大門食堂 (將軍澳廣場)

營業中

休息中

拉麵食得多，油麵都係第一次食。聽個名以為會係好油膩好肥嘅麵，點知原來又唔係喎，感覺都幾驚喜。與其叫油面，我覺得佢係日本嘅撈麵，上菜之後，服務員教咗我哋將好多醬料撈埋一齊，有蛋黃醬有蒜蓉有醋。開頭都會以為你都會好奇怪，點知撈埋一齊感覺非常新鮮，又幾好味喎！食咗一次之後我都有再去食過。佢嘅油麵真係做得非常唔錯，但我男朋友就叫咗個鰻魚炒飯，味道實在非常一般，味道太淡，唔係太入味。但整體而言感覺唔錯，而家來講，食到＄50一碗麵都好難得，而且仲要味道唔錯。相信我都會成為常客。

成日夜晚想食嘢但又唔想等位就會嚟呢間食因為定價較高所以通常都冇咩人朋友一如以往叫咗個叉燒沾麵佢呢度嘅拉麵都係即叫即煮，所以都幾高質，不過就要等耐啲鐘意佢麵嘅質地彈牙，咬落有嚼勁，沾麵汁仔細食落帶點微酸，但係都係鹹味居多兩片厚厚嘅叉燒都真係過足口癮今次係第一次食佢嘅油麵大大碗麵上面有許多荀絲，蔥花，溫泉蛋荀絲醃製過，比一般嘅重口味根據舖頭講明嘅食法，可以加上醋，沙律醬，蒜蓉等撈勻一齊食原本麵底已經有濃厚嘅醬油，加上所有配料，味道竟然如此搭仲叫咗個小食：炸魷魚份量適中有魷魚圈同魷魚鬚，炸粉偏紅食，薄薄但香脆，幾好食

呢間日本餐廳望落好似好貴，事實上價錢中等，但十分好食！！定食價：最平$50包湯、凍豆腐、主菜同飯份量：適量 岩岩好！上星期日係將軍澳等緊位食野，無意中搵到呢間餐廳，因為同男友平時都日日出去食，今次想食番平啲，好在呢間餐廳又唔太貴 午市同晚市都同價，所以就諗都無諗就入左去食😝佢既鐵板燒都好正，上次叫左漢堡扒加薯角，薯角十分足料，漢堡扒比較軟身 ，但佢地既醬汁真係好好味 係甜甜地，我本時食咩都唔鐘意加醬，呢個汁真係一流！⭐️強烈推介$12 味蛋必食！！！呢個真係要試！男朋友話係佢食過最好味既味蛋😂 雖然貴左少少 但不妨試吓。唔想食太貴又想試新野，呢間就岩曬我地，已經去左第3次😝😝 真係唔會失望👍🏻唯一有樣唔好就係服務，將軍澳分店既服務麻麻地，不過好食就得🤓

夜晚想食薩利亞，好多人等位又好肚餓，所以就「退而求其次」，入咗隔離呢間即刻有位嘅拉麵叫咗兩個麵，加咗一杯嘢飲，咩乳酸味道都幾唔錯，但份量太少，飲兩啖就冇加咗個小食，肉子燒好平常完全冇特別之處，上面有少少粉狀物，隔離有蘿蔔蓉個人唔太鐘意，覺得定價偏貴，如果有啲特色就好朋友叫咗大門叉燒沾麵，麵類普遍整得好耐，等嘅時間有點長沾麵麵質幾煙韌，唔會糊，醬汁都好香濃，配搭叉燒幾好食鬼門拉麵真係好辣，睇少咗佢3隻辣椒嘅辣度，一路食一路冒汗，好正而且豬腩肉煮得啱啱好，彈牙，陪埋拉麵，係叉燒以外唔錯嘅選擇最後食哂啲嘢，飲完發現淨係好多冰

星期六晚上到將軍澳睇戲前打算醫醫肚,選擇左大門食堂食日本野!叫左個大門拉麵,配料份量多,叉燒都半肥瘦鬆軟,麵偏硬,不過湯底就咸左少少,食既過程飲左好多水另外點左吉列豬扒拼蝦定食,配有豬扒醬同沙拉醬,粉唔厚,都ok,不過友人就話隻蝦連蝦頭蝦尾,有d唔方便,不過各有口味,我覺得ok,只係蝦頭個鉗可以唔需要留總括黎講因為價錢平民又唔洗服務費,所以性價比都算高下次可以再試試咖哩/沾麵

上次食左拉麵，覺得幾好，今日星期六晚見唔便使排隊，就入去試下佢啲飯，四個人一人一款飯share食，以定食黎講，價錢唔貴，$5x-$9x不等，仲係唔使加一，依個係鰻魚炒飯，定食附送味噌湯同豆腐，個飯炒得香口，好味，不過份量非常少，鰻魚都不多，唔抵食，最貴係依個飯。鯖魚定食，推介，燒得剛剛好，不會太乾，睇相都知燒得幾靚！豚肉生薑燒定食，味道唔錯架，不過有圖你睇啦，洋蔥多過豚肉，麻麻地抵食。炸雞定食有驚喜，推介，香脆肉嫩，因為熱氣關係，只係食得一件，可能因為咁覺得特別好味。整體黎講，我覺得大門都係食拉麵比較安全同份量夠，下次識點揀啦

天氣開始凍，就想食碗熱辣辣嘅拉麵。今晚去左吉之島入面嘅大門食拉麵，先黎叫左碗鬼門拉麵，餐牌有成三隻辣椒，一上枱見到隻色似韓國嗰啲甜辣醬，以為無料到，點知食落都真係幾辣，不過食完成個人暖哂，要食得辣先好叫呀！另外叫左一碗大門拉麵，無咩特別，正常口味，食拉麵好鐘意有糖心蛋，叫左一隻黎試，覺得麻麻地，可以唔使加，整體黎講價錢唔貴，味道ok，份量都充足，又唔多使排隊，仲要唔使加一，可以一試，不過唯一要講佢個拉麵好粗，我個人麻麻地依種口感，我鐘意平時嗰啲拉麵多啲！

今晚在星星戲院看戲後，來到超市旁邊的餐廳，價格大眾化的意大利餐廳大排長龍，又不想到台灣餃子店。剛好看到拉麵店門的餐牌價格合理，反正等候客人不多，又未曾嚐過這家的拉麵，於是拎籌，在此晚餐。招牌大門拉麵　　　　在等候期間，觀看門口TV播放的湯底製作方法。又魚又豬骨雞骨，好似好大工程。大門拉麵真身，湯底表面一層油，鼻子仍感到魚湯的香氣。先嚐一口湯底，鹹鮮，濃稠，但油囉！  方形粗身麵條 方便以筷子夾起，不易滑落。鹹水味不太重，至少嚐到麵粉味。只是麵條粗身，不易掛汁。唯有以湯匙享用，保証同時嚐到麵條及湯底。    叉燒，即是五花腩，肥中帶瘦，正！ 竹筍脆口又帶酸辣，夠開胃。　煮鯖魚定食　　有飯有湯，鯖魚大大件，比平時在超市買到的更大。軟棉棉的魚肉，魚骨不多，十分適合母親大人享用。叉燒炒飯　　　豆丁選的炒飯。　剛呈上時，鼻子已經感覺到燶味。豆丁嚐了一口，都表示燶左。幸好餐廳職員願意更換。新的叉燒炒飯，每粒炒飯乾身，份量適中，只需28個大洋，十分抵食。這就是首次光顧大門拉麵了！

來這店不論午餐還是晚餐都已經N次咁多, 每次都唔記得寫食評, 就為這一餐寫寫吧!每次來都是簡簡單單一碗麵, 味道從來無走樣, 今次我叫了兩個飯又試試燒牛丼 $52, 牛肉和洋蔥都好多, 味道與一般煮法大同小異但勝在不會咸, 作為簡單食堂都艋OK 豚肉生薑燒定食 $60, 佢有單點和定食的選擇, 唔好以為單點和定食的分別只是多了碗湯和一碟前菜, 其實單點只是得一碟豚肉配上菜絲沙律, 記住叫定食才有碗飯食喔..........講番先, 豚肉的味道好好不會鞋口, 份量足夠而且不會太咸 (空口食都OK), 而且一讚是佢需要薄切, 但是係連皮, 食落口感有別於其他豚肉飯, 另一讚是菜絲沙律, 採用了日本沙律汁配搭, 食落會帶點清新, 所以整餐都唔會膩口 總體大門雖然是以拉麵食堂起名, 但拉麵以外的其他出品都一樣唔錯, 大門早以變成我的食堂了!

中午12點自己一個帶三歲女兒返興趣班，見仲有半個鐘頭時間，自己想食拉麵，諗住入去試吓，入到去完全冇人，為咗方便照顧女兒我選擇咗四人枱同女兒平排座，有個老嘅女侍應走來同我講你地兩個人唔可以坐四人枱，0k我接受，自己點了一個大門拉麵同汽水，女兒因為已食飯同經過aeron買咗三隻雞翼食，但侍應見到女兒食緊外帶嘅雞翼，態度好差咁同我講唔可以帶嘢食入嚟，我同佢講三歲小朋友可以通融下嗎，佢好串咁同我講只可以出去食，0k，我放低＄100即刻走咗，你哋有規矩我明白，但係一個三歲小朋友都唔可以通融下，同埋態度點解可以咁差，係咪三歲小朋友一定要叫一個拉麵先可以坐低，冇食到個拉麵唔知有幾好味，但係幾好味都好，服務態度咁差，幾好味我當然會再去。

呢間日本餐廳我第三次來了，so far感覺良好，味道都唔錯，價錢又唔算貴。今日帶阿媽黎食個lunch。去到等左幾分鐘就有位，前兩次我都係食佢個大門拉麵，今次就試下個大門油麵，阿媽就試佢個拉麵。等左唔夠十分鐘就有得食啦。我個大門油麵先到，店員俾左支沙律醬同一兜蒜蓉我撈黎食。其實佢麵下面我見有d醬油同一層油，麵上面有兩塊燒過ge豬肉，一隻溫泉蛋，大量ge蔥同一堆辣ge荀，仲有塊紫菜。我加左少少沙律醬撈埋黎食，味道唔錯，但食多幾啖就覺得有少少咸。阿媽碗拉麵都係有少少偏咸。麵質較粗，好有咬口。整體唔錯，每人都係50蚊左右。佢宜家仲有期間限定ge鰻魚料理，不過有d貴。

依家出街食碗拉麵、動不動都七八十蚊起錶好耐冇見過五十蚊內一碗拉麵係將軍澳黃金地段、$48 蚊一碗（正價）黎講不論環境、麵質都唔錯、而且食完唔使趕住走。。。真係幾抵食～

是日到將軍澳搵食，行到去將軍澳廣場Aeon入面，本來想食薩莉亞，但見到排隊排到出門口，所以去咗隔離大門食堂喺將軍澳晚飯時間唔使排隊可以直接入坐，真係好少可，入到去見到裝修都幾好，唔錯一睇個餐牌發現原來d野都幾平，就叫咗大門拉麵（$48）同埋味噌煮鯖魚定食（$60）大門拉麵上咗先，d荀好入味，叉燒厚切唔太鹹，湯底濃郁，$48你都唔會expect會好味到好似其他拉麵專門店咁，將貨就價黎講絕對抵食！平時食開燒鯖魚，今日試下味增煮鯖魚，有兩大件鯖魚，味噌加上鯖魚係唔錯既配撘，只係前菜係一舊豆腐有d失望，但整體黎講都係唔差埋單$108，咁既價錢食到咁既質素，可以話係好抵食！

假日嘅將軍澳間間餐廳都大排長龍，就連呢間大門都要排隊等位，不過都係等5分鐘左右就有位啦。餐廳地方夠大，坐得幾舒服，感覺上又夠乾淨我就點左呢碗大門油麵，本來以為係湯麵，但原來係底下有少少醬汁撈埋一齊嚟食。佢同沾面係同一種面底，只係少左個湯。不過我覺得油麵無沾麵咁膩，好味啲。相反沾麵湯底太濃，又咸又油，食完好口渴。另外，朋友就叫左呢個味增煮鯖魚，本來佢係想點燒鯖魚，點知嗌剔錯味道唔差 ，魚嘅肉質依然好嫩滑，唔腥。不過係多左啲骨，好怕食魚有骨嘅話真係要點番個燒鯖魚會好d呢個鹽辛魷魚，本來以為係燒魷魚咁，點知旯個樣係咁，完全中伏。食落好咸好腥，好核突嘅感覺。不過，50零蚊嘅價錢，都已經算超值，下次唔會再亂點餸

因為突然有d想食拉麵，所以就係附近搵一間拉麵，就黎左呢度。我份人就唔係成日食拉麵，因為我係好怕油膩。我同我個frd一人嗌左碗拉麵，我嗌鬼門拉麵，因為感覺辣d解膩，我個frd就嗌左大門拉麵，我地仲叫左個炸魷魚。先講下個炸魷魚，佢個炸粉好薄身，唔會食到成口粉，我好怕太厚，所以幾滿意，同埋佢都好夠味，所以係好唔錯，下次黎會再嗌呢個。跟住講下個鬼門拉麵，佢真係幾辣下，同埋好濃味，頭個幾啖d辣都蓋過油膩，但食到後面，開始好濃好油，有d唔想再食😩因爲我真係唔係好頂得順油膩的野食。但我個frd個碗大門拉麵就反而濃得黎又唔膩，所以後尾交換食，舊叉燒肥瘦適中，好啱d好似我怕膩的人食。