大灣咖啡廳

營業中

休息中

屋企人生日，壽生女主動提出想試新自助餐~~新酒店位於黃埔碼頭隔離~~扶手電梯上3層就到餐廳~ 環境闊落光猛~~帶大家行一圈，睇下有咩好食先！？海鮮區有龍蝦、凍蟹、大蜆等~但無長腳蟹 、 生蠔提供~~興趣大減~ 沙律方面有好多配料~~而醬汁都好有心~ 唔止千島醬、沙律醬咁簡單~牛油果醬、鷹咀豆醬、紅菜頭醬等~再隔離有刺身、壽司區~~壽司就一向唔會食~~不過今次刺身選擇又係唔太吸引....無帶子、甜蝦等....小妹試左三文魚~~ 係好肥美！凍肉、麵包區~有即切火腿~~~ 小妹分別拎左幾輪~~第1輪，火腸位置近邊邊位~ 肉質韌~ 又太咸~第2、3輪，終於切到中間位~~ 油脂甘香~ 好滋味~~其他Ham 唔太出色~但鴨絲醬配麵包唔錯~~點可以錯過芝士~~硬芝士較淡味~~2款軟芝士都好鐘意~~配住堅果、提子食~~可惜芝士食完....餐廳係唔會refill....食完一輪...想再拎已經無哂....韓風真係咁勁？？ 自助餐都要食石頭飯咁飽肚 XD我就無試啦，全場亦唔多覺有人食~再黎帶大家去串燒、烤肉區~我食左羊扒、烤蝦、羊肉串~羊扒於鮮出爐，所以好正~ 切開五成熟~烤大蝦無咩特別~羊肉串凍哂...

這間新酒店於四月尾開張, 其實早前都去過佢哋嘅中菜廳飲茶, 味道唔錯所以諗住週年紀念日就試下佢哋大湾餐廳的buffet，六點鐘已經開始至十點鐘。 成人每位598蚊再加10%， 其實佢哋種類不算太多冇生蠔供應， 海鮮有魚生長腳蟹龍蝦之類， 不過質素就一般般。其他熟食都選擇不多， 至於甜品種類都比較多但味道都是普普通通， 不過不失。整體我自己覺得佢五星級酒店未達標， 服務和食物水準只屬四星級。

見到openrice 同雜誌推介，咁啱家中有長輩生日飯要諗餐廳，決定一試呢間新酒店嘅自助餐https://www.openrice.com/zh/hongkong/article/%E9%BB%83%E5%9F%94%E6%96%B0%E9%85%92%E5%BA%97%E8%87%AA%E5%8A%A9%E9%A4%90-%E5%BF%85%E9%A3%9F%E5%8D%B3%E8%A3%BD%E5%88%86%E5%AD%90%E9%9B%AA%E7%B3%95-a4098見到之前三個食評都係食自助午餐，等我分享下自助晚餐的情況吧一入到酒店，因為是新酒店的關係，沒有太多人，感覺良好。首先進攻魚生區，雖然魚生沒有太多選擇，但質素卻有驚喜！三文魚和油甘魚都好新鮮，師傅仲要厚切燒烤區好多選擇，要每種試食一件都會好飽食食下竟然有人推住原個芝士出來，原來係芝士機松露risotto! 估唔到自助餐都有這類食物點心區，燒賣很不錯之後有打鑼話燉湯ready, 成個感覺有啲似曾相識........對了、就是香港香格里拉cafe TOO!!!!!原來這間酒店的management同香格里拉同一grou

上個月知有新酒店開張已經勁興奮 又有新buffet食!!!!!考哂試完sem即刻去試!!!!!但食完覺得360蚊黎講性價比唔高 而且無鱔稿提過既分子雪糕同心太軟 但食得都幾開心 因為服務態度真係好好 同埋新酒店真係幾靚 好寬敞裝修好簡潔 由其係個廁所勁靚 連度廁所門隻色都好靚!!!!!!reception果兩個姐姐超級好態度 但差唔多搭正12點先放人入去 而且入到去d食物都未準備好放上台海鮮沙律:蝦蜆螺青口格離有蝦仁小米沙律(好好味) 三文魚他他 吞拿魚他他紅菜頭三文魚(好好味甜甜地) 橘子三文魚4款沙律菜 三文魚粒 雞絲 雞胸肉片(唔係煙果隻架) 粟米荀 青瓜粒 蕃茄乾 甘荀 泡菜佢d沙律醬都係超特別 有紅菜頭醬 牛油果醬 鷹咀豆醬同黑橄欖醬架!!!!!刺身壽司:刺身有三文魚吞拿魚油甘魚甜蝦墨魚 仲有醋鯖魚我覺得佢d刺身超級高質 好新鮮 d吞拿魚係好靚既粉紅色 無筯 三文魚同甜甘魚都切得好厚好肥美!!!!!甜蝦真係勁甜 墨魚完全唔un架!!!!!!!!!!!!壽司有油甘魚&吞拿魚&鰻魚&牛肉壽司 上面塊刺身都係切到勁厚勁大塊 仲有幾款卷物 冷麵麵包芝士區:幾款歐式麵包 芝士 即刨火腿

服務態度很好，拎石鍋飯時有外藉經理幫忙拎回座位，食物種類算多，燒烤食物有龍蝦，油甘魚，三文魚，又有石鍋飯，算是新嘗試，甜品亦出色，有棉花糖，紅莓荔枝燉蛋，班戟，窩夫，可能母親節職員多食物refill快但希望此酒店無障礙設施可以改善下，由碼頭到酒店要行40級樓梯，除非乘坐私家車或的士，洗手間指示不清，明白設計問題，指示牌較暗，會令長者疑惑。

上個星期再同太太試呢間新酒店嘅中午自助餐，主打食物係即燒燒烤肉類同海鮮，但味道非常一般，反而甜品出色。首先講啲燒烤牛扒，非常鞋冇乜肉汁，可能啲新手廚師燒過龍，其他雞肉串燒都係鞋鞋地，燒三文魚都係咁，只係燒油甘魚好食，但好快冇晒又唔refill，仲有燒龍蝦只係見過人哋食，到我嗰時已經冇晒😥又係唔refill，仲有個燒大蝦都好幾好食，今次企定定等佢出，一次過夾咗六隻（總共得10隻），之後冇再出現過，只係甜品無限供應同好食

知道紅磡新開了五星酒店，在五月4日黃雨天氣下專程去試中午自助餐。以為新開張食物水準應該有番咁上下，點知食物種類及味道都乏善可陳，無一種食物可以吸引你再添食一次，食自助餐我未試過得半飽。唯一值得稱讚就係工作人員的服務態度。