大滿喜日本料理 (已結業)

早來的晚餐，以不用兩百元一位於週末旺角享用日式放題，抵！地方是稍有壓迫感，雖然放題中，大部份食品是落單形式，但有小部份食物、酒水和甜品要自取，在空間感有限下有感不便。也吃了很多東西，最特別是有清酒和梅酒供應，我久沒有嘗梅酒，當要要喝！「海膽手卷」中的海膽水準一般，元氣的水準，有得吃總好過沒得吃！魚生，我只點了劍魚腩和油甘魚，切得厚，兩者均沒什魚味，甜蝦亦是，只帶子有點鮮味。「蟹捧壽司」在燒過和添了沙律醬後，味道尚好，當然，不會期望很有蟹味吧，「牛肉壽司」的牛肉超薄，有牛味的，尚不俗。「芝麻雞翼」炸得香口，炸得皮薄，但芝麻分佈有欠平均。「燒牛舌」味道不錯，稍硬的質地，牛味濃而香，有在仙台吃的燒牛舌六七成水準。茄子，沒味的茄子。「燒一口牛肉」，牛肉腍，牛味則淡，吃到鹹味，重手了。「蒜蓉芝士焗蝦」不錯吃，蒜蓉帶出了蝦的味道，這個我多吃了幾隻。這個價錢，我當然不會要求太高，只可以說，以這個價錢在旺角早來的晚市時段吃到這個質素，是大喜的事情，何況，樽裝罐裝飲品和雪榚甜品任飲任吃，只要吃得到，一定物超所值。

成班朋友聚首一堂，有人提議到酒店食自助餐，結果打電話去問價，三百幾蚊位(加一)，卻不是有太多食物選擇，全體打退堂鼓。我記起公司同事話過這間放題店好食又抵食，二佰幾蚊位，我看過飲食雜誌話這間是得獎放題店，結果班友全部一致讚訂位！好彩今日早D Book 位，星期四都全場爆滿！班友一定係食貴野先啦，刺身點了又點，上菜算快了，我好喜歡食甜蝦，好鮮甜，另外D三文魚和榮螺都好食，新鮮的，但八爪魚有點腥，唔係好Like。飲品居然有Lotte，大部人點了Mango，值回票價。蟹棒和鰻魚壽司都好食，重有是 芝士漢堡扒卷，好特別，芝士表面燒得焦香，內面係牛肉，好盞鬼，咀夠大一啖食晒，入面D牛肉好Juicy混著煙韌飯粒香香濃芝士，勁好味。燒羊架、大蝦、鯖魚、燒翠肉瓜、雞軟骨…起碼係即叫即燒，魚有點腥，但蝦夠新鮮彈牙，燒物整OK啦。燒物中愛死了一口芝士，因班友都係芝士怪，叫了又叫，吉列外皮香脆，咬開是流心芝士，你點會唔Encore。炸蠔也好吃，廣島蠔，蠔味夠濃。北海道牛乳海鮮鍋 和 肥牛鍋 海鮮鍋個湯底係主角，好鮮甜；肥牛肉質嫩滑加埋麵鼓湯，好Match，D 黃芽白菜吸湯汁食真係又甜又鮮又有菜味。吃飽飽又來甜

同友人預訂了大滿喜的晚上放題好彩提早預訂了座位，超多人排隊的未入到去都知有料到出面仲有夾公仔比客人消磨時間好了入正題，食放題最緊要梗係刺身啦林林總總唔同刺身都有 亦非常新鮮，上得又快又足好特別的劍魚腩同象拔蚌(埋在煙中)都有並唔係間間放題都有咁高質的食材仲有海膽手卷 極鮮甜 同出面要排隊既手卷店比一D都唔輸蝕 仲細細舊飯 唔阻你食其他野食完生冷野 到熱食了炭燒牛舌，雞軟骨，鰻魚塊都非常有質素，即叫即整，熱辣辣的牛舌又唔會切得太厚肉質非常Juicy 非常抵叫 必食推介仲有一款都是必食之選同海鮮餐廳食既一樣風味汁料非常惹味仲有不得不提的是係飯後既甜品佢係Order 紙既一角完全唔顯眼，但其實好食到喜出望外!入面是流心的心太軟細細粒又唔會太飽！食完呢餐 大滿足!

又到聖誕節聚餐特別多，今晚同班舊同事聚舊、狂歡返一晚，人多既話對食要求都特別多，揀放題就岩哂，咩都有實有款岩食。日式放題幾時都咁受歡迎，搭電梯上去，一開門已經見到人山人海，迫爆左個電梯大堂，好彩我地一早預約左，我諗walk-in黎食既客應該要等2個鐘以上。等左10分鐘左右，好快就有人安排入坐啦，一坐低就拿拿聲點野食，爭取時間，點完先慢慢傾。刺身、炸物、串燒…咩都點住D先。野食上枱速度都幾快，落完單等左陣就有野食。食炸物最怕粉漿太厚，但呢到既炸蠔、炸蝦、一口芝士既粉漿比例剛好，唔會好厚，一口芝士超正，外脆內軟，一咬落去D芝士就流哂出黎。芝麻雞翼好好食，烤到皮脆肉嫩，食落仲有肉汁流出，同埋陣陣既芝麻香味，超正啊，要encore。加上所有炸物上枱時都仲熱，食時夠脆唔會淋哂一向對食牛及羊都冇特別大興趣，呢碟牛柳粒及羊架都唔差，熟度岩岩好，唔會太韌太乾身，夠淋仲有肉汁流出，加上羊架既羊羶味唔重，可以接受。鹽燒鯖魚最好食，燒既時候簡單灑D鹽係面，食時再擠D檸檬汁，皮脆肉滑，咸咸酸酸

在網上訂了位的，餐廳很準時便讓我們入座，也不是太多人在門外等候。進去餐廳之後，桌子很少，位子也很少，我看見旁邊一個比較肥胖的先生，坐在椅子上，差點坐不下去，實在太擠迫了。吃飯的時間是很充裕的，七點半入座，九時最後落單，我覺得其實是可以的。中間也完全沒有劉丹的情況，刺身很新鮮，送上來的熱食溫度也很夠熱，上菜的速度也很快。飲品有很多選擇，什麼都有，甚至還有日本清酒。我選了無糖的烏龍茶。整體上食物是非常滿意的，可惜坐得10分不舒適，基本上坐了入卡位之後是完全無法移動，桌子與桌子之間的距離只有兩三個拳頭。加上在創興廣場樓下排隊搭電梯實在太長的人龍，所以應該不會再來了。

同大胃王朋友食飯就簡左食呢間放題，一定塞飽佢😂呢度野飲都幾多選擇，有凍有常溫有熱茶，同清酒梅酒，梅酒幾香唔錯！沙律前菜甜品都係門口自己拎，又得自己唧雪糕，平時放題得乳酪雪糕但呢度仲有榴槤都幾正，不過就唔算太重味刺身壽司卷物都叫咗大路嘢，刺身好新鮮又肥美可以瘋狂食。卷物好多好特別值得一試！今次食放題，竟然係encore熟食多過刺身🙈熟食天婦羅燒物都好出色特別要講嘅係羊架，唔會柴又厚肉又唔會燒得過龍。炸榴槤波波流心又足料，陣榴槤味會留喺口到勁耐，榴槤控必食！芝士年糕好大粒，燒鰻魚冇骨勁正！反而海鮮粥就麻麻，食得出蟹冇一起煲，但蟹肉鮮甜！甜品就芝士蛋糕同心太軟食左幾次，配乳酪雪糕一流！

十年冇食放題，男朋友突然話想食餐好，就拉佢去食😂😂搵左幾間，見呢間冇食過又好似幾高質就bk枱去食。呢度既侍應好勤力，又好有禮貌，唔似平時個d甘😂因爲我地食完先再點，有round個經理見我地冇野食就主動問係咪漏單未黎😂十分nice👍🏻係出面可以自己拎甜品前菜，可以就住份量拎，唔洗怕食唔哂😂選擇算多，d甜品都冇試哂。⭕️刺身類全部都好新鮮好肥美，特別推薦三文魚蝦同帶子！⭕️壽司反卷手卷類全部都細細件唔會太頂肚，岩哂中意食壽司飯既我！海膽手卷一口過，海膽唔腥又唔算少。有好多特別既反卷，卷物好特別，值得一試！但三文魚腩壽司係普通三文魚唔洗特登食😂😂但燒三文魚個d一定要試，好香油脂咬落又有油香，正！⭕️天婦羅Errrr，唔太喜歡食，但男朋友話好足料唔錯，但選擇較少⭕️燒物其實全部都幾好味但太多款好難寫哂出黎，寫個d係有encore or冇咩surprise既羊架燒得好嫩，唔柴，正！燒鰻魚，好滑好油香又冇骨，勁正！芝麻雞翼大隻又滑，燒元貝濃味，不錯！燒海蝦冇咩驚喜，但都唔差既。燒翠玉瓜，冇牛油味反而好重胡椒味😂⭕️特別必食系列！全部都encore左2次😂炸榴槤波波，好濃榴槤味，一嚟個陣熱辣辣有流心嘅感覺！一

同幾個難約嘅朋友終於約得成梗係要食餐豐富嘅放題啦出到旺角就決定去食大滿喜飲品店內有自助飲品區 入面有紙包、罐裝同樽裝飲品放喺大雪櫃任君選擇食物哩間餐廳嘅選擇好多有成大本簿俾你點菜分曬類 每個種類一張哩度嘅刺身都幾新鮮 一大盤刺身放上枱 上面有啲好有心思嘅裝飾賣相好吸引壽司啲飯唔會太大份量合宜炸物炸得唔算油 夠香口同脆整體而言 哩度啲食物材料好足 唔馬虎 份量唔算多可以俾你試多啲唔同選擇滿足曬每位朋友嘅要求可惜當時太肚餓好多時食完先發現唔記得俾相機食

第一次係旺角食機燒放題，唔錯唔錯～～可以再去！入座無耐，職員就會自動送上海鮮盤，６人去，有２大盤！正有蟹、扇貝、大蝦、聖子、鮑魚、蠔，淨係燒呢Ｄ都有排玩值得一讚的地方：呢間餐廳的職員服務態度很好，見我地唔係好識燒海鮮，就經常行來教我地各樣海觧要點燒，仲會落手幫忙燒。又會提醒我地食個時要注意Ｄ咩，點先係靚海鮮，感覺我地似來上堂多過食飯　全懶有呢位好職員（不過忘記問人地點稱呼，哈哈，掛住食的人）我地先無浪費到食物，大飽口福。呢個亦係我今日會花時間打呢篇食評的原因，有時放題食得多，感覺間間都差唔多，但好的服務態度、貼心的職員就唔係間間都有。雖然有一點要提番，可能係因為當晚食機燒放題的枱唔多，職員先有空閒來幫我地燒，但當晚見佢咁用心教我地同幫忙燒，就知佢地平時的服務態度都有一定水準。起碼唔係個Ｄ一放底食物就閃人，叫親佢都叫你等等先，轉頭又忘記左你既人。不過，我地有６個人，只提供一個爐，真係有排燒，因為Ｄ海鮮都幾大只，每次都只係可以燒幾樣，略嫌慢左Ｄ，如果真係好餓就要點住其他食物先～好在我地去個日唔算多人，點的食物都送得幾快。呢樣值得推介，好正，Ｄ蝦燒得好好，食完要再叫！　細細件，最岩叫多幾款，

早幾日同同事忙左成日，勁攰！ 我倆不約而同地話要食番餐好嘅平均下身心。 佢就推薦左呢間放題，話刺身同熟食都幾好。先講環境： 場內好大 位置較多，但都好爆滿。 設有自助區，食物好多選擇，成個k buffet搬左黎咁有小食 飲料 甜品 沙律。沙律係女士最愛，我係男人所以無食。 不過八爪魚幾好味右上角嘅章魚小丸子都唔錯，粉漿比例幾好，唔會食到成口粉！ 好多人拎炸多春魚好脆要試！最有誠意係口水雞翼料足又入味，香辣帶小酸試完小食 刺生就上啦！！好可惜，我同事等唔切已經食左好多，為左留下美好印象我就無影相啦！可以旁述嫁： 赤大蝦 必食！新鮮得黎好爽口，又甜甜地；象拔蚌、油甘魚都係大愛！ 前者爽脆，後者肥嫩！熟食啦！鍋類有款係辣酒煮花螺，其實我好想食！抱住希望佢唔好太大份嘅心態就叫左啦原來份量好少，好彩！！ 唔算好辣，只係有少少香辣，酒精蒸發晒，但都幾香口。有睇開我嘅食評都知我最愛係燒雞翼～ 我鐘意食！呢款蜜糖雞翼味道係幾好嘅，不過無左痴牙嘅感覺 總覺得爭d d蒲燒鰻魚最好味！ 芝麻香加埋鰻魚 雪花牛肉鍋，個湯好好飲，牛味十足，甜甜地牛肉係靚嘅肥牛，肉質算唔錯！ 甜品啦終於到！ 我同事最鐘意燒菠蘿，

今次因為掛住食，相都吾記得影我地兩個人，一大一細，晚市特價時段，埋單361連加一，算系差吾多一開始就狂寫紙仔不停叫刺身方面，因為睇食評好似食得過，自己又想試多D所以就每樣都叫兩片一黎到發現幾靚bor🐟🐠🐙，有埋視覺效果，而且超新鮮，三文魚厚身，希靈魚多汁吾腥，帶子鮮味，平時少有既象拔蚌好爽口，北極貝都好正仲有D叫左送到黎分吾出系乜，但100%鮮味，無伏！唯獨赤海蝦大隻系大隻，但好似有D腍patpat既feel，吾知本身系感定吾新鮮？？？跟著D🍣壽司送尼，嘩，真系迷你版，試多幾款都得，而且款式認真又多又新奇，超好ar😋🍤炸物方面，🍗芝麻雞翅香脆肉嫩，食得過黃金炸生蠔擺好耐都依然脆口，有生蠔味🐚紫心香芋丸吾錯還可以，系有少少紫芋味🍠，但因為系糯米皮🍡，好易飽肚，所以留反個肚食其他仲好我地都叫芝士年糕，但好似冇送黎？？？吾緊要，留單間間都有ga la😁榴槤炸彈好正，入面超濃超香榴槤味，啱哂榴槤控之後送左個雪花牛肉鍋黎🐮伏味有D濃一鍋菜加豆腐，🐂得兩片牛肉😂😂😂哭笑？？燒物方面，有燒羊架🐐見到個個都叫，應該幾出名，但因為我地吾食羊，所以冇叫到🙋燒蝦，幾好食，殼好薄🐛燒雞軟骨串好正連埋檸檬上必叫

今日朋友生日，帶左佢黎食大滿喜 食開覺得唔錯，品質保證！ 食5:30pm, 有2個鐘時間任食。刺身有放題少見的油甘魚同劍魚腩, 即叫！！ 肥美新鮮！ 最驚喜係珍寶赤海蝦！！！差唔多筷子咁長呀，夠爽口！手卷有海膽手卷回本之作呀！好迷你，岩岩一大啖無晒，又唔會食飽自己！ 熟食方面都有好多心水：燒鰻魚，燒汁味濃得黎又唔會搶左鰻魚嘅鮮味，又滑又入味。黃金蝦呢碟真係同平時大排檔嘅黃金蝦有得fight! 炸得剛好，殼都食埋，咸香帶甘。炸物方面， 炸榴連好足料！ 咬開真係好多榴連漿湧出黎， 食完一個又一個呀！天婦羅嘅炸皮唔厚，上枱仲係熱辣辣的其實除左可以落單order之外，呢度有個自助區， 可以拎沙律、前菜、湯、小食，仲有好多款甜品、雪糕、飲品牛乳布甸好足奶味，甜度適中，推介！馬卡龍試左芝麻味，真係好重芝麻，夾心果層味道同黑芝麻醬一樣濃，如果鐘意食黑芝麻味應該好鐘意呢個！ 大福（最左）試左朱古力口味，入面係朱古力cream, 有少少膩同令人飽肚，所以食一個就停了。最驚喜係雪糕機有榴槤口味食過真係有濃郁嘅榴槤味，正！呢間放題有好多款熟食都唔錯，會令人想encore多幾次

我兩間大滿喜都食過，水準都好好又穩定，今次就想寫寫旺角分店。基本上放題都差不多一模一樣，兩分店的相異不大，旺角人流比較多，所以電梯大堂等位的地方有長沙發。這裏連夾公仔機都有，兩個$2 銀夾一次，公仔的質素也不錯。這邊的甜點是自助型式，款式頗多，賣相也不錯。而且可以看著實物挑選！進入食物部份，刺身新鮮已是基本，特別喜歡這裏不會切到細細粒，也算得上厚切，賣相也很有心思。天婦羅脆漿不會太厚，很熱很鬆脆，也沒有過多的油，證明炸的時候油溫夠高。黑松露蝦壽司味道有驚喜，黑松露的味道與蝦的配合剛好，大家都沒有蓋過對方的味道；泰式生蝦壽司也相當不錯。配搭有新鮮感之餘，味道亦對辦。我每次必食海膽手卷，海膽很鮮甜！熟食選擇都好多，鰻魚給的非常大方。羊架燒得很香，沒有騷味。串燒不會燒得太乾，水準甚佳。

而家香港放題開到成行成市，但好多時任食嘅時間都係得個半鐘或兩個鐘，難得呢間有三個鐘，想同朋友吹水坐耐d都得，9:30pm後入座更有八五折，即刻book 9:30pm來同班姐妹試試。當晚我地未到9:30pm就到左餐廳，reception前面嘅空間都幾大，又有好多凳比人坐，就算好多人一齊等9:30pm果輪都唔太逼，仲有夾公仔機，有得夾百變怪版嘅pokemon *O* 差唔多到9:30pm reception姐姐就開始安排入座。眼見大部分嘅位都係卡位，連兩個人嘅都係卡位，好鍾意呢個貼心嘅安排，咁就唔驚比人聽到我地講是非啦嘿嘿 ^v^一開波即刻攤開曬d紙睇下有咩食！樣樣野食都有圖，張張紙都彩印，整得幾有心機！野食都算唔少，樣樣都好吸引！我唔食太多生野都有好多吸引嘅選擇！瘋狂落單後出去攞野飲，估唔到有勁多選擇！通常香港食飯地方嘅冷氣都好勁，呢間餐廳都唔例外，但佢有熱茶熱水之外，仲有熱維他奶同菊花茶 <3 啱曬我呢d長期手腳冰冷嘅人 其他凍飲都有好多特別選擇，例如梨茶、支裝果汁先生，又有室溫嘅烏龍茶，又一貼心例子！任夾嘅區有冷熱食。冷食主要係日式同台式小食同沙律，d蔬菜都好新鮮，小食都無

繼續試放題。今次呢間係旺角同油麻地地鐵站中間，行去大約五分鐘左右，唔算遠。裏面裝飾企理，坐位尚算寬敞。有自助bar, 值得一讚係啲炸多春魚，夠熱，大條，少粉，真係多春，有唔同醬汁任君選擇，忍唔住食多咗幾條。飲品方面選擇足夠，也有自製北海道牛乳布丁。魚生剌身選擇方面俾上一間多，有大大條赤海蝦，鮮甜厚切劍魚腩。羊架也比一般放題店燒得好。酥炸榴槤球更加係榴槤發燒友嘅至愛。而且上菜速度好快，唔會dum你波鐘。價錢合理。