大門食堂 (將軍澳廣場)

營業中

休息中

拉麵價錢都合理, 因為都唔算太貴，味道方面不俗，湯底飲到濃厚木魚味，個麵唔會太軟又唔會太硬, 岩岩好. 呢到個裝潢裝修亦算幾舒服，都幾正。服務方面可以有所提升!

星期日晚餐時間，行左幾間餐廳都好多人等位，見將軍澳依一間冇乜人等位，平時食開德福果間又幾好食，就諗住入去食啦。叫左一個炒飯同牛肉丼，19:12落單，等到19:30都未上，隔離兩張枱喺我地落單後先入黎，佢地食左一半我地既飯都未上。等左20分鐘我地先催單，結果又等多5-10分鐘，個炒飯先同隔離果枱遲過我地入既一齊上，仲要係好細碟。依果時候個牛肉丼係仲未到既，佢地之後同我地講個牛肉丼3分鐘後先到。千呼萬喚始出來，個牛肉丼出黎既時候，我地發現佢得幾塊牛肉，上面既洋蔥仲多過上面既牛肉，不如改名做洋蔥丼(配肉絲)。但我地太肚餓啦，唔記得影低洋蔥丼。離開左大門之後，我地傾翻大門今既奇差既服務。我地喺將軍澳食過一次牛肉丼，果次牛肉同洋蔥比例正常。可能果日係平日唔係好多人，星期五六日多少少人佢已經應付唔到。

本身想食撒利亞，但星期六晚將軍澳真係超多人。好彩呢間無咩人，地方都闊落。我地五個人傾計，一張圓枱啱啱好。估唔到大門既黑蒜油沾麵咁好食我之前試過天后一間沾麵後，我以為自己唔鐘意沾麵，點知原來可以好好味。不過，個麵得兩小塊肉，好似好唔抵食，但勝在無加一。反而混麵有多隻蛋，感覺上豐富啲。食完沾麵或者混麵，原來仲可以叫佢加木魚湯，我朋友話好好飲，但可能我淨左太多黑蒜湯，結果加完就好濃，下次試下倒淨少少，可能就好味啲。有樣好好笑既插曲，就係個waiter好自然咁將我碗麵放係我個fd前面，我以為佢記得邊個落邊樣，所以先無問我個fd話唔知係咪佢咁啱點左下頭，令佢誤會左。

唔係好掂，鐡板漢堡扒好明顯係用微波爐叮，擺上一個完全唔熱嘅鐵板度，林啲汁上去，完全唔值70幾蚊，大家小心，一個唔留神就會係有啲完全唔好食極都唔會食嘅嘢，食隔離間重好

次次拉麵癮起，都近近哋搵呢間大門拉麵醫下肚朋友叫咗嘅滑蛋豬扒飯嚟先，豬扒同滑蛋都大大份，蓋過碗面下面都有少少洋蔥，同埋珍珠飯，係一碗正宗嘅日式丼飯。日式餃子雖然有冰花薄片嘅一層，但係唔夠香脆，成份餃子都偏淋不過入面嘅餡料都正常，有生菜同豬肉，係簡單平實嘅味道沾麵方面，呢度嘅麵條都幾粗，有一定嘅柔韌度，夠曬彈牙。可能因為已經食慣咗，所以對於佢嘅湯唔夠熱呢方面，冇咩特別意見，反而覺得係舖頭嘅特色熱湯入面有好濃厚嘅豚骨熬出嚟嘅油，仲有幾件嘅豚肉，食落雖然冇大門叉燒拉麵嘅肉質咁細嫩，不過都十足日式拉麵嘅味道

平時極少會黎將軍澳，今日過開黎。都係因為工作關係。好，又要搵野食啦 ....... 時間關係，我就係地鐵站附近，見有幾個大型商場，最快搵到係Arome Cafe，不過full 曬，樓上就係Aeon入面有兩三間餐廳，最後選擇咗大門。未食過，門面又唔錯，仲比我望到入面有大玻璃窗，自然光影相一流🤣。咁就吸引咗我入去啦。餐廳位置寬躺舒服。兩個人食，各自點咗一碗拉麵。賣相唔錯，食落就 ..... 拉麵除左有d 硬，仲一嚿嚿黐住咁。唔係一條條分開嘅？ 其餘配菜，主菜同湯底都普普通通。公仔麵仲好食🤣🤣🤣不過餐廳服務好好。一班年輕服務員好有禮貌👍🏻

難得約咗朋友嚟將軍澳睇戲🎬，梗係順便嚟將軍澳覓食啦！但星期六嘅將軍澳每間餐廳都人山人海，終於搵到間可以唔使等位，梗係即刻衝入去🏃🏻‍♂️啦！正值晚市間餐廳仲有一半吉位，但好多人都係已經食完坐係度吹水💧，店員都視若無睹😎咁，可能想有多啲人氣係餐廳度，正因如此所以店員上菜速度都好快啊，大概十分鐘就上齊晒喇。友人點咗個新推出嘅黑蒜油拉麵🍜，個麵就睇落分量足，相比之下啲料就好少，得兩塊薄薄嘅叉燒、一塊嗚門卷、一堆筍，友人一嚟就試飲個湯底，嘩...真係精華嚟架，十級的咸😣，我都試飲咗一啖，果然咸味充斥住整個湯底，完全冇豬骨味可言，個麵軟硬適中，叉燒占滿咸咸嘅湯底味，完全食唔到本身嘅味，或者本本來就係無味，友人大表失望☹️。我點左嘅吉列豬扒🐷拼吉列蝦🦐定食睇落就好吸引，但全部都係微溫，似係煮起好耐，味噌湯、飯、豬扒、蝦無一幸免，好彩係豬扒同蝦都仲係脆，不過除咗脆就冇咩味喇，每口都係雪味❄️。煎餃子🥟更加嚴重，係完全凍架，個皮當然唔脆又好油，餡嘅肉汁係以滴嚟計，我地每人食咗舊就放棄咗喇🤭

今次男朋友帶我黎佢既「飯堂」食沾麵。餐廳環境都幾大幾開揚，檯與檯之間都好闊落，坐得舒服。當日下晝3點幾食，得返一兩檯客。我地好快諗好食咩，想落單時叫極都無人理我地，幾個伙記圍埋係度吹水，望都無望過黎 最後一個應該係屏風後休息緊?既經理走出黎幫我地落單...呢方面餐廳要正視下。食物方面，我叫左「黑蒜油沾麵」。湯底香濃，麵質粗身，煙韌彈牙，掛湯能力佳!湯底配料有幾塊肉、荀、魚板、大蔥。係幾香既，不過有DD鹹，食到最後要飲水。不過總括黎講都算係CP值高既沾麵。而男朋友當日叫左「大門沾麵」。試過兩款，我都係鍾意重口味既「黑蒜油沾麵」多D。重口味朋友仔識叫一定叫黑蒜油。

中午唔知食乜好一定係去大門之前去過德福個間好多人要等拎飛不過tko分店平常都無乜人 不想排隊必選咁今日又食左d乜野呢？我本人呢就屬豬既 所以呢就叫左呢個豚肉炒野菜定食有半塊豆腐+麵豉湯 都係有d椰菜紅蘿蔔洋蔥咁啦但豚肉較多肥肉 想增肥朋友不妨一試 偏油呢$54 整體幾抵食男朋友最愛食拉麵 食左黑蒜油拉麵味道幾濃 麵厚身彈牙但個麵身有少少一舊舊 有少少鹼水味囉？！ 加反d醋會好好多最後埋單都係$113 抵啦下次再食過！！！

今晚在將軍澳附近食飯，到處的食肆都在排隊，發現Aeon入面有間拉麵店未食過，便入去試下。環境寬敞，傢俬枱主要以木為主，有二人枱四人枱，亦有大枱，因為場地空間大，食客數量不算多，所以坐得都舒服。👍🏼👍🏼👍🏼我叫了大門沾面。面底乾爽彈牙，但是沾面湯底偏鹹，要邊食邊喝水，面亦沒有任何配料，只有面和湯，非常單調🙈🙈🙈食完沾面後，亦可加入大地魚湯底，品嚐湯，但是湯不夠熱，暖暖的, 而且相對比較鹹。😖

中女獨食難肥日誌#大門食堂 #將軍澳 #拉麵 #拉麵控 又係拉麵，飯堂出新野，仲係期間限定！要食快食喇！大門一向抵食又高質，將軍澳想食拉麵不二之選！新出黑蒜油系列有拉麵及沾麵，我選了沾麵，不客氣了！黑蒜油沾麵 $65食之前好怕黑蒜油味會似出前一丁！本身個湯底，都好好味，如果試新野中伏咪好慘？不過好彩大門冇令我失望！今次個湯底好重蒜香，一入口已經成口蒜香，不過咸，好好味大件事喇佢仲好味過平時個湯底！點解係期間限定呀麵質粗身，爽滑彈牙，好襯做沾麵，真係好好味呢日式炸雞 $32勝在即炸熱辣辣，加上檸檬汁酸酸的，香口野，係唔錯嘅小食

將軍澳AEON上面都有好多野食, 今次食下大門先日本野, 日本拉麵, 日本飯, 仲有好多小食好啦, 隨便試下幾樣野先滑蛋豬扒丼豬扒比較散, 唔夠厚肉,  但係滑蛋個味道幾好, 用黎拌飯幾好!大門烏冬大門烏冬就係有塊叉燒, 味道濃, 紫菜都算脆!最鍾意食烏冬!煎餃子 餃子普通, 但係比較油膩味蛋流心蛋, 加少少鹽會更好味鹽辛魷魚比較油, 食少少都OK煎炸野真係比較油膩, 但係食少少都可以.不過下次再食都係食烏冬或者拉麵

中午過後，同屋企人行完年宵，發現大家仲未食lunch，所以黎左將軍澳既大門試下佢地既油麵。平時多數食拉麵、沾麵，本身都中意食比較硬身的麵條，今次揀左油麵，無濃濃既湯底，反而麵底酸酸地既醬油撈埋一齊食特別開胃，麵條口感好煙韌，最後可以完全成碗。以呢個價錢食到呢個質素係有少驚喜會再次光顧大門油麵 $58大門拉麵 $52

與媽媽一起共進午餐，之前已到過大門食堂光顧，食物質素不錯，今次再來見到他們的新出品，分別是黑蒜油混麵和咖哩混麵，65蚊的價錢相當吸引，坊間吃一碗拉麵也將近一百大元。兩者的味道較為重口味，黑蒜油混麵，味道偏甜，除了蒜油，也有叉燒，玉子溫泉蛋等配料 ，甜中帶辣，很惹味，但多吃兩口有點油膩。而家咖哩混麵，較黑蒜油的辣度更強，有點嗆喉，能夠刺激味蕾，適合吃辣的朋友，加上生雞蛋，醬汁更為濃郁，不過個人感覺太辣了，未能挑戰成功

這天因事到將軍澳。午餐時間，環顧四周，每間餐廳也大排長龍。根據一向策略，沒有人的餐廳便會自動成為首選。這次試這間經常排長龍，價錢極度親民的的大門拉麵，我點了最經典的款式「大門拉麵」。大門拉麵的湯頭極為濃郁，老實說吃完會很膩，但吃的時候很正！而麵款就屬於粗的，相當有咬口；最重要的是並不掛湯，這樣避免了吸了大量湯汁，不需擔心膩上加膩。另外不得不提的就是三數塊的荀片，帶有非常濃郁的荀香，又帶有點微辣，非常美味。蛋的味道普通，沒有任何特別。叉燒的肥瘦適中，不會過肥又帶點脂肪，入口即化。