大自然素食

營業中

休息中

偉大既母親節日子，食咩當然係母親話事，每次佢都話想食素食，而其實我同爸爸都係食肉獸，對於食素我哋係萬分拒絕。我哋一共叫咗六個餸菜：原盅竹笙素翅燉椰、法式牛油果焗多士、原隻木瓜蟹籽沙律、沙嗲螺肉、雜菜燒汁鰻魚粒、香椿瑤柱魚翅蛋白炒飯原盅竹笙素翅燉椰子如果想食呢個燉椰子就要一坐低叫定，限量供應唔係次次都仲有。椰青水連同竹笙素翅一齊燉，佢既效果真係同放咗肉既湯無咩差別。法式牛油果焗多士必點必點，多士係新鮮即焗，熱辣辣好好味。牛油果加埋芝士真係好正，完全同聯想唔到佢原來係素食！ 原隻木瓜蟹籽沙律小木瓜配上蟹籽沙律，清甜的口感，很適合作為前菜開開胃。沙嗲螺肉螺肉質感怪怪的，雖然是爽口的，但感覺似在咬橡皮。雜菜燒汁鰻魚粒炸粉很厚，有點失望，之前明明都點過一個素鰻魚不是用這種煮法的，上次那款煮法好味好多。香椿瑤柱魚翅蛋白炒飯這裡的炒飯炒面都幾出色，次次食唔同款既都無失望既。總括黎講，素食都可以玩咁多花款，唔係下下清清淡淡咁，素食又可以食得健康啲，可以再試。

每年一度就快到，正日大家都唔得閒，於是改了今晚一家人同我外母大人慶祝，我外母係一個素食主義者，平日甚少，甚至未見過食肉呢，今晚決定去現祟山嘅大自然素食，由於家住黃大仙區，所以十分就腳。以前來過，由於大自然有一定粉絲捧場，所以奉勸大家早兩日訂位就穩陣喇~地方光鮮，服務員親切主動，由於有部份菜式限量供應，所以先叫三個菜式先，第一個係原盅竹笙素翅燉椰皇，今次終於可以一試，竹笙與素翅份量可以，湯水好有火喉，十分清甜，好像飲緊原隻椰皇水呢~值得一試，第二款係法式牛油果焗多士，牛油果同十分香濃，新鮮熱辣辣出爐好好味，第三款係原隻木瓜蟹籽沙律，食完咁香濃嘅多士，再食個清新嘅木瓜中和番，木瓜新鮮，配埋沙律好夾味，值得一讚！之後係黑松露芝士焗意大利雲吞，個汁濃味，雲吞內𥚃有汁，好味但雲吞數量少。之後就來沙嗲螺肉，沙嗲就比較淡，螺肉都幾似真果種爽口，但真係冇乜味，之後雜菜燒汁鰻魚粒，炸粉比較多，但有魚味，味道可以的，最後炒飯普通丫。整體味道唔錯，大自然素食值得推介，留意部份菜式限量供應，在平日大魚大肉嘅大家，久不久食下素菜都係唔錯嘅選擇啊！

一打開meun見到呢個素手卷已經想試，之前係第二間fusion齋餐廳食過，始終覺得呢度好食，我叫左個102，魚生佢地用左豆類（其實口感好似，我都唔太知確實叫咩）混d蒟蒻，清甜有口感，堅好食，配合埋苜蓿芽菜唔會比真正魚生手卷差！推介主菜我叫左沙拉骨，重點講三次，好食好食好食，沙拉醬正常，但主角炸猴頭菇🍄，一d都唔老，面頭薄粉令炸起來鬆脆，奇怪既係食咁多，有醬又炸，一d肥膩感都沒，真排骨三舊都厭多，猴頭菇🍄內裡既肉仲保存到少少肉汁。真係考廚師功夫！我地仲叫左寸燒沙爹雞，沙爹汁好有東南亞風味，一d都唔求奇，d肉望相都知，佢特別炸到起脆邊，內裡係豆類製品，同齋魚生一樣好清新，唔同既係肉質實d，但唔老，我連青瓜都食埋！惹味！

一定唔會再食依間，堅好失望呀16個人去食入到去比一壺水態度超級差再收加一埋單3千幾 外賣盒好貴賺到笑呼籲食齋的你唔好食依間貴之餘仲要係唔好食真係唔覺係健康嘅食齋呀

今日係2018年🐶🐶元旦，撞岩又係齋期《十五》，天時地利人和都齊全，咁就一定要食素啦！雖然我都係齋口唔齋心既人🤪下就1點零點起身，meme摸摸梳洗，兩點半出門行去現崇山都只需要15-20分鐘，去到攞飛等食下午茶，一個人就預左要搭枱，坐張8人圓枱，枱號63，分左5戶人，同埋分埋ABCDE枱號⋯⋯我點左一份柚子田園沙律，一碟豉油皇雜菌炒麵，兩份都份量十足，一個人食真係飽到甩碌，同埋真係好好食😋不過最可惜係無粥食！我本來想食豆腐粟米粥😅下午茶埋單都只係一佰蚊鬆啲😜

今日又黎green Thursday ，來到大自然素食，三個人share 2個午餐 ，分別叫咗福建炒飯同羅漢齋炒麵，以及三色刺身。福建炒飯外貌好似普通茶餐廳福建炒飯，亦加咗蛋，除咗冇肉粒，成碟飯都似平時食開嘅炒飯，亦夠碟頭。羅漢齋炒麵上菜時好驚喜，賣相吸引，好多茹同木耳係面，入口炒麵夠脆口，茹同木耳夠爽。午餐附送例湯好大碗，有齊瓜同粟米，幾清甜。四十幾蚊個餐抵食，三個人食兩個餐都夠。反宜個九十幾蚊刺身仲貴過真刺身，外貌似，但素三文魚同吞拿魚味道無大分別，唔會encore

一定係緣份！我平時好少去黃大仙現崇山果邊，突然心血來潮想去某間食店的，見有時間就行吓啦，點知行行吓見到呢間素食店，好想食吓素就決定今餐食呢間 *大自然素食*今日是觀音誕，但客人不是太多人，只坐了一半客人左右。我點了一客 午餐 *金針雲耳猴頭菇蒸煲仔飯*$44蚊 加一見隔離枱點了3客甜品，好吸睛呀就是這個 *原隻木瓜蟹籽沙律* 只是$14.8真係好抵好抵食，即刻要追加一個啦！賣相好靚，有滿滿的豬肉鬆加沙律，木瓜很香，又甜，超好味呀

聽聞大自然素食的食品又多款又好味，今日就去試下係咪真係咁得先。餐牌有唔少選擇，仲有一個係日式食品的餐牌，睇落完全唔覺得係素食。見到好多檯都有叫壽司，當然都要試下味道如何。珍味魚翅壽司 / 粟米壽司 / 鮑魚壽司 - 三款壽司味道都唔錯，只係鮑魚壽司口感差少少，而個重點係酦薑都好好味，wasabii 都好夠辣。原隻木瓜蟹籽沙律 - 木瓜唔大，所以蟹籽沙律唔算多，而味道都同一般蟹籽沙律分別不大，加上木瓜夠甜其實都幾好味，但真係得一至二人分量。軟殼蟹卷 - 味道都唔錯，而且都落足料，無論賣相同口感都真係唔似食素。豉油皇雜菌炒麵 - 炒麵質感一般，炒得都乾身但個麵有部分係一pat pat 而唔係一條條，豉油皇味唔算太咸，味道可以接受，但下次應該會叫其他款式。另外仲有送綠豆沙，味道唔會太甜，相當唔錯。整體而言，價錢唔算平，要茶芥加一，但食物同環境等質素都可以接受。

今日等到下午茶才入來吃、事關係半價。點左芝士牛油果法包，新焗出來，芝士可以拉絲，無咩味，個焗飯幾好，不過本人食慣肉類，所以就覺得麻麻，點左個陳醋骨，呢個就整得麻麻，我記得之前夜晚食好食d,難道半價，會影響食物味道質素

最近外食食得肉多,消化不良,胃口不太好,這間大自然素食,去過多次,食物用的味精較少,有D餸食左無口乾。茶芥$12一位我們2人點了3個餐,最後吃剩芋蓉豬扒焗飯,外賣拿走(外賣盒$3一個)涼瓜煎蛋,住家菜,自己整就先要把涼瓜出水,煮出來先不會好苦..平日要返工都懶做咁多功夫,係呢度食,呢味苦瓜不會好苦,剛剛好,好味啊呢味有芋頭,好香椰奶味,豬扒係用麵筋做,口感似炸過的真豬扒咁,但佢無落麵包糠果D,我鍾意咁,唔會太熱氣呢味雜雞煲,有好多種菜:小棠菜,椰菜花,白菜,菜心,紅蘿蔔,椰菜,仲有牛肝菌,湯底白色,可能是豆漿再加了牛乳,比較清的味,健康之選呢間素食店每次都送飯後甜品,多數是紅豆沙,這一晚是雜豆薏米湯水,不會太甜,幾好架~

Never really enjoy vege meal before, because it is fake "healthy" and not tasty. This one is good. Visit the one near wong tai sin during their "happy hour", everything half price (afternoon tea hour) and it was a real feast! Partly for the price value and partly for the taste! Will certainly come back even though I hate the typical hongkee restaurant service "大媽” who can be very rude, but for the price value it is bearable.

去開銅鑼灣店，都嚟試下黃大仙店。雖然離地鐵站有啲步程，但去到現崇山感覺自成一角，冇銅記咁多人，心境都寧靜啲~香煎xx菇露笋 - 菇名忙記了，肉質彈牙唔鞋口，惟啲菇煎完索晒啲油，口感油膩；啲露笋就唔錯，起碼冇渣先士多啤梨骨 - 猴頭菇算係比較有益嘅菇，所以每次食齋都會叫一味猴頭菇。猴頭菇炸過再淋上酸甜汁，酸甜度適中，猴頭菇內裏仍保持嫩滑，唔錯。天婦羅彩絲 - 哩味同銅鑼灣店比差好遠。銅鑼灣店會灑啲紫菜絲上面，口感fresh好多，仲會將一把金菇炸成扇形，賣相好好多。哩度好在仍然粉薄唔太油。

相比起港式素食，我較愛西式既vegetarian/vegan food，因為我追求食菜既健康，多於食仿肉類既食品，口感、味道等一啲都唔似，何解要食假既肉而唔直接食天然又美味既蔬果呢？今日用餐體驗俾我感覺麻麻，食物同衛生都一般。一坐低就見到張枱抹到好濕，店員用條好濕既布抹完無用番乾布清潔。店員將前菜放落用黎洗碗既碗度，上到桌先拎番碟前菜出黎，咁唔衛生我接受唔到二人自選套餐 $238生煎菜肉餃子餡料菜肉都幾好味，但餃子皮有啲硬。竹笙榆耳蛋白翅碗翅好足料，但無咩味道，需要自行加豉油調味。榆耳食落酸酸地，一般，入面仲有蛋白同素翅。金沙茄子大蝦二人餐黎講份量都幾大碟，外層咸蛋黃香口又帶點咸香，蝦係似苟蒻既口感。雜錦火鴨粒炒飯飯炒得粒粒乾爽，還不錯。以下係單點食品原隻木瓜蟹籽沙律 $14.8木瓜好甜，青瓜夠新鮮，咬落爽口清新。香酥芋蓉石板鴨 $78雖然芋蓉係炸既但唔會吸曬啲油，又唔會太硬，幾好食。咖哩羊腩雜菜農夫包 $98咖哩唔係幾夠辣，個包就乾左啲，仿羊肉都有騷騷地既味。麥米粥 (附送糖水)糖水比較稀，麥米一粒粒煙煙韌韌好好咬口。

I found Gaia by chance and was pleasantly surprised by the quality of food served at this restaurant. The afternoon lunch slot was particularly good value - all dishes at 50% off - all deliciously made. Their taro fish and their range of veggie sushi were my favourites.Their other dishes weren't too oily either like some of the vegetarian restaurants I have visited in HK. They also have vegan options too which is great as I haven't come across many vegan places in HK.All in all, it was delicious

叫左個雞絲粉皮做前菜。雞絲口感差啲，不太似雞肉，應該係腐皮類材料，加埋爽口炸菜，充滿炸菜味道，不錯再叫左個炒飯，都好大碟，仲知我未齊人主動拎個蓋比我保溫。料多，炒飯有穫氣，好味