大肚腩點心腸粉專門店 (已結業)

一直喜歡吃點心，但爸媽通常只會飲早茶，一大早就起床。我的假期當然要自然醒啦，幸好都有點心店讓我這些懶人都可以睡飽後還能慢慢吃點心。有日2pm去了朋友推薦在教育路的"大肚腩"，原來中午和下午茶時段都十分抵食！lunch有套餐非常抵食，一人淨食點心$22-32，想再飽肚一點可以食點心+飯麵，價錢都只是$32-48 晚上平均每人$50已經勁飽肚！點心入面不得不讚金沙海鮮脆卷腸($26)，腸粉皮晶瑩通透，又薄身又滑，入面有層包住蝦的脆脆，多重口感，果然是腸粉專門店！薑汁千層糕($16)一碟三件，質素不過不失，薑味不太突出。黑松露野菌餃（$16)一上枱，松露香就撲鼻而來，黑松露份量很多，好大方，內餡清新健康，很喜歡。蝦餃($16) 外皮同樣晶瑩通透，入面包住大大隻蝦，爽口彈牙，質素不錯不錯！甘筍流沙飽($20) 非常流心，包的甘筍味不算突出，但也很軟熟，可以一試。不用去到九龍城清真牛肉館，原來元朗都有爆汁牛肉餅（$16)食！！！輕輕一咬，已經溢出爆多肉汁！果然名不虛傳！雖然始終沒有清真般好食，牛味不夠濃，但過下口癮都不錯，$16十分抵食，媽媽追加了一件 下次會帶埋爸媽來！

近排開了很多點心鋪，依家夜晚想食點心真係方便了很多。這家點心店室內掛滿埃及的相及牆紙，跟食物格格不入的。整體價錢頗便宜的，用料又十足，誠意度比酒樓高很多，可惜由於人手不足，服務方面可再進一步。

寒冷天氣下，媽媽說不想煮飯，又唔想打邊爐甘油膩，食熱辣辣的點心就最好不過，於是黎到元朗覓食，找了這間點心店一試。由於到達時間尚早，不用等位，但當我們食完時大約8點半，門口已有很多人在等位。室內空間不太大，牆身掛著埃及人的畫像及相框，感覺跟店鋪格格不入。這間店人手嚴重不足，坐了很久都沒有人給茶，服務有待改善。避風塘炒蘿蔔糕$22蘿蔔糕切成大大粒，我鐘意內裡仍食到原條蘿蔔，跟炸蒜和辣椒一齊炒，四邊煎到香脆的蘿蔔糕沾上炸蒜香味和小小辣味，十分惹味！又充滿新年的氣氛。大肚腩蝦餃皇$16一籠兩大隻，皮夠薄，內裡的蝦大大隻，當中還有冬筍增添口感，蝦肉十分爽滑彈牙。爆汁牛肉餅$16不小心大啖咬下，內裡的湯汁如洪水般流到周圍都有，起碼有半碗湯汁，湯汁充滿牛肉的鮮甜味，牛肉餡好鮮嫩，還夾雜著胡椒味，好惹味，味道跟九龍城那間出名食牛肉餅的不相伯仲。蜂巢炸芋角$18芋角新鮮炸起，外層仍保持酥脆, ，芋頭餡綿滑，唔會太乾身，裡面還有肉粒，很香口。蝦醬豬頸肉缽仔飯$35蝦醬豬頸肉醃到鹹香中帶甜， 這個飯不用落豉油都夠味，豬頸肉肉質彈口，但偏肉膩，配上粒粒分明的米飯，感覺有點兒像食煲仔飯。頭抽蛙蛙菜$14蛙蛙菜好

今日見有點時間，又加上早放工，於是不如獨自往元朗食個午飯。雖然點心店四周圍都有，但卻少有幫襯元朗的點心店，故此破例一次吧。大肚腩點心腸粉專門店位於教育路，是一間小店，不過牆壁上有著埃及人的畫像及相框，不知道是否與埃及文化有何關聯？在點心紙裡的點心，是尋常和常見的點心，但是亦會發現與西方的食材融合在內，如黑松露等。黑松露野菌餃（十六個大洋）。在餃子上加上黑松露內裡為各款雜菌，上桌時充滿了黑松露的芬芳香味。過了一刻，黑松露露香味逐漸消失，如果能在雜菌中加入的話，可保持其香味。叉燒腸粉（二十二個大洋）似乎是必點的點心，粉皮還算是薄薄一層，內裡的叉燒成粒狀，吃起來有咬口。大肚腩蝦餃皇（十六個大洋）一籠有兩粒，皮還是夠薄，內裡的蝦仁都幾爽口的。至於爆汁牛肉餅（十六個大洋），曾經在九龍一間食店吃過同款食物，不過這個牛肉餅夾起來的時候，卻上下分開了，內裡的醬汁卻流了出來，沒有放在口裡爆汁，令人失望。如果能將牛肉餅皮搓得密封的話，則會較好，不致於上下分開。然而其醬汁卻充滿了牛肉的鮮味，牛肉也較鮮嫰食味是不錯的。當中有不少點想食的，但礙於胃納有限，故能吃到幾款，如下次再來的話，就食下其他點心。

爆汁牛肉餅，大約只有門把手一般大，多汁，側邊一裂開，內裏的肉汁即如洪水流出，有點孜然味、羶味。側面太易爛了，用筷子夾一夾已甩掉邊皮，內裏肉汁盡流出來，浪費。土魷蒸肉餅飯。甜豉油又不算太美味，土魷不多，只是間中吃到。 帶子腸粉，長長的腸粉只有一小粒帶子，幸好腸粉仍夠滑。但整體 印象就是這間點心店是慢食店，所有點心都像是即叫即蒸，所以等了很久才有得吃。

不知是我口味有問題還是什麼?!因為看了食評這裡的點心好好食, 所以就去試試! 點知~ 我覺得唔好食, 尤其係牛肉餅同魷魚鬚, 完全係唔好食！牛肉餅原來係好細個, 一直以為是清真牛肉餅咁大個！雖然係有汁, 但d汁同牛肉係分離的, 牛肉好干, 個餅就似生煎飽壓扁煎干哂咁! 而魷魚鬚超級勁幼, 似食炸粉咁! 其它幾款都無驚喜真係好失望, 冇下次!!!!! 

星期日經過見都幾多人...一於同老公兩條友去試o下~樓下滿座...原來仲有小閣樓...幾張檯夾埋都坐都10人...靜靜地...冷氣都夠...不過呢度真係唔係好夠員工...叫o左4個點心...1個飯...唔知係咪太多單...d點心全部都係係逐樣逐嚟...先食雪山叉燒包...夠熱...不過皮較厚...而且餡料唔夠多...之後到賽螃蟹餃~ 好多蛋白~ 有隻大蝦~唔會成口肥肉~ 清清地的確不錯~ 春蛋燒賣~ 佢舊豬肉mix o左d冬菇~而且肥肉唔算好多~ 都ok~迷你牛肉餅...令人最失望...肉汁係多...但係入面唔熱...只係暖暖地咁...無o左食牛肉餅辣口o個種感覺...而且餡料偏甜...缽仔蝦醬豬頸肉蒸飯~熱辣辣~ 而且d蝦醬好香~ 份量都ok~ 的確唔錯~ 總括嚟講只係一般...傳統o野唔算好好味...特式o野又唔突出...應該唔會再嚟...

放假的週六, 下午友人約吃東西, 想一想, 很久沒吃過點心, 而點心又不可以獨食的, 所以就約了友人吃這點心。 大肚腩就在元朗教育路, 很好找! 開到凌晨一時, 來飲夜茶也可。餐廳內的裝修蠻特別的, 但做成古埃主題...但這裡是吃中式點心, 好像有點格格不入。難道....上一手是食埃及菜?? 每枱都有點心紙, 可以自行劃點心。 點心、腸粉、甜品、飯都有。茶叫了香片, 蠻清香的。 雪山叉燒包$16叉燒料偏乾硬, 不夠JUICY。 蜂巢炸芋角$18芋角新鮮炸起外皮酥脆, 但內餡以芋頭較多, 感覺也是較乾。 金沙海鮮脆卷腸$26 腸粉皮薄, 但好像有一層油, 不知是否裡面的春卷皮由內而外的滲出油, 事實上春卷皮脆是脆, 但好油。內裡的鮮蝦好大隻厚肉, 亦有鮮蝦味及彈牙, 光是隻蝦來說很不錯。 露筍賽螃蟹餃$16賽螃蟹不夠滑, 已成固體狀態一塊塊的, 可能蒸太熟了。 蟹籽鮮蝦燒賣$14又有大大隻蝦, 味道正常。 甘筍流沙包$20橙橙的外皮, 相信是甘筍的顏色, 但吃落不太覺甘筍味。 最好笑的是, 流沙包竟然流的是水不是沙, 很液態的, 倒出來像蛋黃的油, 這流水包, 實在太難令人接受。二

男友呢排成日同我去食野 ...記得前幾日佢話想食大肚腩, 所以我就話一齊去食啦! 去到門口發現有新菜單呀! 我地叫左 大肚腩蝦餃皇, 蟹籽鮮蝦燒賣, 露筍賽螃蟹餃, 香辣海鮮餃, 鮮蝦菜苗餃, 灌湯小籠包, 麻辣肥牛腸, 蜂巢炸芋角, 蝦醬豬頸肉缽仔飯, 芒果糯米卷... 蜂巢炸芋角: 面頭金黃色好靚, 咬落好脆 , 不過油左d, 芋頭好多, 而且都好實正, 仲好好張口...芋角中心有d肉碎...比較膩同濟 ... 大肚腩蝦餃皇: 皮可以再濕d, 不過仍然比以下兩款餃皮好...蝦餃皮雖然幾黏,但係夾既時候無散...蝦肉彈牙,而且有筍係入面! 蟹籽鮮蝦燒賣: 蝦多肉少, 比較紮實...仲有冬菇...好食 ... 露筍賽螃蟹餃: 皮開口蒜, 餃皮反而較乾硬 ...賽螃蟹無咩味, 露筍幾清...不過成個餃都好淡 ... 香辣海鮮餃: 餃皮都係乾左d...一口咬落去, 係好無預警下食到有芹菜, 都唔夾 ...唔夠辣...金牌小龍好食得多 ... 鮮蝦菜苗餃: 我最鐘意菜苗餃...呢到既雖然幾多菜, 但明顯無落鹽, fail... 灌湯小籠包: 皮

同屋企人黎到大肚腩點心腸粉專門店 因為屋企人都鍾意飲啖茶食個包呢到雖然食點心 但怖置係埃及風 牆上掛滿埃及色彩既裝飾 店內重會播放流行曲 幾潮咼😈 我鍾意！店裏有卡位 坐得舒服好重要😎店名叫得點心腸粉專門店 梗係要試下呢到既腸粉！前面既係小籠包後面既係露筍帶子腸粉（其實黑松露野菌腸粉我都好想試！下次下次xd）腸粉皮薄 好滑 又真材實料帶子大大粒 一條腸粉入面有成3粒帶子架另一必點推介-爆汁牛肉餅我叫左2個大既！ 因為有個係迷你版真係好多汁爆出黎！食既時候真係要小心d多汁熱辣辣我最鍾意食流沙包 去親飲茶都會點😈呢到既流沙包係甘荀流沙包一籠三個 比出面既橙色d一咬開堅係流心架 不過流沙再多d就更澎湃重叫左雪山叉燒包 一碟2個普通叉燒包我就麻麻地雪山叉燒包我就愛麵包面小小脆 帶點甜咬開就見到好多叉燒餡 味道幾夾如果叉燒冇咁乾就重正😎魚湯鮮竹卷有驚喜！驚喜在呢個鮮竹卷冇採用普通既蠔油製作 而選擇左魚湯魚湯非常鮮甜 令鮮竹卷食落口好滑不忘叫d甜品;)我媽最愛紅棗糕層層晶瑩剔透 煙煙韌韌 口感不錯紅棗味又突出 有水準蜂巢糕既造型真係做到十足十食落竟然似朱古力味總結呢到既點心都抵食 坐得又舒服 店員

媽媽早前經過大肚腩點心腸粉專門店對我說有興趣，那我便跟她來個點心晚飯。估不到點心腸粉專門店牆上掛了富有埃及特色的畫及用上埃及特色的牆紙，感覺很特別。凍青檸蜜 $12/杯雖然當晚不是很熱，但總覺得飲凍飲特別醒神，所以我們都點了凍青檸蜜。味道甜甜酸酸很開胃，加上冰凍十足，我們都十分滿意。大肚腩蝦餃皇 $16蝦肉爽口彈牙又鮮甜，皮薄有煙韌度，名附其實"皮薄餡靚"。露筍賽螃蟹餃 $16加了露筍的賽螃蟹餃口感相當豐富，但鮮味不夠較為淡口，不過不失。金沙海鮮脆卷腸 $26腸粉包著脆脆的東西像是油條/響玲，而油條/響玲內包著蝦肉。腸粉幼滑，油條/響玲香脆可口，蝦肉爽口彈牙，整體口感獨特又討好。味道咸香而又保持蝦肉的鮮甜，滋味非常。甘筍流沙包 $20甘筍包口感鬆軟，氣孔綿密，配上極為流沙而帶濃濃蛋香的餡料，實在是大滿足!鵪春蛋燒賣 $24我一向都很喜歡吃鵪春蛋燒賣，見到餐紙上有那我就快快的點了一籠。這個鵪春蛋燒賣絕對沒有令我失望，鵪春蛋蛋味濃郁，而鵪春蛋下的豬肉彈牙又帶香濃的肉味，更意外的是那豬肉的厚度還要比一對筷子厚。薑蔥牛栢葉 $18牛栢葉薑蔥味香濃，蒸得剛好非常爽口，看似小小的一碟其實內裡有很多

好耐冇飲茶, 今日經過教育路呢間舖頭, 係食點心嘅, 就走入去試一試。裝修唔錯, 仲有少少埃及feel. 早的話仲可坐卡位。見佢嘅點心紙, 價錢不太貴, 可試多幾款點心。食點心當然要有叉燒包同腸粉, 先具代表性。今次我就點了:雪山叉燒飽: 送到枱上時都覺得熱辣辣, 食雪山皮時好似食緊個墨西哥飽咁。 咬一啖後, 裏面仲有烟出, 而裏面的叉燒, (冇乜肥豬肉), 好好味。 比起一般的叉燒餐飽更有誠意。鮮露筍帶子腸: 帶子略為細了點。魚湯鮮竹卷: 呢個鮮竹卷一定要讚, 個湯好特別, 魚湯有點似豆漿(好鮮甜), 食的時候好似鮮竹卷配豆漿咁, 比起一般的蠔油鮮竹卷更有特色。蟹子鮮蝦燒賣: 燒賣大大粒, 上面的蝦好大隻, 而且好爽。食到中間, 原來裏面仲有蝦。而佢又不似一般酒樓咁, 加好多肥豬肉, 所以燒賣我都like 。其他還點了飄香榴槤酥, 松草棉花鷄及灌湯小籠包。總括此店的點心還算不錯。如果再想食點心時, 我都會諗起大肚腩。

晚餐食點心～唔係老點～又唔洗排隊～難得表姐得閒帶埋小朋友同我食飯，佢又話小朋友鍾意飲茶，就近係返元朗食～近年流行點心專門店，令我呢個超級飲茶愛好者，非常滿足～白天晚上都可以飲茶～叫番d岩小朋友食既野～蟹籽蒸燒賣～（評分：9/10）味道非常好，可能係因為即叫即蒸，非常新鮮，隻蝦超大隻，肉的口感非常好，食唔出肥豬肉～差一分係個皮有少少濕～不過口感已經比各大酒樓好～👍雪山叉燒包～（評分：8/10）小朋友最愛～雪山部分甜甜地，成個包都幾脆皮，叉燒很香～口感味道都很不錯～不過因為係炸既～實有少少油膩～露筍帶子腸～（評分：8/10）腸粉非常滑，超級美味，加上帶子、露筍真的很香，不過小朋友一點也不喜歡露筍的味道～蔴蓉馬拉糕～（評分：9/10）有點花生醬的味道，很特別的馬拉糕～口感很不錯～小朋友有點咳，所以叫左杯熱金桔黎飲～都幾足料～夠味～又好飲～唔會太酸❤️️滿足既一餐～滿足曬大朋友同小朋友既口福～小朋友食野大朋友吹水，入元朗美食多😍

可能我見識比較少, 真係好少去酒樓以外食呢D點心, 其實係呢度食都算係別有一番風味灌湯小籠包比酒樓既好食, 起碼皮夠薄, 而且有肉汁, 夾起來皮唔會好易穿, 肉雖然唔算好鮮, 但都算係易咬冇多餘肥膏金沙海鮮脆卷腸, 同老點既招牌差不多, 不過佢地釀既蝦膠好彈牙, 而佢地中間既響鈴真係非常脆口, 甜豉較得幾好, 唔會有多餘咸味, 就算將成條腸粉浸落去都唔會太濃味, 幾好幾好椒絲腐乳通菜就略略失色左一D, 通菜係用水烚熟, 冇乜菜味, 腐乳唔夠辣, 只有咸味, 是比較可惜的一道菜熱青檸蜜調得還算OK, 甜味同青檸味調和適中, 估唔到中菜館都可以飲到呢個!

之前食完點心, 好似上左癮咁又想再食, 阿女跟住又同我黎左第2間點心餐廳, 叫做大肚腩明明係中式點心, 但係好多法老皇既肖像, 唔知點解...蝦醬豬頸肉缽仔飯豬頸肉好多, 豬肉好稔, 蝦醬似乎比較咸, 用來醃肉係好好的, 不過可能醃左好耐, 薑味好搶, 飯有D痴底不過都軟硬適中, 豉油記得唔好落太多啊!露荀賽螃蟹餃蝦肉味道好鮮, 彈牙細緻而且味精不重, 賽螃蟹亦好滑, 不過比較少, 露荀味道很出, 帶出左整個餃既鮮味迷你牛肉餅係模擬清真牛肉館既做法, 牛肉加上清湯, 再用煎既方法加強口感同豐富味道, 餅皮唔算好厚, 食落脆脆地好正, 牛肉味好香, 而且肉汁保存得好出色, 一咬馬上就噴左好多肉汁出來, 呢個餅可以話係全餐最大既亮點, 味道一流, 口感出色!