大瀛喜日本料理 (已結業)

作为日式料理的放题，性价比还是可以的，晚市也有优惠，有几款炸物和甜品非常好吃。唯一令人不满的是，在我们临走的时候（并没有超时，来提醒我们的时候我们就在穿衣服、收拾包），有一个收拾盘子的男服务员态度很糟糕，一直在说我们桌上很狼藉，“像拉稀”，用语十分粗鄙。今天是元宵节无意过多争论，只想问请问我们来吃饭还要负责打扫吗？那么付你工资干嘛用？所以我们花钱来吃饭还要被你数落？关键是他说这些话的时候还是笑嘻嘻的，也是让人摸不着头脑。这个服务水准只能给差评了。

新年食左好多中式菜想轉下口味 朋友個個都話食放題 咁平平地我地就揀左呢間之前食過都一致好評既餐廳啦 果然保持到水準而且1930前埋單仲可以有八五折添放題當然要食刺身先啦 呢度有我最愛的厚切三文魚同爽口甜蝦 而且都好新鮮 好好味 果然保持到水準 同上次一樣咁滿意最後仲encore左一次呢度既壽司都有唔少選擇 推薦珍寶蟹棒 燒得好好 配上沙律醬好味鹽燒左口魚同鵝肝帶子都好好味 係入口即溶既感覺 好滿意卷物當然都唔少得 特別推薦炸蝦卷物 我地總共食左3轉添鰻魚燒得唔錯 值得一試炸物同樣好有驚喜 炸鮮奶好香濃 皮薄餡多 趁熱吃 好正榴槤炸彈都係必點 好有水準 作為榴蓮fans 我好滿意估唔到放題既熟食都唔錯 呢個番茄烏冬好正 湯底好濃番茄味 食落好驚喜 我地幾個都好鐘意而且只係細細碗乍 可以留返個胃繼續食最後都要食下甜品 呢度甜品選擇真係好多 唔單止可以落單要奶凍 焦糖布甸 貓山王糯米糍 心太軟 等甜品 更可以去自助區拎雪糕水準都唔錯 全部都值得一試 最推薦都係之前試過一直想再食既貓山王糯米糍 皮薄榴蓮肉多 個人認為比起榴槤炸彈更好吃 要encore多幾次

耐唔耐就會有啲心癮想食放題， 雖然睇住個體重上升，但係都唔理得咁多喇！呢間嘅放題性價比都幾高， 老實講而家出去食一餐飯冇二百蚊落樓都唔知食咗啲乜 ，但係放題可以食到日本嘢，都係三百蚊有找，相當化算。呢間刺身都唔錯 ，好過好多一般嘅放題餐廳 ，食放題除咗刺身要好未，熟食都要有番咁上下水準，呢間既熟食都幾好味， 尤其係炸物， 炸物當中要數芝麻雞翼最好食 ，雞翼外皮炸到香脆，而裏面仲有肉汁，讚讚讚！但係要有心理準備，啲位比較窄，坐得有啲迫。

大時大節，又係一大班朋友出嚟聚會嘅時候 ，由於我班朋友同埋我都係大食積， 放題就最啱我哋啦， 今次揀咗大瀛喜，總結都唔錯！大瀛喜放題 比出面嘅一般放題貴少少， 但我覺得值得 ，因為佢嘅刺身新鮮啲，魚油香味多啲， 熟食味道都唔錯，而且甜品選擇好多 ，質素都ok，比其他一般嘅低質素自助餐嘅甜品好好多！值得推介嘅有甜蝦刺身，好多時出面放題嘅甜蝦刺身 冇乜蝦味，而且口感有啲“林謝謝”，呢度嘅甜蝦刺身居然有蝦味，有鮮甜味，而且有咬口。

今日同女友去慶祝 見好似幾好就去試下因為book左位所以唔洗等好耐之後叫第一輪野食 嚟嘅速度係可接受 但啲刺生唔太新鮮 野食都仲係可接受另外服務態度 第2round開始嘅野食都嚟得好慢 好多漏單 另外有個黑衫嘅男侍應態度特別差！ 真心失望 ！

好彩揀咗5:30個時段去食，唔使點樣等位就入到去，上菜嘅時間仲要好快添！一入門口就見到好多款飲品選擇，而且部份係酒精飲品，啱晒啲朋友尼聚會，飲少少酒，傾吓計。而且佢仲提供左熱飲選擇，好細心！食放題當然唔少得刺身拼盤，三文魚好新鮮，仲有我最鍾意食嘅油金魚！！鍾意食蝦嘅朋友可以選擇甜蝦、虎蝦等等，加埋夠辣嘅wasabi，真係唔錯唔錯！至於壽司方面，火灸壽司就最出色。火灸蟹棒壽司、鹽燒三文魚壽司係真係好好食！蟹棒上面加上少少沙律醬、三文魚上面加上啲蔥花，真係非常好嘅配搭！除咗火炙壽司之外，鮮帶子壽司都非常好食，帶子好大粒，而且好鮮味，絕對係回本嘅選擇！天婦羅方面，大蝦當然唔少得啦！炸出嚟脆扑扑，非常鬆軟，唔會剩係得啲粉，非常足料㗎！平時放題唔係間間有得食海膽，不過今次有得食海膽手卷，鍾意食海膽嘅朋友一定唔可以錯過啊！甜品包羅萬有，鍾意食蛋糕嘅可以試吓雲石芝士蛋糕，雪米糍方面有幾種味道俾你揀，雪糕雪條更加唔使講啦！特別嘅係佢呢度有忌廉泡芙，唔太甜，幾好食㗎！

今日喺門口倒D油落地下仆倒人受傷🤕️，原本話負責任，轉頭又話唔關佢地事，環境差重要咁黑心真係唔好幫襯。事後仆倒人先放過牌出來，唔好玩啦，你果D仲要係油，倒擹水放個牌都唔岩，呢間野仲要係倒油喺𨋢口，一出入𨋢仆死人無命架。

年初一出街食開年飯，打電話好多日本野都唔開/太貴，呢間9:30後入座有85折，但新年服務費要加1.5%，不過新年一次就算啦，所以最後都揀左呢間。一去到門口就有好多野飲選擇，位多但多人一齊食就有啲逼。野食方面，壽司魚生味道中等，鰻魚同甜蝦反而出奇地好食，叫左幾轉。成晚食得最多都係芝麻雞翼同甜紫薯必食推介！另外甜品焦糖燉蛋都唔錯，細細個岩晒食到好飽又想食甜品既人食！

天氣凍，除咗打邊爐，唔知點解總會好想食放題，唔通真係要食多啲嘢泥保暖🙊今次呢間放題係朋友揀嘅，仲講到明要今次要5點鐘就食，趕係7點前埋單，有8折優惠。一入到去就見到個大大嘅飲品櫃，嘢飲都係啲普通野，汽水、果汁、茶同啤酒樣樣有，比較特別嘅係連乳酪同豆腐花都有得食。食放題必備嘅刺身都幾新鮮，厚切三文魚少筋位；甜蝦都幾通透，食落好新鮮。壽司壽司方面，我就最鐘意北海道鮮帶子，貪佢夠圓潤飽滿，大大粒，食落仲幾新鮮！海膽手卷海膽分量都幾足，唔會話食一啖就冇。芝士蒜香焗扇貝焗扇貝嘅芝士味比較濃郁，相反蒜香味就比較淡，鍾意食芝士嘅朋友就唔可以錯過！和風帆立貝帆立貝大大粒，都幾彈牙，配合埋和風嘅甜燒汁，好入味。鐵板蒜香一口牛牛柳粒煮嘅時間都啱啱好，唔會太靭，食落仲有少少肉汁！豉椒炒大蜆雖然炒大蜆嘅份量唔係好多，但係豉椒味好濃，有鑊氣，夠哂入味，搞到我要encore！ 北海道牛乳海鮮鍋天氣咁凍真係要叫一個鍋物暖下肚，海鮮煲材料都幾多，除咗鮮蝦、青口、蟹柳棒等等外，仲有唔少配菜同粉絲，夠晒飽肚！是日靚湯平時香港人咁忙，成日都冇咩靚湯滋潤，搞到而家連放題都有靚湯提供，是日靚湯係蟲草花煲雞腳湯，冬天飲下都幾滋補

天氣凍凍地，真係唔好餓親自己嘅肚，要積谷防飢🤤🤤我又去食放題了串燒雞軟骨每串有成4粒，燒完之後有鹹香味，我同朋友本身叫咗4串，最後叫多6串😍燒鰻魚鰻魚size啱啱好，肉厚，2口剛剛好，天氣凍要熱辣辣食，我卦住食其他嘢，到食鰻魚時，已凍凍地，後悔了辣螺每次唔算多有幾粒，螺肉入味，愈食愈辣，重點係螺肉好大粒，啖啖都係肉刺身刺身新鮮，三文魚好厚，可以叫多啲食一口牛肉味濃，牛肉味重，略嫌有筋位帶子帶子大大粒，有蒜香味黃金蝦黃金蝦外殼好重鹹蛋味，食落鹹鹹地，蝦仲保持左肉汁，唔會太乾。天婦羅喜歡食炸鮮奶同炸紫薯，鮮奶入面軟，出面熱熱地。榴槤糯米糍好難得見到放題係有榴槤糯米糍，咬一啖啲榴槤軟林林咁樣流出嚟，入面好多榴槤肉，好香呀，冬天仲可以食到榴槤，好幸福。

一大班fd食飯最好就緊係食放題，大家想食咩就叫咩，完全唔洗就住就住，又多選擇😆以前好中意食放題，由讀書時期到而家出黎做野都仲會間唔中食下放題。今次食旺角大瀛喜放題，同大部分放題一樣，都係好迫d位，同隔離枱好近，環境就一般啦。佢既選擇都幾多，放題會有既都有，飲品就要自己出去拎，都係汽水同茶個d。食物黎講不過不失啦，冇話有邊款特別好味，火炙壽司幾好味，但雞湯就好油，粟米唔知點解有陣好怪既甜味，侍應人數好小，好耐先有人執枱，最重點係，我地食完之後都肚痛😖😖😖，lee個價錢下次想食放題都係去返大喜x系列，有品質保証。

好耐冇食過放題啦！朋友生日，一行6人食餐勁！book左平日夜晚7點半！用餐時間係2小時，9點半侍應準時掃人！其實都冇人等緊，又截左單，使唔使咁趕，佢啲野又唔係上得快，成日都一次過黎2轉單既野我地都冇出聲啦！粒榴連糯米糍岩岩放入口就要走！有啲過份！食物種類係好多！真係好多都試唔到，因為眼闊肚窄！不過佢係勁多野飲揀！罐裝紙包樽裝韓國野啤酒都有！自己出去拎就得架啦！（其中一個飲品櫃）較為有特色既係手卷：佢整到好細好細件，好似一件壽司咁既份量！叫多幾多都唔怕！以下就係我地以為佢漏單點知黎多左一轉既手卷！第二樣推介係羊架！超香！超so!個調味做得好好！出去食正價羊架都係咁上下！所以中意食羊架既一定要叫！另外就係榴連炸彈同埋榴連糯米糍！一個熱食一個凍食！熱食一咬啲榴連蓉係流黎！超香！凍個粒入面係真榴連肉！好正！榴連控不能錯過！

一年總會食幾次放題，而旺角放題餐廳真係開得越黎越多，更加係坐得越黎越迫😂呢間大瀛喜放題係真心極極極多人，由5點開始都排滿哂人，多人程度係要約個reception擺落下幾層，然後依然排滿哂人😀 我地星期六晚去，價錢係$238+10%一個人。放題例牌叫一大盤刺身先啦！刺身算ok新鮮，唔會一大陣雪味，而且黎既數量同叫既一樣，唔會好似某啲放題咁黎少左份量👌🏻整體食物質素正常，收碟亦(好)夠快。不過佢地價錢唔特別平，亦冇好似啲新放題餐廳咁多自助甜品、飲品或特色野食攞，唔係好明點解會咁多人去😂

呢間放題已經食過好多次，任食始終都係吸引既，又方便同成班朋友黎，而我自己覺得最多好處係樣樣野都可以試。壽司質素好好，大大件性價比高，燒過好香口，中間蟹棒壽司燒得好香口。牛柳鬆軟又好有牛味。蜆大大隻，醬汁又好味，份量岩岩好。芝麻雞翼即炸，香脆又有芝麻味。香芋對於香芋迷更是必食菜式。因為好濃香芋味。天婦羅蝦肉好爽口，又唔會有好多油，抵讚。呢個係同樣食味再番點，好味。埋尾食岩d刺身。 因為已好飽叫唔到太多，所以放題都有好處，太飽可以叫小d。

又到聖誕，今餐聖誕大餐揀咗大瀛喜，haha～要俾like俾大瀛喜，啲刺身真係好正，三文魚肉厚，甜蝦勁新鮮，我最中意係北寄貝刺身，口感好正啊，而且呢度係環境都好有氣氛，呢餐聖誕大餐認真豐富