大門食堂 (將軍澳廣場)

營業中

休息中

星期日晚餐時間，行左幾間餐廳都好多人等位，見將軍澳依一間冇乜人等位，平時食開德福果間又幾好食，就諗住入去食啦。叫左一個炒飯同牛肉丼，19:12落單，等到19:30都未上，隔離兩張枱喺我地落單後先入黎，佢地食左一半我地既飯都未上。等左20分鐘我地先催單，結果又等多5-10分鐘，個炒飯先同隔離果枱遲過我地入既一齊上，仲要係好細碟。依果時候個牛肉丼係仲未到既，佢地之後同我地講個牛肉丼3分鐘後先到。千呼萬喚始出來，個牛肉丼出黎既時候，我地發現佢得幾塊牛肉，上面既洋蔥仲多過上面既牛肉，不如改名做洋蔥丼(配肉絲)。但我地太肚餓啦，唔記得影低洋蔥丼。離開左大門之後，我地傾翻大門今既奇差既服務。我地喺將軍澳食過一次牛肉丼，果次牛肉同洋蔥比例正常。可能果日係平日唔係好多人，星期五六日多少少人佢已經應付唔到。