大門食堂 (將軍澳廣場)

營業中

休息中

有幾間分店算係連鎖式的日式小食堂，除咗拉麵之外亦有便當丼飯，平日有午市套餐$45-75。原本係立場有爭議之商家，但6月中updated被「米豬連」推薦為黃色商家。👓大門沾麵 $62粗麵質感爽滑彈牙，夠粗，唔會好黏成個麵餅痴埋哂一舊。掛湯能力幾好。湯底吾係果種好稠好creamy，比較重魚介味好濃味，但同時偏鹹，食完好頸渴🤣不過以香港黎講依個價錢食沾麵算經濟。評分：6.5/10👓赤大門沾麵 $62個人認為比原味好食，多左陣辣味無甘單調剩係得魚介味，雖然有微辣程度不過辣味惹味好多。評分：7.5/10👓大門拉麵 $52有兩塊厚切炙燒叉燒，紫菜荀蔥。不過質感味道正常吾算特別香口入味淋身。湯底比沾麵用的湯底稀少少，但味道大同小異。拉麵嘅麵同沾麵係一樣，所以如果你係想食傳統幼身果隻拉麵就要留意啦！評分：7/10

喺將軍澳返工，其實間唔中都會食呢一間大門拉麵， 淨係睇個櫥窗已經覺得好吸引呢度有lunch set都幾抵食， 據我所知呢度最出名就係食油麵同埋沾麵，不過我每次都一定係揀沾麵既，百試不厭本身碗麵就有一隻溫泉蛋兩塊叉燒同埋唔知點解有啲童星點心麵(記得上次黎係無架，個陣係有d類似日本既荀) 但話明係沾麵，當然就冇咁簡單啦，我會再加埋餐廳提供既沙律醬，同埋大量嘅蒜蓉仲有辣油，加埋一齊再撈混佢，好正無得頂真係幾重口味架而我嘅同事就簡單啲，食咗呢個燒汁漢堡扒丼，佢分左少少比我試，個燒汁好惹味，而個漢堡扒食整得都唔錯，唔會一夾就散晒咁

今日午餐見呢間餐廳好受歡迎，就決定同朋友試一試。.赤大門沾麵（$65）黎到當然要食我最鍾意嘅沾麵，湯底好夠濃郁💕，用黎做沾麵就啱曬，而且再加上少少辣味，更加惹味🥳。而麵質同樣唔錯，好有咬口，而且每一條彎彎曲曲非常適合做沾麵，可以更吸d湯汁，更加入味😍。.鐵板燒汁雞扒定食（$70）由於個雞扒係即叫即燒，所以要等一陣先有得食，不過絕對值得等🤩。雞扒塊皮燒得好脆，再配埋d燒汁拌飯食好惹味😍。側邊仲有薯條同埋凍豆腐。

跟友人行完AOEN購物後，係時候搵野食lu，肚餓的我們經過見到大門拉麵，望入餐廳內部都覺得帶有日本特色，而且都乾淨企理, 都幾吸引, 故入去開餐了.朋友點了鹽燒拉麵，加配溫泉蛋同叉燒，拉麵的湯底味道是清清的，幾開胃，麵條比較粗身而有質感，份量亦算大。而我就點了咖哩拌拉麵，濃郁的咖喱粉拌的拉麵第一次食，為拉麵的口感及味道添上更豐富的層次，個人認為都幾辣下。故要待應姊姊幫忙拿配清湯倒入麵撈黎食🤣，而叉燒都厚切、肥瘦均勻，唔肥膩😋

星期日做完重力訓練運動好攰的情況下，好需要補充一番，就返返將軍澳和家人吃lunch，常來這間位於將軍澳廣場吉之島內的大門食堂，吃最喜歡的鯖魚定食🐟。今日吃的鹽燒鯖魚定食，價錢＄60，已包湯，凍豆腐，白飯和主打的鹽燒鯖魚，鯖魚燒得金香，鯖魚嫩滑，白飯是珍珠米，特別軟熟具口感，而且碍凍豆腐也超正，好滑溜的，溫馨提示：會有d骨的，注意喔！家人點的是大門叉燒沾麵，價錢＄78，家人讚好味呢，枱上會有沾麵的食法攻略供參考，仲有點了一杯熱檸檬利賓納，也很不錯呢！

今日係將軍澳行街順便食埋晚飯，去到Aeon見有幾間餐廳，揀咗呢間拉麵食。裝修簡單以木製為主，亦有日本風壁畫同啲掛燈，幾有日本風味。見個個價錢都差唔多，揀咗個特制大門拉麵$75有叉燒、流心蛋、紫菜、筍等，份量都好多下，叉燒幾大塊，同湯底都幾夾，流心蛋夠曬流心，拉麵好彈牙同滑，唔錯呀！如果出銅鑼灣尖沙咀果啲都要8十幾蚊起，呢度價錢算ok，質素唔差。見佢有沾麵同油麵食，仲好有心思咁整埋建議食法，會再嚟試！

冇得去日本，唯有搵間拉麵食下扮去咗哈哈搵到嚟係Aeon最盡頭呢間大門拉麵，唔講都唔知果度有好幾間餐廳。裝修好日本風，有吧枱卡位等幾大下。7點幾嘅時間睇到黃昏景超級靚見有新嘢鹽燒鯖魚拉麵，不過我第一次食想試啲正路嘢，叫咗個大門叉燒拉麵$78叉燒成4、5塊大大塊，食落好淋亦好入味。麵係我至愛嘅粗麵，食落夠彈牙有口感。湯都幾濃郁好夠味，沾紫菜食唔錯下次想食拉麵唔洗去咁遠啦，近近地都有又平又好食嘅拉麵，正！

好耐冇再嚟食過啦 咁岩經過見到有新嘅拉麵 感覺上好似好清新 就同朋友一齊入去食鹽燒鯖魚拉麵個湯底好重木魚味 清甜得來唔油膩 鯖魚唔會好鞋 魚既鮮味出 皮就輕輕煎過咁幾脆 咬落外脆軟咁 幾好食 麵底彈牙滑口 都好湯汁 配合起上幾清新 大門餃子餃子皮薄 餡都好足料 食落外脆內軟 d肉汁都好多 建議落少少醋食 中和返餃子既油膩大門特製拉麵比起第一次黎食個陣個湯底好似冇咁濃味 今次個湯底就比較淡味啲 材料依舊都係咁多 叉燒肥瘦啱啱好 整體上嘅感覺都OK

拉麵吃得多，沾麵近年才在香港出現。本身十分喜歡吃沾麵，所以特地上網查過了解及認識多一點。沾麵與拉麵不同，沾麵是兩碗麵條及湯頭分開，把麵條沾一沾湯中；拉麵的麵條則浸在濃湯中。這間如其名，就像間日式食堂。餐牌也是圍繞著拉麵，沾麵及油麵，另還有炒飯及小吃。赤大門沾麵人氣之選的沾麵，麵條較粗，條條紋理清晰，有嚼勁又有彈性，感覺更飽肚。配料有又燒，紫菜，蔥花及筍，另加錢可添加額外配菜。先呷一口湯，濃湯味道，日本的辣相對較小兒科，吃著也不覺辣。有時將麵條全部浸一浸泡在湯裡，隔幾秒才拿上來，味道頓時鹹很多。如果只是把麵條沾一沾在湯中，瞬間就撈起，就能嚐到麵的小麥香及湯底的味道。麵條差不多吃完，湯也涼掉了。最後倒入熱清湯，沖淡湯頭的濃味，因本身湯底濃郁，直接喝下會太重味。只要跟店員說要加湯，他們就會拿著熱水瓶幫客人加湯，享受另一番滋味。叉燒炒飯跟中式炒飯味道不同，這款日式和風味，跟切粒的半肥瘦叉燒、蔥花及蛋絲一起炒，叉燒的油脂滲進飯粒裡，更惹味。

今晚自己食飯又突然想食日本野，於是就過左嚟大門，80蚊可以食到好飽了!首先有個炒飯＆餃子套餐，呢到炒飯個人覺得好高水準而且好夠飽，叉燒粒同飯粒都分明又唔會太咸同太油膩。加上餃子煎得好香脆而又保留到肉汁，成個set既份量都多而且只係48蚊就得，出邊食個飯都隨時唔止呢個價！另外再加個炸雞，日式炸雞既特式在於炸醬唔會好厚，雞肉又夠鮮嫩。呢到完全做到呢樣野，肉汁保留到唔會好油，加上佢既沙律醬更加帶出鮮味!

今日想食簡單小小，所以決定喺將軍澳廣場睇吓有冇嘢可以食。好難得見到呢一間唔使排隊，於是決定入去試一試。一入到去感覺成間舖頭都好光猛，店員仲安排咗窗邊嘅位置俾我哋，等我哋一路食拉麵一路望住將軍澳嘅景色，感覺都幾舒服😌呢度嘅拉麵款式除咗一般嘅日式拉麵之外，仲有唔同嘅創新拉麵🍜鍾意試新野嘅人都可以試一試😏😏1. 鹽燒鯖魚拉麵平時只會見到鹽燒鯖魚飯，估唔到竟然可以自創左拉麵款式💞拉麵湯底第一啖口感好清新，食落第二啖好重胡椒味，份量都好足夠，不過麵質偏硬。2. 大門叉燒沾麵見面一上枱就聞到好香魚介豬骨嘅味道😍沾麵汁鹹度適中，叉燒肉質唔錯🤪🤪，店入面仲貼左好詳細的教學😘3. 煎餃子餃子皮唔厚，食落軟身😍，都有好多肉係入面😗不過冇餃子汁，要自己點豉油🙊

忽然心血來潮想食拉麵，網上得知原來將軍澳都有良心拉麵店，所以一放工就趕返去食由於入座時間係6點40分左右，所以都未係好多人～店員幫忙量完體溫後就可以入去，一入到去發現餐廳有落地大窗，感覺好開揚落地大窗戶感覺開揚室內座位寬敞見到有個限定嘅鹽燒鯖魚拉麵，覺得好特別，所以叫左黎試下限定產品 - 鹽燒鯖魚拉麵個湯底都清，飲落有少少胡椒味個鯖魚好燒到好香，而且仲唔會乾爭爭，好好味啲麵都好彈牙，而且份量都好夠～鹽燒鯖魚拉麵我地仲叫左個赤大門沾麵，食第一啖已經覺得個湯好濃魚介味而且仲辣辣地，都幾惹味個湯入面仲有幾舊好淋嘅叉燒，感覺冇咁齋不過食完之後會比較口渴。赤大門沾麵赤大門沾麵入面有叉燒小食方面我地叫左個日式煎餃子，都幾飽滿不過個人覺得可以煎得再脆d～煎餃子（5隻）至於個忌廉薯餅就炸到外皮好脆，入面係好香滑嘅忌廉忌廉薯餅我地仲叫左杯蜜桃茶，又估唔到幾好飲！淡淡蜜桃味好香，同埋唔會太甜，食完個麵之後飲覺得好解膩～蜜桃茶食咁多都只係HKD$195，真心好抵食！男朋友都話要再黎過

將軍澳廣場難得有間平平哋食拉麵店，我食過呢間好多次，次次都覺得大門油麵最好食😋.大門油麵 $58姐係粗麵既撈麵，但底有少少湯汁，店員會比沙律醬同蒜蓉，個人鍾意沙律醬蒜蓉辣油醋乜都落哂🤣就會係最香濃既味~最後可以叫店員加少少木魚湯，開頭都以為又沙律醬又蒜蓉既湯會好怪，但原來係清清地咁作為一餐飯既完結都幾好.忌廉薯餅 $18熱辣辣炸起，外皮又脆又唔太厚，入面軟滑好香忌廉味，軟滑到漏出黎，係好香口既小食！

📍大門拉麵（將軍澳）店內環境對着窗戶，陽光充沛坐在店內舒適輕鬆！價錢普遍六七元一碗拉麵及定食，服務態度表現良好！叫咗兩個拉麵（特製大門拉麵痛及鹽燒鯖魚拉麵）一碗麵量都幾大，我同朋友都食唔晒一碗，建議可以叫一碗拉麵再加小食！特製大門拉麵 $75-麵質五錯粗質有口感👍夠彈牙-湯底有味好濃郁同麵好配搭-蛋係糖心蛋，控制得啱啱好，蛋黃非常出色-但肉就有點薄薄的鹽燒鯖魚拉麵-鯖魚係新鮮好食-麵質五錯粗質有口感👍夠彈牙-湯底好清，如果濃郁啲會較好

將軍澳區嘅拉麵店選擇唔多，每次拉麵癮起，我都會去依間大門拉麵食堂朋友叫咗個招牌：大門沾麵沾麵湯汁係分開上嘅，入面仲有兩大塊日式叉燒，筍絲，蔥花沾麵嘅湯汁一如既往地濃厚，帶有豚骨同魚介嘅香氣，掛麵食好有嚼勁！而我自己就試下佢新menu：鹽燒鯖魚拉麵湯麵嘅拉麵熱辣辣，除咗面頭大大塊嘅鯖魚之外，下面鋪咗好多蔥絲，辣椒絲同菜葉鯖魚個皮燒到好香脆，魚油多到滴哂出嚟，而入面嘅魚肉雪白厚身飲一啖湯底，本身預期會係較清淡嘅鹽味，但出奇地原來係胡椒胡椒味好重，食落有刺激性，甚至有啲辣添