大瀛喜日本料理 (已結業)

每次經過都非常場面墟冚嘅大瀛喜今日終於可以一試，一行兩人book左8點45一去到不用等已經可以即刻入去喇。食物超多款式，連同行嘅友人唔食刺生嘅都唔怕冇選擇，食到抱住個肚走。第一輪當然係嗌刺身先，落單後野食好快就上枱，因為朋友唔食生野嘅關係所以只叫咗少量刺身。刺身入口新鮮，三文魚有一定厚度，非常肥美。極度推介必叫嘅帶子壽司，從未試過食放題會有咁厚嘅帶子出現而且非常鮮甜，份量十足，比起帶子刺身更加有質素！！而火炙系列都一樣出色，個人推薦會係燒蟹棒壽司，個隻炭焦味正到呢～同埋呢度嘅壽司飯大小岩岩好，件件都細細粒唔會專登塞飽你，等你可以樣樣都試到。全晚不停返兜超好食味道超濃嘅黃金海蝦，滿滿嘅鹹蛋炸粉，十足鹹蛋味而且皮炸得好脆岩哂我呢啲慣左連皮食嘅人，勁高質！必叫。一樣必叫嘅鰻魚，非常淋身，而且食唔到平時最怕嘅細骨，味道超有驚喜！燒海蝦有時係外面食到嘅一般都會燒得比較熟蝦身嘅肉都會痴住哂支竹籤，而呢度嘅時間燒得剛剛好，蝦肉好爽口。食到一半開始飽飽地就食返啲清新小小嘅前菜抖抖，中場休息下先。天婦羅炸粉唔厚，蝦身入口爽不老！最後到甜品環節，叫左榴槤糯米糍，泡芙仲有一個係”一口brownie” 但掛住

🇯🇵好耐冇食過日本放題，呢度朋友介紹依家大瀛喜，一日就book咗位同朋友嚟食！位於旺角朗豪坊對面嘅商場，店舖都幾大，光線都充足，坐得舒服。嘢食選擇左好多，我哋一開始就叫咗刺身拼盤，有三文魚甜蝦海蝦虎蝦油甘魚等等。首先三文魚腩刺身，新鮮美味，沒咩雪味，脂肪都算平均，而且冇根，咬落好滑！🍣油甘魚刺身，厚切而且肉質結實有彈性，食落有口感而且好香既魚鮮味。🐟海蝦中間切開，平瓣兩邊，肉身肥厚鮮白，膠膠的質感什有彈性、蝦味咸鮮，又爽又滑。🦐

上星期去了這間放題店與友人共聚，盡情吃喝，我地真的爽死，因為食左好多乜乜物物，甜品飲品食到盡，講真二百幾銀真係好多野食。我推介食膽手卷，D海膽真係好鮮甜，要食多幾轉。那晚豚肉響鈴煮物好好食，D豚肉肉味好，籮蔔索晒湯汁好味道。一品料理，我最愛吃蒜香一口牛，牛肉多汁又有香蒜味，食到停唔到口。燒物最愛鹽燒海蝦，大大隻好鮮味，肉質不霉。燒菠籮唔食你損失，燒過會特別甜，好開胃，食得飽食番件燒菠籮，包你開胃又再食。飲品都OK多㨂，有我最愛CC檸檬也有道地飲品，OK播。D壽司都好好食，水平可以，但當然唔可以同高級壽司比，算係咁。有一款卷物芝土鰻魚卷推界，味道好有層次。甜品好正有焦糖燉蛋，奶凍，芝土餅，Triamisu，泡芙，馬卡龍，芒果Moses ，我地全部食晒，唔錯! 呢餐食滯了。

旺角放題我都食左好多間, 呢間係我食完之後會再encore的其中一間, 因為真係好好食!我同朋友一坐底已經叫左刺身，今次叫左唔算多，所以佢地只係用個細碗裝住，不過我都唔太care, 重點係味道!呢度既三文魚的厚度同新鮮度係good good!!!肉質相當肥美同爽滑之後就主攻壽司同炸物同熟食野，我叫左個海膽手卷，飯嘅量一d都唔多！岩晒想食手卷但又驚d飯太多嘅人，因為食飯好快飽🤣炸物就有天婦羅，炸豪，炸豆腐，原來炸豆腐係甜嫁，感覺好新鮮，入面依然係好滑好正呀一路食一路都好口渴，側面有個自助飲品，可以比人任拎野食，幾好！

由於食飯時間嗰陣我哋未肚餓，於是一二等到九點鐘先去食放題，平得來又可以任食， 同埋我哋最鍾意食日本野！呢間種類都算多，揀到我眼花撩亂。首先一嚟梗係食返個刺身拼盤先啦。甜蝦好新鮮，三文魚都係厚切因為要食晒啲野我先食熟嘅，所以就叫左啲壽司之後熟食就不得不提一口牛肉粒ಥ_ಥ非常嫩口，仲好野味，值得encore!羊架一d都唔so，好易入口，加埋d檸檬汁一流。接下來仲叫左 d炸物同帆立貝仲有焗豪，味道不過不失。最後就係等左好耐嘅甜品， 因為佢哋啲甜品係勁多種類，最後叫左奶凍燉蛋。。。真係捧住個肚咁走

我地l2人book左下午放學後來，慶祝畢業。我地被安排了在一間房坐，完全係死角位。其實都預左冇人會服務我地，而每次order紙都係由全場"最有個性"既4👀👀哥哥收我地D單,全程語氣都係好粗豪，而且面色黑過墨斗，應該係我地全部一坐低就令佢心情非常不悦。佢落野食既技巧係用遠距離飛掉既形式"sin"落枱邊。我地12人sashimi每款order24件=每人2片，都好正常呀？其他串燒order12件，1人1件都很合理？？但我地叫既野食，大部分冇黎過，冇串燒，冇熱炒，冇炸物，冇sushi叫12件黎一半😠😠😠，仲要我地訂1:30pm既時候話驚我地吾夠時間食？吾洗擔心，因為根本就冇野食。同學口多問左一句"請問我地仲有幾多野食黎"有個好似大佬既waiter話"你地叫幾多咪黎幾多囉..."依個"囉"字係我聽過最長最高key既囉字，嗰一刻仲以為我地欠佢💰💰💰黎追數。2pm左右我地既御用4眼哥哥飛張單落枱"麻煩而家埋單，野食可以落到兩點半.!"大家忙我地當然明，但如果個個都做得甘吾happy甘不如吾好做?全場唯一一個非常好笑容又最好服務態度既內地姨姨，只有佢幫我地清碟，仲提醒我地記得得2:30pm前叫多D野

難得今日可以早收工，約咗朋友出旺角行街， 大家都想食日本嘢，行下行下見到有間做放題嘅大瀛喜， 價錢只係二百多蚊， 就一於貢上去試下。可能係晚飯時間， 幾乎全場爆滿座無虛席，場內勁多三五成群嘅後生仔女幫襯， 雖然座位有點逼， 背景聲浪也比較嘈， 但似乎大家都唔介意， 現場氣氛非常高漲熱鬧。食放題首選梗係要食刺身啦， 這裡提供了十多款選擇， 當然唔少得最基本的三文魚北寄貝甜蝦劍魚腩油甘魚...等， 就連少有嘅櫻花魷魚同希靈魚都有添。三文魚可算是我的至愛，每次食都一定要點，而這裡的三文魚好新鮮，沒有雪味，油脂分佈均勻，入口即溶好正， 前前後後都encore咗幾次。壽司方面我哋只係小小地點咗幾款， 因為要留 肚嚟食其他。 本人推介呢款北海道鮮帶子壽司， 帶子新鮮肥美，滑溜可口，另外黑松露赤蝦都唔錯，話晒黑松露喎都矜貴啲啦，大家來一定要試下。海膽手卷紫菜夠脆，橙黃色嘅海膽都幾新鮮，味道鮮甜帶少少回甘，配合香軟米飯口感一流， 略嫌海膽偏少，如果可以加大份量就更理想了。蒲燒鰻魚啲汁甜甜地，鰻魚又肥又厚，鍾意佢食落無骨，煙煙靭靭好味。芝士蒜香焗扇貝蒜味香濃， 味道鮮中帶甜唔腥， 都幾惹味，不錯。必食

母親節當日食，早幾日先訂位，價錢貴少少，但都可以接受因為得2個鐘頭時間食，一入座就即刻點食物啦，慣性放題第一時間點刺身第一round點咗池魚，冇嚟到，第二round先嚟返，所有刺身都好鮮甜壽司細細件幾好手卷都細細件，海膽好正燒羊鞍，對鍾意食羊嘅人嚟講係嘅，但唔鍾意食羊嘅，就會覺得好（騷）芝士帶子焗扇貝值得推介，真係好好食忌廉藍青口個汁唔漏，好正呢個鰻魚真係值得一試再試超蒜香一口牛蟹籽沙律、柚子大蝦沙律、麻醬豆腐、酸薑所有前菜都好好食燒雞軟骨、蝦甜品種類多選擇由於母親節，餐廳送咗支酒比我哋，真係好開心總括嚟講，所有食物都好新鮮，樣樣食物送到枱都出哂煙、熱辣辣食物種類好多選擇唔算多漏單食物質素方面好多食物都好好食，好少話唔好食嘅嘢唯一唔好得2個鐘，好似好趕咁

前幾日要應酬班內地客，佢哋話想食香港嘅放題，我即刻諗起旺角有一間又就腳、又多款式、又好味嘅放題其實呢間放題我都成日去，水準都依然keep得到刺身拼盤係我發板，基本上全部都有 order 我覺得最好食嘅係帶子、同埋劍魚腩，帶子大大好隻清甜、劍魚腩嘅脂肪食落口即溶，呢兩款刺身我哋order左幾轉 海膽手卷細細件啱啱好，食多兩件都唔會飽，可以留返個肚去食其他野帶子壽司內地人都好鍾意食除咗壽司刺身有水準之外，熟食都真係幾多同埋質量都好高芝士蒜香焗扇貝裏面仲有少少蟹子，口感好得意又好食蒜香一口牛口感軟熟，牛味香濃香草燒紐西蘭羊鞍，冇酥味生熟程度啱啱好食落口香軟，肉汁仲保持到係裡面和風帆立貝我覺得冇咩特別但唔係差嘅天婦羅炸漿都適中，因為我食過有啲天婦羅嘅炸漿係好厚嘅甜品來講焦糖燉蛋我會係覺得最好食，唔太甜

服務極差.........叫兩輪野食....第一輪都黎唔哂！!!!!!!!!!!!!!!叫第二輪催左9次都無黎過..........!!!!!!!!!!!!!!!!!!!!最後仲話無落到單.......要全部再叫過!!!!!!!!!!!!!!!!!!!!員工全部都敷衍我地，最後得一個員工肯幫我地。我地8個人去食，個個都好不滿，無心做執左佢啦！!!!!!!!!!!!!!!!!!!!!!!!!!!好嬲一定唔會再黎！！！!!!!!!!!!!!!!!!!!!!

成班人gathering食飯，繼打邊爐之後，就係去食放題啦！總是有一樣嘢啱食！乜都有！唔食刺身都有一堆熟食！任君選擇！朋友揾到呢間，話食過好抵係mpm呢個新商場設計麻麻，迂迴曲折咁終於到達！其實食過好幾次放題之後，發覺放題d嘢食來來去去都係嗰d，一分錢 一分貨呢間算抵食，d嘢食落完單都好快到！刺身都ok！壽司有我最愛嘅炙燒左口魚邊，仲有我喜愛嘅榴槤甜品！可惜坐位太過逼！同隔離枱只差半個身位，真係肥少少都出唔到！

今晚一行5人去dinner 聚餐，見到價錢218一位，已沒甚麼期待可言。Round 1,落左刺身，壽司，炸物，燒物，鍋物。刺身，無味道可言，熟食反而比較出色，炙燒壽司會比刺身好。叫左2個鍋物食緊其中一個，第2個黎到時，一位四眼男侍應就收走未食完的第一個鍋，叫佢放番低！之後我朋友夾走2件壽司上刺身留低左舊飯，飯打算等鰻魚一齊食（有汁太甜，有飯無咁“漏”），呢位男侍應就叫我地食埋舊飯，我地未食完就想收走，未食既又崔人地食！之後黎碟枝豆係超級大力放落枱面，態度超級差！！！我地舊飯未食係咪要對住我地發脾氣！？一食左舊飯就乜事都無！？Round2 時，叫左幾件壽司都cut左我單！這位四眼男侍應因為你一連串動作，我亦會介紹這間餐廳給我其他朋友，好讓他們不會光顧，無謂受氣！！

心血來潮想食放題，就揀左一間未試過既。根據過往經驗，午市放題有3小時，可以慢慢食，唔需要咁chu 食物款式同質素都同一般放題差不多。比較好味既有：一口牛(唔會un)，豉椒炒蜆(都幾大隻又無沙，炒得入味，夠辣)，青口(都算大隻)，炒海蝦，蒲燒鰻魚。至於刺身，海膽手卷，芝麻雞翼，香芋丸，一口芝士，辣酒煮花螺，燒扇貝，蝦串燒，燒雞翼，帆立貝，天婦羅就正常。甜品類食左豆腐花，雪糕，乳酪，正常。糥米糍只有朱古力一種味道，唔好味，如果有雲呢拿芒果綠茶等味道就更好。不過自取既甜品種類相對其他放題就較少，自家製既只對心太軟有興趣 (放題比較少見到有)，雖然都無乜流心，但勝在熱辣辣，蛋糕軟熟，頗濃既朱古力味，食左2件 (雖然無乜賣相可言)飲品選擇都算多，另有枝裝水提供。想批評既係壽司飯太爛太實，食左一轉就無再叫不過海膽手卷都食左幾件。整體而言，性價比ok，都無乜漏單，可以再試。

今晚和幾位大陸朋友到這裡吃飯,服務員的工作態度很差,將食物拋到枱上,連豉油都倒在枱上了。侍應生一句說話都無溝便走了。我一個月會去幾次消費,今次真是很失望。以前會有服務評分唔給客人意見,最近幾次去都沒有此唔了,可能以經有穩定的客源,但你們的服務下降,客人可能會到隔鄰的沙爹屋。

今日請左假唔駛返工，姐姐又放假，就約左佢去旺角食放題，揀大瀛喜係因為之前食過，記得第一次食係岩岩開有優惠，不過唔係放題，所以今次就試下，bk 左六點鐘食兩個鐘，廢時又食得太飽訓唔到食放題點少得刺身，新鮮可惜冇帆立貝唯有食燒帆立貝燒菠蘿，多汁螺辣辣地、鰻魚好味我至愛既雞翼，香脆可口，仲有炸蠔都幾鬆脆，雞軟骨普通冇得叫帆立貝刺身，不過有壽司，好肥美幾新鮮，我既至愛，不過要連飯食都幾飽芝士帶子，幾重芝士味，不過帶子就比較細粒海膽手卷，唔腥，新鮮唔苦，幸好唔太大件，一口食完成檯都係野食野飲任飲，都幾多選擇最後食埋個甜品，出名既焦糖燉蛋，好好味，不過比想像中細，可以試多d 款，原本last order 左都再加返個心太軟食到好滿足又超飽，埋單每人$218，價錢合理