大瀛喜日本料理 (已結業)

早排咁啱喺旺角附近早收工，又好想食餐好嘅，就決定同同事嚟食放題！ 下午茶時間仲有折添，非常抵食。入到去都幾多人，原來下午茶都咁多人食放題🤣🤣食放題指定動作，一定叫大盤刺身先！魚生都幾新鮮同鮮甜👍🏻👍🏻熟食都好多選擇，雞翼煎得好香口唔乾身，熟食嘅海鮮仲叫咗帶子、炒蜆都好香同惹味！手卷細細件，又唔會比飯塞飽個肚👍🏻👍🏻飲品甜品都選擇多多，唔會覺得係hea. 臨走見到有方型枱，好啱朋友聚會，會再試👍🏻

經開旺角想食放題，幾經掙扎決定揀大瀛喜，地方都幾就腳。晚市限時兩個鐘，每個日子埋單都唔同價錢，每個時段埋單又唔同價錢，睇黎計過度過先食可以慳唔少！放題有6張菜單，分別係刺身、炸物、煮物、主食、燒食，仲有「星級」類別，全部即叫即做，可以分幾輪落單。先黎冷盤，所有刺身放入一個盤，擺盤精美，以冰鎮防降溫，有甜蝦、玉子、帶子、魷魚、吞拿魚等，口感鮮美，非常開胃。接下來係炸物，一口芝士球、芝麻雞翼、燒骨，酥炸得鬆脆，入口飽滿，充滿肉汁，完全唔會乾。燒羊腿恰恰好，生熟剛好，非常嫩滑，刺激味蕾。另外亦有煮蛽同燒菠蘿，作為小小點綴。最後以甜品作結。有多種口味選擇，雪糕雪條都有，比起其他放題黎講算多樣化。人均二百幾左右，坐得舒服，兩小時慢慢食，值回票價！

其實依間放題食左5次以上 今次令人最失望 短期內唔會再光顧越來越垃圾1. 服務態度差一坐低 就比某員工針對 態度好差 之後叫野食 叫左個榴連糯米糍 個皮完全係難食 係好似一個失敗冰皮月餅皮一樣 當然為左唔好浪費食物緊係淨係食個餡 點知到收碟既時候 個員工話好浪費食物 仲話你再叫我都唔會比你 聽到依句真係火都黎埋 咩叫再叫都唔比你 咁既服務態度都得 （ps其他野食係清晒）咁係咪叫左個鍋物要飲晒d湯先再比野食你 唔通全部食晒先比你咩 咁我每一樣野都要清晒先 食放題都唔可以放任咁食 咁點解我要食放題 食其他餐廳唔好跟住個個員工 每逢收一隻碟野都要check 下你係咪食晒 我覺得係到食野好似做錯野 比人監視住咁 同埋係咁望住我地張枱 好似得罪佢咁囉 之後時間末到 明明仲有10分鐘先交枱 我地仲食緊野 個個員工就開始叫其他員工走過黎同我地講時間夠啦 仲要講左3-4次 明明就未夠鐘同食野 d服務態度完全差到呢 2.食物質素差心太軟好似一個cup cake 完全唔流心D燒物 d鹽好似唔洗錢咁 洛勁多焦糖燉蛋好似溝左粉咁3.漏單問題嚴重你叫左既野就無黎到 唔叫就自己黎左之後叫一份佢黎兩份 D野食大不如

最近，我同個朋友仔都要減肥，但係我就係忍唔住好想食放題😂😂要食飽d先有力減嫁嘛，認同既俾我like我🤣🤣大瀛喜其實已經食過好幾次，覺得佢都算係水準keep得唔錯既一間，至少我會再去食😁第一round一坐低，我地就畫畫畫，我地其實叫既數量唔多，樣樣都一兩件，但係就可以食好多唔同款既野😌食放題就係有哩個好處啦🤭本身唔想食飯，但係為左個海膽，叫一個食下先～刺身有我最愛既櫻花魷魚，其他刺身亦都好新鮮，唔會有雪味鰻魚啊～鰻魚😍😍雖然唔係好肥厚，但可以任食，要幾多有幾多☺️牛舌燒得岩岩好，可以食到軟嫩既肉質唔少得叫個天婦羅，炸鮮奶意外好味👍🏻

同朋友係旺角行街，行到攰攰地又肚餓，經過見到大瀛喜就二話不說決定食！平日宵夜時段唔算多人，walk in都有位海鮮宴有多款海鮮選擇，見到都好想食見到刺身order紙都已經流口水，款式多，連少有既櫻花魷魚都有刺身比較新鮮，同我地落既order數量亦都啱，櫻花魷魚真係好正，我地叫左兩round海膽手卷，有大大舊海膽，而且幾鮮甜，紫菜脆口，飯唔會太多芝麻雞亦都係必點，熱辣辣啱啱炸起好好味，仲有炸蠔、芝士年糕、榴蓮炸彈，全部都係熱辣辣芝士焗扇貝，芝士味香濃，帶子都幾大粒其它食物都幾好味，感覺好整潔，店員亦都會好快收走吉碟，服務態度都唔錯

好耐無食過放題，於是今日就放縱下。刺身不錯，都尚算新鮮，寫既份量同黎既都符合事實！三文魚厚切！甜蝦都幾鮮甜！雞翼好好味！外層炸得好脆，加左d芝麻好香！個榴蓮波當然無得彈！裡面真係有榴蓮肉，好香，好味！忍五住叫多round!另外，炸蠔，我無食，友人話都ok！蒜容牛仔粒！又係推介之選！好好味！有牛味，五un，配上蒜香，好正！但如果份量可以再小d更好！花之卷，不過不失！我係睌上9點後入座，所以大約200元一位 (但以我戰鬥力甘低黎講，我覺得自己食乜放題都係五抵食)

今天約到難得有空的朋友，當然要找個地方暢談和吃好的。我們選了MPM的大瀛喜，晚上9時不需要等位。3個人坐了6人的座位，很寬敞舒適。 飲品種類很多，足夠我們慢慢把酒談歡今天約到難得有空的朋友，當然要找個地方暢談和吃好的。我們選了MPM的大瀛喜，晚上9時不需要等位。3個人坐了6人的座位，很寬敞舒適。 飲品種類很多，足夠我們慢慢把酒談歡。 怕肥的我最喜歡可樂Plus。 先隨便點一些東西治治肚餓。芝麻海蜇爽脆滋味，讓人食慾大增。芝士扇貝芝士味香濃，可惜扇貝有點小。 放題必食刺身，款式多，份量也多，推薦櫻花魷魚和虎蝦，口感爽脆，醬料也能錦上添花。 燒牛舌，沒有燒過火，剛剛熟，很易入口。鰻魚很軟滑，油脂和魚肉比例平均。吃一些口味清新的，麻醬豆腐。準備吃甜品了！ 款式非常豐富，推薦焦糖撻。另外還有雪糕和乳酪。我們懷疑吃的甜品比主食還多呢。 和朋友渡過了愉快且豐盛的晚上，每人240，放題來說性價比很高呢。

同朋友係朗豪坊行行下街突然好想食日式放題 甘岩見到對面就有間 近近地 價錢又吾算好貴 所以就同朋友一齊去食所有野食上到枱都熱辣辣好新鮮 除左刺身之外😂刺身當然要凍上啦😂坐既座位都幾舒服 飲品既選擇有好多 比起我食過其他既放題多 有成10幾款任君選擇講反d野食先 炸物係最令我難忘 因為真係做到外脆內軟 有夾心既炸物一咬就會湧出黎 榴蓮炸彈如果係榴蓮控真係要試下，因為佢皮薄咬入去d榴蓮肉爆出黎超香！仲有個芋心丸餡有好多既芋蓉而且煙un既口感添阿❤ 呢度要小心燙嘴 而且又吾會話太油 呢度處理得幾好 給一個讚👍🏻仲有焦點既羊架同牛舌，佢地燒到既羊架岩岩好，唔會過熟同埋好軟林林架！配上佢地既醬汁真系冇得頂！牛舌落鹽燒，會吊出牛既味道！爽口彈牙！燒菠蘿都好正 一咬落去就爆汁😋😋😋生牛肉鍋既味道都吾錯👍🏻個湯底好鮮 吾會似個d用粉沖出黎既味總括係值得再次去食既🤤🤪

打風日冇嘢好食，打完風當然要食好點。一來到先看看飲品櫃，不喝有氣的東西，也有很多選擇，還有乳酪和熱的維他奶。之後把Menu的不同類別都點一些，很快就有得食。刺身：三文魚很厚很滑，虎蝦刺身配有泰式酸辣汁，不用點醬油也很爽脆好味。Encore了櫻花魷魚和甜蝦。熱食份量適中，可以嘗清楚味道之餘又不會撐太飽。串燒我點了羊架，燒得恰到好處，肉汁豐富。壽司也有些新奇的款式，如黑松露甜蝦和鵝肝帶子，味道很特別。 配啤酒一流的串燒。新穎食物一號，炸鮮奶。表面香脆，內裡軟滑。另一樣有趣的食物榴蓮波波，好香濃嘅流心榴蓮。整體來說上菜速度很快，落order後平均3分鐘內就有得食。味道也讓我吃不停口。

朋友平日夜收工，食放題就最適合。加埋一都係$240. 可以接受!我慣了一開齋食熱食暖暖胃。湯都幾燙，要慢慢飲。味道不錯，唯一的遺憾是油了一點。刺身當然少不了我最愛的三文魚和甜蝦。我另外還點了玉子、劍魚腩等。樣樣都很甜。魚生新鮮到不需要沾鼓油👍🏻沒帶子刺身，但有壽司。帶子鮮甜，但飯一夾就散了，有點可惜。菠蘿酸酸甜甜，而且燒得幾香，又不會嚼不到👍🏻這款天婦蘿紫薯外皮是紫，裡面是黃心。食落也有少少甜味。即使我只是點了一粒，但餐廳都給我們一兜沾醬，超認真！👍🏻說到服務細心，他們每張枱都梅花間竹地放了匙羮和牙籤。方便我們不用四處找😊👍🏻一口心太軟。可能我們放耐了一點，沒有流心。不過蛋糕朱古力味濃厚。👍🏻濃到我之後食朱古力奶雪糕和朱古力雪條都不夠味。😂本來以為放題的甜品會麻麻，豈料意外地有質素。下次都可以再食。結果我食的東西大部分都是甜😂又或許和朋友們玩樂的時間，令一切更甜吧(肉麻) 食物水準都叫okay，放題來算都幾抵食!

今次同朋友食大瀛喜放題😍平時要排好耐，今次因為我地早食(18：00)，所以完全唔洗排隊就有得食😛(溫馨小提示：建議大家都早啲去食😛).食物方面，呢度有超多唔同種類嘅野食，例如壽司，手卷，牛肉鍋，烏冬，花膠湯，雞翼，雪糕…應有盡有😍亦有好多枝裝同紙包飲品任飲😍.另外，不得不提嘅係，個度既侍應服務態度好好，而且好高效率(食過咁多次放题，我諗呢樣野真係好重要，因為佢地嘅效率會間接影響你食到幾多野😍)，而且佢地嘅食物基本上都黎得好齊，真係要比個讚啊👍.最後，我地總共食左3 rounds,食到好飽好滿足😋😋😋

打風前夕去食個放題,等打風時要留係屋企都無咁空虛,黎到旺角,大瀛喜係非揀不可,大瀛喜都開左好耐喇,但係長期都好多人等位,可見佢質數有番咁上下,而得呢d醒目既,緊係book定枱,再早到15分鐘,準時入座啦,第一round先叫刺身,刺身種類都算多,而我依舊最愛三文魚,雞翼都好好食,熟食order左既都會黎,黎單好足,不過想講呢到員工上菜好有問題,一係就好粗魯咁拍落黎,轉身走左去,一去就明知你食緊果d野,再隊係你面前,但想講我地3個人,2張枱,另外一張枱仲有好多位,但佢就貪就手放滿左一張枱,咩事！

同幾個friend諗食咩，諗諗下好肚餓就決定左去大瀛喜食放題。其實放題雖然多款色，但係次次都係食果啲野都幾悶，唯獨有一樣對我來講每一次去都好想食，就係火灸壽司！今次亦都唔例外，叫左一碟又一碟，都燒得幾好味，不論三文魚、蝦、左口魚邊都充滿油香，入口即溶。睇來呢一樣野以經成為我放題必點既一樣食物了。

近排忙到好冇心機，一於食餐勁嘅黎慰勞下自己！約埋朋友去大滿喜日式放題放肆吓 首先揀嘢飲，好多選擇啊，有大路嘅汽水同茶，連韓式飲品都有！ 跟住就開始重點嘅魚生啦。上枱已經擺得好靚，放晒乾冰有曬煙咁。魚生都好新鮮，三文魚紋理分明，劍魚腩色澤紅潤，蝦都好大隻鮮甜！帶子好食都不得了，大隻鮮甜，食到停唔到！熱食方面叫咗燒牛舌、炸生蠔、炸榴槤丸，好好食呀！全部上枱都熱辣辣，明顯係新鮮整，正！ 甜品都好多選擇，有雪糕雪條，有我最愛嘅榴槤雪條啊！ 仲有mini心太軟食！總括嚟講呢間放題絕對物有所值，一定要試！

之前成日都話想食大瀛喜放題，點知暑假差唔多完先食到。有兩場既，我地去左2100夜晚個場。去到已經見到有好多人排隊等緊入座。一坐低就二話不說要點野食。佢個度食物林林種種有沙律小食，刺身，卷物，手卷，壽司，天婦羅，炸物，燒物，不同既主食，甜品等等。刺身我地就要左三文魚，蝦，北寄貝，帶子。刺身好鮮甜，好好味呀。卷物就要左吉列炸蝦，花之戀，而手卷要左海膽手卷。味道同賣相都唔錯。而我個人好鍾意吉列炸蝦壽司，之後仲番飛左兩碟。至於壽司就要左帶子，醬燒珍寶蟹棒。蟹捧好大條又妹。天婦羅就要左海鹽虎蝦天婦羅，而炸物就要左芝麻雞翼。兩種炸物都好好味，我朋友勁鍾意。至於燒物要左菠蘿，鹽燒牛舌，牛油栗米粒。牛舌好入味，菠蘿酸酸地好消滯。另外，個度仲有免費任食雪條同飲品。