大滿喜日本料理 (已結業)

星期五19號係我屋企親愛的媽媽生日，我地提早預約了大滿喜一家人去食放題刷哂勁既當晚預約了8:30pm，到達時已見好多人排隊，好熱鬧！好快我地就安排入座，坐一張6人卡位 環境好舒適 好闊落！坐好之後馬上睇下有咩食先我地都係刺身愛好者 所以第一輪叫左刺身先有好多種類:三文魚 劍魚腩 油甘魚 北寄貝 大甜蝦等等 所有刺身都好新鮮肥美 全部都夠冰凍當中我地最愛就係大大隻既甜蝦 有成隻手掌咁大隻一啖咬落去好甜好滿足！一輪刺身好快就比我地消滅左！即刻再Encore多次刺身！再叫一D壽司！壽司種類都唔少，仲有超可愛既迷你海膽手卷！比較細心，手卷細細個，唔會話要食好多飯食飽，讚等刺身同壽司黎既同時，岀去自助吧睇下有咩食先!飲品種類好多，也有爸爸最愛既啤酒！小食好多都係自助形式 中意食幾多自己夾我地試左螺肉 八爪魚 泰式鳳爪 麻辣雞翼等全部都好好味 正！仲有多款既燒物:鰻魚(超正 熱辣辣 個汁好好味)燒蝦，燒雞軟骨，燒羊架最推介既係牛油燒翠玉瓜，100分好食！每舊都充滿牛油香 勁juice 我自己一個都食左10塊天婦羅有大蝦，蟹棒，南瓜，蕃薯仔芝麻雞翼又係一試停唔到口，新鮮熱辣焗帶子，沙拉醬好正，一啖

兩百幾蚊既放題通街都係， 食過好多間， 質素參差，所以我同男朋友鐘意試啲之前未試過既， 可以比較下嘛！之前有朋友介紹話創興廣場既大滿喜唔錯， 所以就拖埋男朋友黎試試！我地食第二輪8點幾果場， 未夠鐘門口已經塞滿晒人等入座， 我地一早book定位， 所以好快就入得！門口帶位既靚女都好好禮貌同好有笑容😁刺身：大蝦好大隻， 長過塊面， 口感彈牙甜美， 回本首選！壽司&手卷：試左幾款， 無論係壽司定手卷， size都係細細個， 飯份量唔會好多， 令個主角更特出， 最值得推介既係海膽手卷同帶子壽司！海膽同帶子都好鮮甜， 令人食完仲好想再食既感覺！熟食：羊架肉質嫩囗， 一啲都唔un! 上面有香草同胡椒， 帶出淡淡羊味！燒鰻魚口感軟滑， 上檯仲熱辣辣！花螺無沙入味！蜜糖燒雞翼外面層皮脆脆哋，裡面啲肉仲好嫩滑！飲品：款式多到暈， 連出面賣緊十蚊支既椰青水都有， 真係估唔到！甜品：款式一樣超多， 我最鐘意就係細盒既豆腐花， 仲有乳酪雪糕， 可以自己添加唔同既配料！總括黎講：回頭率高！下次要試埋呢度個磯燒先得！

一年一度嘅母親大人生日又到啦，一家人梗係間媽咪最鍾意食嘅日式放題啦！上網睇過下都知道依度好評如潮，就嚟試吓啦我哋訂左八點半入場。坐低第一時間首選梗係刺身先啦超肥美嘅三文魚腩、半塊面長嘅珍寶赤蝦、爽甜嘅劍魚腩！絕對打開哂係我哋嗰胃令我最大驚喜就係呢度有個冷盤、熟食自助枱！泰式鳳爪、芝麻八爪魚超好味！第二樣大驚喜就係-手卷，每一件都係迷你手卷，可以話係一啖一口！可以一次過滿足你幾個願望！海膽手卷好鮮啊～黎到中段就開始熟食時間！炸物我至愛！香芋丸榴槤丸-每次食都會停唔到口芝麻雞翼更加無得輸！超香脆！最後推介就係呢度嘅主食-瑤柱蟹粥，好大粒瑤柱粥吸收左蟹嘅精華，必食總括嚟講，呢間放題都俾我哋一家人滿滿驚喜又食得好滿足！推介！

同一班姊妹聚會嘅時間又到啦！今晚要食得開心啲！決定來呢度好評如潮嘅放題試吓！我哋食八點半果場，依然係好旺場好熱鬧。一坐低嗱嗱臨就睇下有咩食先！第一輪刺身，當然冇令我失望，好新鮮好大隻赤蝦另外我亦都好欣賞嘅係-卷物，細細件！每一件都睇得出用心製造！第二輪就係熟食時間令我哋一班姊妹驚喜嘅係牛油燒翠玉瓜，真係食到令人欲罷不能！每一見件充滿牛油香味，加上小小黑椒調味！燒鰻魚- 原件上碟加！最鍾意食鰻魚嘅我，真係真係停唔到口 燒菠蘿-超甜超多汁必食！開胃之選仲有一樣野好值得推介嘅係-飲品區呢度除咗種類多選擇，有我最愛嘅椰子水之外，令我最欣賞嘅係依度仲有好幾款熱飲！可以話係好細心最後當然唔少得甜品環節超香濃嘅乳酪雪糕～仲有多款甜品配料俾你加總括嚟講試過咁多間放題，呢間放題係最俘虜咗我嘅心以後應該都會成日幫襯！

趁今日放假唔洗做， 約埋班老死出黎旺角食-玩-hea! 出得黎旺角， 梗係要揀間好食既放題大吃特吃啦！而家啲放題開到成行成市， 五花百門， 千挑萬選之下， 揀左創興廣場8樓既大滿喜試下！一出電梯。。。嘩！多人到呢！好彩我地有book位， 等左唔洗5分鐘就有檯！值得一讚！等位既地方放左幾部夾公仔機， 等位既朋友可以一試運氣！呢度裝修都好靚， 天花同牆身裝飾都好吸睛！一坐底梗係要點啲刺身開左個胃先啦！最正既係，三文魚腩勁肥美，油脂分佈均混， 入口有溶化感覺！北寄貝肉質鮮甜， 大大隻既蝦更加無得輸， 爽口彈牙！熟食都有唔少選擇！先講天婦羅， 粉唔太厚， 加埋個汁， 正！芝麻雞翼熱辣辣， 皮脆肉嫩， 一上檯趁熱食真係無得頂！炸物都好出色， 一口芝士同雞軟骨都好好味！蟹粥真係有成隻蟹係度， 仲要有瑤柱架！蔬菜類最好食既係牛油燒翠玉瓜， 超多汁既翠玉瓜加濃烈既牛油再加少少黑胡椒， 真係會食到十件八件！整體黎講， 服務好， 無漏單， 食物質素高， 下次會再黎過！

創興8樓-大滿喜差唔多12點就可以入拎出面啲野食先。沙律。前菜。熱食。甜品同野飲！唧雪糕竟然係榴蓮。當然唔放過啦。熱食有啲炸野。章魚丸。牛油雜菇。芝士西蘭花。枝豆。口水雞亦。等等中式湯係粟米蘿蔔湯。正呀。好足料夠哂甜！沙律都算多選擇。仲有啲螺肉。八爪魚。甜品有大福。芒果芝士蛋糕。馬卡龍。朱古力蛋糕。百福豆腐花等等。大福幾好食。個皮qq，裡面啲cream又滑而唔甜！芒果芝士蛋糕多左啲芒果味。但無淨芝士咁好食囉！章魚丸出面2-30蚊得6粒！呢到任你夾。雖然唔夠熱。但都足料嘅。加埋沙律醬都唔錯架！要落單嘅野都幾快到。雖然有一兩次漏單。但一同啲職員講。都即刻補返！服務唔錯！羊鞍第一轉又大件又好食。之後再叫就差左。好肥！魚生就普通啲喇。不過好在我最愛嘅希靈魚好好食！好可惜呢到無芝士年糕。食炸芝士補數。當大家嘅評價係好漏嘅時候。對我嚟講係唔錯。當然仲希榴蓮炸彈同炸紫心芋丸啦！炒雜菜都唔錯喎。燒饅食。都係我必食之選！鐵板牛柳粒。燒鯖魚。黃金帶子。好多沙律醬加帶子。蜜汁雞亦。牛舌。麻麻地。無味。仲有心太軟。細細件。而且堅心軟。好食啊！今次同埋啲朋友一齊食仲叫左好多壽司。望到都飽！食到2點幾$178+1

今日同媽媽慶祝母親節特登訂咗位，其實已經係第四定五次呢到食。壽司款式都算多但係唔知係咪因為今日人太多覺得啲肉整得唔係太好， 飯都好似乾身得濟刺身第一輪都還可以但到第二輪非常之唔新鮮而湯物其實全部都係比較味精味，同偏油，而且肉係非常之少可能驚蝕本？仲要勁多菜當然啦榴槤炸彈都好好食，而炸天婦羅都唔錯保留到水準，同埋佢嘅心太軟都幾好食而嘢飲嘅種類都非常之多呢方面都不過不失啦都算收得快啲紙而嘢食黎得都算快。

今次黎到大滿喜🤤午市又可以食3粒鐘！抵🙋🏻🙋🏻啲刺身好厚 好有口感😛唔會話雪到冇味 都幾新鮮😇叫左幾個sushi 有幾款都幾新穎😛😛落茄汁既sushi係味未嘗試過呢？原來都幾好食🤤🤤佢仲有炸物同蛋撻食！正！熱辣辣 炸物又脆 薯格唔會話淋晒 蛋撻都好有味 酥皮做得唔錯🙌🏻呢間放題真係正一入到去已經比呢個機吸引左 冇錯 就係吱雪糕機😻😻仲有好多配料同醬比你揀🤤🤤Yogurt配甜甜既醬配彩針 正🤤🤤好好食🤤

朋友介紹，話旺角呢幢大廈好多野食，有雞煲、打邊爐、放題，想食咩都得。所以我地就決定左BOOK呢間大滿喜，好似評價都唔錯。由於係假日關係，時間又尚早，所以餐廳既人唔係好多，我地等侍應帶我地去到座位，就出左去揀野食。因為出面有飲品櫃 (冷熱都有)、冷盤枱、甜品櫃 & 雪糕櫃，都算幾半自助形式。落完單紙，係野食未黎之前，我地決定左出去拎D冷盤食住等。八爪魚都幾大隻，同埋唔係放左係室溫太耐，食落仲彈牙脆口，幾好味。其他好似中華沙律同埋螺肉都唔錯，所以食頭輪有頭輪既好。野食終於到~~~刺身類★★★★★呢到既刺身都算唔錯，大路既刺身都有，好似三文魚、蝦、象拔蚌、劍魚腩等等，款款好新鮮，幾鮮味，不過肚仔今日唔多舒服，就唔食咁多生冷野，如果唔係，我一定會叫多D。壽司類★★★★★平時食到既軍艦，呢到都點到，仲有D小卷，同埋手卷，點左個手卷食，壽司飯既味道唔錯，岩我口味，不過入面既食物好似少左D，如果多返D會好味好多。熟食類★★★★熟食既選擇都好多， 食左個必食鐵板牛柳粒，粒粒牛肉都好淋，肉質都鎖哂係入面，唔會好痴牙。吉烈蠔都好好味，炸粉唔會太厚，而且蠔夠大隻，好滿足。仲有食左其仔，總括黎講都唔錯！

而家既放題開到成行成市，差唔多區區都會有，只要你想食，就唔難搵到佢地既踪形，不過好唔好食都幾睇彩數。識得係旺角搵食既朋友，都知創興廣場有好多唔同種類既食肆。咁難得黎到月尾出糧日，唔對自己好D點得。呢到既無酒精飲品係自己出去雪櫃拎，怕凍仲有熱櫃放左D維他飲品係到，又幾貼心喎。係雪櫃既附近仲有一個食物枱，放左好多冷盤係到，有八爪魚、中華沙律、辣味螺肉、幾款蔬果，全部自助。食飽飽仲有雪糕拎，你想食咩都得。至於點心紙，都係一般平時係其他放題點食到既食物，刺身都算新鮮，無咩雪味，幾爽口彈牙。壽司類都係細細件，唔會話突登整到D飯好大舊然後食飽你。其他熱食都唔錯，漏單情況比較少，好飽好滿足。

復活節假放完, 又要回到現實生活了....正常就梗係未回魂啦~ 約埋友人食放題, 脫離一下殘酷的世界~~環境:  平日8:30pm人流都唔多, 即時入席~座位都好多, 除了方方正正枱, 都有卡位, 亦有凹入去既位置, 可以大班人(8-10人到)圍埋一齊坐, 咁都幾好, 易d傾計~開餐喇~~~餐牌係彩色架, 啱晒我呢d視覺派, 睇相好過睇字~細細張紙, 交單時可以唔駛考慮咁耐.... 因為如果大大張紙, 我只剔一樣.... 又好似好浪費張紙咁...  食物:頭盤梗係叫d刺身先啦~~!! 因為友人唔好刺身, 所以叫得唔多~ 唔似隔離台d刺身拼盤砌到大大盤, 好靚咁~我覺得最好味係螺肉、象拔蚌、鮮帶子~ 螺肉係我食過最好鮮甜~!! 象拔蚌唔係度度有得叫, 爽口唔腥~鮮帶子壽司好肥美~ 赤貝亦唔腥大大件, 飯就細細件~ 抵讚~   到燒物炸物~炸物全都是剛炸起的~ 熱辣辣最好食芝麻雞翼好正呀~ 外脆內嫩~ 吃完一隻又一隻~~ 炸蠔裡面乾身, 味道不錯, 若炸粉再薄dd就更好了~我最愛.... 這三大炸粒粒~~ 真係要大力推介第一位: 炸榴槤外皮脆脆, 唔太厚, 裡面粒榴槤糯米糍大大粒, 糯米皮

平時星期日放假都會有點憂鬱的心情, 因為星期一又要返工喇。今個星期日心情就大不同喇, 旨因聽日仲係紅日。心情好, 自己同屋企人出街食下飯喇, 一於去食好耐冇去嘅日式放題!!!今次去旺角大滿喜, 之前有同事食過都話正。早左少少到, 好多人等排隊, 成棟大廈好多放題同雞煲, 好彩早少少到, 唔係會遲呢。去到講booking no. 就得架喇。餐廳環境都大, 原來仲有做磯燒海鮮呢, 可惜book左放題, 下次有機會再試試先!!!坐低畫完一輪嘢食之後, 就出去自助區度拎嘢飲同睇下有咩熟食。飲品方面都多完化, 而且仲有熱茶可以自己斟。有冷盤好似中華沙律同螺肉等, 仲可以自己撈沙律食添, 有唔同沙律醬俾你揀。甜品有細細件嘅蛋糕同大福等, 而且仲有乳酪雪糕自己唧同雪糕杯等。之前第一輪嘅刺身唔記得影, 呢盤係再叫嘅, 刺身方面都唔錯, 新鮮而且選擇都唔少, 榮螺係出奇地鮮甜, 少有!!!右邊係炸榴槤丸, 榴槤味濃, 喜愛榴槤嘅朋友一定要試,另外炸香芋丸都好味, 必食。火灸壽司款式唔少, 輕輕燒一燒, 油脂味更濃郁, 首選三文魚腩同左口魚邊。一口牛都好食, 牛肉肉淋, 食落無筋, 而且味道濃郁, 送啤

真心掛日本到狂叫朋友食日本嘢，終於有人show我，咁我地就食呢間放題。為左就我呢間有返工難放工嘅朋友，我地三個食830呢轉，人唔算多。一嚟到有個中間位，有哂熟食，甜品，雪榚雪條，飲品任拎，仲有湯！聽過朋友講佢心太軟好好食，要留啲quota係後面。刺身不錯，無雪味。壽司ok，啲飯唔會散嘅（之前食過啲飯一夾就散）。羊，真係，如果你好喜歡羊嘅話，麻煩留quota係羊度，好juicy，啲味鎖實哂，肥同肉比例好。一口芝士同一口榴連係絕對絕對不能錯過！鍋物叫左牛，好味。到心太軟，無令我地失望，好濃，細細舊一啖食落口好滿足，忍唔住叫多round。仲有牛流布丁，好濃嘅牛奶，唔似平時飲嘅牛奶，奶味濃。有樣不得不講，職員收碟超快手，令到枱面空間夠。而且亦好細心，好快帶到迷惘嘅客人搵到朋友。

今日係預祝某Y既生日飯，1行4人+某Y 11個月既BB小熊黎到大滿喜食放題~5點半入座，一開始梗係要食刺身先啦嘩，好靚呀~ 刺身上面放左一個內放乾冰的可愛裝飾，有一層煙霞在刺身上面飄蕩，個個都忍唔住要影相啦。刺身上枱時夠凍又夠鮮甜，讚~壽司水準ok, d飯夠細唔會令人過飽再黎燒物同炸物，全部都係熱辣辣上黎既，又唔會太咸，推介南瓜天婦羅同串燒牛舌仲有1樣大家都覺得係極品既：榴槤炸彈(鐘意既覺得超香，唔鐘意既覺得超臭). 岩岩開始食嗰陣唔覺臭, 但過一陣濃烈既臭味就飄出黎啦 (我要死啦)因為小熊好為食，而且上次對榴槤味既雪條都表現出極大既興趣，所以今次就拆開左個炸彈用筷子點d榴槤蓉比佢。食左後，佢就拋下佢碗烏冬，雙眼放光，眼神追住對筷子上既榴槤蓉轉，如果不是某Y抱著，他應該是用餓熊撲蜜的姿勢趴上去吧~一口又一口，boss BB終於成功將全個炸彈既內容物拆吃入肚，拯救左我呢個無辜嘅人飲品方面有各式汽水，韓國啤酒，還有細支裝既道地茶品，樽裝飲品實在是家長既恩物，起碼唔會因為小朋友的好動而令桌面全濕。出面還有沙津吧，小食枱，甜品櫃，自助雪糕機等等整體來說，這一餐大家(包括boss BB)都十分滿

同朋友到旺角食放題，朋友推介話可以食磯燒海鮮，但係去到先知原來book 枱時有分燒海鮮區同普通區，話我地book 左普通區不能安排燒海鮮區，令朋友有失所望，如果大家訂枱時記得說明是否要book燒海鮮區。好在不減叔是晚暴食發動，刺身先上枱，整體來說非常新鮮，特別正既係帶頭甜蝦，油甘魚，同三文魚腩，非常肥美，其他鮑片，象拔蚌，劍魚腩，大蝦，希靈魚，帶子的水準亦相當不錯，不停安哥，相信對刺身情有獨鍾既人黎講一定非常滿足。熱食時間推介天婦羅，有蟹棒，大蝦，紫色甜薯，南瓜都有高水準，炸得鬆脆，熱辣辣上枱，無得輸。壽司推介火炙左口魚邊，油脂香十足，入口即溶，火炙和牛壽司亦相當不錯，牛肉味濃，肉質嫩滑。海膽手卷同三文魚籽手卷都可以任叫，size 小小剛剛好1啖1個，海膽有少少腥，但三文魚籽有驚喜，咬落去卜卜聲，咸咸香香的魚油滲入壽司飯，非常鮮味。花之戀size 都係整到1啖1個，用上優質三文魚，配蟹籽沙律醬，口感豐富，推介!炸物推介吉列蠔，蠔唔算細隻，炸到外脆內軟，好多汁，蠔肉亦都唔腥，蠔味新鮮濃厚。芝麻雞翼炸得非常香脆，帶甜甜醬油味，不錯。繼續熱食進攻，肥牛火鍋的壽喜燒湯底非常惹味，肥牛質數不錯