大自然素食

營業中

休息中

偉大既母親節日子，食咩當然係母親話事，每次佢都話想食素食，而其實我同爸爸都係食肉獸，對於食素我哋係萬分拒絕。我哋一共叫咗六個餸菜：原盅竹笙素翅燉椰、法式牛油果焗多士、原隻木瓜蟹籽沙律、沙嗲螺肉、雜菜燒汁鰻魚粒、香椿瑤柱魚翅蛋白炒飯原盅竹笙素翅燉椰子如果想食呢個燉椰子就要一坐低叫定，限量供應唔係次次都仲有。椰青水連同竹笙素翅一齊燉，佢既效果真係同放咗肉既湯無咩差別。法式牛油果焗多士必點必點，多士係新鮮即焗，熱辣辣好好味。牛油果加埋芝士真係好正，完全同聯想唔到佢原來係素食！ 原隻木瓜蟹籽沙律小木瓜配上蟹籽沙律，清甜的口感，很適合作為前菜開開胃。沙嗲螺肉螺肉質感怪怪的，雖然是爽口的，但感覺似在咬橡皮。雜菜燒汁鰻魚粒炸粉很厚，有點失望，之前明明都點過一個素鰻魚不是用這種煮法的，上次那款煮法好味好多。香椿瑤柱魚翅蛋白炒飯這裡的炒飯炒面都幾出色，次次食唔同款既都無失望既。總括黎講，素食都可以玩咁多花款，唔係下下清清淡淡咁，素食又可以食得健康啲，可以再試。