大澳餅店

營業中

休息中

这真是一间隐世而特别啲饼店。整个小店只有老板兩个人在操作。所卖的食物也只有3-4款传统港式餅食，而沙翁便是他的头号招牌出品。好奇心驱使下，小编跟着长长的人龙排了一小时。但这一小时没有白费，可以看着老板一步一步製作沙翁。由于是现做，沙翁到我手时还是烫手的。一口咬下....哭妖!!...为何可以是这么好吃。真是外皮脆脆，内裏蓬蓬，口感非常之好。可以肯定前期製作功夫做得非常到位，令到麵粉充分发酵和带有空气。吃完这个沙翁，以后不可能回头去吃哪些美式冬甩。

今日同班fd一場來到大澳梗係要試下呢度嘅莎翁，之前已經試過，但係外脆內軟嘅口感真係讓人一試難忘。莎翁應該係好多香港人兒時嘅回憶，呢間大澳金門餅店嘅莎翁食落口有濃郁嘅蛋香，唔係蛋腥，係蛋香令人食完一個想即場再食多個不過呢間店係假期會有好多人慕名來買莎翁，而且呢度嘅莎翁係即買即炸，所以要花啲時間等等，如果要來食，記得預留啲時間唔好睇呢張相入面個莎翁望落好似好細個，其實佢真係好大舊但係食完唔會滯咯！即場炸出來嘅莎翁特別香口，加上白砂糖，豐富口感之餘又帶俾人甜而不膩嘅味道真心好正呀！大家一定要來試下！

久違了的沙翁, 依家想食沙翁真係唔係咁易！不過比我知道左大澳有，即刻拉埋朋友一齊入去食！一食落去啲童年回憶即刻返晒黎，我真係好耐好耐好耐冇食過沙翁啦！堅係好好食架。睇住佢新鮮炸到脹卜卜跟住就加砂糖嗰個感覺係好似見證住佢出世咁，食落去特別有感覺。

現代人會稱這個沾滿砂糖的金黃球體為「沙翁」，而我這位「老派」人士就沿用「蛋球」。不論它叫什麼名字也好，我只希望人們記住它的味道，讓它傳承下去便心滿意足😊每逢談起炸蛋球，不外乎想起一些懷舊冰室和傳統餅店。隨著時間流逝，不少老師傅都紛紛放棄製作蛋球。由水、牛油、麵粉、砂糖到製成一個蛋球，工序繁複，雖然材料簡單，但每個步驟都是時間和心機堆砌而成。吃過不少店舖的炸蛋球，我仍然會選大澳餅店居其首位。當然九龍城、西灣河等老牌冰室還是弄得不錯的！或許可能是大澳的環境增加了不少風味吧！一個接一個排隊等待新鮮炸起的蛋球沾上砂糖，放於紙袋中。讓我試試描述它的美味之處！我先拍一拍多餘的砂糖，咬一口，蛋香濃郁，蛋球內裡是非常「實在」，軟糯質感像厚實一點的梳乎厘。兩口、三口、四口，已經吃完了🤤我由$10吃到$13，都是兩三年間的事，價錢仍是相宜的。每次到大澳此地一遊，吃一個炸蛋球、一底炭燒雞蛋仔，是我的例行公事。可惜，大澳「雙絕」，雞蛋仔已成絕響，只留下蛋球的形單隻影，所以希望這個大澳傳奇能夠傳承下去！

琴日同女朋友去大澳半日遊，由1點食完個飯，行到4點鐘，又開始肚餓啦😂行行下就見到有檔舖頭比一群7、8人圍住，行埋一睇，原來係間賣沙翁小食既店。見只係13蚊，唔算貴，就買左一粒同女朋友一人一啖❤️ 以13蚊黎講，呢個大細，我覺得都可以接受既。雖然係即炸，但一次可以炸幾粒幾分鐘就炸起，就唔洗好似果檔雞蛋仔咁等成粒鐘先有。沙翁味道就甜甜地，主要係砂糖味，但口感的確好得意，外面好脆，入面就好軟林林，相當唔錯。

上星期同家人到大澳一遊，又再一次黎到「大澳餅店」食沙翁！至從食過一次之後，每次再臨大澳都必定會再食。之前假日到來都係長長人龍，可見非常受歡迎，今次平日黎就可以即買即食😋沙翁成份可能不值錢，但必須要新鮮炸起先會好味！而正正因此，普通一般市區餅店、麵包店都做不到。縱然成份簡單，但要做得好味就絕不簡單！「大澳餅店」出品既沙翁，非常香口、鬆軟！加上新鮮做起，熱辣辣！👍🏻 推介！💯🥇下次再到大澳會再食！

大澳雖然地方唔算太大, 但原來都有好多野食, 而且大部分都好好味!沙翁 – 時間岩岩好, 去到有新鮮出爐既沙翁, 而且賣相吸引, 食落去有好濃嘅蛋味又唔會好漏加埋沙糖一齊食, 咬落去真係好軟熟好好食呀, 唔錯呀!

未食之前都好驚會勁油勁甜🤔但係去到望住即炸嘅沙翁 已經口水都流埋出嚟🤤所以每一個都熱辣辣 唔會好似出面買硬哂咁👍🏻係食之前已經聞到好香嘅蛋味 已經贏哂❣️仲要雖然即炸 但個袋都唔會話好油😬首先 個沙翁外脆內軟 裡面唔會話好實 成個麵包咁 但係又唔會係空心沙翁 夠哂鬆軟 啱啱恰到好處😋另外 好多人怕沙翁有好多砂糖會太甜 但係食落又唔會啵 佢只係在砂糖上輕輕滾一圈 所以對於女士或者唔好甜嘢嘅人就啱哂啦🙌🏻所以 咁多位見到長龍都要排隊食！！

是日大澳一日遊～11點幾已經嚟到，出奇地唔算好多人，朋友是識食之人，佢話一定要試下呢間既沙翁，話長期排長龍～我之前都嚟過大澳好幾次，但竟然都未試過呢間野！自問是沙翁愛好者，太失策了Anyway 今次終於可以一嘗～由於時間尚早，唔駛排隊就可以買到 太幸運了由於佢啲沙翁都係即叫即整，所以都要等出爐，影下相打發時間其實唔駛等好耐，熱辣辣既沙翁已經到手！一試不得了，蛋味超級濃，超級鬆軟好好食！下次去一定會再買嚟食！

第二次黎大澳食呢個超好味即炸沙翁，對上一次路過見排長龍咪又排下，食完之後係意想唔到既新鮮同好味，真係一試難忘既沙翁。大年初二既大澳無乜外國遊客，大部分都係香港人，人唔算多，12點左右到，好少人排隊，等左10分鐘已經有得食。一個炸，一個點糖然後比客人，兩個炸爐十幾二十個，我堂妹原本話唔要，同佢老公share，我同佢講話好好味，值得一試，結果佢信我，一共買左5個。最後，堂妹話好好味，成個食哂。新鮮出爐既沙翁係熱乎乎，外脆內軟，勁香蛋味，裡面軟淋淋好似綿花糖咁軟，再加上適量既沙糖，絕對唔會太甜！$13一個真係抵，因為太好味啦！阿女立即食熱乎乎既沙翁

這店是只賣幾樣產品的小食店/ 麵包店/ 餅店? 可能都是! 因為週日所以開住爐邊炸邊賣, 完全能夠做到一炸好即交到客人手上, 一個店員負責收錢另一個負責操作炸爐, 兩人合作純熟, 十二月底的天氣有點寒意令街上行的人更想吃點熱烘烘的小食致排成人龍, 惜未必所有人懂得要守秩序, 當然當中有內地同胞但原來韓國人亦如是, 部份遊客是手提某些類似食劵的紙張可以當錢用的, 應該是某些在地旅行團發給他們用的, 新鮮炸起還熱嘅沙翁隨着熱氣多了一份蛋香, 咬開外皮其實沒有太多內部麵糰, 沙糖也唔覺過多, 太座話好似細路嘅時候食的口感同味道, 同時也買咗個蛋撻一試, 但因為蛋撻溫度基本上是室溫, 效果並沒沙翁的突出, 現在的麵包鋪大多唔做油炸包了, 除咗健康的問題之外, 賣剩的除了丟棄之外別無他法, 這也是市場學的課題之一,

黎到大澳一定要試大澳餅店既沙翁🥳 平時好少機會食到因為佢地係即炸 而且都幾多人排隊 所以等候時間較長⏰尤其係假期炸完之後再落砂糖 就完成啦！熱辣辣好好味😋👍🏻 拎上手有少少燙手要小心

行完山，終點係大澳雖然趕住走，但難得去到大澳，點都要排隊買㴝食天氣麻麻，遊客未算太多，排隊都唔算長，我前面有五個人排緊個陣炸緊，已經有陣陣香味！炸完的冬甩。另一位工作人員會將冬甩放入砂糖到，砂糖沾滿整個冬甩。冬甩到手時，熱烘烘。食落口，因為即炸即食，除咗夠熱，表面脆脆，另外仲好有蛋香！味道一試難忘！不過，始終因爲炸過，食落有少少油，但係可以接受！

依家好少茶樓有沙翁食喇，所以一入大澳都會去食下，懷念下價錢吾算平，但味道是不錯的。食過幾次，都係新鮮熱辣即炸，所以要等十分鐘左右。不過沙翁充滿蛋香，好好食！但係有一次因爲砂糖吾夠，所以有一點失色。

由屯門碼頭搭船黎到大澳，船程大約40分鐘，就黎到呢個比較少遊客既地方，可以靜靜地hea下，陪我既大肚婆朋友放下風咁。我地上網睇blog睇下大澳有咩好食啦，就見到好幾個blog都有介紹呢個大澳餅店既沙翁，一於去試下啦！黎到，見到門口冇乜人，但又索到好香，細看之下就發現「係你啦！」原來因爲今日係閒日，又中午時段，所以冇乜人。沙翁係即炸即賣既，賣得咁快都積唔到貨啦！未炸起，已經可以比定錢了炸起放入糖粉入面碌，真係香到不得了，咬落去充滿蛋香，唔似坊間得顏色，冇蛋味既。空氣感十足，好鬆化香脆，真心會想一食再食，但又真係遠左d