大瀛喜日本料理 (已結業)

今日同幾個朋友去開旺角, 四圍都係人, 又唔想食譚仔, 有人提意去食日本野~ 但係好少少既日本野, 叫得多又貴,叫得少又唔夠飽, 我突然醒起係朗豪正門對面有一間日式放題, 之前食過200蚊左右, D魚生同熟食都好唔錯~ 重點有啤酒飲添~星期五晚8點~ 好大雨~ 去到大瀛喜, 都幾FULL~ 8-9成入座, 好好彩我地WALK IN 都有4人卡位~ 實在係太好了~坐底見到一本5吋咁厚既ORDER紙嚇一嚇~ ORDER哩D粗重野一定由我黎啦~ 刺身種類係多既, 熱食串燒也非常之多~ 係咁二第1 ROUND 剔少少先~ 點知每一張剔少少都剔咗8-9張~ 首先一來就係刺身大併盤~ 材料非常新鮮, 油甘魚好爽口, 三文魚香份好多, 件件都閃閃令~ 甜蝦, 都好爽口好甜, 打卡一流~ 熟食我全打鐵板燒同串燒類, 羊架好林好香, 好勁羊羶味~ 仲意食羊羶味一定要叫, 燒牛脷, 當你食到七七八八既時候, 食返舊燒菠蘿開一開胃~ 又可以重新黎過~ 今次我又飽到碌出去~~~

今日早左收工，所以約左朋友仔黎左旺角既大瀛喜嘆反個放題😍5點鐘去到因為餐廳做緊折扣優惠，所以引入好多fans捧場。由於book左枱所以好快有得入坐，當然第一時間立即攞起點餐紙瘋狂咁點三文魚🍣燒蝦串芝士蒜蓉扇貝，三文魚刺身既新鮮又鮮甜，燒海蝦真心超級正，唔會好似出面咁燒到淋哂，而且仲好入味，絕對唔會hea燒！扇貝落足芝士蒜蓉絕無偷工減料，呢2樣配料係我既最愛添阿！之後仲叫左黃金炸蝦、炒蜆、牛舌！黃金炸蝦好多咸蛋黃好正亦吾會太油，炒蜆蜆肉都幾大粒下架有反咁上下獲氣！重點牛舌，牛味好出唔會落好多醬汁，變相鹽調出左牛既鮮味！炸蝦天婦羅唔會好多粉！總括黎講大瀛喜應該係放題之霸，食咁多次都唔會令我失望💕食物勁新鮮熱辣辣飲品多選擇！包你一試難忘阿🤫

今次我同朋友好6點就到，所以完全唔洗等位就有得食，我地走果時就已經好多人係出面等緊位，所以如果想唔洗等得咁耐就最好訂左位先。一入去就落左野食先，每枱都有一大疊紙比你可以填，上野速度都幾快，同黎得幾足，所以可以唔洗一次過落唒咁冠類野食先XD叫好野食我地就出去拎野飲，有兩個櫃比你揀，款式好多，枝裝包裝罐裝都有。因為我同朋友都唔係特別鍾意食刺身，所以主要都係進攻熟食。熟食方面都有好多選擇，我地都係每張紙叫左一次都已經好飽。壽司方面有卷物同普通壽司，強烈推介鰻魚卷炸物方面就不過不失啦， 有吉列蝦、吉列蠔、芝麻雞翼等等，鰻魚幾好食，羊架都唔會好騷。除左普通嘅燒同炸野，仲有鍋物，我地就叫左個牛肉鍋，份量唔會好大，唔洗驚食唔落其他野XD誠意推介佢個湯，超級足料，味道都好好!食完主食，仲有甜品可以叫，我地就每樣都叫左件，最好食都係個奶凍。食完仲可以出去拎雪條雪糕食

放假無咩好得過食放題，我揀呢度，因為D刺身壽司好食，重有其他燒烤，天婦羅，飲品和甜品都OK，二佰幾一位好過食酒店自助餐啦。飲品有成個大櫃揀，有我鐘意忌廉同lemon CC ，又有道地飲品同可樂，飲品都多揀過酒店。那晩刺身很新鮮，天婦羅好吃，炸得脆之餘，不會太厚粉，食材新鮮。海膽手卷和龍蝦沙律手卷都好正。重有D煮物是我食過最好的，雪花牛肉鍋，D湯飲仲好有牛味，還有北海道牛乳鍋，個湯都好鮮甜，有菜有海鮮，好清淡。炸物是即叫即炸，唔會凍冰冰㗎，芝麻炸雞翼，超好食，咗好多。另外D創作壽司都係好好食，食材配撘不錯，甜品最好吃是朱古力蛋糕仔，好軟綿又有朱古力味，其實呢度食放題都幾好，同酒店差唔遠呀。

我book咗7:15分17位啦，之後叫又少少野，一開始都正常既，之後就不定有啲我地房冇落到既野都黎左囉，落左既食物又唔黎食得又唔飽喎！都服務態度又差，例如燒菠蘿，都冇叫過斷咁送過來，之後仲要臭，燒海蝦又係，唔好叫咁多到嚟，之後又叫我地唔好浪費食物，心諗都冇嗌咁多，真係如果唔係見佢哋忙我哋會去check單囉！又唔抵食又貴，難食到一個點！以後老師聚會一定唔會再去度食！！！之後啲甜品啦，唔知想點，又細又唔好食！！

前排突然心血來潮好想食放題，朋友推介我book呢間係朗豪坊對面商場既日本餐廳。去到人山人海，成個大堂都係滿滿既人，訂左位既我地好快就可以入座。食放題為既就係瘋狂咁叫刺身，兩個人一口氣叫左20隻甜蝦，絕無漏單之餘仲非常鮮味！另外要讚一讚個三文魚，好肥美，係腩位黎架！北寄貝，貝柱都係水準之上。蒜香牛柳粒，唔會太熟，夠林一碟既份量都唔少，兩個人食剛剛好。炒蜆，都炒得幾惹味，而且d蜆夠大粒，估唔到呢間放題連熟食都唔差。食得太多肉印所以叫左份炒野菜中和下，份量適中同唔會太濃味。仲有好多雪條，雪糕，全部都係任食架野飲都係自己拎，佢仲有幾部雪櫃裝其他款既飲料，其中一部仲有乳酪添！估唔到放題都有海膽手卷食，d海膽真係唔差放題串燒其實都係必食既，本人最愛既係雞軟骨，好香口！雪糕櫃埋單兩個人四百幾蚊，呢個質素黎講我覺得值！

同朋友想食放題,黎到旺角,有質素既放題都會好多人,尤其是我地呢d唔算早收工既,meet up得都已經差不多八點,咁唯有食八點半場喇,同朋友雖然已經book左位,但去到見到等候區咁多人,都知有排等,我地已經預早左去,但無可奈何都要等上一場既人散左,先可以入場,都大概等左半個鐘,我地8:40分入到場,第一輪先叫左刺身先,不嬲都覺得呢到既刺身質素唔差,款式又算多,熱食既話雞翼一定係必點既！野飲款式都算多！就算知佢次次都要等,都唯有等下啦😂😆

今日睇完戲 同朋友一齊食放題~其實旺角放題都好多 今次試下未食過的大瀛喜放題 佢係文華中心5樓 Red Mr 上兩層 下次唱完k都可以黎食我地今日早睇完戲 所以6點左右入座 6點入座的話會比較少人飲品櫃都有好多選擇! 仲有酒精飲品不過餐廳都貼左notice話18歲唔好飲啊有好好飲的蜜桃有氣飲品 (3%) 野食選擇都有好多 基本小食 sushi 刺食 炸品一定有啦 但驚喜在佢甜品都十分多選擇 仲要好食!一開如我地都叫左刺身等等但我覺得佢雞翅小食真係好正 所以要重點推薦下好香好好食😍燒帶子都好正 燒得剛剛好 唔會乾晒羊架! 我個人好中意食羊架 呢到羊架肉好軟同油脂比例剛剛好😍 中意食羊朋友Can Try Try !豬肉鍋豬肉好大片 但個人覺得太大片😂 剪剪先上會好d 不過味道Ok 😂甜品!!!!我地叫晒甜品紙上全部甜品 一齊share 我覺得焦糖蛋好食啊😍最後 自助甜品區再食多條雪條 正 佢有榴槤味雪糕 大家可以試下 我就食返最安全朱古力雪糕😂

今日去左旺角食放題，未食過大瀛喜，所以今次就專登去試下。餐廳內既飲品區和自助雪糕區都分佈在不同位置，環境雖然唔算好大，但係都足夠既。佢有好多不同種類既食物可以點選，有炸物、手卷、刺身、燒物、甜品等等應有盡有。飲品都有好多唔同選擇，有各種汽水、烏龍茶、紅茶、啤酒等，其中最特別既係韓國桃味氣酒。我地一開始叫左刺身食，用料非常新鮮、更加有3種蝦刺身選擇，櫻花魷魚係必食！口感好有趣同爽滑！我地仲有叫海膽壽司，佢同平時食開大大件既手卷唔同，係迷你size，所以我食完一舊都唔會即刻飽左之後我地叫左炸物，有芝麻雞翼、紫心香芋丸、流心一口芝士和炸鮮奶。芝麻雞翼個皮夠香脆，好好味，一口芝士一咬落去就成口芝士好滿足我地之後叫左燒物，有燒菠蘿、鹽燒海蝦和Q版心太軟。Q版手太軟有d係迷你蛋糕，咬落去有朱古力醬流出甜品我地都算左好幾款，焦糖燉蛋係最好食既，macaroons 都幾好味！

星期3既夜晚 以為冇乜人排啦 點知一去到文華已經見到勁多人排 真係好墟冚旺角mtr exit c3一出 就見到文華 超方便derrrrr因為第一次黎 吾係好知個門口原來reception吾係5樓 所以都搵左陣大家黎既話要認住呢個receptionEven有book位 都要係reception講番booking number 等一陣 因為實在太多人啦Reception會比呢張card你拎上去 之後就有waiter為你帶位ga la係美味既刺身呃極力推介甜蝦仲有海膽手卷炒雜菜同䙺真係吾錯蝦🦐天婦羅 都吾錯仲有燒蝦同雞軟骨串燒呢度d串燒我幾推介呢個只係其中一個雪糕櫃最抵讚係有埋熱飲以2xxper head 算係高質同多選擇既放題

其實一直都覺得水平幾好，親戚聚餐都係首選呢度！可惜今日帶同兩個姨甥去食，中途遇到火警鐘響，持續有十分鐘，店員店長一直未有解釋為何會響，直到我們開口問才交代為火警誤鳴。結果我們付了完整兩小時的價錢，只吃了半個小時就離開了。可能店長店員覺得很正常？但老實說 如真的遇上火燭，逃生指示不明顯，座位與座位之間的通道又十分窄，絕對絕對是有危險。各位如果想安心吃個放題，就不建議去了。放題中途火警鐘響，也不知道該不該走才好。

🍽🍣食放題都係想多啲選擇同埋一大班人舒舒服服咁坐低，嘻嘻哈哈咁食餐飯。呢間大灜喜睇黎就唔係好做到呢啲點。講講野食先，頭輪既刺身已經睇到啲刺身唔肥美，細份得黎雪味好重下,咬落唔知食緊啲咩。除左蒲燒鰻魚、芝麻雞翼同忌廉泡芙值得試下之外，其他既都係麻麻地。飲品同甜品既選擇尚算幾多下。坐位方面較窄，同隔離枱好貼，坐得好唔舒服，而且走廊都係只可以一個人先行到，可以想像都幾窄下。人均消費二百五十，價格唔算貴，但下次應該唔會再黎。📍大瀛喜日本料理（🤤5/10）📍旺角奶路臣街11號MPM文華商場5樓

正所謂行到邊食到邊，今日係旺角度行左成日，真係呢幾年我都攰喇！去到朗豪坊附近見到有放題食，無理由唔試下架！咁就入左去文華商場嘅5樓準備食餐勁嘅！其實旺角真係好鬼旺！呢度閑閑哋都有幾百人食緊野，好不容易我同女朋友先至有位，聖經咁大本餐牌你話食乜嘢真係好難決定，做人有乜嘢都食啲啦話晒都叫放題啦！而家呢個年代，普通一個放題已經滿足唔到為食嘅可悲！呢度其實可以叫做半自助放題，因為飲品絕對係自助，此都有林林總總嘅甜品嗰啲俾我哋自己的。一嚟就梗係有主菜啦！魚生拼盤、火炙壽司、芝士波、芝麻雞翼同埋白汁青口都係個人既小推介！男仔又係難啲食飽既，我仲叫咗個天婦羅同埋海鮮白粥包底添！值得一提嘅係，你以為呢本聖經噤口嘅Menu好阻礙？其實本Menu有磁石做簿皮，可以好似我咁將本Menu癡喺張台嗰度，搞掂！

今日同開個friend食飯，順便慶祝佢生日，喺樓下見到呢間放題價錢OK，而且都幾多人想去，就跟住一齊去囉可能我哋去嗰日係平日，夜晚果場雖然都幾full，但係都有位俾我哋兩個入去！影下餐牌先其實都幾唔錯，呢個價錢有咁多嘢揀，第一轉梗係要叫咗刺身、壽司、燒物等等先啦！啲三文魚同甜蝦都相當之新鮮，而且三文魚仲要係厚切添，另外赤蝦都非常大隻同好食，仲有我必食嘅鮑片添！美中不足嘅係貝柱真係有啲迷你，但係唔緊要！點解呢？跟住落嚟就話你知啦！就係因為呢盆壽司啦！有冇見到個帶子係相當之大粒，而且新鮮，必定要叫多三轉先夠啊！其他壽司都好出色架，例如燒三文魚、鹽燒左口魚、三文魚腩等等都十分之好味，強烈推介呢間嘅壽司呀！由於我哋見過餐牌咁吸引，叫多咗好多唔同嘅嘢食，張枱都唔夠我哋擺第二轉我哋就叫咗d鍋物，同埋叫返一啲第一轉好好味嘅嘢食：帶子壽司、刺身、燒菠蘿等等今次呢餐放題真係幾有質素，下次都可以再試吓

想試呢間得獎日式放題好耐，終於有機會同 fds 一齊嚟試。全場坐滿，枱同座椅都好貼，有d迫，好暗唔夠光。手卷好迷你，料多，抵食！刺身都涷嘅，唔會水，不過有時會漏咗d無上。我地刺身都 encore 咗兩次。帶子壽司正，我地 encore 咗~ 其他壽司都正常嘢~ 炸物之中嘅芝麻雞翼最好，其他偏油膩，可能趕住出嚟俾客人。串燒，燒烤等等都可以食嘅，其中燒蝦最正。燒菠蘿就令人最失望，好水，好似燒唔夠時間咁，而且個色有d怪。 無得食燒菠蘿好失望……小食嗰d都係正常嘢，可以食嘅。鰻魚好味~ 個帶子好細粒，醬汁好多。煱物係較好嘅，全部清都曬！食到無咩心機喇，甜品只點咗焦糖燉蛋同朱古力心太軟。不過焦糖燉蛋有驚喜喎！雪糕櫃都有好多選擇架！有多種雪條，有雪糕，有雪米糍，仲有豆腐花。飲品選擇都好多。仲有多一個雪櫃架。熱飲都有！夠時間都無要我地走，我地坐多咗一陣，出到去門口無人等喇。不過坐得唔舒服，食物質素又無保証，都係唔會再嚟喇。