大澳餅店

營業中

休息中

大澳呢個地方真係一個 weekend getaway嘅好地方☺️係呢個漁村行行下見到有條好長嘅人龍 原來啲人排緊即叫即炸嘅沙翁! 😍 排咗成二十分鐘 終於有得食🙊 細細個成日食沙翁因為媽咪好中意食 越大發現有沙翁食嘅地方買少見少🙆🏻‍♀️ 呢個沙翁係我食過最好味嘅 熱辣辣 好有蛋味 入口即溶 唔會過甜 係大澳必食小吃🙃

咁啱行入黎大澳，離遠已經暈到好香蛋味同埋砂糖味，果種香味仲濃過係我隔離燒緊既燒魷魚。抬高頭一睇，就見到一條長長既人龍，目測都有二三十人排緊，唔講我以為派口罩，點知原來佢地排緊既就係我聞到好香既食物，沙翁！可能好多後生一輩都未必知咩叫沙翁，其實沙翁的做法非常簡單，只需4步就完成：1.     全蛋和蛋黃打發成蛋液；2.     麵粉、糯米粉、泡打粉、鹽和煉奶加水牛油拌勻後成粉糰；3.     粉糰加入雞蛋液至稠身的蛋糊；4.     用手擠出蛋球（用手唧魚蛋方法），然後放入鍋中，以小火去炸，不時用湯勺/筷子推動蛋球，待蛋球發大及金黃色後，拿出瀝乾油份，立刻撲上白砂糖便可。簡單黎講，成件沙翁最最最最最最主要既食材就係雞蛋！而依間野點解咁多人排隊呢？就係因為佢根本就炸唔切，賣唔切。所以每一件沙翁都係新鮮炸起，蛋香，糖味，蓬鬆既空氣感！無論食咩都好，都係新鮮最好食！

深知大澳美食多，所以今次週末半天遊留定肚，中午一點半出發抵達大澳先醫肚掃小食。由東涌站乘坐11號巴士去大澳，車程花了50分鐘。落車行到街口先食完滷水大墨魚後，再食雞旦仔，之後再來這裡買大澳出名的沙翁。三點半去到見排隊都有廿幾人排，幸好排左唔夠十分鐘就輪到。沙翁 $13沙翁外層金黃漲卜卜沾滿了白砂糖，而且即炸所以拎上手熱辣辣，外層脆內裡軟綿綿，食落唔油膩，啖啖蛋香，充滿幸福感，絕對係來大澳必食之選。

其實我係大澳人嚟嘅，由細到大每次番大澳我都一定會食呢沙翁！！！！再加上依加好小地方有得賣，所以真心必食～自從帶男朋友食過之後，每次明明食飽咗佢都唔會肯同我share，寧願我食唔晒佢幫我食埋我個份，死都要一人一個🤷🏻‍♀️.everytime when we come to taiO 😋 we always eat this taiO donut 🍩 hands down better than any donut out there!! plus there isnt a lot of places that sells these any more so gotta get at least 2 every time 😂 when its fried fresh, it absolutely one of the best foods hk can offer 🤤 if you havent tried this taiO donut yet, you are definitely missing out!.《沙翁》$13 😋😋😋閒日嚟到中午時間都要排隊食，keep住新鮮熱辣辣炸好～金

沙翁 Chinese Donuts ($13).好耐冇食過沙翁，即叫即製嘅沙翁就更加買少見少。呢間位於大澳嘅餅店，可以睇住由粉漿炸成蛋花球再鋪上糖粉嘅過程，拎到上手嘅時候熱辣辣好新鮮，內餡好fluffy，好有蛋香，size仲要好大添😍.

大澳出名除咗海味大魚蛋之外，梗係仲有鮮炸沙翁啦，出發行山前食個頂頂肚先。3 個人買 3 件，第 3 件要等佢再炸，睇住佢剛炸起醮沙糖，雖然好罪惡，安慰吓自己陣間行山還返啦 🤭 新鮮熱辣辣咬都咬唔到 🤣🤣🤣食落好香蛋味，唔怪得成日都咁多人排隊啦 👍👍

終於食到傳說中既大澳名物！<大澳餅店·沙翁>沙翁已經好少地方可以食到😢雖然材料簡單但公序繁複而且好花心機，所以好少人會整，整得好味既更加難搵。而係大澳呢間大澳餅店最出名新鮮即炸熱辣辣沙翁！ 好多人都慕名而來，我都係其中之一😆💛#沙翁 $13 （10/10）Keep住新鮮即炸，炸到每個都漲卜卜大大舊🤤拎上手仲熱辣辣，食落完全唔會油膩～外層金黃微脆，沾滿砂糖，甜度剛好仲有脆脆的口感😋食落外脆內軟～裡面入口鬆軟 軟綿綿而且充滿濃濃既蛋香味🤤有啲似食緊梳乎厘咁 好好味好幸福呀(๑´ڡ`๑)～

星期六入大澳走走，遇見這間餅店，見佢喺度炸嘢，以為佢賣煎釀三寶😅，點知朋友話呢間係入大澳必食名店🤩 買咗個沙翁，即炸，熱辣辣，蛋味香濃，入口鬆化，果然係名物。👍🏻👍🏻

每次經過呢間大澳餅店就驚見大排長龍，仔細一望，原來排緊新鮮即叫即炸熱辣辣沙翁（炸蛋球）。話明係餅店當然有蛋撻（HKD 9)、椰絲撻 （HKD 9) 、不過都不及大澳沙翁咁有名氣 （HKD 13)， 雖然都貴貴地，不過都想排隊試下龍與鳳。嘩，滾滾下既蛋球係你面前發大，完成品大過拳頭👊，金黃色外層沾滿砂糖，已經好想食，新鮮熱辣出爐，咬一口蛋香四溢，滿滿砂糖又吾會使其太甜，最怕是遇上空氣感既沙翁，但佢實在得黎充滿蛋香，熱食味道一流😍如果吾想咁甜，可以要求店員少砂糖，邪惡得黎又無咁內疚😂食兩個都吾過份。總結：聽人講基本上假期先開門 大澳沙翁是天掉下來的禮物🎁回味無窮😋

上次彩完ig陣出嚟Sell大澳嘅片，今日我地就即刻去咗大澳玩。搭咗兩個鐘車仲要係條崎嶇山路落車戈陣真係有想嘔嘅感覺🤮。行咗陣等嘔舒服嘅感覺無咗我地就去搵嘢食。可惜段片入面嘅咖啡店無開，所以我地就即刻去咗尼間大澳餅店即炸嘅沙翁店排隊。我地排戈陣個店員話要等十分鐘（應該岩岩出咗一輪），佢炸緊個味好香，同埋亦係推薦食嘅，咁我地就排，慢慢都多咗好多人係後面排隊。當然，尼間店咖止得一樣嘢食，仲有其他小食，例如核桃酥、冰菠蘿等。如果等得唔耐煩就可以買嚟食住先，過下口癮。等咗一輪，終於炸好，佢地即時幫沙翁碌好多沙糖上去😋。整咗一輪終於有得食，拎上手熱辣辣，個樣仲勁開胃😍。平時茶樓拎嘅沙翁同尼個真係無得比，佢外脆內軟，入面係會有濕濕地嘅感覺而唔係茶樓戈陣擺得耐好乾嘅口感。外面碌咗好多沙糖令到咬落去好有口感，仲甜甜地又唔會over咗😋，好食到我地好似餓鬼投胎咁搶食物😂。本身想再買，但見又再再等就無排，去咗食其他嘢。雖然尼個沙翁唔係大澳特產，但好值得去食，仲要只係12蚊，就算要排一陣隊都超值👍🏿👍🏿👍🏿👍🏿👍🏿。

大澳除左出名炭燒雞蛋仔、茶果之外，仲有必食既沙翁🥰位在大澳的吉慶前街，離遠就見到條人龍，真係好多人排隊！我估是好多遊客都係慕名而來，店舖將沙翁英文譯做叫Tai O Donut🍩沙翁$13一個，大家都排隊等新鮮炸好既沙翁，沙翁炸得好靚😋表面金黃色再加上滿滿既白砂糖，外脆內軟，蛋味好香濃，而且食落唔會油淰淰，但炸好既沙翁真係好熱，唔好咁貪心大啖食🙈不過真心推介，排隊等係值得🥰

🍩🍩🍩🍩🍩🍩🍩🍩公司一年一度秋季旅行btw獵狗好似真係無去過大澳估你唔到咁多好野食迷你版長洲咁 好多都必食！不過.....我覺得出面市區比較難搵到ge係即炸沙翁🙋🏻‍♀️哇~真係即炸我排左20分鐘左右粒粒都係脹卜卜金黃色大過我個拳頭🤤老闆一夾就夾左去砂糖度沾下砂糖沙翁轉左幾個圈 外皮超脆咬開砂糖既外皮🥳入面就係熱騰騰濃濃蛋香去開大澳郊遊記得記得食HKD $12定13蚊Tai O Bakery 大澳金門餅店地址：大澳吉慶街66號

黎到大澳，除咗食茶果同大魚蛋之外，另一名物一定係呢間餅店嘅沙翁！一嚟到已經勁多人排隊，我哋都排左成半粒鐘先買到！我本身唔太鍾意食餅店嘅沙翁，因為覺得好甜同埋有啲油膩，𥚃面又太實。但一經過餅店已經聞到超大陣嘅香味，因為呢一間嘅沙翁係即場炸起，好大舊！同埋熱辣辣，所以吸引我地去試下。熱辣辣同金黃色嘅外皮，外脆內軟，發酵得好好，有少少空氣感而鬆軟。而且唔會太過甜，蛋香味濃！如果真怕太甜，可以問一下店員可唔可以點少D糖係外皮。沙翁真係熱辣辣先好味，我認為係全港最好味嘅沙翁！麵包店嘅完全沒法比！

一搭車入大澳，就聽到啲遊客講緊大澳沙翁所以一落車就緊係要買返件試下啦🤪🤪因為屋企附近都有間餅店賣沙翁好出名，我試過一次，又覺得好一般，所以對呢個大澳沙翁都冇抱太大期望🤨🤨但係行近條隊，見到都幾大粒同埋係即時製作，都覺得排得過嘅😎😎金黃色嘅外皮，咬落外脆內軟，唔怪得咁多人專特黎食啦😀😀不過個人認為啲糖真係多得濟，我食到成咀都係糖😂😂但大家可以放心，食落都唔會話好甜，絕對值得一試！

近排出街食飯次數真係多得太過份 有晚仲要飽到訓唔到為左減低罪惡感 我決定捉男朋友一齊行山減下肥膏而推動既力量就係 行完我地就去食沙翁要一人一粒的就係咁 我就向住目標進發經過3個半鐘 終於到達黎到大澳餅店望住啲即炸即加糖既沙翁個個都乖乖排隊講明先 時間係要停既！每次出爐大約有12個！餅店除左沙翁外 仲有蛋撻 椰撻 波蘿冰我地呢 當然食沙翁啦雖然價錢唔平 仲貴貴地添 $13個但貴在 新鮮 食入口除左外脆內軟之外仲有陣陣既蛋味食完又唔會覺得好似食左陣風咁 好食