔離枱嗰兩位食客都喺度投訴。翠華好食過佢。檸檬茶是預先調校好甜度, 一個字 - 甜, 係超級甜嗰隻根本飲唔到。好好聲氣問四眼高大男待應攞半杯熱水諗住開浠佢，侍應以為我聽唔到用恥笑嘅口吻同佢同事講 :”半杯水即係半杯空氣啊？” 真係一肚氣。基本上佢個Menu上邊冇嘢係大肚婆飲得，四眼哥哥你咁口沒遮攔，希望你好自為之。

We ordered the tian tian chicken thigh special, it was $98.  The dish came out very disappointing. It was a few small pieces, all chopped up, loose pieces. They put cucumber slices at the bottom to make the portion high and big.  It is very xxpensive, very small portion, inexperienced staff, Perhaps if you go there in a few weeks, months, the team may be better. And if more people are willing to share their experiences here, the manager/owner will listen and make improvements. 

香港近期不斷有各地不同的「海南雞飯」來港爭一席之地！日前發現屋企樓下開了自星加坡來的名牌店「天天海南雞飯」。有點意思的是聯盟幾間星加坡食肆（超好面、50年代、老街坊）齊齊進攻香港。令我好奇心大增、今晚姑且一試！二人前晚餐：和牛肉骨茶(足料、免費追加）籽蛋雙燻 - 煙熏味濃郁花雕醉蝦 - 食材新鮮、花雕酒香濃海南雞 （半隻）- 肉質嫩滑、但冇乜雞味、三款醬汁唔合格（薑唔薑味、辣冇辣味、豉油冇豉油味）石鍋油飯 - 之前一鍋有生米、第二鍋還算過得去總結：近近地懶出外搵食、 可以接受、環境、服務唔錯！

一次偶然關係，見到elments 圓方開左天天海南雞飯，我同太太因爲天天網上的名氣去試下佢海南雞飯，星期五晚等左20分鐘就入得，限時90分鐘，店員由等位到帶位，落單，加單，埋單都好有禮貌，五星級服務但個海南雞堅出事，雞本身完全無雞味的，只有個怪怪獻汁有小小咸味，最大問題係雞肉的質感，肉質好「梅」，完全沒有彈性，好似雪左好耐的雪雞質地，出面食的海南雞多數都係用雪雞但我未曾食過咁差，由三舊水 Ritz Carlton 到60蚊茶記都好過呢間天天海南雞好多倍，佢仲要例牌148蚊及雞飯48蚊呢個水平，我最近去北角Hotel Vic食既海南雞飯真係雞味濃十倍及雞肉好食N倍最搞笑係其他野水平還可以，叫左碟菜，雞湯，及豆腐花都有心思去整的，偏偏係佢招牌名氣海南雞最差，我會覺得係比一般任何一間茶餐廳的都要差，40蚊都唔值，完全唔明白佢地自己是否無問質檢查？定係呢種咁「梅」又無名及有點雪味的雞先叫好食？我與社會脫節嗎？

食過星加坡嘅天天，今日特登嚟到圓方新店，可能環境比星加坡熟食市場相比簡直天堂同地獄嘅分別，晌香港食嘅天天海南雞飯感覺總比星加坡出色，油飯香而且夠乾身，雞腿（必食）去骨且嫩滑😋👍🏻👍🏻