大滿喜日本料理 (已結業)

一入門口就見到有個沙律吧！勁肚餓！即刻整番碗食先！除左依d小菜！仲有d炸野可以食住先！一路食一路落單！刺身個劍魚腩勁好食！肥得黎唔會好膩啊！希靈魚扎實又有口感！唔會腥！好食啊！個貝柱都夠水份！好甜！壽司質素都唔錯啊！個黑松露蝦好食！黑松露夠濃味！但個蝦又好新鮮！蝦好鮮甜！泰式虎蝦壽司又好特別！有個酸酸辣辣既汁好開胃！火灸壽司都好正啊！夠哂火喉！燒到好香！燒牛舌好彈牙！係再落單之選！個燒豆腐好似臭豆腐咁香！個外層勁香！入面好滑！辣酒花螺好夠辣味！個蘿蔔勁入味！仲有甜品區！最後整個雪糕就最開心！

調高了價錢,再冇去的衝動。價錢已和食燒肉放題無異。亦因此多了選擇,不再那麼單調,甚至可再比多小小錢去選擇有長腳蟹放題食也不錯。酒店價錢現在也有很多推廣,若一大班人去,分分鐘價錢差唔多!要吸引顧客-價錢,食物品質,服務及環境已很重要,飲食競爭好易給人淘汰。

日式放題餐廳在香港比比皆是。在花多眼亂的情況下，要找到一間便宜有質素的放題餐廳通常只能碰碰運氣。幸好有朋友出手相助，勁力推薦到旺角的大滿喜用膳，果然店如其名，令客人食到滿足又歡喜。大滿喜環境設計簡約跳脫，卡位梳化座椅舒適，枱面寬闊，唔怕唔夠位擺放食物。雖然上菜速度非常快，但熱食送來時均是熱騰騰，絕對不是一早預備好閣在一邊等上菜的假熱盤。更值一讚既係没有出現漏單情況！飲品方面種類不少，各式茶品應有盡有。綠茶、烏龍茶、解茶，連雨前龍井都有，啱哂唔想飲水又怕肥既女士。其他飲品有啤酒、雪梨茶，芒果汁、汽水、荳奶、各式紙包飲品，較少見既石榴茶、椰青水⋯⋯多不勝數出面有個小食枱，多款小食擺放整齊乾淨，絕對放心食用。春卷外皮脆口，裏面既蝦膠饀料煙韌富豐，好味。雞翼肉嫩惹味。喜歡刺激的可以一嚐口水雞翼，正放題方面有刺身、壽司、手卷、天婦羅、燒物、炸物、串燒及鍋物。落單紙圖文並茂，絕對係有圖有真相。同d唔識中文既朋友嚟都唔怕佢地唔識點菜，一樣可以隨心所欲揀自己喜歡既食物。刺身上枱時煙霧瀰漫，甚為吸引。而且冇最怕既上枱時墊底冰已溶的情況。刺身出奇地新鮮，魚生及蝦刺身均没有腥味。象拔蚌爽脆鮮甜、三文魚及蝦刺

一大班人聚會貪方便一定係黎約食放題～呢到食早果round有折，200幾蚊真係幾抵，所以就book位試下！入面都幾大，我地4個人有6人枱坐，所以都算鬆動👍🏼坐得舒服點完野食就去自助吧攞野飲，呢到野飲有好多款式，連椰青水都有，幾特別仲有熱飲維他奶果d，good！甜品都唔輸蝕，有蛋糕仔豆腐花雪條雪糕乳酪雪米滋，岩晒我自助吧仲有一啲小食，試左少少味道唔錯，不過要留肚食刺身嘿嘿主角到～～個刺身拼盤會噴煙架。壽司每件都細細隻，可以試多d款式，好味道encore左天婦羅呢個芋圓超好味好飽的情況下食左兩粒呢到上菜好快，又無漏單，食到好滿足😁 性價比好高！

貓貓又食日本野啦。貓貓今日特別想食炸物，串燒，所以一開始就order左牛舌黎舌一舌。牛舌厚切大大個。鹽燒牛舌，夠味，jit啲檸檬汁，酸酸咸咸，口感又彈牙，貓貓食到濕曬個嘴。雞軟骨都燒得好味，口感香脆彈牙，搞到好開心。火隻蟹柳都整得高質，表層既甜味令到成個壽司味道提升。牛肉鵝肝壽司都一流。鵝肝香味融入牛肉，貓貓又濕曬個嘴啦。燒羊架一黎就好熱，夠曬鮮。羊架騷味唔重，軟又juicy,調味落得足，可以encore!原來有得order一塊鰻魚仔，好好味。入口即溶，高質。今餐放題食得啱啱好，貓貓巧開心。

so far 我都好好運，未試過去啲會漏單嘅放題今次食呢間仲要上菜上得勁快！keep 住有得食 😂食放題叫一大盤刺身是常識吧刺身好新鮮，尤其是三文魚勁肥美【 蟹籽軍艦 】同【 黃金魷魚軍艦 】賣相同坊間嘅壽司店一樣，紫菜仲係脆㗎！卷物都整得好靚我淨係食咗中間嗰個【 和牛卷 】，味道唔錯【 薄荷美人魚花卷 】同【 花之戀 】精緻到唔似食緊放題咁 👍🏻實物係細嚿啲，所以可以試多啲唔同嘢【 海膽手卷 】同【 三文魚籽手卷 】手卷實物都係迷你版，唔怕太多飯減低戰鬥力 💪🏻天婦羅都有好多款蟹棒天婦羅好正，蟹肉好實淨唔係麵粉蟹柳食到呢度我都開始飽 😭【 黃金帶子燒 】帶子好大隻，個醬都幾夾重點係呢度啲嘢飲好高質！竟然有呢隻椰子水，超市賣得都幾貴㗎貪心嘅我飲咗兩支 🤤其他飲品目測都幾好咁

今次落香港稳个fan顺便行下旺角街头，即兴吃放题，选择左呢间系创兴广场8楼噶放题餐厅，晚上218蚊/位再黎个8折 相当唔错！，下次黎噶时候继续帮衬！比系广州一洲炉、凯膳会正好多！

三月正是小弟和愛人的紀念日！ 當日我哋去咗我哋平時嘅飯堂！ 其實也有很多人食過了， 冇咩食得介紹！ 但該店又有新搞作， 搞咗個磯燒放題， 咁就要試下啦！ 一坐下，已有一碟基本嘅海產嘢食，大大隻既生豪， 大蝦，元貝，聖子，重有鮑魚！而我既愛人致愛係蟹蓋！ 海產的確很新鮮！ 但很可惜只是一次性！ 而可再叫的便是其他品種了(細隻D)，但品質也算不錯！ 買平時嘅日式放題再加上這個環節，的確生色不少！ 另外再值得一提的是，有蠔仔粥(客自己㷛)

出糧之日，乖女如我，當然要請屋企人食返餐飯先羊鞍燒得好靚，見到D油脂滴出黎咁唔只得個樣，燒得剛好，肉唔UN，一咬就甩有少少蘇，咁先係羊肉既精粹鹵水雞翼估唔到係放題黎到見到鹵水雞翼叫左兩隻黎試下，都尚算入味，不過味道稱唔上好濃勝在肉質嫩滑炸蠔、芝麻雞翼，炸得一D都唔過火蠔差少少熟，有蠔味之餘，仲有半熟既質感芝麻雞翼都幾香口，外皮香脆，內裡都有肉汁壽司人多可以叫多幾款壽司試下壽司上面既刺身都幾新鮮，都食得出甜味大蝦沙律沙律菜色澤新鮮，咬落都幾爽脆處理得幾乾淨，大蝦都大隻同彈牙，唔差呀

第一次去大滿喜食放題，真係有驚喜。環境幽暗，同埋座位多以大卡座為主，同朋友邊食邊傾唔驚比人聽到，私隱度高。入到去坐底已經開始寫放題紙，刺身炸物手卷壽司熟食呢啲就一定有，選擇都幾多但款底相差無幾。枱面有個骨盛姐係專門用黎裝骨幾細心。重點係，出面有前菜拎，以凍食生果為主(生菜，小蕃茄，粟米) 其次，仲有幾款炸物(薯格，炸多春魚，蛋撻，雞腿等)同埋正宗老火湯，怕熱氣既人真係要飲番碗。野食方面，基本上填完表唔洗10分鐘上哂枱，刺身一黎就冒住白煙幾特別影相好靚，望落塊塊魚生都好新鮮色澤美，食落都好爽口，正！炸物方面都係keep到皮脆內軟，雞翼一口芝士就一定必叫架啦！而手卷叫左海膽手卷同龍蝦沙津手卷，細細舊一啖食哂唔洗食咁多飯。壽司最特別係煙肉卷，粉紅色架好靚食落都味道幾match,仲有花之戀等都係水準上。再食埋燒牛舌雞軟骨就到甜品啦。甜品方面真係好豐富下，係自助形式。成個櫃都係一口cake,馬卡龍，啲店員仲推薦我地食朱古力杯話最好食，果然真係好夠味，連食2杯。杯裝/支裝雪糕，仲有原味/草莓乳酪任你裝，有3款果醬同埋可可豆，彩針聰明豆比你任加，真係好滋味。平時晏晝可以食足3個鐘，同女仔黎最啱野食不

日本放題, 依家好多選擇, 一班朋友今之揀去 “大滿喜” 真係超開心!! 一來就個大魚生拼盆, 唔係特別叫好多, 都係叫鍾愛幾款, 鮮鮮蝦, 放得整整齊齊, 好新鮮再叫壽司, 叫左好多長蟹捧, 表層燒過, 很香, 有少少沙律醬, 好, 蟹捧係正個D 啊, 有蟹味加埋沙律醬, 好味! 鰻魚都唔錯, 個燒汁幾好味, 都幾大件, 個壽司飯合格, 不錯不錯叫了好多串燒, 脆玉瓜甜又夠健康, 食多幾串都仲得, 又有燒蝦幾串叫了好幾款炸物, 哈哈成碟都係, 今次仲唔熱氣死, 都真係好多選擇, 有炸蠔當然要食熱物, 湯烏冬, 湯蜆, 雖然蜆細細隻, 但蜆好清甜啊, 湯少不了.下次一型朋友又多個放題地方!! 放題多款式, 唔食魚生, 食熱物都好多選擇

同2個朋友去了呢間大滿喜食放題，book左8點半，但大多人食呢個時段，都要等20分鐘先入到去坐。坐低打開本menu同一般放題一樣。但食物送到黎時就發現呢間放題好好食。落完單去拎飲品，好驚訝竟然有Mr. Juice楊枝金露，仲有清熱酷。在超市單買都要$8-10一支，之前食既放題都無見過。同一般放題一樣，必定叫壽司、刺身、天婦羅及蟹粥等食物，個人認為質素算高。特別介紹幾樣食物:1)燒菠蘿表面睇燒到幾燶及乾身，但實際咬落去完全無燶味，而且仲有D汁，唔算乾2)蒲燒鰻魚(可惜掛住食唔記得影相)燒鰻魚切好了一細件，一口一件容易食，而且是熱辣辣出住煙送黎。食入口之後，鰻魚入口即溶，味道濃郁，好好食。我仲叫左3 round食，每round大約6-8件。3)燒帶子之前食過有D燒帶子，一係幾燶，一係就帶子唔靚，所以食完好多渣在牙罅中。呢間既燒帶子，質素幾好，而且大部份都無渣，亦好好食。因為食得太飽，甜品只食左一個杯裝雀巢雪糕。但見到仲有啫哩、布甸等不同甜品埋單每人$250，放題黎講唔算貴。但真的認為呢間質素高，上菜速度非常快，非常滿意。知道在觀塘開左分店，住九龍東既我下次可以再去試下呢間!!

嘩，嘩，嘩🤤冬天又就嚟完啦，代表大吃大喝嘅時間都要減少😫因爲夏天唔可以食咁多今次因為朋友仔要返外國，咁嗰邊又冇得食放題，所以我哋就特登去咗喺旺角創興到食番餐😁入到去餐廳有一個自助式嘅沙律吧，亦都有唔同嘅甜品同埋雪糕可以任拎，自己配搭✌🏻飲品嘅種類選擇亦都好多，放題食嘅嘢都會有啲熱氣所以我就揀咗飲清熱號，一黎又唔會好似汽水咁濟、而且可以冇咁熱氣😎坐低點完嘢食之後，就出咗去攞一啲小食先，有幾樣都幾值得推介👏🏻👏🏻尤其是佢個玉子燒，個蛋好軟熟，中間夾住一啲芝士，因為實在太好食，而且外面而家好多地方都賣得好貴，我都食咗5件🙈入口有半溶嘅感覺真係好正😻😻雖然係好邪惡嘅食物，但而家諗返都好想再食另外有迷你葡撻都好好味，個面有少少燶，加上蛋香，最啱係細細件，對於鍾意食撻嘅我可以過下口癮😋中華冷面都係一樣幾開胃嘅食物，裏面溝左一啲芝麻醬，酸酸地幾開胃，又係細細碗，又唔會太飽可以試到其他嘢蒜香牛油炒帆立貝好香口，小小洋蔥加埋粒帆立貝，雖然係炒出嚟但都不失鮮味💓不得不提嘅就係迷你龍蝦沙律手卷，一口就食得完但裏面並唔會飯多過龍蝦沙律，呢個真係好好味，因為我鍾意沙律酸酸甜甜個種感覺🕶雞軟骨同天婦羅都唔會太油膩

同班舊朋友係旺角行街行到咁上下即興想食放題，知道旺角放題其實有好多，於是係openrice到搵食就搵到呢間，咁岩又係附近，一於黎呢到。食放題通常都好full，如果好似我地咁冇預訂即興去食既都唔知要等到幾時，諗住搏下早d去唔多人，點知真係比我地搏到喎，lucky刺身肯定係必食嫁啦，齋睇都覺得新鮮，大大隻赤蝦my favorites，最鍾意它嗰種鮮甜又帶黏口既口感，每食完一隻個口仲留有殘餘既甘甜味，好正，食過赤蝦之後，細細隻既甜蝦已經唔放在眼內了。三文魚都好食，厚切食落口感so creamy繼續唔好比佢停，再黎係熟食，天婦羅炸蝦其實我就麻麻地有興趣不過值得讚既係炸粉唔多，完!芝麻雞翼亦係我最愛食物之一，外皮芝麻夠香唔再講，咬落脆卜卜，內裡又嫩又滑又多汁，一食要打孖上先夠喉仲有呢2樣味道一般，又未至於難食。泰式鳳爪唔錯，爽口彈牙，又酸又辣好開胃，幾好食，食野食到濟濟地食完幾隻鳳爪就可以繼續啦。$240有2小時任食，而且種類又唔少，味道又唔差，都算抵食。又要食又要影相時間唔係好夠，所以影完第一輪既就專心品嘗啦

一大班人出黎，諗唔到食咩好，最方便就係去食放題，梗係啦咩都有唔使諗丫馬。佢地先黎食一大盤刺身，而我個人黎講，就唔係太喜好刺身，所以我就無試到。我鍾意食串燒，所以食鹽燒海蝦，蝦殻燒成金紅色而殻燒到薄脆，蝦肉食落彈牙新鮮，味道由於鹽燒關係帶點鹹，但更能帶出鮮味，蝦頭仲帶點蝦膏添。而雞軟骨入口就爽脆，由於本身已經夠軟，經煮炸後就變成肉淋骨脆了，而且裡面仲有雞汁添，好味。跟住食炸物，有炸廣島蠔，係即叫即炸，用黎炸既麵包糠夠薄，而蠔肉夠滑夠軟，食落仲有成啖蠔汁係裡面，好豐富好甜添。仲有芝麻雞翼，雞翼外皮炸成超脆口，好邪惡地迫我食晒層雞皮，至於裡面充滿肉汁既雞肉，香噴噴仲夠滑添，係一隻慾罷不能既雞翼。除左刺身，燒物同炸物，仲有鍋物添。呢鍋係鮮牛肉豆腐鍋，牛肉滾到粉紅色已經食得啦，又嫩又滑既牛肉，真係食多幾片都唔拘。豆腐同個湯底就係精華啦，牛肉既甜味同精華都係湯底度，仲要幾暖肚添。呢度既放題都包埋任飲，汽水，茶乜都有，仲有啤酒添，岩晒唔同人既口味。最估唔到呢到係有萄撻食架，我忍唔住口雖然飽飽地都食左兩件，鬆脆既酥皮，仲有滑滑既蛋，令我第二個胃都滿晒。