天天海南雞飯 (ELEMENTS圓方)

營業中

休息中

米芝蓮天天海南雞飯聽就聽得多，聽聞過佢銅鑼灣分店大排長龍，好多明星都去食，今日就去左尖沙咀試下到底係咪真係咁好食先！以海南雞飯黎講，雞既份量都算幾多，而且d雞好滑！不過飯量就偏少，男仔未必夠飽呀！食海南雞飯，油飯是重點，呢個油飯油膩度岩岩好，即刻無晒罪惡感！海南雞飯三隻醬都好好食，其中一隻最醬咸咸地帶點麻香，撈飯一流！另外仲有甜豉油同辣醬點雞食，有兩種不同風味，好正～　（不過辣醬堅辣，唔食得辣既未必食到）不過整體黎講，真係幾好味，一個字，掂呀！

集合四間新加坡過江龍美食的『天天Plus海南雞飯』自去年5月登陸香港後，一直好評如潮，今日終於和朋友來到圓方試一試，看看是否真的實至名歸。環境滿有氣派，以黑色鋼材做主調，復古吊燈配白色雲石枱，滿高檔的。餐牌主要分為小食、湯類、肉類、海鮮和蔬菜等五大類別，還有各式特色飲料，超過50款菜可供選擇，適合各口味人士，我們就叫了幾款等色小菜試試。 【天天海南雞】 $148［例］＋【天天石鍋雞飯】 $68標榜跟足總店做法的海南雞，雞皮爽薄無肥膏，雞肉軟腍嫩滑，已去骨，咬落啖啖肉，沒有雞腥味，份量頗多。跟三款醬汁，分別有稠身香醇的新加坡黑豉油，薑蓉及秘製辣醬，而秘製辣醬更是每日製造、絕密配方不外傳，味道酸甜帶點辣，還有清新的檸香，很惹味。雞飯以石鍋盛載，可保持溫度令米飯不易乾硬，粒粒分明充滿雞湯香味，不油膩，好吃。 【黑豚叉燒】 $148叉燒採用半肥瘦豚肉，色澤鮮明，入口焦脆，肉質鬆軟多汁，蜜味中帶點焦香，味道香甜可口，非常出色。 【花香菜膽】 $88上桌時侍應會將菊花茶淋在芥菜膽上，一股幽香的菊花味湧現，清新怡人，芥菜膽新鮮爽嫩，還伴有小木耳，確是一道清肝明目、清熱解毒的健康菜式。  【芝芝蜜蜜】

記得上次去銅鑼灣店海南雞sold out導致無法嘗試米芝蓮推介的天天海南雞近排在香港開了第二間分店，終於有幸一試天天海南雞(例牌) 果然名不虛傳海南雞室溫保存，秘製雞汁微微的暖雞皮晶瑩剔透，帶有少少爽口，雞肉肉質保持滑嫰秘製辣醬味道偏辣，建議先試少少先 配黑醬油味道甚佳天天石鍋雞飯粒粒分明，保持熱的溫度油飯不會太過油膩讚鴛鴦菜花(馬拉盞炒菜花) 內有瑤柱絲炸魚仔等，微微的辣不過可以接受飲品由五十年代餐廳提供配方凍奶茶茶香奶滑，熱薏米水不會太甜亦有薏米在內整體食物味道好好，在圓方商場價錢亦合理

專誠來朝聖！來自新加坡的天天！九龍站圓方店座位好舒適，餐牌亦好特別！餐牌好似一本雜誌，設計特別！亦有台式飲品及水果茶！甘蔗雪梨薏米茶，好清甜，薏米份量唔少好足料！芝芝芒芒，芝士奶蓋濃郁，芒果亦都好鮮甜。當然要食招牌菜天天海南雞配石窩雞飯，雞肉嫩滑，旁邊的雞汁好惹味，雞油飯好香雞油味，有雞油味但不會油膩。鹽磚和牛，整塊鹽磚上碟，賣相好吸引！一口和牛好嫩口，入口即溶！花香菜膽，菊花清香，湯像菊花茶，清香撲鼻。團團圓圓，是榴連炸彈！湯圓皮十分煙韌，帶芝麻香，內裡榴連熱辣辣，好好味！

今天約了朋友吹水。來到天天海南雞卻沒有點雞飯，反而點了其他菜。先來一個蟲草雞湯。再來一味辣子銀鱈魚。好有新鮮感。是一種新吃法。小炒皇惹味。海鮮菠蘿油飯賣相吸引。也是第一次用油飯不是炒飯做。另外蠔餅也十分出色。但稍嫌太油。最後的鹽燒和牛好有特色，用喜瑪拉雅鹽色做盤，加上和牛。好入味。裝修也有特色。有打卡位。但坐位有點窄。香港租貴也理解的。還有奶茶味濃，我喝了兩杯。總的來說，我們點的食物都好有特色，有創意。其他店吃不到。值得來吃。這一餐吃了4小時。破了紀錄。忘了說：這頓飯有人請。特別開心。

有朋自遠方來本想來帶朋友試香港特色美食，朋友說知道香港圓方開了「天天海南雞飯」分店， 海南雞飯是米芝蓮級水準的， 飯店亦是過江龍非常有名氣，所以我們慕名而來， 一睹天天海南雞飯的風味。未入座時已經有不愉快經過，因飯店名氣大，一定有很多食客，取票排隊等位是常識吧。帶位叫號碼飛的職員，竟然自己不小心按錯鈕，將號碼跳過了，叫了下一位號碼的食客入座，已將我們的號碼跳過，當我們上去問為何沒有叫我們的號碼，職員竟大聲的說，已叫了是我們沒有回應，而我和朋友一直也企在門口沒有走開，根本職員沒有叫到，是他不小心按錯號碼，他也不承認自己的錯，態度很差。幸好已過午餐時間，等多5分鐘就補回座位給我們。來到必定要吃「天天海南雞飯」，午市套餐不能單點飯，要加上小食及飲品才可算是完整的點餐，一碟海南雞飯已$80元，再加埋小食最平也要$28元，飲品最低消費也是$18元，還有加1服務費，即是每人消費金額需$150元。我們3人來到，就點了「 天天海南雞飯」、「 超好肉骨茶和牛麵」、「 超好炒麵」，再配上小食「 讓燻蛋飛」、「雞汁油菜」、「蒜香豆腐」，及加上「 咖爺多士配半生熟蛋」，飲品是「五十代南陽咖啡」和「檸檬茶」。超

The food is ok, but not as good as their ad. However, the service is so disgusting! They clean the table without any sterilizing. Believe me, not even more than 10 seconds, you could see fish bones from last customer are still on the table! I really worried about the hygiene here.Moreover, the hostess here is also mean and not polite. Unhappy restaurant!

餐廳非常有情調, 還播著浪漫的英文歌. 未食心情已非常好。首先叫了天天海南雞加油飯， 海南雞非常大份。 雞皮同雞肉之中有一層透明的物質， 這些便是上等靚雞的精華。 加了特色醬料，連皮一起吃，非常滑。秘製醬非常特別， 撒在雞的周圍，是其他餐廳所沒有試過的，可以雞肉的鮮味被強調出來。油飯非常好吃吃完一碗勁想添加玩但因為驚肥嘅原因控制了自己, 油飯加了雞油， 飯粒長形，圓糯好味。 蒜蓉蘆筍，想上到嚟非常可愛，看似10分新鮮清脆，有很香的炸蒜蓉味。 爽脆易入口.豆腐西菇，豆腐外面的皮有點像腐皮的感覺，咬一口內裏非常滑， 西菇很好味，爽口彈牙。最後的燒牛肋骨， 上到來非常吸引，見到食物已經流晒口水同埋香噴噴。我可以嘅燒見到牛肋骨嘅肥瘦攙。咬一啖啖啖肉，有好香嘅油脂，非常好味。另外飲品叫了芝芝芒芒和芝芝莓莓。海鹽奶蓋極多，簡直和喜茶有得一拼。

剛好行過就進入試試其海南雞飯—雖早知比新加坡本店貴很多。還是理解畢竟香港租貴。心中期望能有新加坡的impressive 水准。可惜了。雞胸部分”鞋”的。新加坡本店是連這部分也滑的。而且香港也加上厚厚但沒甚味道的sauce鋪面。真有點畫蛇添足的。雞飯沒什麼味道。我的雞油香呢？溫溫無味飯。總之就是失望。服務也強差人意。有些似茶餐廳。200多元真心覺得不值。本來想試五十年代的飲品，但晚上避免咖啡因加上雞有點失望，就有緣再說吧。

新加坡名物天天海南雞飯依家開到嚟香港，今晚就約埋之前一齊去新加坡嘅朋友，一齊過嚟圓方行街同試下新開嘅天天， 重拾一下當日我哋喺新加坡食天天嘅感覺！圓方的天天俾人嘅感覺好型好高級呢！同新加坡比較，香港的店菜色多很多！野飲選擇都好豐富，竟然仲有茶飲！朋友㨂左新加坡熱賣熱薏米水，去濕美白一流！我就要左杯水果茶，唔太甜又勁多生果！加左熱情果真係好好味！例牌海南雞，雞肉冇骨走肥肉質還滑滑！點埋雞醬送飯超正！海皇油飯，用菠蘿器皿盛載，造型奇特，內有海鮮同菠蘿，份量有女仔食量三四碗飯之多！蒜蓉露筍，清甜冇渣很爽口！和牛肉骨茶， 雖然味道同記憶中有出入， 不過呢個肉骨茶一樣好飲，肉係用和牛製成， 分量材料非常豐富，當餸食都好夠！

我好鐘意食海南雞架！新加坡天天海南雞飯，當時去旅行食既時候已經非常喜愛，香港開左分店之後我更加好多時都會帶女朋友黎食飯！今日中午女朋友唔得閒，我一個人就黎到天天海南雞飯尖沙咀店食個午餐啦！lunch有lunch set供應，我叫左天天海南雞飯，$80好抵食呀！加左小食雞蛋一隻！雞肉非常滑，雞味好清甜，雞醬汁更是濃郁咸香，帶出雞肉鮮味！飯粒完全唔油膩，仲好香口呀！雞蛋滷得好入味，好滑好香，中間溏心度好足夠！午餐有小菜、麵類，仲有燒雞飯，下次可以試下其他食物呀！

來到高檔購物商場圓方的「天天海南雞飯」，今晚又番尋味，我之前一個人去食飯，一客海南雞飯加一杯飲品已經飽哂，食唔到更多好東西，所以今餐晚飯要約多兩位飯腳，多品嘗多兩款式菜餚！天天海南雞飯（例）$148保持良好質素，做到佢哋嘅承諾：皮薄肉滑、冇肥膏冇雞腥味，天天石鍋雞飯$48，石鍋非常保温，很讚。喇沙脆腩$128，脆腩做得外皮酥脆，牛腩入口肉香四溢，腩肉軟綿甘香，我也佐喇沙品嘗，喇沙醬汁帶微辣，味道很有新加坡地道風味！銀魚仔西蘭花苗$88，我是第一次吃長長又幼嫩的西蘭花苗，很喜歡佢甜嫩又有菜味，香酥可口銀魚仔，怎不令我垂涎！我的芝芝芒芒$42，有豐富的內涵，芒果、碧螺春綠茶、岩鹽奶蓋。芒果汁與碧螺春綠茶的組合，嘗到天然味道，香甜中帶茶香，當芒果汁與碧螺春綠茶的組合飲盡，喝到厚厚的奶蓋，帶有微微的芝味，很奇怪，我是不愛芝士，但芝味遇上岩鹽的奶蓋，味道竟然是出奇的好！朋友的芝芝蜜蜜$42，有蜜瓜、碧螺春綠茶、岩鹽奶蓋，我估計蜜瓜會清甜，與我的香甜芒果，分別在此！朋友的美綠朱古力奶（凍）$28，好豐富的美綠粉，睇見都開心！

好開心終於試到呢度嘅海南雞飯，飯有三種款式選擇。我梗係最鍾意食油飯啦，油飯好香，好乾身，不會太油，剛剛好，夠熱。 雞都好嫩滑，拆骨拆得好靚，份量心足夠。以後我又多個飯堂啦，媽媽唔喺屋企煮飯嘅時候，就同爸爸落去食。

一家人開開心心黎到呢度同奶奶慶祝生日，早幾年一齊去完星加坡，宜家在香港都可以食到天天海南雞，真係好令人回味！人多就叫了一隻海南雞，果然無失水準，仲好味過星加坡，好嫩滑，有濃濃的雞味！份量好足的蒜香露筍，無渣，又大大條叉燒都唔錯，老爺係叉燒專家，佢話好味過某出名連鎖店的叉燒，所以可以一試！呢碟被家姐大讚好的麻辣粟米，好特別的煮法，可以啖啖肉咁食粟米！冒煙的咕嚕肉咕嚕肉即叫即炸，所以脆身，掛上適量的酸甜汁，味道非常好岩鹽上的牛柳粒份量足，冧身牛柳粒上灑上木魚，令口感更豐富，唔會太鹽，不用擔心蝦球爽口，新鮮，個汁好好送飯！龍蝦泡飯就有點淡味，喜歡淡味的朋友可以試下，份量有4-5碗飯。鴛鴦蠔黑色個隻味道好D,另外一隻就並通芝士焗蠔，無咩特別！海味有海參、鴨腳、冬菇、花膠，份量好多，味道都唔錯，係用蠔油燜的，好有家的味道！

在新加坡食過之後就愛上了，熱愛海南雞飯的粉絲。香港開了，當然要來潮聖。已經不是第一次吃香港的天天，但今天是第一次來尖沙咀這間天天潮聖。今天吃午餐，有個午餐set，叫了2個海南雞飯，再加芽菜魷魚，蒜香豆腐，再加錢要特飲，蜜桃爆檸，超級果茶，非常滿足。海南雞飯，每次都必叫，油飯入味，飯的軟硬度適中。雞沒有雪藏味，真的做到皮薄肉嫩，中間還有一層啫喱，加上我愛的特製豉油，一口雞，一口飯，再加上爽口嫩嫩的青瓜，令整個口感更清新，雞的特製醬汁，用雞濃湯製的醬汁，不會過鹹，剛剛好。小菜都出色，芽菜魷魚一直都是我必叫的，芽菜新鮮，魷魚不會過韌，剛好，爽脆。蒜香豆腐，外脆內軟，蒜的配合，味道剛剛好，不會過鹹。特飲都出色，蜜桃爆檸，清新，甜度剛好。超級水果茶，真的是超級多水果，非常滿足。