天天海南雞飯 (ELEMENTS圓方)

營業中

休息中

買左9:40飛係Element 睇 avengers 4 , 諗住順便係個邊食埋野去到Element 大概7點, 岩岩好行下街食埋飯再去睇戲.天天海南雞冇得訂座, 得walk in我地大概7:40 等位, 等左好耐好耐, 最後入座係差唔多9點.一坐低, 即刻落單叫左出名既海南雞飯, 咕嚕肉, 蝦多士蝦多士唔夠脆咕嚕肉份量好多, 擺盤幾靚海南雞, 諗住咁出夠, 應該冇死啦, 點知, 雞完全唔滑, 3款汁味道都唔得, 唯獨個油飯係幾好食排左個幾鐘, 失望到極點, 又貴又唔好食可能所有成本都去晒裝修同租金到唔會再有下次ps; 之前見人講話好伏, 我都唔知, 今次試完, 唔會再有下次.

之前行過見多人排隊無幫襯過，今日見天天海南雞門口無人排隊買外賣，咁就買海南雞飯食，落左單比完錢見個收銀員即時喺佢收銀位拎盒飯同海南雞放落紙盒連埋枝野飲一齊放，買完東西外賣路程唔洗10分鐘返到去打開睇，果盒油飯打開蓋睇D飯係凍既非常失望，都唔知海南雞同盒飯擺左喺收銀櫃幾耐，D雞又鞋又無味無雞皮似白恰雞胸肉，海南雞飯（白恰雞胸肉）連1枝飲品$80蚊，收銀員態度又差，食左果盒白恰雞胸肉之後仲痾嘔左幾次絕對唔會再幫襯

很多人也跟我說如果要去新加坡旅行，其中一個行程一定要去「天天海南雞飯」。但是我從沒有去過新加坡，所以一知道天天會來香港開分店，便立刻去試一下那麼多人推薦的海南雞飯。在平日下班時間去，只等了十分鐘就有位子。而且，知道他們在圓方廣場開店，就知道價錢應該不便宜，所以在吃之前就做好心理準備！一隻：268, 例牌：148看網上有一個餐是：海南雞加飯，但是晚市沒有，飯和雞也需要單點「海南雞」本身是去骨雞肉，肉質尚可，但是本身雞皮應該要爽口，但吃起來卻很腍。「醬汁」就好惹味和不會搶過雞肉味「油飯」油飯有雞油的色澤，但是有點太硬！「椒鹽鮮魷」好吃！因為新鮮炸起，粉剛剛好，而且很脆，魷魚又新鮮！但是魷魚真的很薄「墨魚多士」他是把墨魚釀入多士中，想法很新鮮，有一點新式菜的味道雖然多士是脆的，但是墨魚有點腥。兩者放在一齊就有一種說不出口的不搭，沒有1+1=2的感覺，此外加上木魚又是為何呢？？？總結來說，味道不錯，環境很好，但是性價比不高。如果中午去吃就尚可接受，因為只需$88就有飯有雞，但是晚市再去就不了。

聽聞圓方開了天天海南雞分店，趁著放假，特意到此店一嘗。天天燒雞 - 外皮脆口，雞件嫩滑，雞味亦濃。黃油飯粒粒分明，口感不錯。鹽磚和牛- 以鹽磚盛載著和牛粒，賣相特別。牛粒牛味濃郁，入口軟嫩，帶有淡淡鹹味和蒜香。蒜蓉蘆筍 - 蘆筍新鮮翠綠，有光澤，口感爽脆。百香茉莉 - 入口首先是茉莉的清香，然後是百香的濃郁，很有層次。芝士蜜蜜 - 入口甘醇好喝，茶底不會過甜，奶蓋芝士味濃，好有奶香味。豆腐花 - 入口猶如豆漿般滑溜，沒有半點豆渣。

在三樓的天台酒吧happy hour 完, 朋友帶到這店吃海南雞, 我呢個中年大嬸看到這標誌的裝修就暗地想多數中伏但又不想掃大家的慶! 朋友們點了好幾個餸, 又幾好味！主角海南雞就一般但其餘的都可以!!

好少寫食評，但為左要劣評呢間專登寫中午黎食，迫你要選佢d組合即使你食唔晒都好你可以單點，但單點仲貴仲多過組合?!完全唔合理野食非常普通，份量都唔多但價錢非常貴我用左openrice咁多年，第一次因為實在太嬲而要寫食評庶渣味道燒鵝價錢10000%唔會番黎食唔推介必須劣評既餐廳

今日來到圓方廣場 左逛右逛比我們發現到呢間天天海南雞飯 之前曾經在銅鑼灣見過呢間餐廳不過因為排長龍所以未能一試💁🏻‍♀️和男朋友點了一份海南雞 聽職員說油飯是必吃的所以我們就叫了一桶分享 餐廳裡的菜單寫明了他們的海南雞是有種店的湯烹煮再以冰水浸透 所以吃起來雞的味道好濃而且皮是爽的 雞肉也非常粉嫩🐣配的醬料有黑醬油 辣醬 還有薑茉 跟平常在香港吃海南雞的餐廳很不一樣又非常正宗的新加坡味道 至於油飯 飯的米粒不大不小 極具米香🍚配雞吃真的好搭檔！另外追加多一款肉 餐單的選擇好像都頗為fusion 叫了喇沙牛腩 在吃這個以前沒有想過laksa可以煮一道菜因為平常吃都是湯麵為主!牛腩炸得非常香脆 肉質半筋半肉好好吃 沾喇沙醬超濃郁的口味帶點椰香😍難忘的味道辣炒粟米又是好少見的一碟餸 辣味配上來更顯粟米的清甜 好惹味 正！米芝蓮餐廳當之無愧😛

今天是公眾假期，周圍都人山人海，還好彩，天天海南雞今次只等了20分鐘就有位。由於公眾假期，所以今天的午餐必須要三樣叫齊，主食+小食+飲品招牌菜海南雞這個海南雞飯各方面都很平均，首先說一說主角雞，肉質鮮嫩，皮爽而不油，雞還保留一點啫喱，難度高，還有當然就是去骨，所以我只會食東南亞的海南雞；另外，還配上標準三色醬；油飯粒粒分明 ，不太油。蝦球飯蝦球很大 ， 酸甜味配上椒菜，幾開胃。醉蝦清淡得來帶有酒味蒜香豆腐有點像椒鹽豆腐 ，但比較大塊 ，外脆內軟，配上重蒜味，香口之選。紅油抄手味道調校得不錯，但餡的肉太多。青瓜蜇頭青瓜新鮮爽脆，蜇頭很有咬感，夏天涼伴好選擇

今朝早送完女朋友番工，番到屋企即刻就昏睡左半日。下午2:00起身，沖個頭即刻秒速揸車出去食個飯啦！屋企揸車入圓方大約30分鐘，因為一間餐廳「天天海南雞飯」。新加坡過江龍，主打海南雞飯，餐廳都有麵食和小菜類，口味非常大眾化。我見到仲有lunch menu，就叫左一個天天海南雞飯（例）。雞汁極是鮮甜，雞肉非常嫩滑，肉質極是鮮甜！雞皮下脂肪已經切走，雞皮香甜不油膩。飯油飯乾身完全唔會濕潤太油膩。底下有青瓜，配上秘製辣醬，夠哂過癮！套餐包括清湯一碗。

母親節諗唔到食咩，係朋友強烈推薦呢間天天海南雞下，決定去試下佢既晚餐。整體價錢唔係太貴，食物份量對得起個價錢，質素偏高，特別係牛方面既料理真係唔錯，當然海南雞都唔差，值得同朋友或家人一齊黎食。我一家人都十分喜歡係呢到用餐，呢到既員工都非常友善同貼心，而且環境唔算太嘈，好舒適。只是有一點好可惜，因為間餐廳愈來愈出名，如果想預約在黃金時段用餐，可說是變得愈來愈困雖。 所以建議網上訂位或電話預約，到時候直接入席。

之前喺新加坡食一直都想試吓香港既分店。但真心失望。我同老婆兩個人早兩日去，夜晚其實都預左要等。帶位嗰位同事一路喺度禁電話，攞飛嗰部機又擺到鬼咁入又細部，其實帶位同事係咪應該要提醒我哋要係邊度攞飛而唔係掛住禁電話呢？問佢係咪要攞飛佢先施施然指住部機叫我喺呢度攞飛。仲要眼神好似覺得我咁大個人都唔知道邊度攞飛咁。然後入到去坐低先至係惡夢嘅開始，由於被安排到喺收銀機旁邊嘅二人枱，食飯期間不停聽到一位男同事企喺收銀機用對講機鬧其他員工，極度影響客人心情，我諗佢應該係經理，然而佢自己態度亦都唔係太好，幫我地落單期間眼神不斷左望右望，完全唔似有留心聽緊我哋落單咁，然後嘢飲我哋未諗好，佢就直接同我講叫我諗好先再叫佢，好似完全唔想做我生意幫我落單咁，感覺非常不良好。作為一間米之蓮餐廳，服務態度比一間茶餐廳更加差，連管理層對客人同同事都完全毫無耐心，亦都好冇禮貌，在客人面前依然大大聲鬧同事，呢啲嘢應該係留返內部溝通而唔係當值期間當住客人面去做，然而我亦唔覺得咁樣鬧係啱嘅，期間我身後嘅位置仲不斷出現粗口嘅聲音。整體極之失望，唔會再嚟食。

今日去圓方陪媽媽逛街順道一起吃晚餐選擇了這一家米之蓮推介的天天海南雞飯雙果沙律前菜選了這款有牛油果和無花果的沙律牛油果 無花果都很新鮮 配搭香鮮蔬菜面上加上蜂蜜果仁 香香甜甜 不錯不錯天天海南雞雞肉分量很足淋了用雞汁煮成的秘製醬汁雞肉皮薄肉滑 雞香味濃 好味道醬料有秒製辣醬、薑蓉和濃稠的甜豉油點上醬汁 味道昇華 更多層次天天石鍋雞飯米飯粒粒分明 趁熱食暖暖的 好味道和牛骨茶有兩卷生和牛 加熱湯水滾熟 鮮嫩好吃牛腱熱熱的 入口易咬有質感牛根軟綿 入口溶化 還有小白菜和炸腐竹 十分豐富配有青檸 辣椒粒 和酸菜特別一讚酸菜甜甜酸酸 不會太重口味 蒜蓉露荀露荀新鮮 以蒜蓉炒香 加上炸蒜 香脆好吃熱薏米水不會甜 濃濃薏米香 養生健康之選芝芝莓莓芝士香滑味香濃 很好喝不能少甜 本來怕太甜 但最後也不會

新加坡的天天海南雞，一向是遊客旅行必到訪的地點之一。別小看它來自熟食中心，每天均排滿慕名而來的人。進駐香港接近一年，終於在圓方店一嘗香港版本。選址圓方，裝修當然不會失禮，用上藍色格調，感覺舒適。天天海南雞飯($80)自然是必點，另外更有套餐，包括小食和飲品。亦有一些餐點，是另外幾家一同由新加坡引入的飯、麵店提供。餐廳多年穩奪米芝蓮殊榮，一到港當然受各界關注，然而所受的評擊亦不少。親自嘗過以後，決定稍稍為它平反。先說海南雞，去骨雞肉實際上挺嫩滑，口感較紮實，是走地雞。雞肉上淋滿醬汁，不會覺得乾身。雞肉下面一如既往，鋪滿青瓜切件。另奉上辣醬，我覺得辣度還好，但點多了的確容易蓋過其他味道。在新加坡吃過兩次，都是沒有特別提供甜醬油和雞蓉的，對於雞蓉撈飯的朋友，是可以問店員額外要醬油和薑蓉的。至於雞油飯，口感濕潤，每顆米粒被油分充分包裹。味道可以更香口，可是這個程度我也滿意了。名為讓燻蛋飛(套餐價$28)的小食是滑溜、令人滿足的溏心蛋。至於青瓜蜇頭(套餐價$48)，清新爽口，麻油味香。兩個人另外點了個主菜 - 女士精選($168)，石鍋內有牛肝菌、花膠、海參，大大件得花膠、海參，炆得軟腍入味，這

去新加坡既話，除左肉骨茶，海南雞飯就係必食～出哂名既天天開到黎香港，食物價格遠超新加坡🤭前排經過elements,試試佢🤫·🐔天天海南雞飯（$80）對我黎講，海南雞飯既靈魂係辣醬汁！😂😂辣度剛好🤤雖然雞肉未有新加坡食過既滑，但點埋辣醬加黑醬油好惹味啊！雞油飯跟原店一樣粒粒分明👍🏻整體不錯，但望一望原店既價錢再望一望香港既😂😂就唔會想再黎·📍天天海南雞飯尖沙咀柯士甸道西1號圓方1樓1050A號鋪

原本抱有期望食個海南雞飯，由於假日食套餐海南雞飯要加小食，無所謂！兩份餐就叫兩份小食，點知個飯食完d小食都未黎。分別叫問服務員多次唔係無反應就話整緊😡結果小食雖然取消，但仲要睇佢地面色！所以以後絕不會再去！