大瀛喜日本料理 (已結業)

之前生日，弟兄伉儷帶孩子去長洲，還請食海鮮餐，自己一直心存感激，向來愛以愛還愛的我，終於有機會回謝他們了！雖然book咗位，但都要等一段時間才可入座，好多人，好好生意！點了一堆食物，拿拿林出去攞野飲，真係好多選擇！掛住食同傾，無乜點影相……大大盤的無影，後加的補返，魚生唔使多講，厚切、新鮮，向來酷愛魚生的我非常滿足！主角夫人首推的芝麻雞翼，皮脆肉嫩，大小適中，放了一會吃也保持到熱力，普通的雞翼我認為這做得相當出色，夫人果然識食！仲有一樣較特別的：炸榴槤，我向來愛吃榴槤，但總覺得水果就咁吃是最好的。這個炸榴槤皮和餡比例剛好，不油膩，咬開後大量榴槤流沙的湧出，令我吃得出水果可烹調的理由。仲有好多，但無一一記錄……總之我們今晚相當開心，野食啱食好食，氣氛很好，我們也很難忘，我這個搞手也相當滿意！

放題成日都食，呢到係會食完再食既地方，因為真係很不錯，嘿嘿一口手卷，一個人都可以食到２－３次，試幾款。診熱食，紫菜仲有小小脆。刺身自己一人的份量，放題質素黎講都算新鮮。無雪味，帶子都肥美，嘿嘿壽司水準都不錯，而且Ｄ飯無散收收左口魚夠哂入口即溶。嘿嘿熟食，還不錯，上到台唔會成層油擺到乾哂咁。炸物都很不錯，炸粉薄，外脆內軟。整體水準都係很不錯，所以先會一食再食燒物，炸物都係熱辣辣，嘿嘿而家Ｄ放題　飲品超多選擇仲有埋乳酪，

昨晚和男朋友去食飯慶生, 諗住呢間咁多人食, 啲好評又多成咁, 去呢度一定冇死啦! 一早BOOK哂枱打算比個驚喜和快樂回憶....點知一去到, 嘩! 人多成咁, 位逼成咁?! 見到已經嚇一嚇!我們被安排在一格六人位... 中間的二人位上, 張枱勁細. 我坐埋邊, 真係逼到冇朋友~ 左邊係一個大媽, 基本上成個食的過程佢個手踭都不斷隊住我(不論係影相還是用餐) 本放題簿根本冇位放, 侍應就話原來有磁石可以攝係枱腳架~ 嘩, 本野咁厚, 攝完咪頂腳? 我完全唔覺有咩咁新奇, 只係個位已逼無可逼..... 呢個設計真係夠哂溫馨.打開放題簿, 都係果D啦, 但壽司/甜品選擇好少, 係我去過咁多放題最少的一間.火鍋... 唔敢叫啦, 張枱根本冇位. 要花長時間食既嘢, 係呢個場景, 好唔理智. 剌身... 唔敢叫多啦, 個盤太大, 張枱放唔到其他野所以想食多的朋友, 記得先點一樣到一樣, 除非你食嘢係極速.....仲有侍應... 傳菜砰令嘭冷, 似擲多過似傳..... 我都明白佢地辛苦, 四周太窄人太多加上太忙.... 但不僅我有hard feeling, 隔離枱都"嘩"咗幾聲.食物嚟講, 除左

今晚幾個女人約埋話去食放題， 280蚊嘅價錢大吃大喝任飲任食， 是不是要放縱一下平衡一下心情 咁我哋就揀咗旺角新開嘅大瀛喜一坐低就去個雪櫃睇下， 有酒精冇酒精飲品好多選擇， 怕你熱氣仲有清熱飲先嚟一個自選刺身拼盤 所有嘢都好新鮮 特別值得一提係左口裙邊壽司， 非常美味又肥美 再點下我最愛 羊架串燒牛脷雞軟骨 再嚟一啲炸物有炸蠔同埋炸芝麻雞翼， 炸蠔我略嫌佢炸粉太多，但係芝麻雞翼真係食過返尋味再要點多次 黃金蝦亦都係值得一試 鹹蛋黃味夠，夠熱，隻蝦又夠大隻跟住重點咗鍋物 甜品 真係太多嘢食不能夠盡錄 為咗食其實好多都冇相機食先如果鍾意榴槤嘅朋友值得推介係， 炸榴槤湯圓， 榴蓮蓉真係香噴噴意外驚喜係雪糕仲有雪條嘅選擇雪條仲有我最愛嘅朱古力牛奶雪條大滿足

想食日本野，都係覺得放題抵食啲！又多嘢揀，又平！所以揀咗食呢間！2百幾一個人！低食！刺身好新鮮又有多款嘅蝦選擇，配個沙律呢個黃金蝦好味，好多咸蛋！要encore！我食了六隻呢個芝麻雞翼好味，沒有失望，必食羊架，好味，不過好飽啊一件夠啦！芋波同呢個榴槤波，我覺得榴槤好味最欣賞佢嘅飲品櫃，有啤酒有有無糖嘅解茶，有清熱號，有somersby !!最最欣賞佢嘅熱飲櫃！好貼心啊喺洗手間嗰邊有一個雪條櫃，有朱古力味嘅牛奶樂！正呀！記住留返個胃食甜品！

好耐無食過放題，因為唔想成日食到咁飽頂住，但往往見到美食就節制唔到，所以就盡量唔去，今日朋友話見到間又平又多嘢食嘅想試，星期一至三只係$218加10%，咁就豁出去！飲品有2大個雪櫃俾你揀，款式真係好多，唔會只得汽水！有幾款韓式飲品芒果，蘆薈，乳酸，怕肥嘅有解茶，怕熱氣有清熱飲品，想飲酒亦有apple cider 果d,每類都唔會只得一個口味刺身有三文魚，油甘魚，劍魚腩，幾款蝦，全部都幾新鮮。壽司有三文魚腩，帶子，松露海蝦，幾好幾好熟食都試咗好多，好味嘅有燒牛舌，芝麻雞翼，流心一口芝士，超級榴櫣炸彈，鐵板蒜香一口牛，黃金炒海蝦燒菠蘿好香好味，只燒一邊，燒完仲有好多汁雪條雪糕櫃係近toilet,想食記得行過果邊拎，雪糕就係牛奶公司細細杯朱古力味果d，雪條有朱古牛奶，榴櫣，等味

刺身勁新鮮唔會凍冰冰兼無味，羊扒入味肉 幼嫩， 芝麻雞翼鮮味， 蝦類全部都很新鮮， 鹽 燒 嘅蝦同牛舌非常好味， 可惜位置太逼， 二人枱的很細 不能放很多食物， 上菜的經常將枱號調亂 已點的食物全都分到左右兩邊， 前兩次來幫襯的時候可能時間較早， 相對沒有這麼多客人 上菜是不會掉錯檯號， 今次食七點半時段 人數比較多所以出現這個情況， 很多食物點了也沒有機會吃到， 發覺所點的菜全都在左右兩張枱上出現， 這令人有點失望！ 希望下次再來的時候沒有這個情況發生😑😑😑

今次係第二次食大瀛喜, 之前食過d刺身好新鮮, 今次一坐低即刻又叫. 一食完全無退步, 三文魚同章紅魚夠香, 刺魚腩夠肥, 希靈魚超甜完全唔腥. 之後到壽司卷物, 不得了個迷你海膽好香,係放題食到咁既質素絕對抵食, 食完個after taste 仲係個口入面留到好耐, 值得推薦飲品櫃冇左以前大愛既椰青水, 不過多左清熱飲, 食左即叫即炸既天富羅都唔怕熱氣😂埋單前整多件榴連炸彈, 一咬落去d榴連爆哂出來, 中意食榴連真係唔好錯過👍🏻

因為減肥嘅關係，好耐都冇食過放題啦，但係今日心血來潮好想食，又有朋友可以陪我一齊食，實在太好啦。睇過咁多間放題，覺得呢一間好評最多，所以就即興六點鐘去食。呢間放題嘅座位一啲都唔迫，坐得好舒服，食物嘅種類都好多，可能因為係好早去嘅關係，所以啲食物好快就嚟啦。刺身都好新鮮，對於一個鍾意食蝦刺身嘅人你講淨係蝦刺身都有三種，真係好滿足呀。除咗蝦刺身之外，最鍾意就係左口魚變壽司，左口魚邊唔係間間都有得食，二要特別一讚呢度嘅壽司係好細件，令你可以試多幾款唔同嘅壽司，此外海膽手卷亦都係我嘅最愛，非常迷你，一次過可以食幾件。

放工約左人8點打波, 突然好肚餓好想食放題見有時間就自己走左上大瀛喜. 之前睇comment都話佢d刺身新鮮, 食落真係好正喎, 甜蝦, 小柱都劍魚腩都唔腥, 個劍魚腩仲好肥好香.因為一個人食唔敢叫太多, 好在佢d壽司細細件, 可以試多幾樣, 值得highlight係個海膽手卷, 海膽超新鮮又味濃. 結果忍唔住返叫多幾件. 燒物正常水平, 菠蘿燒到岩岩好, 如果牛舌可以厚切d會更有口感. 整體都感覺抵食, 下次時間多d一會再來試真d😋

成年冇食大灜喜，21/10再次嚟食，水準仍然咁好。刺身新鮮，超級榴槤炸彈及貓山王糯米糍好食，絕對係榴槤 fans 嘅至愛！炸雞翼正，燒鰻魚好味，壽司ok, 不過海膽手卷就一般，可能係d海膽吳新鮮，有些小苦苦地！鹽燒海蝦好味，燒菠蘿都正，甜品ok, 款式又多，其他食物都正！不過燒牛舌較老，可能燒得太耐，希望下次可以改進。每位$238 另加一，價錢合理！最後覺得佢裝修較舊，如果再執執，絕對可以再多d人嚟幫襯！努力！

I haven’t had a buffet for a while. Salmon always is my favour. This time I had go to this restaurant with my family for my sister’s birthday. I like these sushi are small and easy to eat.Fresh prawns This lamp chop was not sticky.Actually, if it wasn’t not buffet, I would eat all the delicious sushi until I was full.

今晚與太太二人「撐枱腳」，太太想吃日本放題，我就訂了這一間大瀛喜日本料理。本人通常對日本放題有一些要求。一是食物質素高、二是不要漏單、三是送餐時間快。這一間大瀛喜日本放題絕對做到這三方的要求。大瀛喜的收費便宜，我今晚是星期三9:45時段，9:45 - 12:00 有8折優惠，星期三收費原價是$218，加一八折後的價錢是$207。真是性價比很高的日本放題。我們吃的時間是09:45時段，但都是很多人食。幸好我已訂了枱，服務員很快便安排了一張二人枱給我們。日本放題當然是任飲任食。先說飲品，這間放題飲品是自己出去雪櫃取的，款色很多，有可口可樂、烏龍茶、啤酒、C+、Somersby 蘋果酒等等。飲品來說是很不錯，比起其他日本放題提供的可樂或者綠茶都可能是大陸牌子好很多。由於是最後一場，我們已很肚餓，我們一次過點了很多食物。點單後差不多不夠5分鐘，服務員已經開始送食物過來，真的是很快。首先品嚐當然是刺身啦，三文魚刺身是厚刺，比較肥美，沒有雪傷了肉質，感覺很新鮮，吃上來有口感。另外甜蝦也是很有水準的。跟著是花之戀，雖然不是那麼大件，但因為是放題，細件反而更好，因為可以品嚐其他食物。之後吃我至愛的鰻魚

秋天係食慾旺盛嘅季節，當然要儲肥自己渡過嚴寒啦，我同朋友嚟到呢間位於旺角嘅大瀛喜，為嘅就係擦餐飽😋 。呢個黃金蝦真係不得之了，咬落去超香鹹蛋黃味，外層脆卜卜，連蝦肉都有入到味呀。侍應姐姐話今日嘅時令湯係花膠雞腳蟲草花湯， 仲唔係我嘅至愛？！呢碗燉湯我起碼叫咗三round，佢嘅蟲草花落得超級重手，勁足料！啖啖湯都係精華所在！豉椒大硯啲硯好大粒，超級香口，啲硯仲要係完全冇沙嘅，我哋都忍唔住叫咗兩round。迷你心太軟同一般嘅心太軟味道冇乜大分別，size夠晒迷你，一啲都唔滯，留肚食其他野就啱晒😋侍應嘅上菜速度都好快添，基本上落單之後唔使5分鐘就有嘢到，今次嘅放題我哋食得好有效率呀。

又係食放題嘅時候喇！今次揀左旺角嘅大瀛喜，方便同朋友食完餐勁嘅再去睇戲慢慢消化放題食刺身先係常識吧，老實講刺身嘅款式其實間間都相差無幾，係呢個時候，刺身嘅新鮮度好重要！好彩大瀛喜冇令我失望啫，尤其係我最愛嘅甜蝦，非常鮮甜！當然都唔少得熟食啦本來想叫芝味蒜香焗虎蝦，但原來虎蝦冇貨，變左做扇貝－都好好味！集合左我最鍾意嘅芝士同埋蒜頭，點能夠唔試呢？最正嘅係啲扇貝夠厚肉之餘，仲唔靱！真係正爆！燒有機菠蘿－出街食嘢一定要食啲蔬果，燒菠蘿解膩都唔錯海膽手卷－份量好迷你，岩哂我留肚食其他野，海膽ok鮮甜冇怪味，入口即溶炸蝦手卷－口感好得意，外面d飯係軟嘅，內裡炸蝦嘅表面就夠脆，外軟內脆好特別！今餐係超滿足嘅一餐，唔知要幾耐先消化得哂呢哈哈