大街餐廳由Coca-Cola®呈獻

營業中

休息中

今天是magical day....一行四人去了corner cafe醫肚！因為過左午飯時間，所以大家都唔會食好多，其實只是小吃。況且有人萬歲，都唔好意思食大佢啦！四人點了一個high tea set experience下先！雖然它的份量只係供兩人用，但過下口癮，都ok ar!最驚喜嘅係有小熊貼紙送...很開心呢⋯⋯成個set都有我愛嘅duffy同shelliemay,飲品、食物裝飾...睇見都開心。先吃鹹點。串燒、酥餅、肉撻，三文治...雖然size不大，但絕對是下午茶之選，且味道不錯添。酥餅還是熱熱的，且不馬虎。而我最愛嘅米奇鬆餅，good!跟住再吃甜點，macaroon，little cake...最後再吃水果黎個清新感覺refresh下。食呢個high tea set，唔會講究佢嘅食物質素，但會求佢嘅食物係唔係有迪士尼元素。相信大家黎迪士尼樂園嘅餐廳找尋有迪士尼朋友仔食物不是奇怪舉動吧！

今日係一年一度情人節嘅大日子，所以我們去咗香港迪士尼樂園玩！玩到夜晚覺得又累又餓嗰陣，我們去咗「大街餐廳」食晚飯！一入到去我們睇緊想食咩餐嗰陣其中一位女店員就話，你們要落單就快喇，因我們要截單喇，我們喺好急嘅情況之下落咗單，以為落完單之後可以享受一下，點知嗰個女店員即刻攞張單埋嚟叫我們埋單，嗰刻我們嚇呆晒咁話：「唔係啩？請問你們收幾點？」佢完全無回答我們，而且仲對我們黑面！其實我們都好體諒同明白，做員工嘅必定想早收工，但都唔係用咁嘅態度，而且我們由坐低落單到食完整餐飯，總共用咗30分鐘，唉⋯⋯真係我們有紀錄以嚟最快食完嘅一餐扒餐！不過態度差祇係呢位女店員，其他個個都好親切有禮！香烤肉眼扒配香草燒汁煎嘅時間火候控制得啱啱好，肉質好鬆軟嫩滑，唔會過咗火！兩個可口可樂特選套餐，頭盤：煙鴨胸配芬達特製黑醋忌廉汁伴番茄及香橙沙律嘅鴨胸絲肉質好鮮嫩，而且有好香濃嘅煙燻味，配埋香橙沙律一齊食，感覺好清新！主菜：香烤牛仔柳及慢煮牛小排配可口可樂小點子伴香芹頭薯蓉及紅酒汁嘅牛仔柳同牛小排表面睇落好似煎得都幾靚，但一食落就覺得肉質唔係好新鮮，而且仲有啲霉！香煎鱸魚配雪碧特製香茅汁伴意式芝士雲吞及迷你田園蔬

星期日天清氣朗，帶三隻馬騮去迪士尼樂園玩，到2點大家都肚餓，之前去樂園都係食中菜，今日家姐想試美國大街呢間，去到門口好靚，加咗好多桃花裝飾，門口公關比定餐牌我味睇，5分鐘就可以入座，仲可以坐到玻璃溫室位，綠色鐵框加玻璃，可樂燈罩，好美式感覺，食物都以西式為主，小朋友叫兩個兒童餐分享，我哋再叫大人主菜！食物好快到！店員有比意見，坐低小朋友會用卡通人物紙杯比水！大街精選拼盤（$179）炸雞翼：雞翼嫩滑，醃得入味！好味炸薯絲蝦：蝦肉爽口彈牙，薯絲脆口，略油！炸洋蔥圈拌泰式辣汁及酸忌廉：炸得香脆，洋蔥唔老，兩款醬都夾味，自己偏好沙律醬香烤肉眼扒跟薯條（$295）肉眼唔厚，肉質淋身，半肥瘦唔嚡，牛肉味夠，燒汁另上，味道鹹香，配牛肉好味，幼薯條脆，配菜蔬菜款式多，所有蔬菜都炒過，夠味好味！蛋包飯兒童餐（$108）賣相靚，有分格嘅卡通餐盤，乾淨企理！蛋包飯配南瓜蓉，顏色好靚，蛋皮唔老，入面茄汁飯鬆軟，不錯雞柳拌薯條兒童餐（$108）茄汁雞柳唔老，配茄汁正常，薯條墊式淋咗，如果分格放會好啲跟餐低脂芝士餅：小朋友食跟餐米奇西瓜：米奇造型可愛，新鮮爽甜跟餐芒果布甸：米奇造型可愛，芒果味幾假，一般！跟餐蔬菜

這天與相識十多年嘅友人來迪士尼，玩著玩著很想舒服的坐下來休息一下，飲杯野解下渴。相信這兒是理想的地方！不論何時經過這間餐廳門口，也是有人籠。與嬰兒車聚在一起很是混亂。不過入座後是另一番景象⋯⋯雖然今次不是被編排坐玻璃屋，但內裡環境不能忽視，很舒服的感覺。我們三人點了沙律，一客三文治同意粉。首先，沙律到來，嘩....食落很開胃，原來加有芒果沙沙汁，很吸引！蝦也不是細版，雖然我怕辣，但這個少少辣嘅沙律洽到好處，簡直值得回味！再來三文治，這個用著牛角包嘅三文治已經吸引到友人落單，內裡夾著芝士火腿卻不平凡。皆因很有口感，因為加上蕃茄同生菜衝擊下油膩同飽肚感平衡返那種不安，哈哈，再有少少沙律菜伴碟。唯獨是薯條....如果是粗薯條這道菜就爆分了！接著送來長通粉，其實肉丸不是配茄汁本人有少許卻步。眼見肉丸是乾著吃就更不能吸睛，可是這正是廚師的賣點！因為重點落在香草長通粉身上。佢個香草汁唔似普通pesto咁，很豐富。長通粉完全被香草汁掛上，而且又很入味！平時只愛白汁嘅我也被牽引著完全的愛上香草汁另外等了良久的飲品，也很吸引。當然有我愛嘅duffy小熊，雖然入冬了，但氣溫有20多度嘅情況下，真的要杯sm

大街餐廳的價錢一點也不便宜，說實一點，是園區內最貴的一間，但食物是快餐店的水準。點了的番茄湯，是茄膏加水加點欖油，味道不值一提。磨菇寬麵，淡而無味，麵條烹煮過火，磨菇汁如鑵頭磨菇湯，磨菇片亦堅韌非常！ 😡儘管，樂園內的餐飲是九流，大概也是常識，但真心希望管理公司能嘗試改善！

一早去迪士玩，玩到五點幾，好肚餓所以決定食個early dinner。好彩早食因為六點己經見到好多人排隊。美國小鎮風味沙律 - 有好多配料，有龍蝦肉、煙三文魚、雞肉、ham、牛油果、芝士等... 佢啲菜都新鮮，同啲醬汁撈埋食好有清新嘅感覺。香烤肉眼扒配薯蓉 - 我叫左5成熟，肉唔會太勒但肉味唔重，一定要點汁食。我點左蘑菇汁，汁好香濃。薯蓉都好味，整得好滑。繽紛嘉年華 - 本身佢三個雪糕唔同味，但我和朋友都係朱古力迷所以全部轉晒做朱古力味。呢碟要$98, 本來覺得幾貴但食得出佢係H字頭Belgium chocolate 所以感覺冇咁貴。Macaron 係芒果味，唔係好甜唔錯。朱古力果仁餡餅 - 佢係mousse 蛋糕，朱古力味唔算好濃但都滑。整體而言，環境唔錯，好似坐係玻璃屋內進餐。價錢偏貴，但在樂園裏以這環境和食物質素，我覺得都可以。

平時入迪士尼多數會吃的是火箭餐廳，漢堡包的價錢相對便宜也飽肚不過這餐是午+晚的關係~還是打算找一家吃西餐的比較好但沒想到在人流那麼多的日子，竟然有餐廳是不開門的~讓選擇變得更少最後繞了一圈～回到美國大街那邊，在門前的餐牌中看到有萬聖節相關的套餐 ψ(｀∇´)ψ最後2份點的都是 萬聖節特選套餐 ($268/位)這個沒有餐飲，不過可以加錢點 南瓜奶昔 (+$38) 平時飲南瓜湯就多，奶昔這種的還是第一次啊～沒想到味道也頗討好的啊香濃的南瓜味，但又不會過甜!! 還有可愛的Duffy南瓜 (笑)(  'A`) 是說這裡的出餐有點混亂，頭盤明明應該先上~但竟然是放在主菜之後。煙鴨胸配芬達特製黑醋忌廉汁伴番茄及香橙沙律微酸的香橙汁再加上黑醋~還有橙肉！絕對是開胃的沙律來喔而且煙鴨胸也切成了條狀，吃起來滿方便主菜可選擇的剛好有兩款，所以點了後Share就好香煎爐魚配雪碧特製香茅泡沬汁伴意式芝士雲吞及迷你田園蔬菜是泡沬的關係? 其實沒怎吃到有香茅味。不過爐魚煎得夠香，魚肉也很嫩滑(`・ω・´)  芝士雲吞的口感偏輕，可能選擇了較為柔軟的芝士?!另外配合萬聖節主題，還有用紅蘿蔔造出來的蝙蝠相對之下~牛的

My family has a chance to join the night event in Disney . Of course, where to dine is often an issue in Disney. The fried chicken in Tomorrow Land is quite nice but if I go with my entire family, they usually prefer going to this restaurant on the Main Street. We arrived at around 7pm and had to line up for 20 minutes before getting in.They had a Halloween menu for this season and so we ordered that set plus some a la carte simple food. Each of the courses in the Halloween set has some element

入迪士尼要做足準備! 特別咁熱既天氣, 真係要飲多D水先得. 同埋一見有室內地方實會走入去唔係一定曬死, 而咁岩就走左去宴會廳仲見到公主同皇子係到跳舞! 之後仲買左小小野食.烤薄牛扒 - 其實睇賣相已經知食得過, 而且牛扒 食落去好多肉汁唔會乾, 而個湯雖然都係用罐頭整但都好足料!食完之後繼續去玩LU!!哈

一步進餐廳 環境十分舒適 又好寬敞 唔使同人逼牛角包新鮮 但係芝士太多 夾埋d牛肉比較咸 不過不失 薯條香脆同埋入面都幾有薯薯味豬扒好鬆化 個紅豆糕唔硬 樣樣都幾好呀呢個意粉好好味 意粉唔會過硬 好新鮮 個汁無偏咸 連埋蕃茄蓉好開胃不過略嫌海鮮無乜鮮味 太淡口 可以調下味更佳整體覺得價錢都幾貴 不過如果計食環境又真係ok wor

前日(18-6-2016 Sat)同老公o黎參加公司活動後,繼續自由活動,唔同人迫睇煙花喇,老公話o係樂園食埋晚飯至走.啊,不過選擇已經唔多喇,就只有晏晝食過o既廣場餐廳同呢間開,咁就入呢間啦.我o地揀o左:1. $139.00o既紐約風乾牛肉三文治配薯條睇睇份量唔少,風乾牛肉都好多,一片芝士吊味,成個三文治都唔係好鹹,牛肉唔乾,味道都唔算好突出.薯條都炸得好靚同脆.重有一細碗椰菜沙律,呢個味道唔鮮甜,一般.2. $198.00o既新加坡海鮮喇沙湯麵其實食o左紐約風乾牛肉三文治配薯條都已經夠夠地,估唔到呢個原來重有沙爹串燒,menu話係雞肉,但我同老公o係唔知o既清況下食,覺得唔似雞肉似牛肉,不過佢已經凍晒同硬,而原本個味道豐富o既沙爹醬應該好好味,但都因為凍晒而影響,變得麻麻.至於主角新加坡海鮮喇沙湯麵呢,料都幾足,豆卜索晒喇沙汁,勁夠味;魚蛋彈牙同有鮮味,呢個有驚喜.而青口同帶子都唔會煮得過老,唔錯.個麵都彈彈地牙.但最好味o既係湯底,湯係辣,但出奇地令吸引我繼續食而唔係停止唔食.最後o個個紅豆糕,雖然唔大件,但都已然中和o左喇沙湯o既辣,甚至係終止o左佢,急煞停o左我唔再飲一啖或

落住黃雨入左迪士尼，無帶遮避雨避到黎Main Street Corner餐廳，餐廳裝飾一邊優雅古式，另一邊透明玻璃綠悠悠d，揀左坐優雅d個邊，單點了一個小食併盤，及一杯雲尼拿味及一杯朱古力味奶昔，先說說兩杯奶昔味道濃濃的，奶味及朱古力味都很香濃，而且不太甜膩，飲完感覺很滿足。而小食併盤有雞翼、洋蔥圈、薯條及蝦角，雖然比較熱氣，偶爾吃吃都可接受，雞翼洋蔥圈香脆可口，略嫌蝦角外層比較厚粉，而且不是太熱，比較遜色，味道亦很一般，價錢大約三百元左右。

入得樂園玩，都預左食物價錢相對地貴。而呢間餐廳既性格比算係唔錯，算坐的舒服，可以悠悠閒閒地進餐。夜晚有set dinner ,大約200左右，雖然係普通菜色，但都算精緻。a la carte 既海鮮意粉。賣相很不錯，食落都好足料，海鮮都無雪味另外叫既窩夫甜品，貪佢有個mickey 頭個窩夫都幾乾爭爭，雖然脆口，但一定要配d雪糕先食得落另外d職員都好貼心，見你有個生日牌，主動送上杯生日新地睇落好食，但入面d栗米片係淋曬...

今日我們去咗迪士尼樂園玩，喺夜晚我們選擇咗去「大街餐廳」食晚飯！我們叫咗紐約風乾牛肉三文治配薯條、烤焗豬肋骨同可口可樂特選套餐：煙鴨胸配芬達特製黑醋忌廉汁伴番茄及香橙沙律、香烤牛仔柳及慢煮牛小排配可口可樂小點子伴香芹頭薯蓉及紅酒汁同朱古力慕絲伴可口可樂焦糖燉蛋及雜錦草莓伴芒果醬！紐約風乾牛肉三文治配薯條嘅風乾牛肉嘅黑椒味好香濃，麥包三文治烘得好香脆，份量相當十足！烤焗豬肋骨嘅肉質好香滑鬆軟，醬汁嘅味道亦好惹味！可口可樂特選套餐：煙鴨胸配芬達特製黑醋忌廉汁伴番茄及香橙沙律嘅黑醋汁令到煙鴨胸唔會好油膩，香橙沙律嘅味道好香甜清新！香烤牛仔柳及慢煮牛小排配可口可樂小點子伴香芹頭薯蓉及紅酒汁嘅牛仔柳表面烤得好香，入面嘅肉質非常鬆軟嫩滑，而慢煮牛小排嘅肉質極之軟滑腍身，肉味亦相當濃郁！朱古力慕絲伴可口可樂焦糖燉蛋及雜錦草莓伴芒果醬嘅朱古力慕絲極之香甜軟滑，味道超級香甜濃郁！

天下無不散之筵席，超愛迪士尼樂園的甜魔家，已正式與年票 byebye 了...上週一 (3月7日) 是最後進場日，我們當然抓緊機會，推了其他活動，入園大玩特玩，找到了花蛋、吃了迪士尼大街十週年下午茶，並看了光影匯才離開！　遊園的其他點滴要到甜魔媽媽網誌內找了，這裡集中寫吃。迪士尼的餐廳的確不太抵食，平時我們都是吃飽來，玩餓了回到元朗才醫肚，不多在園內用餐啊。這間大街餐廳，媽媽自己也是第4次幫襯，囝囝更是首次到訪，特別興奮呢～不過我們所有人都是首次就坐這邊廂的維多利亞式玻璃屋，天氣又不曬，感覺很美很舒服啊。　目標很明確，就是 大街10週年下午茶 Main Street 10th Anniversary Afternoon Tea Set ($318 for 2)，11款食品加上兩杯自選特飲，定價合理；另外奇妙處處通會員惠顧滿 $438 又可獲免費特飲，於是又加點一份三文治，剛好可以多杯飲品。　飲品先上，暖心朱古力小熊 Duffy's Cookie and Chocolate Chill Buster 以及 熊粉菲菲 ShellieMay's Pink Banana Shake 都是下午茶