大瀛喜日本料理 (已結業)

位置：文華廣場5樓，旺角地鐵口出來就是，注意不要走錯樓了，不算難找。價格：平時人均200人民幣左右，比大陸的自助日料要便宜。不同時間段用餐價格不一樣。 8折時間段：晚上7點前離座、9點45後入座；85折時間段：晚上7點半前離座、晚上9點後入座。週日-週四以及週五週六價格和時間略有差別。餐品：直接拿一個活頁冊子給你點餐，分不同的類別，點完撕下來給服務員就行，現做的，非常新鮮。種類豐富，基本上所有想吃的都有了。推薦牛舌、鰻魚、牛肉、刺身也都不錯。雖然我們來得遲，但也沒有出現缺餐的情況，晚點來也還是蠻划算的！服務：熱情！前台接待的阿姨友情提醒我們11：30之後就沒辦法點餐了（因為我們到店差不多就11點了），在11點25左右的時候服務員又來問我們是否還有需要，我們就加了一份東西，還問我們夠不夠，可以說是很貼心了。

好耐無食過放題啦，琴日係旺角見到呢間放題店係黃金時段8:30入座，每位加埋一都只係$240，就決定同朋友試一試🙂呢到total有成10張menu紙既野食比食客簡，仲有好多唔同種類既野飲、甜品係自助區，任君選擇👍🏻👍🏻食放題一定唔少得叫刺身，我地叫左三文魚、北寄貝、鮑片、帶子同埋三款既蝦刺身🍣刺身方面，三文魚片係厚切，所以食落好肥美，而北寄貝同帶子既味道都好鮮甜😋鮑片既味道唔會死咸，好有咬口，三款蝦都好新鮮食落好爽甜🤤🤤🤤壽司方面，覺得最正既係醬燒珍寶蟹棒壽司，食落除左好juicy之外，再加埋少少沙律醬，真係愈食愈開胃😋熟食方面，大部分都好好味，連鰻魚呢啲比較貴嘅小食呢度都有提供，特別係瑤柱海鮮粥，呢個粥除左有瑤柱仔、蝦同蟹之外，仲落左栗米，食落唔單止多左層口感，仲特別鮮甜，就算好飽都忍唔住要食番兩碗🤤🤤🤤最後當然唔小得甜品，呢度既甜品選擇都幾多，而且大部分質素都唔錯🤪值得一讚既係，呢間放題既上菜既速度好快，所以唔洗驚唔夠時間食，我地落由落單到野食黎齊都唔洗10分鐘👍🏻

放題而言，大瀛喜唔錯 ! 第一選擇好多！魚生整體都幾presentable! 唔錯的！好多種可以揀，連帶子都有！🤩🤩熟食推廌饅魚！啲汁好味，饅魚又新鮮！羊架都好juicy!唔太食羊嘅我都好鐘意💛一口牛都係必食！食落好高級！天婦羅🍤都好高味。唔多粉又唔油！個人就好鐘意牛油栗米🙈甜品選擇都唔少，由macaroon,到雪糕都有。 最出色係藍莓芝士蛋糕🍰 ！美中不足係地方比較迫，又多人，唔太傾到計。不過氣氛唔錯，好熱鬧🤣 二百幾算唔錯～

今日難得老豆黎接我收工.佢話想食日本菜咁我梗係帶佢食旺角嘅放題, 滿足佢嘅心願啦。就揀左呢間朋友推薦話值得一試既放題。1. 芝麻雞翼芝麻雞翼非常香脆，一食就知啊啱啱炸起！2. 雪花肥牛鍋菜同肥牛好好食，order 咗兩個，好有牛味而且唔會太油，推薦！3. 刺身刺身非常新鮮，三文魚刺身非常厚切，吞拿魚入口即溶，帶子非常爽口，虎蝦亦非常大隻。4. 鰻魚鰻魚雖然有少少軟骨，但個人唔鍾意軟骨到吃得下，而且味道燒得剛剛好。5. 心太軟呢個真係好有驚喜 外脆內軟 熱辣辣 第一啖咬落去朱古力流心漏曬出嚟 成陣香濃嘅朱古力味飄出黎 忍吾住叫完再叫7.芝士蝦濃郁的芝士厚厚覆蓋係長長的蝦上芝士控的老豆超級buy 食到好開心8 飲品飲品好多款可以揀 慢慢飲老豆揀左烏龍茶，我就揀左橙汁飲正正常常總括而言，上菜速度快又無漏菜，質素又幾高，座位都舒服，遲下再帶埋媽咪一齊食先得 😊

又同朋友食旺角既放題，大瀛喜係質素保證🤗🤗🤗食物種類多，可惜個環境比較迫，星期五都幾燥下😂依啲卷物全部都好正！推介中間兩種！炸物夠新鮮熱辣，香芋丸炸到金黃色，好香同有咬囗~ 火灸壽司全部都好正！鰻魚同焗蝦都非常惹味，啖啖肉蜜糖雞翼大大隻，燒得又甜又香😮😮芝士炸蝦卷幾種食材夾得好好，芝士味濃，同炸蝦好夾🤗燒一燒更加香蒜香牛柳粒大大粒好juicy!唔會好銀，醬汁適中，仍然保有牛肉味😛😛😛灸燒蒜香蝦壽司份量岩岩好，蒜同蝦好夾！可惜攤凍左，唔夠熱天婦羅推介炸蝦，炸蕃薯同炸鮮奶🤗蕃薯一啖食哂，幾清甜炸蝦既size都幾大，可惜炸粉多左啲仲有各種飲品！個人最鐘意依隻韓國桃味有酒精果汁😛賣單$238一位，星期五夜晚都係正常價錢

happy friday 提早收工，走到位於旺角的大瀛喜用餐。早收工的好處是可以特價享用放題，更加抵食。每枱有一本厚厚的點餐紙，食客在當中揀選食物及填寫數量，再交給侍應，是慣常的做法。點餐紙外，當然要在場內逛一逛，看看有什麼飲品和甜品。除了圖片這些飲品，還有一個沒有上鏡的熱飲櫃。除了一般汽水、果汁，連清酒梅酒也可以任飲！食物種類多羅羅，簡介一下部分食過的：瑤柱海鮮粥即叫即做，落單後需稍候15至20分鐘。一鍋份量至少足夠二人用；若想多品嚐其他食物，四人分享也不為過。雖然是放題，但用料充足，有蝦有蟹，加點蔬菜有夠健康。鹽燒海蝦，海鹽份量夠多，加了檸檬汁後，又鹹又酸，開胃之選；鹽燒雞軟骨，若加點檸檬汁，更加開胃；蜜糖醬燒雞中翼蜜糖豐富，又香又甜；芝士蒜香焗蝦可說是重口味之作，芝士落得多，蒜頭也很多，好此道者不能錯過 。法式忌廉藍青口鮮甜可口，法式忌廉不會搶走青口香味，味道調得恰到好處。天婦羅共四款，全都點了。有機蕃薯天婦羅最為清甜；海鹽虎蝦天婦羅肉質爽口； 蟹棒天婦羅口感實在；金磚炸鮮奶是個人至愛，外脆內甜。芝麻雞翼是雞全翼，夠肥美，外層被炸得香脆，還要灑上芝麻，脆口度爆燈； 脆炸雲吞小小的

好耐冇食過放題，心思思想食，之前都食過呢間覺得很不錯所以再黎。刺身好新鮮，虎蝦好爽口，不過啲𩶘魚有筋小食係細細碟咁樣，食多幾款都唔覺飽本身最期待係之前食過嘅芝士焗扇貝，但佢轉左menu, 而家係芝士焗蒜蓉蝦，都好重芝士味，啲蝦開左邊好易食。啲貝瞉類都整得幾好食，豉椒炒花甲、辣味大蜆、忌廉藍青口，好抵食！ 到肉都高質，鐵板燒牛肉，啲肉勁嫩滑，加埋啲炸蒜同個個汁就超好味。牛舌我都有再encore , 加啲檸檬汁落去，唔知點解食到尾會食到芝士味，個人十分喜歡💕仲有羊架，佢唔會大大件一件就塞飽你，而且一啲都唔騷，肉質算淋，加埋燒菠蘿酸田酸甜甜咁食就唔會太滯。壽司類，有海膽手卷，紫菜送到黎都仲脆，不過海膽有少少腥味，但勝在手卷都係一口飯嘅月size , 可以再食多啲野. 卷物同其他放題店質素都差不多. 仲有老火湯同埋甜品櫃任拎甜品，甜品小得精緻！

第一次食依間大瀛喜 門口廣告牌有兩個 記得係下邊果間平日5點半入場人數唔多 上菜速度超快講返野食 依間放題野食種類唔少 有刺身有煎炸有壽司有鍋有燒烤 就算唔食刺身都好多選擇咁多款入面我就最中意刺身，黃金炒蝦，炸鮮奶同鍋物刺身好新鮮 一般我都好少食蝦刺身 但佢好夠新鮮好爽口 抵讚既 仲有帶子同馬刀具我都好中意黃金炒蝦好野味 配酒就一流 就咁食既話就一兩隻好了炸鮮奶好香甜好有奶味牛奶鍋物清甜 天氣凍時飲好爽好舒服壽喜燒鍋物 好濃味 肥牛又夠肥又嫩海鮮粥有蝦蟹蛋花 薑味重 唔係人人中意 我就自己食晒一鍋野飲自己拎 有清酒同梅酒 各式汽水甜品有好多自家制既我當然唔會放過啦好多mini馬卡龍又有tiramisu啫喱布丁 全部都好細粒精緻 岩晒眼闊肚窄既人而雪糕櫃有幾款雀巢雪糕

本身上星期先食完放題，打算短時間內唔會再食，點知咁岩朋友即興話要食，咁我當然係捨命陪君子啦。佢今次揀左一間我收藏左好耐既放題店，由於我地早收工，於7:30前交枱，可享85折優惠。刺身刺身款式唔少，不過我地兩個妹仔肚，無試哂咁多款，只係點左三文魚、池魚王、赤海蝦、甜蝦、帶子、希靈魚、飽片、櫻花魷魚，每款都唔錯，重點係厚切，更有口感，入口更鮮味。手卷朋友好湊米氣，所以一定要食飯落肚，點左個海膽手卷。呢個手卷整到好迷你，一啖可以食哂佢，唔駛怕好多飯好易飽，不過朋友表示好腥。壽司朋友除左點手卷外，另外仲有三文魚腩、帆立貝、鹽燒三文魚、香蒜牛油燒大蝦壽司。職員步速好快，壽司上枱已經瞓底左…朋友表示味道中規中矩，但唔會再點。天婦羅呢度既天婦羅係我食過咁多間放題店中最少款式，只有四款，當中虎蝦天婦羅真係唔錯，除左熱到辣口之外，粉漿亦唔算好厚，蝦都有少許彈牙。炸物放題店我最中意食芝士年糕，但原來呢度係無提供….芝麻雞翼炸得香脆；炸生蠔有蠔味，但蠔太細粒，顯得好厚粉；炸雲吞、香芋丸都係normal；燒物羊鞍上枱已經好大陣羶味，但入口係可以接受既範圍，而且有肉味，比其實食店只有香草味既羊鞍好味好多，加上肉

我們訂座8點半，到達時門口都有挺多人等候著，幸好等了15分鐘後就獲安排座位。晚市很多人，基本上都滿座了。有一般放提提供的刺身，個人覺得味道最佳的是三文魚和帶子，三文魚是厚切的，口感細嫩，脂肪條紋分佈平均。帶子則非常鮮甜，令人想一吃再吃。炸物方面，個人認為必點金磚炸鮮奶，外層香脆，裡面是流心的，鮮奶味香濃，值得encore!燒物類則必點羊鞍，肉質非常鮮嫩而多汁。鰻魚也烤得不錯，肉質不會太乾，很惹味。飲品櫃有兩個，選擇很多。甜品櫃雖然只有一個，但選擇尚算充足，素質也不錯，最喜歡是藍梅芝士餅，不會只有甜味，吃到芝士的香濃。

約朋友去咗旺角，行街行到夜晚，想食日本放題，於是去咗呢間~ 大瀛喜日本放題都食唔少，今次睇下呢家有乜嘢特別先一支箭去咗甜品區先，都唔錯喎有我鍾意嘅食嘅tiramisu、法式焦糖燉蛋、楊枝甘露，最驚喜係有埋馬卡龍㖭法國焦糖燉蛋❤❤❤tiramisu❤❤❤❤馬卡龍❤❤❤啲飲品都多達十多款，最特別係有日本清酒同梅酒，都係任飲，梅酒味道濃沃，都飲咗兩杯刺身也新鮮甜美 款式也不少🐟🦐🐙🐚油甘魚、吞拿魚❤❤❤❤八爪魚、池魚❤❤❤❤甜蝦 、虎蝦❤❤❤❤墨魚片、 帶子❤❤❤❤❤燒羊架燒得啱啱好，冇騷味燒鰻魚辣酒煮花甲，香辣滋味燒菠蘿 食到噴曬汁海膽手捲也不錯呵🤩 不算太大，一啖就可以食咗落肚蟹粥也可以 ， 最驚啲粥底太鹹 ，食落又唔係喎最後梗係要揀番杯甜筒食完至走啦

其實今次係小弟第一次單人放題🤣所以揀間就腳又唔貴嘅大瀛喜平日嘅9點去到都算多人不過侍應態度勁好 手腳快又會提返野食種類枱面份落單簿又可以痴喺枱底 幾方便野食種類都算多 實有樣啱男女老幼🤣🤣野食一到 先check下刺身 冇漏單當中赤蝦有驚喜 冇雪味 有彈性另外有至愛油甘魚當然又係加分位！卷物同壽司就絕對合格始終放題唔食太多飯不過提返 油甘魚腩壽司有泰式醬 要小心辣啊！到熟食環節啦天婦羅貴精不貴多款式有四種 但係每一款都會有鮮味有心思個人最愛係炸鮮奶！甜而不漏！牛柳粒同鰻魚都勁香牛枊又淋又有咬口 如果茨汁可以少番啲就perfect啦！一個人食成枱嘢食感覺真係好滿足！飲品個方面除咗傳統嘅罐裝汽水 佢仲有一整櫃嘅支裝飲品其實幾好咁樣起碼唔會飲到成肚氣食唔落野 浪費左啲quota更加估唔到嘅係！？有清酒同梅酒 任斟任飲小弟都見到房入面其他客人超盡興飯後果同埋甜品選擇唔算好豐富 不過小弟食主食已經10分滿足！再提多次大家啦！9點後 折左都幾平下 抵食

今日難得放學約左班朋友食飯，大家都好耐冇食過放題，於是就黎左呢間試下！ 我地book 左8點半，所以到既時候已經好肚餓🙈到左之後雖然book 左，但都等左10分鐘左右先入得去😂不過上到去真係嚇親我，入面真係人山人海，個個staff都忙到癲，不過都好快就帶左我地入座🤔上菜既速度真係好快好有效率，落左單5分鐘都冇就不停咁上菜，上到張枱都冇位放😂 黎到放題，一定要食既梗係刺身啦！三文魚刺身切得厚度岩岩好，唔會太簿，但又入口即溶。帶子雖然比較少，但鮮味好足，呢兩個係最推介😍另外炸物 天婦羅，金磚炸鮮奶都係極度推薦！ 我放題多數專攻刺身都忍唔到口食左好多件😍仲有燒物 鐵板蒜香一口牛 同埋鹽燒牛舌 都好好質素😋 一口牛唔會太多根，入口即溶，味道有少少令你上癮😍再加上又鹹又辣既牛舌，兩者既配置一流😛仲有好多自助甜品 同 飲品 （任飲清酒、梅酒）真係好抵玩，下次再去放題都會再黎呢間😋

今日同幾個朋友一齊去慶祝，就食放題喇，我地book左8:30 個session, 所以等緊𨋢個陣已經餓到就暈😂😂去到門口已經急不及待攞野飲喇同埋已經直刻夾左啲甜品食整體尼講，啲甜品都唔算好甜，特別鐘意個泡芺，同埋木糠杯甸，估唔到放題嘅甜品會有尼個質素呀！咁埋到位，例牌一開頭就梗係叫刺身喇！都有幾多款揀下架，我特別鍾意個希靈魚，好鮮！啲蝦都係好鮮甜 唔錯 不斷encore!今次特別推介幾樣野：1） 炸蝦，炸得好靚，同埋入面都仲有蝦味，唔係老到無哂味 2）榴連波波一咬落去，啲榴連味真係湧出尼😂😂同枱如果有人唔食榴連真係避都避唔到3）一口牛嘩！ 一啲都唔會難咬，個汁好香好惹味！4）芝士焗蝦焗得好唔好，睇可唔可以成塊蝦肉咬到出尼就知，佢一啲都係痴住！5）all time fav: 鰻魚！

其實都食咗好多間日式放題今日同朋友幫襯呢間睇吓有冇特色或者驚喜🤣第一個驚喜😊係任飲梅酒我勁鍾意👍🏻✨唔係間間日式放題都有同埋係夠濃嘅梅酒👍🏻（唔會加水！）我飲咗兩杯都有啲醉醉地😆第二個驚喜係有黃金炸蝦我又係最鍾意食鹹蛋黃👍🏻熱辣辣，鹹蛋黃夠味，同埋隻蝦都幾大隻所以都叫咗幾次食👍🏻第三個驚喜👍🏻原來係有燉湯飲係雞腳蟲草花同瘦肉我覺得味道都夠濃，同埋好似冇咩味精真係好OK第四個驚喜👍🏻水煮蜆同炒蜆味道都超正所以一叫再叫第五個驚喜👍🏻係粥品唔係好鹹，可以食晒成鍋🤣🤣🤣我最怕就係重味精😵意料之外另一個想讚下嘅地方我哋六點鐘去食兩人食俾咗四人枱所以都坐得幾舒服同埋最重要係夠位擺放食物👍🏻