大自然素食

營業中

休息中

鎮江骨依舊出色，甜酸適中。南瓜海皇翅好鮮甜。薑葱霸王雞偏硬同凍，其他菜式唔記得咩名，一般般唔太差。等位頗耐，訂咗位都等咗20分鐘。9點50分左右開始趕人走，禮貌一般般。

食過幾次佢個lunch set, 覺得平平地味道ok，又大碟。今日試套餐，4百零蚊包1款小食、1個湯同4味菜, 唔算貴，不過套餐唔包白飯，要另外叫粟米班腩貌相同口感都逼真，食唔出用左咩黎模仿真肉🙈，而且炸得幾香脆。仲有個翅同出面食果d碗仔翅差唔多，但係冇咁濃味。炒麵一般般；草莓骨個醬汁好正，酸酸甜甜。呢間餐廳提供好多選擇，有日式魚生、焗多士、焗飯，所以每次黎都可以試唔同野，而且食仿真素菜都幾有趣😏

明明先到，但似乎因為是2人位又唔願搭枱，就遲遲未有位。遲過我們到的4人、6人一到即有位，我們等了半個鐘都冇位。又騙我們說有張2人枱埋緊單，又等多15分鐘，嬲得滯自己行入去望，根本冇埋緊單的2人枱！我們質問他，他還說因為我們不肯搭枱就係咁！服務態度超差，真係佛都有火！

二人晚餐，不用等位。每人12蚊茶位。玄米茶好喝。有紅豆沙送。紅豆沙是這餐最好味的食物。點了牛油果芝士多士。酸酸地，加上一層芝士在面。多士是脆的。食落普通。芒果米紙卷，有四件大大件。好多菜。醬汁是酸酸的。味道一般。泰式茄子菜雞煲。略咸，味道一般。整體一般。

以前聽過大自然素食啲人話好似幾好食，點知事緣之後完全失望，唔知係我地食啲野冷門定咩，唧左碟唔知咩雞絲女（好似係芝麻），好大浸雪櫃味，仲叫左碟鰻魚飯？！唔。。一啲定唔似，完全係面筋。冇第二次

上週食肉獸腦細竟然轉性清心寡慾請吃齋，真是聞所未聞，見所未見！😰壽司當然是A貨，仿肉乾爭爭的，小人覺得不知所謂。軟糯的牛油果融入芝士放在法包上烘脆，確又幾香口的。片皮鴨，橫看豎看都不像，更似的是紅燒豬肉！店方還認真地給了薄餅包著，就是一塊粉皮加一舊粉般的質感，吃的只是甜醬。😧老老實實，甚麼士多啤梨骨都是倚賴那甜甜酸酸的醬汁，吃了甚麼下肚都不知道，醬又略嫌糊口，勁伏……一個好像是喚作南瓜雞煲的東西呈現眼前，汁水很烯，似煲不煲，如湯不湯，食物不入味，想怎樣？掃晒後食肉獸腦細怎會夠飽，結果還要叫下午茶囉~~😂

有時食肉食得多，都想食得清淡d，又唔想清淡到食沙律冇d新意，於是素菜就係個好好嘅選擇，媽媽又鐘意。印象中只係記得幾年前Mira Mall有間素菜係整成魚生壽司咁好特別味道又唔錯，但冇人記得名，喺Mira Mall附近行街嘅我哋就碰碰運氣踩上去睇下間餐廳仲喺唔喺度。好運地，餐廳仲喺度，而且六點去到仲唔洗等位，正！入到餐廳，有d似半茶樓半茶餐廳嘅感覺，不過不失。一坐低，員工就開始介紹今日嘅Special，服務態度相當唔錯。上菜啦～一人一盅椰皇湯，湯入面放有淮山、杞子、桂圓同素肉等等，素肉嘅樣同味道都真係幾可亂真，我哋三個一度以為素食餐廳入面可能有部分菜係用真肉。論返湯嘅味道，幾乎同酒樓嘅椰皇盅係一樣味道，啖啖濃郁嘅湯帶住一絲絲清甜嘅椰子味，飲落去好舒服。米紙卷入面係飯包住一塊大大嘅生菜同不知名嘅素肉，上面淋上酸口沙律醬，越食越肚餓。然後我哋真係全程食飯都喺度諗緊究竟係咪真係食素菜。好難捉摸呀！豆苖新鮮(是用用機菜嗎？)，加上蒜泥炒，簡簡單單已經非常好味，成碟好快清晒！而芋頭魚似乎係媽媽食素時必點嘅一道菜，對於超鐘意芋頭嘅我嚟講，芋頭味香濃，美中不足係炸得未係好夠脆，可以改進改進！今次嚟都想

昨日初一齋期同家人一齊試下尖沙咀果間大自然素食,第一個感覺就係個裝修好令,好彩我地六點半左右就去到,唔使排隊首先介紹下個原隻金瓜焗飯,個飯食落去個感覺有D似荷葉飯,幾好味,而且份量適中(四碗飯的份量),一家人吃剛剛好。但係就覺得個南瓜焗得唔夠熟,吃落去個口感有點硬唔夠淋,不過整體來說還是OK的跟住講吓個靈芝菇紅燒鴛鴦豆腐,所謂既鴛鴦豆腐就係將一般既中式豆腐同日式玉子豆腐炒埋一碟,食落去個口感唔錯,幾滑唔痴口,而且D靈芝菇煮得夠彈牙,幾好味,值得推薦最後折實埋單2百幾蚊到,唔算太平但係又唔算太貴,因為仲有其他野想試,同埋個環境幾好既關係所以應該會去第二次的。

好耐之前去過覺得幾好食， 但今次去有d失望， 鴛鴦飯芡汁太多, 飯亦太淋， 白汁螺片味道還好， 紅汁那邊太酸了上湯金銀蛋菠菜又係好咸蒜蓉多士~ 呢個係唯一好食嘅，keep到水準！

再次和吃齋的朋友慶祝生日，朋友說這間不錯，便選了這間地點方便的餐廳來吃日式咖喱豬扒飯 $62口感很像真的豬扒，炸得香口，內裡的“肉質”不錯。日式咖喱是平時吃慣的味道，佩上珍珠米沒有不好吃的道理，在齋舖吃別有一番風味。陳皮白菊素蛇羹 $98未吃過真的蛇羹很難比較，但單以味道來說這款真的不錯，有點像碗仔翅，不過口感比較清新一點。連同菊花瓣一起吃更能提升味道的層次感，令味道更清香。金沙南瓜蝦 $88用上素蟹柳來做主材料雖然口感不太像蝦，但咸蛋黃的味道很香濃，非常香口。另外佩上金沙南瓜，香甜的味道加上咸蛋黃的咸香也不錯，一道菜能吃到2種滋味。黑松露牛油果醬炒飯 $98炒得頗香，火喉不錯，飯粒夠分明乾身，再加上黑松露和牛油果醬提升味道，好吃。椒鹽日本淮山片 $78淮山片做得頗為爽口，加上惹味的椒鹽，是一款不錯的小吃。淮山是健康的食材，就算加上不健康的椒鹽做法也不太過分吧。法式牛油果焗多士 3件 $51多士上加上牛油果醬和芝士，再加上焗得香脆的法包，十分滋味。大自然田園pizza $138想不到吃齋的地方也能吃到好味的pizza，就算小了肉類，蔬菜的味道也能勝任。餅底做得頗為薄脆，以蕃茄醬為主要調

首先,如果大家有時間,可以先參考一下過往其他食客既食評我已經早幾日訂左位,訂左晚上8:30pm, 咁我8:20pm左右去到問職員,佢話"執緊位,好快"跟住又等左10分鐘,職員話"張檯埋緊單,好快就得"最後成9:05pm先有位 (咁訂位有咩意思?)入到去,都正正常常,落單點野食咁係食緊既途中,不斷"三番四次"被職員要求移開張櫈比職員做野,比佢地搬野,又要我地起身,之後我發現原來後面張檯其中一部分係要砌出黎,跟本就唔夠位坐咁多人食到尾聲時,有職員埋黎講,因為我地間店要做清潔維修保養之類,即係暗示我地要埋單走人,唔好阻住佢做野咁好啦,我地埋單啦,點知有一個職員大大聲話"我放工,我要入去員工室呀,你地阻住曬我點放工呀?"因為我地張檯後面有間員工室,所以一定要我地行開曬先入去到,咁我埋緊單,等緊找錢,果一刻感覺好似調番轉我係職員,佢係客人,客比職員罵,所以個感覺真係好差當中個職員仲要瞪大隻眼望住我地食完呢次之後,我好肯定冇下次大家想試的話,都建議可以慳番d錢不值一去,比錢去受氣

首先筆者不是一個素食主意者，但時不時吃素菜其實都對身體健康不錯呢！老老豆豆，大自然素食這家素食專門店的價錢比起其他素食店或齋店都相對便易，而味道方面，筆者只能說用心的做，但感覺一般般，正如筆者鄰台的外國人說了一句「Nothing Special」。由於店舖的服員態度和價錢相宜關係，這兩欄比較上會高分一點；其中一項是，當有客人離開後，就最少三位店務員上前清理枱面，好讓下一批客人能早些進場品嚐食物。另一方面，如客人不懂叫甚麼菜式品嚐，他們亦會先問清楚客人要求和意願，再推介一些美食，相當不錯。至於食物方面，筆者叫了一個套餐，前菜是「生煎菜肉餃子」，再來兩客「鮑魚雞絲燴翅」，之後有「三杯茄子腩肉煲」和「菜粒臘味粒炒飯」，最後奉送店舖甜品「紫米露」。前菜的「生煎菜肉餃子」，即是豆苗餃子，筆者相信會因應不同時節，餡料會有所變化。這道菜不是煎得不香口或太多油，而是餃子內的豆苗竟然有一些熟不透的感覺，還好綠色食物生吃也沒有問題，至少筆者沒有疴嘔肚痛。筆者和朋友沒有叫到例湯，反正一樣價錢，就叫了「鮑魚雞絲燴翅」。放心，翅是素翅，不是真翅。食落時的確是有煙靱的口感，但不知怎的，食慣街邊碗仔翅的筆者，覺得街

有個朋友想食得健康d，所以試下去食素喇…呢個係三色雞。有salad，甜酸同椒鹽 三種style。salad 比較大眾化，椒鹽脆口d，甜酸會有strawberry 味。三重味道，食落幾有層次。之後係素北京烤鴨。d 包食落厚身左少少，不過食落d 素鴨都好脆口，加埋青瓜同d 醬完全搵得番原本北京填鴨個種味道。呢個似薄撐既餅其實係日式燒餅黎。佢加左好多唔同既蔥花，加好多類似千島醬既醬料，食起黎酸酸甜甜，幾有咬口。我仲以為係啡色個d 係麻醬黎 XD

因為已經提早訂位所以冇需要等，7點半鐘準時可以入值，我老婆一直都未食過呢間，期待素食菜式，由於屋企有兩位素食者，所以一般都係由佢哋點菜，之前我本人都有食過呢間連鎖店，菜式其實係可以嘅，不過始終係素食餐，對於某些人未必會食亦唔會成日去食，而我本人都覺得味道可以嘅，通常都係同成班屋企人去食，當日菜式如舊，保持到水準

咁我朋友就想同我慶祝生日專登帶我黎食素，一食就伏到不得了。首先因為熱到不得了就飲啖茶先啦，其實幾好飲既，有少少玄米茶feel, 夠香口既，雖然冇得自己嗌飲咩茶仲要收我茶介呢點令我有被屈既感覺，不過去到酒樓就預左嫁啦，我忍。第一碟就係侍應姐姐推介既黑松露炒飯，份量的確係十足既，但味道認真麻麻，同一般炒飯冇乜分別，只係更加油，松露味坦白講真係咩都食唔出。第二碟就係甜酸魚啦，值得欣賞既係堅持素食既決心，呢碟魚一食就食到係面粉整嫁啦，基本上冇口感可言，只有終極重口味、典型功高蓋主既甜酸醬覆蓋左個d「魚」味，撈飯食都仲嫌佢重味得制。第三個都係最火既，稻庭烏冬。一擺低即刻想叫佢回水，稻庭烏冬佢整到米線咁既樣，不倫不類。我地諗住算啦可能食落好好食，一食落去個湯底就好似有陣粟味，唔係真係粟左既，但陣味真係好唔討好囉，面質係幾彈牙既，但係湯底唔好已經直接謀殺左呢碟稻庭米線仲要乜餸都冇。D侍應服務態度又差，都唔知點解可以係尖沙咀呢d地段撐咁耐