大門食堂 (將軍澳廣場)

營業中

休息中

之前試過大門拉麵、大門沾麵，份量多、湯底濃，價錢亦很合理。最近經過見到有新品上市，決定試下佢地的鹽燒鯖魚拉麵，而且將軍澳分店景觀開揚，坐得舒服。鹽燒鯖魚拉麵 $72鯖魚同拉麵組合是意想不到的好食，平時食開豚骨/魚介的湯底，呢個鹽燒鯖魚拉麵的湯底反而好清甜，一反平時食拉麵要揀濃郁湯底的想法。拉麵份量超多，麵質軟硬適中，呢度的拉麵都係比較粗身和彈牙，喜歡食粗麵的人可以一試。清甜的湯底令到鯖魚的香氣更突出，鯖魚邊位燒至微焦，外皮酥脆肉質嫩滑，魚味芳香回甘。特製大門拉麵 $75特製版本的湯底香濃，質感比大門拉麵更濃郁，多左一粒溏心蛋，紫菜亦增量。拉麵份量同樣多，餓住個肚過黎食Lunch相信會好滿足。竹筍酸辣帶點咸味，吃得很開胃。叉燒厚身，燒完特別香口，富油脂香味，不過一碗只得一塊，如果有多塊就正喇！

I was shopping in Aeon Mall and wanted to grab a quick lunch. Saw this and was attracted by its ad at the entrance. The view of the restaurant was superb with a great view.鮮之限定鹽燒鲭魚拉麵  Salt Grilled Mackerel Ramen at $72The salt grilled mackerel was served on top of the ramen. It was grilled so well that the skin was very crispy and it smelt very good of fish oil. It was so considerate of them that there was no bone in that piece of fish. The ramen were of those thicker and al dente ones which wer

Ramen🍜🍜🍜 Japanese Tea Time💫..假日想吃個下午茶，發現呢間真係唔錯。環境開揚、坐位寬敞、食物不錯，人不多 正好來歇一歇。.ll $55大量豚骨、雞肉、魚介，勻由日本直送。湯底都算濃郁，麵條夠粗🍜 又煙韌，係我鐘意既質感。.ll $28沙律好大盤🥗，有驚喜❤️。菜又新鮮，不錯。..仲發現最近撞出左新鯖魚拉麵🐟🍜，配搭真係好新鮮，下次有機會再試試吧。..×××××ש將軍澳唐德街1號將軍澳廣場2樓AEON L209號舖..

收工咁岩經過將軍澳，嚟到Aeon行下，見到一間裝修唔錯而且環境整潔嘅拉麵店，最重要佢有一啲自閉位吧枱，啱晒我呢啲毒L，就一於入去試吓。見佢做緊鹽燒鯖魚拉麵promotion，於是叫咗一碗試吓。拉麵上面有啲京蔥同埋番紅花，令整體個賣相都靚咗。拉麵湯底應該係木魚湯，飲落去好清甜一啲都唔油膩，啱晒而家又濕又熱嘅日子食。另外一個鯖魚笑得個皮好香脆，但肉質又唔會好乾。整體來講啱晒啲鍾意食得清淡少少嘅女仔嚟食。整體性價比都唔錯，絕對唔會再返嚟食！

雖然也是日本餐廳，但是他們對於食物的執著也看重，就是拉面和定食為主，沒有烏冬或者壽司之類，換句話說如果你們接受不到那種比較硬身的拉面（不像一風堂可以轉面底），可能以定食為主會比較好。我就比較喜歡吃辣，所以通常去到不是吃鬼門拉面，超越了正常人可以吃到的辣，有三隻辣椒；另外一種就是赤大門沾面，也是以辣為主，但是沒有鬼門那麼辣，可以接受，更加重要是不是那麼咸，可以喝，更可以叫服務員幫助加上木魚湯，只不過一定要最後才叫，不然就會失了味道。他們平日會有午市套餐，但是不定時改變，因此今次有這樣的食物可能未必一樣，但套餐主要都是比較便宜的小食和贈送一杯飲品。像我一樣，帶著明確的目標就不用在乎有沒有套餐都可以。

呢間黎過好幾次，佢響Aeon入面既其中一間鋪。相比起隔離薩利亞成日迫爆人，呢間多數唔洗排隊就可以直接入座。當我想食簡單晚飯，同坐得舒服，我就會揀呢間食。呢度地方夠大，枱同枱之間有距離，仲有大型玻璃望到出面山景，同朋友食下野傾下計，都係一種享受。雖然佢有好多牌都係推薦食沾麵拉麵，款式亦麵比較多，但我比較鍾意叫佢既鹽燒鯖魚定食。沾麵或者拉麵都試過，但感覺比較普通。反而鯖魚既質素算唔錯，加少少檸檬汁，入面魚既油份同鹽味混合，口感好豐富。比較麻煩就係鯖魚都有d魚刺要挑走，可能唔係個個鍾意食。定食係包飯、豆腐同麵豉湯。豆腐味道較淡。飯係珍珠米，雖然唔係話好靚既米，但都比平時既飯好食。不過有時鯖魚既質素會有d參差。試過有次食鯖魚係霉哂，d肉質係散既，似係放左好耐變壞左既鯖魚。不過同店員講番，佢都有換一碟正常既鯖魚比我。今次食既鯖魚就偏少少鹹，加飯食都okay既。地方大，人流唔算多。店員會見你食完就收走d餐具，但會同你講番可以慢慢坐。我諗佢唔介意冇人等既時候坐得耐既，仲要有水refill，所以呢度算同朋友傾計坐得舒適既地方。👍🏻

之前已經有聽過朋友推介過大門食堂,趁住今日得閒又有少少肚餓就去試下.大門油麵 hkd58招牌既大門油麵係類似熱拌麵既日式拉麵,係粗身日式拉麵上加上厚燒叉燒,半熟玉子,蔥花,紫菜同筍乾.叉燒燒得香口,唔會過肥得黎又帶點豚脂香.半熟玉子一拮開內裏橙黃色既蛋黃漿已經湧出.粗身拉麵下帶有醬油汁,味道帶甜及帶淡淡油香,醬油汁拌上粗麵後令麵條更滑.粗麵質感爽滑彈牙而且掛汁力強.玉子燒 hkd38入口蛋香味足但質感略嫌過乾,雖然入口鬆軟但欠缺濕潤感.日式炸雞定食 hkd55炸雞以$55黎講份量超多.炸雞粒粒都炸得乾身又脆口.咬開內裏仍然鎖住肉汁而且雞肉嫩滑.食完一啖炸雞再食一啖旁邊既椰菜絲清爽解膩

今日再次嚟到大門食拉麵，一到即刻叫咗個叉燒炒飯配餃子先，因為實在太好味! 今次亦都唔例外，個飯炒得香而粒粒分明，叉燒、蛋同埋蔥既分量岩岩好，真係拍得住日本餐廳既質素!另外叫咗黑蒜油叉燒拉麵，黑蒜油好重手但又唔會太咸，蒜味突出同埋成個湯底都好濃，拉麵係我最鍾意既粗身麵所以勁彈牙又掛湯! 成碗唔使10分鐘就食哂!另外仲叫咗個漢堡扒定食。漢堡扒有燒汁同埋薯角連鐵板一齊上，夠熱之餘塊扒又唔會太乾，咬落juicy同埋調味十足!送飯真係好正! 呢間店好多菜式都好高質，下次再試多幾款唔同拉麵先!

難得星期日冇野做，再加試男朋友今日要返工，所以中午就自己去左將軍澳廣場既ARON行街，之後行左入《大門拉麵》食個下午茶。特製大門拉麵：叉燒x1塊 味蛋x2邊 紫菜x3片湯底好好味，雖然偏油偏重味，不過配埋拉麵啱啱好，好味到我要飲晒成碗湯！二拉麵唔係平時食開嗰種黃色拉麵，比較粗身同埋彈牙，我個人幾鍾意食！如果你都鐘意食拉麵嘅可以黎試吓。另外特別推薦 #味蛋(糖心蛋)，真心十級好食。我好鐘意糖心蛋配埋湯咁一啖放晒入口，仲正！另外加配杯 #凍烏龍茶，唔甜幾好。

平時成日都要排隊嘅大門食堂，可能今日去嘅時間比較早所以冇乜人。 一直都想黎試吓究竟佢有啲咩咁吸引，成日都要排長龍！睇完餐牌，佢都有幾多款野食，最重要係價錢相宜！一碗拉麵50幾蚊仲要冇收加一，真係超級抵食！今次叫咗一碗特製大門拉麵，大門油面同埋炸魷魚。特製大門拉麵佢嘅湯底比較濃，另外加咗少少蒜蓉落去，更加好味！拉麵嘅份量超級多，又好彈牙，唔會煮得過諗。炙燒過嘅叉燒好香口，油脂分布啱啱好。糖心蛋味道甜甜地，中和返湯底嘅鹹味，簡直一流！大門油面油面嘅份量多到食唔晒，佢個汁好惹味，佢仲有建議唔同食法。個人來講比較鍾意加大量蒜蓉同埋蛋黃醬，蛋黃醬同佢原本嘅醬汁好夾，油面好掛汁，撈埋溫泉蛋超好食！ 其他配料同拉麵差唔多！炸魷魚魷魚炸得香脆可口，加埋啲檸檬汁可以解膩，比較鍾意佢啲魷魚鬚。分量都係偏多，兩個人未必食得晒。

之前一直好想試下呢間拉麵，但長期麵有人排隊，所以一直冇試。今日仲諗緊午餐食咩既時候，見到冇人排隊，就即刻試一試。黑蒜油霑面（$68）湯底味道濃郁，如果覺得太鹹，我已叫店員幫你加清湯，而我就覺得啱啱好唔需要加。我本身比較喜歡偏硬的拉麵，所以我覺得麵質軟硬適中。大門拉麵（$55）湯底清香，不會太過油膩，拉麵麵係同霑麵一樣選用粗拉麵，偏硬，但我剛好喜歡偏硬的拉麵。玉子燒熱辣辣，蛋香好重仲要好嫩滑，加左小小蔥，配搭一齊食好香好好味。大門餃子咬下去有湯汁，用料十足，如果大隻d就仲好

今日本來想食拉麵，所以就要求男朋友揸車去搵，最後黎左將軍澳廣場行街，行行下發現，超市入面有幾間舖，仲發現有一間係食拉麵，二話不說沖入去啦！！行入去望一望，好大間，但原來已經全埸坐滿，門口拎飛等左15分鐘左右就入得啦。入去睇餐牌先知，嘩。。。原來有咁多唔同既款式，拉麵，沾麵，仲有飯，即刻令我地諗起好想食下其他野，最後選擇左一個飯，一個定食，仲有兩個小食。－忌廉薯餅－外表剛剛炸，油非常之靚，脆脆既外面包住入面又香又濃郁既薯溶，超好食！－日式漢堡扒飯（燒汁）定食－好豐富，先有個好濃但唔咸既麵豉湯，跟住就有個豆腐，我自己覺得放落湯好味Ｄ，漢堡扒好厚，入面流汁，配飯非常之夾。－溫泉玉子牛肉丼－呢個牛肉飯睇落同吉野Ｘ勁似樣，但食落完全唔同，飯似日本珍珠米，牛肉既汁好特別，小小甜甜，但牛味勁濃郁，好味好多。－煎餃子－俾我想像中唔同，我以為好似平時個Ｄ一整個煎既，但原來佢呢隻只煎一邊，另外個邊好似蒸個種口感，又幾特別，幾好味啵。

黎到大門拉麵，就梗係要試吓佢哋嘅沾面啦，我哋兩個都揀咗沾面，一個揀咗黑麻油沾面$68，一個叫咗大門沾面$65同埋一個招牌餃子，$28有五隻！黑麻油沾面十分香濃唔好以為賣油就整個湯底都好油，反而只係令個湯底更加香，但湯底依然係好濃郁！佢既麵條非常彈牙，而且每條麵條都好長，好有口感，麵條軟硬度適中

平時星期一至五返完工，星期六瞓到黃朝百晏起身已經好肚餓，就會去屋企附近嘅商場是但搵啲嘢嚟食。之前嘅選擇都不外乎大x活呀，呢啲大型連鎖快餐店。前幾日去咗呢間喺AEON入面嘅大門，諗住試吓新野。店員話，佢哋嘅大門油麵係主打。其實就係一個撈麵，麵條激彈牙有口感，叉燒厚度剛剛好，配上酸辣鹹嘅竹筍同紫菜，配料方面一啲都唔hea！麵條底下就係醬油，就咁食嘅話表演都真係平平無奇。但我望一望張枱上面黐住嘅食用指引，就頓時比人點醒左！原來啱啱同碗麵一齊上嘅蛋黃醬同埋蒜蓉先係重點！😎 我跟住只因上面嘅食法落蛋黃醬同蒜蓉，碗麵即刻增添左不少生色，食落口成個未到嘅層次都豐富晒，原來醬油撈蛋黃醬同蒜蓉嘅味道係咁惹味！我男朋友就叫咗個滑蛋豬扒飯。有試過喺出面食過啲食完上面嗰浸就冇味嘅滑蛋豬扒飯，但係大門嘅醬汁份量十足，食晒成碗都唔會覺得無味。另一樣值得讚賞嘅係佢哋嘅豬扒質地一啲都唔鞋，一樣咁滑。我哋仲叫咗個雞肉腸試吓，佢好特別嘅地方係，每條腸嘅中間真係有雞骨㗎😂😂😂 佢嘅味道同埋質感有啲似台灣腸，甜甜地，啱晒小朋友同埋我依啲好甜之人！點解話佢將會係我新嘅週末飯堂首選，係因為佢嘅環境好闊落，而且仲有一個細細地嘅海景

其實大門拉麵都是過江龍，因為便宜的關係，平時我都會食，而且剛開在將軍澳時，將軍澳的食店都不多，所以那時候想食拉麵，大門的開設，真的為街坊們增加不少食物選擇大門叉燒沾麵在沾麵不出名時，大門已經是主打之一，而每次我基本上都是食叉燒沾麵，拉麵是比較粗，因為可以沾天多的湯準同時比較彈牙，叉燒大大塊厚叉燒而且是炙燒過黑蒜油拉麵好像大門以前是沒有黑蒜，拉麵款式是一樣，而湯底味道也是一樣，重點是多了香濃的黑蒜油，增添風味玉子燒大門的小菜款式都算齊，日本菜的名物玉子燒也有，內用蛋是上湯咸咸地風味，味道也不錯