大瀛喜日本料理 (已結業)

前排病左一輪 無淡好食呢幾日見好番少少就心郁郁想食好西啦！唔知係咪病既關係 特別想食放題一於約埋男朋友去食！約係旺角最方便上網睇到呢間放題評價幾好 地點都好就腳就係朗豪坊對面 一入門口望到價錢都唔貴就試下入座後發現原來大瀛喜係屬於大喜屋集團其下咁質素都應該有番咁上下食物方面放題最緊要係夠多選擇呢到既食物種類都應有盡有除左刺身壽司呢啲基本野之外呢到仲有一啲香港人鐘意食既海鮮菜式倒如有黃金蝦、鰻魚同焗扇貝等等黃金蝦幾有驚喜蝦既size不算細上台時仲係熱辣辣 係新鮮炒好既蛋黃好好味 隻蝦個殻都好脆 爭啲運連殻都食埋鰻魚都好味 肥厚肉滑 放題黎講都幾高質！重頭戲刺身最得我心既係呢到有劍魚腩 我超鐘意食平時去食都起碼要100蚊 得5塊 呢到有得任食太開心啦！刺身擺盆好靚 都是準備好比人打卡既樣子三文魚較瘦 食多幾塊都唔怕肥我的最愛劍魚腩刺身整體都幾新鮮 而且跟足單比一塊都無走數 抵讚！熟食都做得出色我特別鐘意佢既兩款雞翼芝麻雞翼外皮炸得香脆咬開仲有肉汁 肉仲好滑仲有好少見到有既蜜糖雞翼雞翼控停不了encore再encore!另外推介既仲有牛油粟米牛油味好香濃 粟米仲好甜又係會令人食上癮既一個小食

老實講，質素麻麻 壽司不太新鮮，小件 好似食極唔飽，而且熟食比生食好d😅,不過熟食都偏鹹，食左粒芝士扇貝竟然有沙??服務員態度就ok ，食品質素就太一般 。連我朋友都覺得，如果下次應該唔會再黎 ，個人黎講唔會好推介，而且有時落左單有d都上唔切😓~睇左評分黎食，有點中伏 請大家好好寫實評啊😑

逛完旺角腦場，獨獨一枝公，頹食碟頭又無癮，心想只有放題最適合吧！文華大瀛喜，門面很有那些年遊戲機中心的影子，一片熱鬧昇平。嘆返個成人餐😁😁，盛惠 $238 💸💸，價格合理。先來三式前菜，韓式泡菜、中華沙律及蟹子沙律。小弟至愛刺身，自選八式刺身，分別是三文魚、池魚王、𩶘魚、北海道帶子、海蝦、北寄貝、劍魚腩及油甘魚。刺身尚算新鮮肥美，為了可以多試幾款，只能忍手每樣一件。😭😭壽司只輕點了兩款，分別是花之戀及海膽手卷，兩款都是迷你版，但放題沒大關係，反正可以輪迴式不停叫，只要不浪費就好了。人氣雪花肥牛鍋，肥牛大大片的，有牛味亦唔韌，湯底就略淡。燒物點了蒲燒鰻魚，鹽燒海蝦、蜜糖醬燒雞中翼及有機菠蘿。蒲燒鰻魚鬆化中帶甜；燒雞翼🎶🎵我鐘意食🎶🎵，令人心情愉快；至於菠蘿，分不出有機還是無機，但都幾好味。天婦羅也是喜愛的，點了蟹棒天婦羅、海鹽海蝦天婦羅及有機蕃薯天婦羅，最like有機蕃薯天婦羅，夠甜。瑤柱海鮮粥，粥底綿滑，海鮮是海蝦跟海蟹，再上點點粟米，尚算不錯。尾聲的甜品，自行在甜品櫃選取，隨選拿了幾款。焦糖燉蛋、馬卡龍、藍莓芝士蛋糕，青檸啫喱及楊枝甘露。清酒、梅酒可無限添飲，飲得的話，歸本無難度 🍶

星期五放工同朋友去咗大瀛喜食放題上到去好多人排都幾受歡迎 好彩朋友有book位刺身好值得讚 一大盆然後擺位靚 每塊刺身切得又大塊又靚 食落感覺好新鮮 冇乜腥味 個人幾鐘意佢嘅虎蝦 加咗泰式青檸汁好特別 encore咗幾次另外個牛乳鍋比到驚喜 湯底味好濃 食啲菜入哂味 冬天色暖暖地最啱 本身驚份量會好似出面啲鍋咁多怕食唔哂 但佢有就放題版縮少份量 咁就唔會眼闊肚窄可以放心叫黎食天婦羅同炸物都幾唔錯 我地叫咗炸蝦 蟹棒 一口芝士 甜薯等等 食落唔會太多粉 而且食物味道都幾突出 果然係放題必食之一燒牛柳粒唔算好硬好韌 份量適中仲叫咗個芝士青口食 味道幾特別 加上青口冇乜腥味 幾有口感甜品方面基本野好似雪糕雪條雪糕糯米滋款色好齊全另外有自家製蛋糕都幾好食幾驚喜 食落唔算漏 又有生果乳酪啱啲健康人士

辛苦完一整日，真係無理由唔食d好野補數，旺角方便既放題當然係首選。食物既種類可以話係應有盡有，有齊其他放題既野，但亦有d係特別既，就好似前菜咁，有唔同既海鮮料理，既開胃又好食。而刺身又係好好味，除左有平時會有既之外，仲有幾款魚係好特別，印象中係池魚王同另外兩款 (唔記得名) ，都係好有彈性，有魚鮮味，又唔會腥，值得推薦。炸物都會水準之上，係新鮮炸出黎咁樣。而燒物又係好新鮮，熱辣辣咁上，重點係唔乾！羊架好有咬口又肉汁，重要唔太有羶味，唔中意食羊既都接受到，讚！燒蝦都係彈牙又新鮮！燒菠蘿都要特別提一提，真係唔明點解可以咁甜咁多汁！叫左勁多！壽司多選擇不在話下，最重要係舊好細粒，唔會想塞飽你咁，有良心！無論係花之戀，卷物等等都好精緻，好好味！

星期一夜晚嚟食放題，每位$218，如果可以早啲入座或者遲啲入座，都會有唔同嘅折扣。 當中亦有生日優惠可以五選一，一嚟到就見到全場爆滿，絕對稱得上人山人海，如果唔係訂咗位，真係一枱難求。Order紙全部都係彩色印刷，中英對照同埋圖文並茂。Tick完野食，首先出去攞嘢飲先，有幾個雪櫃，但我就揀咗呢度，維他奶紙包熱飲。第一轉刺身係會用乾冰上，睇落去都靚仔啲，刺身夠新鮮，還不錯。炸物有好多款，雞翼、炸蠔、榴槤炸彈、芋心丸。 每款都係新鮮炸起，當中最好食係榴槤炸彈，真係香滑流心。手卷有幾款選擇，當然必食嘅就係海膽手卷啦，回本之選，但一定要快快食，咁樣紫菜先會夠脆。壽司細細件，質素一般。出面有個甜品自助吧，布甸、乳酪、啫喱、小甜品、生果，一應俱全。我最推介嘅就係榴槤糯米糍，入邊真係有榴槤果肉架，榴槤迷當然唔可以錯過啦。仲有雪糕、雪條、糯米糍、心太軟。限時兩個鐘食下食下其實好快就過，又係大放縱嘅一晚！

這間放題店不嬲都覺得味道吾錯而且選擇又多，又保持到水準，今次再同朋友一齊來吃這間，這個時間238有咁多食物朋友都話抵食。星級海鮮宴選擇不少，比較少有是辣酒煮花螺和黃金炒海蝦，咸蛋王包住海蝦勁香口味又剛好，辣味滲入花螺好香好惹味。刺身多選擇就一定啦，三文魚，立魚，池魚王，甜蝦，沒想到咁新鮮而且好有魚香。帶子鮮甜，這裡仲有櫻花魷魚同酒煮榮螺味道仲要吾錯喎。壽司同卷物份量細細粒，而紫菜夠脆口新鮮，配合刺身同飯味道不錯。當然仲有最愛的海膽手卷，新鮮又鮮甜，最後仲要食了不少添。花之卷三文魚厚身帶沙律醬清新帶魚香不錯。炸物同天婦羅都夠新鮮而且吾油身，一口芝士味重夠濃郁，虎蝦天婦羅夠大隻， 金磚炸鮮奶味道香又特別。小食當然不會點胡麻冷豆腐，枝豆，中華沙律好開胃，飲品方面選擇不少，有汽水和韓國飲品，仲有我必飲的道地飲品。最尾一定要食乳酪甜品，這裡也有生果同不同的糕點，味道不錯，細細粒可以食多幾款，只吃這裡都已經好飽。

放題控又來，真係癲到會自己一個人去食放題，話說小妹星期三去左朗豪坊行街，行到原來8點幾都唔知，開始覺得肚餓，正諗緊食咩既時候，比我見到有個姐姐舉起大瀛喜個牌，係你嗱。。。大瀛喜日本料理係位於旺角既奶路臣街11號MPM文華商場5樓，原來佢有優惠時段的，7點前離座有8折，9點45後入座都係8折，7點半前離座有85折，9點後入座都係85折~一去到5樓，就見到大大個大瀛喜logo環境都算大，但好快就已經坐滿晒人有多款飲品給客人自取，雪櫃貼左張提示，飲品只供堂食，不能外帶，否則正價收費~平時一開始，會點刺身吃，但今次反而想吃熱食，放題mode啟動流心一口芝士這個外脆內暖，好香濃既芝士味，真係好流心，呢個唔駛點沙律醬都得~蜜糖醬燒雞中翼食到好香蜜糖味，雞翼仲要暖暖的，肉質又嫩又滑，yummy yummy醬燒珍寶蟹棒壽司這個都係平時蟹棒壽司既味道，反正就是好吃嗱香草燒紐西蘭羊鞍雖則比較細件，但唔會啖啖肥肉，有d係好大件,但有一半以上都係肥膏但這個不會，味道也不錯，又嫩又唔so雪花牛肉鍋已煮好了再上給客人，唔駛等，一上枱就可以即吃，可惜有點美中不足，少左粒蛋芝士蒜香焗扇貝這個芝士味較重，蒜香味就唔太出

好似我呢d咁大食嘅人，同親朋友食飯總係離唔開放題，不論係火鍋定日本野，今日就食左大瀛喜。大瀛喜位置方便，就喺朗豪坊對面，我地收工行過來都好近餐廳一般放題格局，老實講對比之下都唔算逼，我地坐梳化位仲幾舒服添。坐低之後，好快就落單，我地先寫生，食到咁上下先寫熟，費事張枱放唔落。點左三文魚、帶子、鮑片、八爪魚、蝦、墨魚、池魚、油甘魚等，冰底上，樣樣都有刺身原味，你知啦，某d放題d魚生根本雪到樣樣一樣味。呢度幾新鮮，而且唔會話太厚切，變左唔洗話食幾塊就飽滯。推薦呢度嘅刺身，食得過壽司我地都點左d，友人鐘意有少少飯落肚，火炙蟹棒好正，如果可以有芝士就一流。另外花之戀、火炙三文魚呀、燒蝦都正。我就主力食熟食，牛柳粒好正，食左幾份，一口size，唔會好老，仲幾入味，加左d炸蒜，香口，而且夠熱。仲有大蜆真係食到好滿足，粒粒飽滿。天婦羅有蝦、蟹棒等，新鮮炸起，熱辣辣。燒蝦大隻，雞軟骨好脆。墨魚仔好爽口。雪糕任食！雪條飲品好多選擇。甜品

近年尾個個都好忙，想同朋友慶祝生日都要揀間就腳既！咁岩試網見到旺角站一出就有間放題，朋友試過又話唔錯所以就黎試試佢😋到既時候七點左右，因為訂左位所以可以等齊人再上去都無問題，無需同人爭位坐👍🏻先講環境，一入到門口就覺得好熱鬧，樓面尚算大但都坐滿晒人。值得一讚既係餐廳雖然多人，但每次寫完紙落單舉手就有人黎收紙，樓面上食物同執台都算快，岩晒一班餓鬼👻。唯一美中不足係張台細左少少，當係同朋友坐得close d!飲品方面有好多種類，大路既都有，除左近排好hit既桃酒🥰🥰，仲有清酒可以飲。不過第二日要返工所以就無試到。然後就到食物。整體質素唔錯，同等價錢絕對食得過！第一樣黎既一定係刺身刺身賣相唔錯，呢個角度可以睇得出擺盤心思。食物質素都唔錯，新鮮！推介可以試下呢到既北寄貝，大大隻又鮮甜。三文魚厚切有油香，都值得一試。肚餓得濟，先叫左d壽司同牛肉壽喜燒黎填下肚，壽司飯都ok實淨，壽喜燒比想中多料！甜甜地幾好食，d菜仲吸晒湯汁，食落去超甜！讚！跟住就係食肉獸最愛-燒肉。呢到d燒肉都穩打穩紮，中意食肉既朋友一定叫！👅跟住就係全晚最亮眼既鹽燒海蝦同雞軟骨。 雞軟骨唔多講，海蝦就用左近年好出名既鹹蛋

近來天氣凍要食多啲嘢先可以保暖，今日就連同朋友結伴雙雙去旺角奶路臣街11號mpm文華商場五樓， 大瀛喜日本料理食日本放題。未到門口已經有長長的人龍排隊入場， 認真犀利。我哋當然都排咗一陣，好彩只需等咗10幾分鐘就有位。在檯上有一本厚厚的點菜紙， 裏面有 星級海鮮推介、壽司、刺身、 手捲、炸物、前菜、燒物 ，一人鍋等等。 嚟到第一時間食個刺身先，點了不夠10分鐘上檯，刺身份量都好足，沒有漏單及食材都算ok。我最愛食海膽手捲，足料又細細件，食多幾款口味及order多幾都得呀～壽司都不錯，size適中，一口一件壽司，ok 不錯。炸物我最欣賞炸榴槤及炸紫芋，外脆內軟，榴槤味仲爆晒出嚟。燒烤尖椒及海蝦夠熱，尖椒好辣十分過癮，海蝦都爽脆。燒物有蜜糖雞翼外面甜甜地，雞肉都滑，而且不乾不鹹，及燒菠蘿燒得好香都甜，算可以。飲食選擇超多，冷熱任揀，仲有熱水，熱茶，清酒及梅酒任飲，好超值囉～甜品是自助吧，我就揀咗百福豆腐花及Blueberry Yogurt。雪糕都係自己去拎，任食好抵，我就食咗榴槤雪糕，味道都很好。

仲清楚記得第一次來呢間餐廳嘅時間，係同一班舊同事前來，而家都各散東西，今日再訪都有多少感觸。餐廳依然好人氣，我地一早預訂左位置，價錢218蚊，因為收工比較夜，9點後入座仲有85折，真係性價比高得來質素唔差入座時啱啱有一輪埋單，所以影到呢個環境相，我地被安排卡位，夠闊落，枱面已經有醬油，芥茉，order紙都好整齊。menu選擇多，魚生、熟食比例合適，花多眼亂，由刺身、壽司、炸物、料理、鍋物都有，飲料都一樣任飲，自取。仲有雪糕、雪條，豐富！我諗我同所有人一樣，都係點刺身先，每樣寫左少少，大約等左十分鐘就到手。刺身擺盤幾靚，砌得好整齊，仲有煙霧效果。魚生份量跟足，寫幾多來幾多老實講，我地唔係胃口特別大嘅人，所以多數都係食一至兩輪就夠喇。刺身款式多，有三文魚、油甘魚、劍魚腩、北寄貝、魚、池魚、赤海蝦、甜蝦、虎蝦、墨魚片、櫻花魷魚、鮑片、帶子、希靈魚等等，好新鮮，而且完全無雪味，真係好正，食兩轉都抵番特別鐘意北寄貝、油甘魚、三文魚、甜蝦呢。蟹籽沙律壽司點左幾款，覺得幾好食喎，飯粒唔會太實或者太酸，亦都唔係好大舊，食左咁多件都仲食得落。花之戀一口份量，三文魚肥美。另外最鐘意火炙系列，鹽燒蟹棒好滿

温書温左咁多日 餐餐都捱三文治無啖好食所以一考完試即刻超級渴望食好西!!! 勁耐無食過日本野所以就求其揀左間放題黎試下一入去已經見到又有水果又有勁多甜品個啲 仲有梅酒同清酒飲!!🥳🥳🥳🥳最岩我呢啲完左考試要鬆一鬆嘅人另外仲有好多雪糕雪糕櫃入面啲款都係我中意食嘅haha 有雪米糍 榴蓮味嘅雪條仲有甜筒🍦唔似平時個啲得雪條同雀巢雪糕杯lolll 我即刻忍唔住一開始就拎左條黎食一坐低就即刻拎起本menu睇選擇唔算好多 但大部分都望落去勁吸引啲野食黎得好快 侍應收野嘅速度都唔錯第一樣上嘅梗係刺身望落已經覺得幾新鮮 全部食落無雪味無腥味 我好滿意🥳🥳三文魚切得非常厚🤤🤤🤤魷魚真心勁高質勁creamy帶子都好大粒好好食甜蝦同赤蝦都係好大隻好鮮甜唯一美中不足係泰式生蝦個汁幾好味 但個刺身比較細同唔新鮮佢呢到啲串燒都燒得岩岩好幾好食 無話太老呢個牛舌燒得好香😋😋之後就到炸野啦我地嗌左炸芝士 炸芋泥波波同炸蠔炸芝士同芋泥波就同其他放題差唔多 無乜特別炸蠔就有啲可惜 包得太多炸粉跟住就係天婦羅啦天婦羅就全部炸得岩岩好👍👍👍👍同埋有好多款仲有我最愛嘅燒菠蘿❤❤❤羊架唔肥唔韌 算係幾高水準第一次係放題食炒蜆

一直都覺得放題好多間都有個大字同喜字，今次就黎到大瀛喜放題（$218），估唔到六點左右入到去都已經幾多人，仲以為自己會係最早🤣見到呢本menu有種似曾相識嘅感覺，先發現之前去過佢第二間分店每枱都會有包紙巾，好貼心食物就有刺身類：三文魚、赤海蝦、北海道鮮帶子、甜蝦&虎蝦等。帶子爽口，三文魚鮮甜，蝦嘅種類繁多炸物：流心一口芝士、黃金炸生蠔、紫心香芋丸、超級榴連炸彈&芝麻雞翼等對炸野係無抵抗力的，全部都金黃色，外層好脆星級海鮮宴：黃金炒海蝦、醬爆墨魚仔&芝士蒜香焗扇貝等係除左刺身之外嘅好選擇，都係較易番本主食：鐵板蒜香一口牛等Size同份量都比想像中大，好香，但如果少人唔建議叫甜品：楊枝甘露凍、青蘋果凍&馬卡龍其實係自己出去拎，細細杯，有得過下口癮又唔會食完食唔落其他野，另外仲有水果、蛋糕等飲料：涼粉爽&冬瓜茶等太多選擇所以揀左d平時少飲的，當中涼粉爽真係好多年無飲，真係爽😇，下次再約朋友黎先