大街餐廳由Coca-Cola®呈獻

營業中

休息中

一早去迪士玩，玩到五點幾，好肚餓所以決定食個early dinner。好彩早食因為六點己經見到好多人排隊。美國小鎮風味沙律 - 有好多配料，有龍蝦肉、煙三文魚、雞肉、ham、牛油果、芝士等... 佢啲菜都新鮮，同啲醬汁撈埋食好有清新嘅感覺。香烤肉眼扒配薯蓉 - 我叫左5成熟，肉唔會太勒但肉味唔重，一定要點汁食。我點左蘑菇汁，汁好香濃。薯蓉都好味，整得好滑。繽紛嘉年華 - 本身佢三個雪糕唔同味，但我和朋友都係朱古力迷所以全部轉晒做朱古力味。呢碟要$98, 本來覺得幾貴但食得出佢係H字頭Belgium chocolate 所以感覺冇咁貴。Macaron 係芒果味，唔係好甜唔錯。朱古力果仁餡餅 - 佢係mousse 蛋糕，朱古力味唔算好濃但都滑。整體而言，環境唔錯，好似坐係玻璃屋內進餐。價錢偏貴，但在樂園裏以這環境和食物質素，我覺得都可以。